Nahitan Nandez

Barrela mbushi arkën, Kaljari shpenzon 30 milionë euro

Sport Ekspres — Wed, 31 Jul 2019 13:08:39 +0000

Kaljarit regjistroi shitjen rekord të historisë së klubit duke pranuar ofertën 40 milionë eurosh të Interit për mesfushori Nikolo Barrela. Paratë e arkëtuara nga shitja e talentit vendas do të shpenzohen për të sjellë në ishull dy përforcime të bujshme për skuadrën ishullore.

I pari është uruguaiani Nahitan Nandez. Mesfushori i Boka Zhuniors pritet të mbërrinjë në Sardenjë në ditët në vazhdim. Dy klubet kanë gjetur marrëveshjen për shitjen e kartoni të 23-vjeçarit për 15 milionë euro.

Lojtari i dytë është francezi Greguar Defrel, për të cilin është arritur një akord me klubin e Romës, që do të përfitojë 15 milionë euro nga shitja e sulmuesit.

Kaljari në kërkim të “Barela 2”, por merr zhgënjimin e parë

Sport Ekspres — Tue, 16 Jul 2019 18:59:14 +0000

Kaljari mbushi xhepat me 45 milionë euro pas shitjes së Barelas te Interi, por ka një problem pas kësaj. Klubit do i duhet të gjejë një zëvendësues të denjë për të mbuluar gjithë atë hapësirë që ka lënë bosh ylli i kombëtares italiane.
“Sky Sport” raporton se drejtuesit e klubit italian kanë organizuar një takim me homologët e Boka Zhuniors. Tema e diskutimit quhet Nahitan Nandes. Mesfushori uruguajan ka treguar se është një ndër më të mirët përtej Atlantikut dhe në Kaljari janë të bindur se ai mund ta bëjë të mos ndihet mungesa e Barelas.

23-vjeçari me cilësitë e tij ka bindur edhe Oskar Tbarez ta marrë në kombëtare. Megjithatë, siç raportohet, nuk është gjetur rruga e mesme mes palëve. Boka kërkon të paguhet klauzola e lirimit të lojtarit prej 22 milionë euro, ndërsa Kaljari ofron 15 milionë në tavolinë.

Duhet të themi se klubi argjentinas gëzon vetëm 80% të kartonit të lojtarit. Kështu, pista Nandes ngec. Por vihet në zbatim plani Rog. Mesfushori i Napolit është e sigurt se do largohet. Me Napolin mund të gjendet dakortësia dhe Rog mund të vijë në Kaljari. I vetmi problem është se për të interesohet edhe Ajntrahti i Frankfurtit. Gjermanët kanë financa më të shëndosha pas shitjes së Joviç dhe Haller.

Atletiko mund Interin në finish, ylli i Boka Zhuniors zgjedh Madridin

Sport Ekspres — Fri, 21 Dec 2018 08:58:49 +0000

Atletiko Madrid është shumë pranë firmës me mesfushorin e Boka Zhuniors Nahitan Nandez. Futbollisti uruguaian ka tërhequr interes nga klube të ndryshme europiane, por vetëm Atletiko Madrid dhe Inter u shfaqën të gatshëm për të aktivizuar klauzolën prej 25 milionë eurosh të lojtarit.

Sipas së përditshmes spanjolle “AS”, mesfushori ka zgjedhur të vijojë karrierën e tij në Spanjë. Nandez është një mesfushor polivalent, pika e fortë e të cilit është rendimenti i lartë, çka e bën perfekt për stilin e lojës së Diego Simeones.

? Simeone tiene como objetivo prioritario a Nández
? Su cláusula es de 25M y el Inter sería el principal rival por llevarse al uruguayohttps://t.co/KHIUQXwcrc

— AS (@diarioas) December 19, 2018

Inter gati planin për yllin e Bokës, sirena spanjolle për Perishiç

Sport Ekspres — Sun, 16 Dec 2018 09:01:34 +0000

Interi u rikthye te fitorja pas katër ndeshjesh (mes kampionatit dhe Champions-it). Goli i Ikardit përballë Udinezes i dha tre pikë zikaltërve, duke qetësuar disi ambientin e trazuar pas eliminimit nga Champions Liga. Ardhja e Marotës si administrator i deleguar i Interit ka rritur shpresat e tifozëve për ndonjë afrim cilësor. Drejtuesit janë gati për të vepruar dhe po presin hapjen e merkatos së janarit.

Siç raporton “Doble Amarilla”, Interi është i interesuar për Nahitan Nandez. 22-vjeçari uruguaian është një nga zbulimet e Boka Zhuniors dhe zikaltrit kanë gati ofertën për të. Interi e monitoron prej kohësh mesfushorin e talentuar dhe ka gati 21 milionë euro për klubin nga Buenos Aires.

Nandez zhvilloi një ndeshje të madhe në finalen e dytë të humbur kundër River Plejt dhe Interi u bind përfundimisht për kualitetin e lojtarit.

Nahitan Nandez

Nga ana tjetër nuk përjashtohet dhe merkato në dalje. Ivan Perishiç është pranë largimit, një gjë të tillë e ka shprehur publikisht dhe Anglia shihet si destinacioni i ardhshëm i kroatit. Por, “FcInterNews.it” citon se në garë për anësorin e krahut është futur dhe Atletiko e Madridit.

Spanjollët kanë nisur negociatat me Fali Ramadanin, menaxherin e Perishiç, dhe do të bëjnë të pamundurën për të bindur lojtarin për të mos marrë avionin për ishull, por për Madrid.