Largimi i belgut hap një vend dhe trajneri Antonio Konte e ka një të preferuar dhe është kiliani Arturo Vidal. Tekniku italian e ka pasur nën urdhra edhe te Juventusi dhe një lojtar si ai e do në ekip. Mesfushori pëlqehet për dinamikën që i jep lojës, ndërkohë që ka treguar në të shkuarën se është edhe një shënues i mirë.

Problemi është se Barcelona nuk pret shumë. Deri më 15 korrik edhe mund të pranojë ndonjë ofertë, ndryshe Vidal mbetet në Spanjë. Interi, nga ana tjetër duhet të llogaritë që për shërbimet e mesfushorit duhet të paguajë rreth 22 milionë euro. Barça për këtë shumë është e gatshëm të bisedojë dhe të arrijë një marrëveshje.

Një sinjal i fortë nga klubi zikaltër, me ndëshkimin e parë ndaj një lojtari që kur klubi është blerë nga grupi Suning. Një sinjal i fortë edhe nga Bepe Marota, i cili në të shkuarën ka punuar te Juventusi, aty ku disiplina është e shenjtë.

Nuk ka tolerim dhe Naingolan jo vetëm që është gjobitur me 35 mijë, euro, dënimi maksimal sipas rregullores së klubit, por gjithashtu është përjashtuar nga ndeshja e radhës dhe gjithashtu pritet të mungojë edhe në Empoli, në ndeshjen e fundit të vitit.

Vonesa në stërvitje, prej 20 minutash, nuk është shkelja e parë disiplinore nga mesfushori belg, i cili është kthyer në shqetësim me sjelljen e tij, ndaj po kuptohet gjithnjë e më shumë se projekti i Interit nuk mund të bazohet tek ai. Para pak muajsh një ofertë nga kinezët e Guangzhu ishte në tavolinë për Naingolan, nëse oferta vjen sërish, Interi do ta pranojë me gjithë qejf.

Naingolan kishte një reputacion në Romë si një ndër futbollistët që frekuentonte më shumë klubet e natës në kryeqytetin italian. Natyrisht, nuk është një sekret që mesfushori konsumon rregullisht duhan dhe alkool, por për sa kohë ai jep gjithçka në fushën e lojës, duke justifikuar investimin e skuadrës zikaltër, për të “mbyllet një sy”.

Ditën e premte, 30-vjeçari frekuentoi një klub të njohur në bergamo ku alkooli dhe këngët e karaokes e shoqëruan përgjatë gjithë natës.