Naingolan

Zyrtare | Nis festa në ishull, “ninxha” rikthehet në shtëpi

Sport Ekspres — Mon, 05 Aug 2019 12:51:55 +0000

Interi nuk zgjodhi të mbante një lojtar si ai. Këtë e bën Kaljari. Raxha Naingolan është lojtari më i ri i tyre. Belgu vjen në Sardenjë me formën e huazimit për një sezon. Interi nuk i dëshironte shërbimet e tij për shkak të sjelljes së belgut jashtë fushe.

Naingolan nuk kishte mundësi të transferohej jashtë Italisë për shkak të gjëndjes së rënduar shëndetësore të gruas së tij. Kështu, Kaljari ishte mundësia më e mirë. Gruaja është nga ajo zonë dhe në këtë mënyrë do të ketë edhe familjarët e tjerë pranë saj.

Ndërkohë, Naingolan kthehet te klubi që e promovoi në nivelin e lartë të futbollit italian. Më parë ai ka kaluar plot katër sezone me Kaljarin, përpara se të zbarkonte në Romë.

View this post on Instagram

Bentornato a casa, Ninja! ?? —— #Nainggolan #bentornatoNinja #forzaCasteddu —— Segui/Follow @cagliaricalcio

A post shared by Cagliari Calcio (@cagliaricalcio) on Aug 5, 2019 at 4:27am PDT

Naingolan sulmon: Inter do pendohesh që më largove

Sport Ekspres — Sat, 03 Aug 2019 07:16:36 +0000

Interi e largoi me pahir dhe Naingolan e pranoi dëshirën e Kontes, që përtej cilësive të mëdha nuk e donte në ekip. Me ardhjen e trajnerit të ri, Naingolan ishte i destinuar të ishte “kurbani” i parë. Sipas italianit, mesfushori prish frymën e grupit dhe nuk e ka në plan të parë futbollin.
Ai është larguar për te Kaljari. Ishte një zgjedhje e detyruar për yllin bleg, pasi gruaja e tij duhet të ishte pranë familjes së saj, pasi është diagnostikuar me kancer dhe po i nënshtrohet kimioterapisë. Në një intervistë Naingolan premton se do e bëjë Interin të pendohet që e largoi. Thekson se ishte i detyruar të zgjidhte Kaljarin.

“Jam i lumtur që kthehem në shtëpi. Unë bëra një zgjedhje pak të detyruar, por në fund të fundit e mora këtë vendim dhe shpresoj të bëj mirë atje. Kam përparësi të tjera tani, kështu që ishte e lehtë për të bërë zgjedhjen në këtë rast. Tani sfidoj veten time. Do të kthehem te Kaljari dhe do përpiqem të provoj se Interi gaboi që më largoi”, u shpreh ylli belg.

E prisnin te Fiorentina, Naingolan rikthehet në shtëpi

Sport Ekspres — Thu, 01 Aug 2019 18:27:45 +0000

Naingolan ishte e sigurt se do largohej nga Interi dhe mbetej të mësohej vetën skuadra e re e mesfushorit. Belgu e ka gati të pamundur të largohet nga Italia për shkak të gjëndjes së vështirë shëndetësore të gruas së tij.
Presidenti i Kaljarit, Tomaso Guilini ka qenë ditën e sotme në zyrat e Interit dhe pas daljes nga ambientet zikaltër ka konfirmuar marrëveshjen për Naingolan. Me ardhjen te Kaljari ai pritet të ulë pretendimet për pagën.

Nga 4.5 milionë euro që merr te Interi ai do paguhet 3 milionë te Kaljari. Kjo zgjedhje e tij vjen edhe pasi gruaja është nga ajo zonë dhe do të ketë mundësi të jetë pranë familjes në këtë moment kritik, pas diagnostifikimit me kancer. Për momentin huazimi është versioni më i mundshëm.

Konte nuk e do, Naingolan çudit me dëshirën e tij

Sport Ekspres — Fri, 26 Jul 2019 15:40:10 +0000

Naingolan me sjelljen e tij jashtë fushe i “ka mërzitur” shumë klubet ku ka shkuar. Belgu nuk ka në plan t’i kushtojë gjithë kohën futbollit dhe kjo gjë sigurisht nuk ka sesi të pëlqehet nga trajnerët. E hoqën nga Roma për ta sjellë te Inter dhe tani vjen koha ta largojnë edhe nga “San Siro”.

Konte e ka larguar nga grumbullimi dhe Naingolan po kërkon për një klub të ri, që me sa duket e ka gjetur. Mesfushori kërkon të rikthehet te Kaljari, ku ka luajtur më parë në periudhën 2010-2014, përpara se të shkonte te Roma. Sipas “Sky Sport”, ai po i kërkon me ngulm Marotës të transferohet në ish-klubin e tij. Atje Raxha do të formonte nje dyshe të fortë “gladiatorësh” bashkë me uruguajanin Nahitan Nandez që vjen së shpejti.

FOTOGALERI | Tatuazhet më ekstreme të botës së futbollit

Sport Ekspres — Sat, 20 Jul 2019 14:56:33 +0000

Tatuazhet janë diçka krejt e zakonshme në komunitetin e futbollistëve. Thuajse në çdo ekip pjesa më e madhe e lojtarëve e kanë të paktën nga një tatuazh. Paratë nuk u mungojnë kështu që në trupat e tyre janë punuar nga artistë të jashtëzakonshëm.

Më poshtë keni disa nga futbollistët me tatuazhet me ekstravagantë. Disa prej tyre i njihni. Mesfushori i Interit Raxha Naingolan nuk mund të imagjinohet pa tatuazhet e tij, ndërsa e njëjta që mund të thuhet për kilianin Arturo Vidal.

Liroi Sane

Markos Roho

Gabigol

Memfis

Xhoshua King

RAMOS

Naingolan dëshiron qëndrimin, Interi tregohet i “pashpirt”

Sport Ekspres — Sat, 13 Jul 2019 16:40:49 +0000

Naingolan dhe Interi e kanë “shkërrmoqur” marrëdhënien e tyre. Marota ditë më parë ja tregoi shkoqur atij dhe Ikardit se nuk janë në planet e klubit dhe duhet të gjejnë skuadra të tjera. Naingolan tani ka dalë kundër dëshirës së drejtorit dhe Kontes.

Belgu dëshiron qëndrimin në Milano edhe nëse nuk do të luante rregullisht. Arsyeja është gruaja e tij, Klaudia. Ajo sapo ka nisur seancat e trajtimit me kimioterapi, pas diagnostifikimit me kancer. Ndërrimi i skudrës për Naingolan është shumë i vështirë.

Ofertat nga Kina kanë qenë të njëpasnjëshme për të, por ai i ka mohuar menjëherë. Mundësia e vetme janë skuadrat italiane. Për momentin qëndrimi në Itali është shumë i rëndësishëm për të. Me Interin që nuk e vë dorën në zemër, duke mos ndryshuar qëndrim, Naingolan do i duhet të bisedojë më një klub tjetër përtej Adriatikut.

“Ciao Ninja”, Interi nxjerr në shitje Naingolan

Sport Ekspres — Sun, 16 Jun 2019 16:26:45 +0000

Raxha Naingolan nuk është më titullar i padiskutueshëm te Interi dhe për këtë arsye, zikaltërit kanë njoftuar agjentin e belgut, Alesandro Beltrami se mesfushori është nxjerrë në shitje dhe duhet të studiojnë ofertat.

Me ofertën e duhur, sipas Corriere Dello Sport, Naingolan mund të lërë San Siron pas vetëm një viti. Konte do që me çdo kusht të shmangë konfliktet brenda dhomave të zhveshjes dhe karakteri i Naingolan nuk i pëlqen shumë teknikut italian.. Megjithatë, shitja e mesfushorit do të jetë e vështirë, pasi ka shumë pak ekipe të interesuara në shërbimet e tij.

Naingolan u ble vitin e kaluar për rreth 30 milionë euro dhe Interi nuk ka synime për të bërë një humbje të madhe tek lojtari vetëm dymbëdhjetë muaj më vonë. Prandaj, 31-vjeçari mund të përfundojë duke edhe qëndruar në San Siro, në rast se nuk vjen një ofertë rreth 30 mln euro.

Interi “i dërrmuar” në derbi, konfirmohen tre mungesat e rëndësishme

Sport Ekspres — Sat, 16 Mar 2019 20:39:08 +0000

Mbrëmjen e nesërme do të luhet kryendeshja e javës së 28-të në Serie A, ku Milani dhe Interi do të përplasen në derbin e Madoninës. Ekipi zikaltër vjen nga një moment jo i mirë në këtë sfidë, teksa mjafton të kujtojmë eleminimin nga Europa League mbrëmjen e së enjtes.

Përveç eleminimit dhe momentit jo të mirë, Spaletin e shqetësojnë edhe mungesat, të cilat janë të rëndësishme dhe me peshë. Ditën e sotme është zyrtarizuar lista e të grumbulluarve për ndeshjen dhe bie në sy që Mauro Ikardi nuk është përsëri pjesë e grupit.

Gjithashtu, ish-kapitenit i bashkangjiten edhe Raxha Naingolan, i cili nuk është rikuperuar ende nga dëmtimi, si dhe Zhoao Mario. Lajmi i vetëm i mirë është Marselo Brozoviç, i cili me shumë mundësi do të jetë në dispozicion të trajnerit. Gjithsesi, mungesa e tre lojtarëve të përmendur më lart, është diçka që e shqetëson jo pak trajnerin dhe Interin…

Çështja Naingolan, Marota vendos pikat mbi “i”

Sport Ekspres — Thu, 27 Dec 2018 08:07:55 +0000

Raxha Naingolan është një çështje që tek Interi nuk ka marrë ende zgjidhje. Momentalisht mesfushori belg është i pezulluar, ndërkohë që problemi tjetër që e thelloi çarjen me klubin është edhe përgjimi telefonik që i është bërë lojtarit.

Dukshëm dukjet tërbimi i Naingolan, i cili thoshte: “Jam në një thertore, dua të largohem nga Interi menjëherë. Unë kam dhënë më të mirën gjithnjë dhe jam i qetë, por nëse tifozët më ofendojnë sërish nuk e di se çfarë do të bëj. E kam mik Totin dhe mund të më ndihmojë që të iki, por do më duhet që të bëj ndonjë rrëmujë këtu”.

QËNDRIMI I MAROTËS – Drejtori ekzekutiv i Interit, Bepe Marota, ka folur për gjendjen e krijuar momentalisht me Naingolan, duke hedhur poshtë lajmet për një largim të mundshëm të tij. “Situata është e njëjtë me njoftimi për shtyp që publikuam disa ditë më parë, ku përfshihen edhe arsyet tona. Klubi informohet nga trajner, i cili është lideri i grupit, dhe më pas vendimet merren nga ne”, ka thënë Marota për “Sky Italia”.

“Naingolan në merkato? Nuk mendoj kështu, absolutisht jo. Vendimi ynë për ta pezulluar atë nuk zhvlerëson vendimin që ne morëm në korrik. Vendimi është marrë pasi ka të drejta dhe detyrime në një grup. Sa më shpejt të rikthehet, aq më shpejt do harrohet”, ka përfunduar Marota.

Kërcënime dhe ofendime për gruan dhe të bijën, Interi po kthehet në “makth”

Sport Ekspres — Wed, 26 Dec 2018 13:01:43 +0000

Çështja e Raxha Naingolan, është kryefjala e këtyre kohëve në ambientin e Interit, ku mesfushori belg u pezullua fillimisht për një kohë të pacaktuar nga ekipi, për arsye disiplinore. Më pas, u vendos që të pezullohej vetëm për ndeshjen ndaj Napolit dhe do të rikthehet në grup.

Gjithsesi, një natë më parë, bashkëshortja e Naingolan, Claudia Lei, ka zbuluar ajo dhe e bija e saj kanë marrë shumë ofendime dhe kërcënime në rrjete sociale, fakt që pritet ta thellojë akoma më shumë hendekun mes Interit dhe futbollistit belg.

Claudia ka publikuar një story në llogarinë e saj në Instagram ku shkruante: “Më lejoni t’u them vetëm një gjë, të gjithë atyre që më ofendojnë dhe kërcënojnë. Jam Claudia dhe i kam lexuar të gjitha çfarë keni shkruar, askush tjetër. Sa për kërcënimet për mua dhe vajzën, janë shumë të shpifura”, mbylli postimin e saj bashkëshortja e Raxha Naingolan.

Thellohet skandali me Naingolan: Dua të iki nga Interi, jam në një thertore

Sport Ekspres — Wed, 26 Dec 2018 09:35:49 +0000

Raxha Naingolan i ka punët keq te Interi. Edhe pse belgu u konsiderua si një nga goditjet më të mëdha të zikaltërve në verë, tani situata duket se ka arritur në një pikë ku nuk ka kthim pas. Mesfushori është përjashtuar nga klubi dhe nuk do të jetë në ndeshjen me Napolin.

Problemet nuk kanë të sosur për lojtarin, të cilit i kanë publikuar një përgjim telefonik, ku ai dëgjohet të flasë në një gjuhë aspak të hijshme për ekipin e tij. Naingolan e shpreh hapur se do të ikë sa më parë nga San Siro, duke e konsideruar ambientin si një thertore.

“Jam në një thertore, dua të largohem nga Interi menjëherë. Unë kam dhënë më të mirën gjithnjë dhe jam i qetë, por nëse tifozët më ofendojnë sërish nuk e di se çfarë do të bëj. E kam mik Totin dhe mund të më ndihmojë që të iki, por do më duhet që të bëj ndonjë rrëmujë këtu”.

Çështja “Naingolan”, Spaleti: Vendimet i merr dikush tjetër!

Sport Ekspres — Tue, 25 Dec 2018 13:26:51 +0000

Çështja Naingolan-Inter është kryefjala e ditëve të fundit në Serinë A dhe në ambientin e klubit zikaltër. Lidhur me këtë, ditën e sotme ka folur numri një i pankinës, Luçiano Spaleti. Tekniku i Interit deklaroi se klubi ka rregulla dhe se këto rregulla duhet të zbatohen nga çdo lojtar.

Gjithashtu, Spaleti shtoi se nuk ndihet mirë për faktin se nuk do ta ketë gati Naingolan në një sfidë mjaft të rëndësishme, si ajo ndaj Napolit. Njëkohësisht, ai pranoi dhe se Interi është i presidentin Zhang dhe vendimet merren nga ai.

“Më vjen keq që nuk e kam të gatshëm në ndeshjen ndaj Napolit, sepse është një lojtar i fortë, por rregullat në klub janë më të rëndësishme. Ne varemi dhe jemi Interi i Zhang dhe Interi i Zhang mori këtë vendim. Unë duhet të respektoj rregullat. Pas ndeshjes, Naingolan do të rikthehet të jetë pjesë e skuadrës dhe do të japë kontributin e tij”.

Përkeqësohet situata Naingolan-Inter, zikaltrit marrin vendimin drastik

Sport Ekspres — Mon, 24 Dec 2018 15:51:36 +0000

Interi transferoi verën e këtij viti Raxha Naingolan nga Roma, për shumën e 38 milionë eurove, plus talentin Nikola Zaniolo, i cili iu bashkua verdhekuqve, ku ka impresionuar me paraqitjet e tij. Ndryshe nga Zaniolo, Naingolan duket vetëm një hije krahasuar me lojtarin që ishte në kryeqytet.

Pezullimi i marrë ditën e djeshme, për përsëritje të vonesave në stërvitje, duket se e ka përkeqësuar akoma më shumë marrëdhënien e belgut me klubin zikaltër. Interi vendosi që për “ninxhan” do të ketë një gjobë 100 mijë euro dhe për ndeshjen ndaj Napolit, nuk do të jetë pjesë e ekipit.

Tashmë, në mediat italiane, po përflitet akoma më shumë dhe thuhet që mesfushori do të largohet që në muajin janar nga zikaltrit. Drejtuesit e klubit nga “San Siro”, duket se po shqyrtojnë si mundësi reale shitjen e 30-vjeçarit, për të cilin thuhet se ka kërkesa të shumta nga Kina.

Tërmet tek Interi, pezullohet ylli i skuadrës

Sport Ekspres — Sun, 23 Dec 2018 13:37:38 +0000

Gjërat në ambjentin e Interit nuk po shkojnë siç duhet prej kohësh. Muaji dhjetor duket se është konfirmuar dhe një herë tjetër si një makth për zikaltrit, ku pas eleminimit në Champions, pasditen e djeshme ngecën në barazim ndaj Kievos në transferta, në shifrat 1-1.

Si për të mos mjaftuar kriza e rezultateve, pak momente më parë, klubi i Interit ka dalë në një komunikatë zyrtare duke deklaruar se Raxha Naingolan është i pezulluar nga ekipi për arsye disiplinore. Duket se durimi i klubit zikaltër ka marrë fund, pasi siç thuhet belgu është vonuar në stërvitjen e mëngjesit të sotëm.

Kujtojmë, Naingolan u transferua këtë verë tek Inter, ku u ble nga Roma për shumën e 38 milionë eurove, plus Nikola Zaniolon. 30-vjeçari, kaloi një periudhë dëmtimi dhe dje ndaj Kievos luajti si titullar pas një periudhe pushimi. Tashmë, duket se mesfushori duhet të pushojë përsëri.

Comunicato FC Internazionale Milano

? https://t.co/F1Kz9nveon #FCIM

— Inter (@Inter) December 23, 2018

Spaleti: Jemi ekip shumë i fortë, Naingolan mund të jetë gati

Sport Ekspres — Fri, 02 Nov 2018 18:33:38 +0000

Inter do të luajë ditën e nesërme sfidën ndaj Xhenoas, që përkon me javën e 11-të të Serisë A. Pas Xhenoas zikaltrit do të presin Barcelonën në një ndeshje mjaft të rëndësishme. Lidhur me përballjen e nesërme, trajneri Luçiano Spaleti ka folur përpara mediave, duke shfaqur besim tek ekipi i tij, si dhe ka folur në lidhje me dëmtimin e Naingolan dhe afrimin e mundshëm të Bepe Marotës te zikaltrit.

SFIDA E NESËRME – “Ndeshja paraqet vështirësi si të gjithë sfidat e tjera, pasi në kampionatin tonë çdo ekip ka mangësitë e tij. Performancat e Xhenoas kanë qenë të mira kohët e fundit, sidomos ndaj Juventusit dhe Milanit. Nëse duam ta kalojmë me sukses këtë ndeshje duhet të tregohemi më superior se kundërshtari në çdo moment”.

EKIPI – “Jemi një ekip shumë i fortë, që luan një futboll të mirë. Një ekip që i meriton tifozët të cilët do të jenë nesër. Rreth 70 mijë spektatorë. Duhet të jemi në të njëjtin nivel me tifozët tanë. Deri tani po bëjmë mirë, shpresoj të vazhdojmë kështu”.

NAINGOLAN – “Raxha po e tregon se sa i fortë është. Ai u stërvit sot dhe gjithashtu kreu dhe stërvitjen ekstra që kishin lojtarët e tjerë. Ai kishte dhimbje, por e çoi deri në fund. Ne kemi një staf mjekësor të klasit të parë, të cilët arritën ta kthenin në vetëm pak ditë Raxhan. Është e vështirë për ta përdorur nesër, megjithëse ai është pjesë e grupit, kjo dhe për shkak të karakterit të tij, i cili nuk pranon të mos jetë i përfshirë”.

ROTACIONI – “Sa i përket rotacionit, do të shohim, mund të ketë ndryshime. Ndaj Lacios luajti Zhoa Mario që nga fillimi edhe pse kisha tre apo katër alternativa të tjera. Luajta me atë sepse kishte karakteristikat që më duheshin dhe ai reagoi në mënyrën e duhur”.

MAROTA – “E njoh Marotën prej kohësh dhe është një profesionist i shkëlqyer. Gjithsesi, ka dhe shumë të tjerë që kanë dhënë kontributin e tyre te Juventusi. Vetëm ata e dinë pse Marota u largua nga Juventusi. Në qoftë se vjen tek Inter, do të ishte diçka mjaft e mirë për ne”, përfundoi tekniku zikaltër.

Video | Interi ia del pa Ikardin, Naingolan debuton me gol

Sport Ekspres — Sat, 01 Sep 2018 18:11:44 +0000

Skuadra e Luçiano Spaletit ka gjetur fitoren e parë për këtë sezon të Seria A. Zikaltrit edhe pse pa kapitenin Mauro Ikardi treguan se e meritojnë të respektohen nga çdo ekip, pavarësisht hapave fals në dy ndeshjet e para.

Që në minutat e para të lojës, Interi diktoi rrjedhën e lojës. Vendasit u përpoqën të kapnin zikaltrit në kundërsulm, por në të vetmin rast që ishin të sukseshëm sulmuesi paraguaian, Federiko Santander, gaboi i vetëm përballë Handanoviç.

Ai që zhbllokoi shifrat ishte belgu Raxha Naingolan, i cili gjeti golin e parë në debutim e tij me ngjyrat zikaltër. Kandreva ishte një tjetër surprizë e këtij takimi. Italiani u fut si zëvendësues dhe i mjaftuan vetëm tre minuta për të gjetur golin e parë pas më shumë se një viti e gjysmë pa shënuar. Golin i tretë dhe i fundit u shënua nga Ivan Perisiç.