Tashmë duket qartë se rreziku i mbijetesës ka kaluar. Këtë e pranon për SportEkspres.com edhe kapiteni i Naftëtarit, Anesti Marini, i cili deklaron se e meritonin të ishin në Kategorinë e Dytë në këtë sezon. “Ne e nisëm dobët këtë sezon, nisur edhe nga përbërja e re që ka skuadra. Gradualisht u arrit të kompaktësohemi, e tashmë ne ndjehemi të qetë në renditje. E meritonim këtë qëndrim në Kategorinë e Dytë, por kjo skuadër do konsolidohet gjatë verës për të qenë pretendente në sezonin e ri”, u shpreh fillimisht Marini.

Në javën e ardhshme kuçovarët luajnë në transfertë me Skraparin, ndërkohë që kapiteni i Naftëtarit thekson se në katër ndeshjet e mbetura objektiv janë pikët e plota. “Janë edhe katër ndeshje deri në mbyllje të kampionatit. Mendojmë të grumbullojmë 12 pikë dhe të ngjitemi sado pak në renditje. Këtë synim e kërkojmë edhe për të respektuar tifozët tanë, të cilët na kanë ndjekur në vështirësitë që kaluam këtë sezon”, përfundon Marini.

AGRON KAJA

Në Grupin B, Naftëtari regjistroi një fitore me shifrat 3-0 ndaj Delvinës, ndërsa Tepelena mposhti Gramozin me rezultat minimal 1-0.

GRUPI A

Kukësi B 2-3 Internacional
Sopoti 4-1 Spartaku
Tirana B 5-1 Klosi
Nesër
Patizani –   Luzi
Vllaznia B – Ada
Tërbuni –  Gramshi

GRUPI B

Naftëtari 3-0 Delvina
Tepelena 1-0 Gramozi
Nesër
Maliqi – Shkumbini
Këlcyra – Skrapari
Devolli – Albpetrol
Butrinti – Memaliaj

Aktualisht në Kuçovë janë shumë të trembur me ecurinë aktuale, ku duke u renditur në vendin e fundit në grupin ku bënë pjesë, Naftëtari është duke rrezikuar seriozisht edhe qëndrimin në Kategorinë e Dytë. Për këtë arsye, duke vlerësuar situatën aktuale, por edhe për t’i paraprirë rrezikut evident, klubi kuçovar është duke projektuar përforcimet e domosdoshme në merkaton e muajit janar, ku synohen futbollistë me eksperiencë që do të udhëheqin skuadrën në fazën e dytë.

Nga ana e Bashkisë mësohet se i është dhënë drita jeshile klubit për investime.

“Ne kemi shumë djem të rinj dhe me perspektivë në skuadër, por për qëndrimin në kategori na nevojiten investime dhe mundësisht disa futbollistë me eksperiencë”, është shprehur sulmuesi kryesor i Naftëtarit Erind Kallmi.

Edi Spahiu

Pritet një interesim shumë i lartë i sportdashësve nga dy qytetet fqinje, por ballafaqimin e këtij edicioni e bën akoma më shumë interesant fakti se për të parën herë në historinë e ballafaqimeve midis këtyre dy skuadrave, pozitat në tabelë janë të atilla sa që Naftëtari renditet në vendin e fundit dhe Skrapari pozicionohet më mirë dhe larg rrezikut të mbijetesës.

Akoma më shumë interesante e bën këtë derbi edhe fakti se në skuadrën e Skraparit aktivizohen plot shtatë futbollistë që janë aktivizuar më parë me Naftëtarin dhe që gjatë verës së kaluar janë konsideruar si të pavlefshëm nga ana e teknikut aktual të kuçovarëve Barjam Fraholli.

Duket se mjafton ky fakt, që të dielën e ardhshme të ndizet atmosfera në stadiumin e Kuçovës, ku në mbështetje të futbollistëve kuçovarë të Skraparit pritet të jenë edhe dhjetëra sportdashës vendas, të cilët e kanë kundërshtuar me forcë dhe publikisht teknikun Fraholli për largimin e S. Gegës, Kajos, Koroveshit, Pepës, Kopaçes, etj.

Kaq mjafton që derbi i prefekturës të ndizet ende pa u luajtur në fushë, ku përballë njëri-tjetrit do të vendosen trajneri Fraholli dhe futbollistët e njohur kuçovarë të Skraparit, që duan hakmarrje.

Edi Spahiu

Përpara këtij sezoni futbollistik, të dy vëllezërit binjakë, në kundërshtim me dëshirën e tyre por edhe të sportdashësve kuçovarë, janë detyruar që të largohen në mënyrë shumë të turpshme nga ana e trajnerit aktual Barjam Fraholli, që duke pasur mbështetjen e kryebashkiakut dhe presidentit Selfo Kapllani, ka ndërmarrë një projekt për të ribërë Naftëtarin me elementë të rinj dhe me perspektivë, rezultatet e së cilës e kanë “shpërblyer” Frahollin me vendin e fundit me një pikë në Kategorinë e Dytë.

Janë larguar 10 futbollistë vendas me eksperiencë, të cilët zgjodhën të luanin në skuadra të ndryshme, dhe më konkretisht binjakët Gega zgjodhën Ardiani Tomorin dhe Sajmiri Skraparin. Por futbolli i luajtur nuk i pengoi aspak vëllezërit binjakë që të ndiqnin kursin e organizuar së fundi në Fier nga ana e FSHF për zonën e Jugut.

“Jemi diplomuar si trajnerë me licencën UEFA B dhe një ditë, pasi të shkëputemi nga futbolli i luajtur, të synojmë me një ambicie të madhe profesionale që të rikthehemi shumë shpejt në skuadrën tonë të vendlindjes për t’i shërbyer Naftëtarit tonë të zemrës, dhe të pasurojmë me kontributin tonë traditën e njohur familjare, që i ka dhënë shumë Naftëtarit në breza të shumtë gjatë gjithë historisë së skuadrës sonë.

“Besojmë se me rikthimin tonë tek Naftëtari nuk do të gjejmë në drejtimin e klubit njerëz të paaftë që po mbajnë peng futbollin kuçovar, dhe që kanë dëbuar të gjithë futbollistët vendas për arsye krejt absurde që kanë prishur imazhin e futbollit kuçovar”, kanë përfunduar deklaratën e tyre të përbashkët vëllezërit binjakë Ardian dhe Sajmir Gega, që pasojnë në profesionin e trajnerit xhaxhain e tyre të njohur Gëzim Gega, që punon aktualisht trajner në Greqi në klubin e Kavallas.

Edi Spahiu

Ai sipas tyre ka çuar në këtë gjendje skuadrën dhe për këtë arsye indinjata e opinionit futbolldashës kuçovar ka shkuar deri aty sa të kërkojnë njëzëri dorëheqjen e teknikut Barjam Fraholli. Ai shihet si i vetmi përgjegjës për situatën e krijuar. Madje janë shtuar së fundi zërat dhe presioni ndaj kryebashkiakut Selfo Kapllani që të shkarkojë urgjentisht Frahollin dhe t’ja besojë skuadrën në këto kushte një tekniku kuçovar.

GËZIM GEGA – Një tjetër emër i njohur i futbollit kuçovar, Gëzim Gega, është prononcuar së fundi për situatën e krijuar tek Naftëtari. “Situata është vërtetë katastrofike për Naftëtarin dhe përgjegjësi kryesor është tekniku Fraholli, i cili nuk e di pse nuk jep akoma dorëheqjen, apo pse Bashkia e mban ende në këtë detyrë. Ai largoi një skuadër para sezonit dhe për këtë duhet të mbajë përgjegjësi. Por në kushtet kur skuadra është në fund të tabelës, atëherë se kuptoj përse qëndron në detyrë me kokëfortësinë e tij. Urgjentisht të shkarkohet dhe në janar Bashkia të rikthejë në Kuçovë futbollistët që Fraholli largoi për tekat e tij. Në krye të skuadrës, qysh këtë javë të emërohet një trajner kuçovar”, ka përfunduar ish-mesfushori legjendë i Naftëtarit, Gëzim Gega.

EDI SPAHIU

Gjithçka në kujtime të largëta, sepse situata ku ndodhet momentalisht skuadra e njohur e Naftëtarit (1 pikë në 5 ndeshje në Kategorinë e Dytë) ka bërë që me të drejtë të alarmohen të gjithë pa përjashtim specialistët më të njohur dhe sportdashësit vendas, të cilët pas humbjes më të fundit në shtëpi me skuadrën e Devollit, janë duke kaluar një moment vërtetë shumë dëshpërues, që bëhet akoma më i hidhur nga qëndrimi indiferent i klubit dhe Bashkisë së qytetit të Kuçovës që ka edhe presidencën e Naftëtarit.

Ish-portieri i famshëm dhe legjendë e kësaj skuadre, Fatmir Ismaili, është shprehur: “S’ka se si të mos ndihesh i indinjuar me këtë krizë të pashembullt që po kalon skuadra, sepse jemi të fundit edhe në Kategorinë e Dytë dhe kjo për mua është një skandal, që thellohet akoma më shumë nga heshtja e strukturave përgjegjëse, që sillen sikur Naftëtarin e kanë pronë të vetën dhe që nuk ju dhimbset aspak kur e shikojnë në këtë gjendje.

“Mos të harrojnë këta zotërinj drejtues se Naftëtari ka një histori të madhe dhe kush nuk e ndjen këtë është më mirë të hapë sa më shpejt krahun dhe të afrojnë specialistë që e duan skuadrën dhe janë më të aftë, pasi me largimin inatçor të futbollistëve titullarë tani e kanë katandisur skuadrën si mos më keq, dhe pa pikë turpi askush nuk reagon” ka mbyllur ikona e Naftëtarit, Fatmir Ismaili.

Edi Spahiu

Trajneri Artan Mërgjyshi kishte hedhur në fushë ata lojtarë që kanë pasur pak hapësira, ose fare. Gjithashtu u aktivizuan edhe elementë të të rinjve, si sulmuesi Albin Berisha e Fatmir Prengaj. I pari shënoi dy herë, kurse tjetri zhbllokoi takimin.

Shtatë gola të shënuar në pjesën e parë, teksa Hadroj realizoi dopietë, ashtu si Elvi Berisha. Në listën e shënuesve e shënoi emrin edhe Ded Bushi. Miqtë kontribuuan me një autogol të Qoses dhe pas humbjes dhe eliminimit nga Kupa do ta kenë vëmendjen plotësisht te kampionati.

Kupa e Shqipërisë – Turi i Parë

Laçi-Naftëtari 9-0 (5-0)
Shënues: Prengaj 8’, Qose 14’ (aut.), Bushi 20’, A. Berisha 28’, 48’, Hadroj 29’, 37’, E. Berisha 30’, 49’

Laçi: Hasanbelli (Hoxha 70’), Hadroj, Toro, Bytyçi, Dragoj, Smaçi (Bruka 46’), Bushi (Ferro 46’), E.Berisha, Deliu, A.Berisha, Prengaj. Trajner: Artan Mërgjyshi

Naftëtari: Sinjari (Kullau 60’), Hoxha, Taka (Haxhiu 46’), Qose, Korkuta, Zhuka (Lamaj 46’), Kotollaku, Koraqe, Gjolikaj, Shkurti, Kallmi. Trajner: Brajan Fraholli

Në fakt, përballë kishin një Naftëtar në moshë të re, me moshë mesatare 19-20 vjeç, që nuk ishte në gjendje të përballonte Laçin dhe është një sinjal tepër shqetësues, sepse në fundjavë nis Kategoria e Dytë.

Pesë gola, me lojtarë që shënojnë për herë të parë me fanellën e Laçit, ndërsa bie në sy goli që në debutim me fanellën bardhezi për Elvi Berishën, i kthyer në Shqipëri pas një periudhe në Spanjë, te Leganes. Debutim me fitore edhe për Migen Memellin, që për një ndeshje u bë trajner i parë i Laçit.

Kupa e Shqipërisë / Turi 1, vajtje

NAFTËTARI – LACI  0-5

Shënues: Toro 26’, Mersinaj 31′, 82′ ,Smaçi 65′, Berisha 89′

Naftëtari: Sinjari, Haxhiu, Gjolikaj (D.Zhuka 46′), Marini, Cërriku, Koxhaj, Kallmi, Korkuta (K.Zhuka 59′), Qose, Serdari, Koço (Cerova 62′)

Tr.: Barjam Fraholli

Laçi: Hasanbelli (Hoxhaj 67′), Mersinaj, Toro, Prenga, Hadroj, Dragoj, Smaçi, Fangaj (Nikolla 61′), Bushi, Galiç (Deliaj 27′), Berisha

Tr.: Migen Memelli

Karton i verdhë: Koxhaj 68′

Gjyqtarë: S.Bebja, A.Koçia, M.Shazivari (Tiranë)

Për këtë arsye, pritet që në kampionatin e ardhshëm të ketë edhe një rivalitet dyfish më të madh midis dy skuadrave të njohura të qarkut Berat. Më konkretisht, janë gjashtë futbollistë që janë shpallur si të padëshirueshëm nga ana e teknikut Fraholli te Naftëtari dhe që kanë gjetur “strehë” tek skuadra e Skraparit.

Janë emra të njohur të futbollit kuçovar si ikonat  e kësaj skuadre Sajmir Gega, Enea Kajo, që kanë mbajtur dhe shiritin e kapitenit tek Naftëtari, apo Lisjan Hadaj, Azis Pepa, Klajdi Pepa e Xhaferr Kajo, si dhe priten edhe dy-tre futbollistë të tjerë, që me kalimin zyrtar tek Skrapari, pritet që të ndezin akoma më shumë rivalitetin midis dy skuadrave rivale të së njëjtit qark.

“Mund të them vetëm një fjalë ndaj stafit teknik kuçovar dhe vetë teknikut Fraholli: ‘do të pendohet për këtë lëvizje të gabuar dhe do të hakmerremi ndaj tij në fushën e blertë, duke mbrojtur ngjyrat dhe interesat e Skraparit’, është shprehur qendërmbrojtësi i njohur Enea Kajo.

Ditën e enjte Skrapari, me përforcimet më të fundit, do të zhvillojë miqësoren e tij të parë, ndaj skuadrës së Urës Vajgurore, Osumit.

Edi Spahiu 

Në fakt, ka kohë që klubi dhe presidenti Selfo Kapllani ishin vënë në lëvizje, si për të riorganizuar skuadrën nga e para ashtu edhe për të gjetur stafin e ri teknik. Pas disa kandidaturave që kanë pasur në tryezën e punës, ku nuk kanë munguar as kontaktet e drejtpërdrejta me këta kandidatë, mesa duket qenia në një grup së bashku me Shkumbinin edhe në sezonin e ri i ka trembur kandidatët potencialë, të cilëve u ishte vendosur edhe një kusht i panegociueshëm që të mos merrnin në skuadër asnjë titullar me eksperiencë nga sezoni i kaluar.

Kështu, skuadra do të drejtohet sërish nga dyshja e sezonit kaluar Fraholli- Bani, të cilët edhe pse e rrëzuan skuadrën nga kategoria, sërish janë konsideruar si e vetmja alternativë drejtimi për sezonin e ardhshëm.

“Ky është Naftëtar i ri me stof të vjetër”, kanë ironizuar sportdashësit kuçovare, pasi kanë mësuar që skuadra do të drejtohet sërish nga stafi i sezonit kaluar, që as nuk dha dorëheqje pas dështimit, por edhe as nuk mbajti asnjë përgjegjësi për drejtimin e dobët dhe krejt të dështuar. Me të drejtë në Kuçovë e kanë konsideruar si një krizë drejtimi faktin që tekniku Fraholli është i palëvizshëm nga drejtimi i Naftëtarit.

Edi Spahiu

Një ndër klubet që ende nuk ka nisur punë është Naftëtari, që po punon se pari për gjetjen e trajnerit të ri.

Rënia nga Kategoria e Parë ka qenë një leksion i hidhur dhe drejtuesit e klubit duan një trajner vendas, me synimin për të punuar me të rinj të talentuar, pa shpenzuar shifra të mëdha.

Nga lista e emrave me kandidatë për drejtimin e skuadrës kuçovare më i pëlqyeri është Adriatik Kanani. Aktualisht trajner i Naftëtarit U-19, ish-futbollisti i njohur e ka drejtuar edhe dy sezone më parë Naftëtarin dhe ka pasur sukses, ndaj duket se do të jetë ai i përzgjedhuri.

Edi Spahiu

Krejt e kundërta po ndodh me vëllain e tij Klajdi Pepa, i cili luan si mbrojtës krahu dhe në këtë periudhë është kontaktuar nga disa skuadra të njohura të Kategorisë së Parë, ndaj pritet që gjatë kësaj vere të jetë larg Naftëtarit, edhe pse stafi teknik kuçovar e ka bërë të qartë se dy vëllezërit Pepa konsiderohen si dy futbollistë shumë të rëndësishëm dhe të vlefshëm për sezonin e ri.

Gjithsesi, Klajdi Papa e ka bërë të qartë në një prononcim për Sport Ekspres se sezonin e ardhshëm nuk do të jetë në Kuçovë. “Më vjen keq që do të lë Naftëtarin, por mendoj se ka ardhur koha që unë të luaj në një kampionat të një niveli më të lartë se Kategoria e Dytë. Në ditët në vazhdim do të vendos për skuadrën time të re, ndërsa më kënaq fakti që vëllai im Azizi do të jetë pjesë i Naftëtarit si përfaqësues i familjes sonë”, është shprehur mbrojtësi 24-vjeçar Klajdi Pepa.
Edi Spahiu

Shqetësimin e tyre e ka shtuar edhe indiferenca zyrtare më së shumti, ku si klubi i futbollit ashtu edhe presidenca e Naftëtarit, deri më tani duhet thënë se kanë qëndruar krejtësisht pasivë. Një nga legjendat e skuadrës kuçovare, ish-portieri i mirënjohur Mjeshtri i Sportit Fatmir Ismaili, në një prononcim për Sport Ekspres është shprehur: “Për një skuadër e njohur dhe me tradita si Naftëtari është krejt e pafalshme indiferenca e treguar deri më tani nga ana e strukturave përgjegjëse. Me të drejtë opinioni futbolldashës shqetësohet, dhe ndonëse skuadra ka rënë në Kategorinë e Dytë, sërish si klubi ashtu edhe presidenca duhet të flasin në këtë periudhë, dhe jo të kalojnë në heshtje gjithçka që ka të bëjë me rindërtimin e skuadrës.

“Jemi Naftëtari, me traditë në futbollin shqiptar, ndaj strukturat drejtuese dhe përgjegjëse duhet të flasin dhe të tregojnë projektet dhe jo të sillen sikur jemi një skuadër e rëndomtë e kategorisë inferiore”, ka mbyllur me jo pak shqetësim dhe ironi legjenda e portës së Naftëtarit, Partizanit dhe ekipit tonë kombëtar Fatmir Ismaili.

Edi Spahiu

Këto klube, mungesë kushtesh në sezonin e ardhshëm futbollistik, do të jenë të detyruara që t’i zhvillojnë ndeshjet e tyre shtëpiake në fusha të tjera jashtë qyteteve që përfaqëson. Pikërisht këtu nis edhe apeli i klubit kuçovar për FSHF-në, të cilës në Kuçovë i kërkojnë që këtë kërkesë të lartë dhe shumë rigoroze ta shtrijnë edhe në skuadrat e Kategorisë së Parë.

“Është mëse e drejtë dhe një vendim i duhur nga ana e FSHF që në sezonin e ri skuadrat që nuk plotësojnë kushtet e zhvillimit të ndeshjeve normale në fushat e tyre, t’i zhvillojnë ndeshjet shtëpiake jashtë qyteteve që përfaqësojnë. Dhe mirë bën Federata që e nis nga Superiorja, sepse kjo është një shenjë e fortë serioziteti, por do të ishte mirë që ky veprim dhe kjo kërkesë e fortë të funksionojë edhe për skuadrat e Kategorisë së Parë dhe pse jo edhe në Kategorinë e Dytë. Kuptohet që më shumë se sa Naftëtari do të përfitonte vetë futbolli, ndaj do të kërkojmë dhe mbështesim FSHF që të vendos kushte edhe për dy kategoritë poshtë Superiores, ku fatkeqësisht ka disa fusha të papërshtatshme që pengojnë një ndeshje normale futbolli, por dhe pa kushte sigurie që vendosin në rrezik skuadrat udhëtuese”, thuhet në deklaratën e Naftëtarit.
EDI SPAHIU

Edi Spahiu

Naftëtari është duke kaluar një krizë financiare dhe këtë e tregon fakti që skuadra prej tre muajsh nuk ka marrë pagat. Por veprimi më i fundit që klubi ka kryer dy ditë më parë, është kalimi i një page. Në mbrëmjen e së enjtes në darkë, futbollistët janë njoftuar nga banka se kishin për të tërhequr lekë, por kanë ndjerë keqardhje kur kanë mësuar se atyre u kanë kaluar në bordero vetëm nga një rrogë mujore. Po qe se llogaritet paga prej 24 mijë lekë të reja që kanë futbollistët me gjithë taksa, atëherë imagjinohet shumë lehtë se çfarë pezmatimi kanë pësuar kur kanë tërhequr jo më shumë se 20 mijë lekë të reja nga bankomati. Për futbollistët e larguar nuk është marrë mundimi të shlyhen sipas detyrimeve që klubi ka sipas kontratës së nënshkruar mes palëve. Klubi i Naftëtarit, me dijeninë e plotë të stafit teknik, e ka anashkaluar qëllimisht detyrimin që ka për të gjithë futbollistët pa përjashtim që kanë kontribuar për Naftëtarin. Një prej futbollistëve të larguar është shprehur se tekniku Fraholli me këtë veprim i ka ndarë futbollistët në të nënës dhe të njerkës. Kjo tregon se kriza financiare ka çuar në dështimin e skuadrës dhe është një realitet për të cilin mbajnë përgjegjësi direkte drejtuesit, të cilët kërkojnë që të motivojnë skuadrën përpara Apolonisë me shpërndarjen e një rroge mujore. Futbollistë të larguar nga Naftëtari, por që kanë kontribuar deri në momentin e largimit, kanë akuzuar për diskriminim klubin dhe trajnerin Fraholli që nuk i ka paguar, si dhe kanë premtuar se do të kërkojnë të drejtën e tyre në FSHF për këtë rast.
MERKATO  
Organika e Naftëtarit duhet thënë se është duke u ndryshuar nga afrimet e futbollistëve të rinj. Së fundi janë afruar edhe dy lojtarë, siç janë sulmuesi Gjonbalaj dhe mesfushori Myrtja, të cilët së bashku me rikthimin e vëllezërve Gega plotësojnë boshllëkun e krijuar nga largimet më të fundit. Kështu plotësohen disa nga nevojat më emergjente të Naftëtarit përsa i përket organikës dhe shpresohet se do vijohet të luftohet për të qëndruar në Kategorinë e Parë.

Të gjithë janë në pritje të lëvizjeve të Bashkisë, e cila duke qenë se është edhe financuesja e vetme e Naftëtarit, do të duhet që të gjejë modalitetet e duhura për të vepruar sa më shpejt me likuidimin e detyrimeve ndaj futbollistëve, dhe jo të pres çeljen zyrtare të buxhetit të vitit 2018.

Nga ana e kryebashkiakut të Kuçovës, Selfo Kapllani, pritet që të veprohet me urgjencë për likuidimin e futbollistëve, pasi nga dira e sotme skuadra do të nis përgatitjet për takimin e radhës në kampionat ndaj Apolonisë. Financat kanë bërë që edhe merkato të jetë “mollë e ndaluar” për kuçovarët!

Edi Spahiu

Përgjithësisht takimi ka qenë i një niveli të lartë, përsa i përket ritmit ashtu edhe dyluftimeve të shumta që zhvilloheshin në çdo cep të fushës. Dhe tensioni i pranishëm në një farë mënyre ka qenë brenda limiteve të lojës së rregullt, por që i dha akoma më shumë atmosferë këtij takimi, aq sa për t’u theksuar momenti kur të dy skuadrat kanë luajtur me nga një futbollist më pak për më shumë se 75 minuta, duke përfshirë edhe shtesat e të dy pjesëve të lojës. Vendasit e kërkojnë golin qysh në fillim lojë, duke rrezikuar me anë të Allkanjarit. Presioni i kuçovarëve sa vjen e shtohet, ku në minutën e 7-të Behari ishte shumë pranë golit të parë. Atë që nuk e bën Behari, e bën Nallbati pas një minute. Aksion i rrjedhshëm, të cilën e finalizon me një gjuajtje nga distanca Nallbati. Miqtë reagojnë duke rrezikuar menjëherë me anë të Bërdufit, por goditja e tij neutralizohet nga Koçi. Në minutën e 21-të, të dyja ekipet do të ngelen me një futbollist më pak. Pas një përplasjeje të Koçit me Emiljano Llucën, gjyqtari i ndëshkon të dy me karton të kuq. Tekniku Fraholli kryen ndërrimin e detyruar duke nxjerrë mesfushorin Cake dhe futur Spahiun. Kuçovarët kërkojnë golin e sigurisë dhe në minutën e 33-të Hyseni është shumë afër golit, por prek rrjetën e jashtme. Pjesa e parë mbyllet me një rast për miqtë, gjuajtje fluturimthi e Nexhës nga distanca dhe pritje e shkëlqyer e portierit Spahiu.

Pjesa e dytë – Është më e bukur ku ka emocione, dhe raste të shumta sidomos nga kuçovarët. Kështu në minutën e 53-të, Hyseni harkon për Nallbatin, por goditja me kokë është e gabuar. Pas një minute, skena zhvendoset në zonën kuçovare ku Xhoni Lluca nga e majta pason për Sadikun, por ky gabon. Në minutën e 68-të Behari fiton dyluftimin me Bërdufin dhe godet bukur, por topi del jashtë. Kuçovarët e kërkojnë vazhdimisht golin e sigurisë, por edhe miqtë nuk dorëzohen. Pikërisht në minutën e 79-të barazon Dervishi me kokë pas pasimit te Nexhës. Vendasit shokohen nga goli i barazimit. Gjithsesi në minutat e fundit kërkojnë me insistim golin e fitores. Nuk mungojnë rastet ku veçohet traversa e Beharit në minutën e 84-t. Në të vërtetë kuçovarët janë të pafat në këtë fund të ndeshjes, ku kanë lënë 2 pikë “të arta”. Ndërsa Shkumbini, u duk i kënaqur me barazimin, të cilin megjithëse e ka arritur me meritë.

Edi Spahiu

NAFTËTARI – SHKUMBINI   1-1

Shënues: Nallbati 8’ / Dervishi 79′

Naftëtari: Koçi, E.Kajo, Xh.Kajo, Pepa, Haxhiu, Llojku (Mara 76′) Nallbati, Cake (Spahiu 21′), Hyseni (Jaupi 62′), Behari, Allkanjari. Trajner: B.Fraholli

Shkumbini: Ajazi, E.Lluca, Nexha, Bërdufi, Hasanaj (Bali 55′) Beqiri, Xhyra, Sadiku, Dervishi, Meta (Xh.Lluca 34′) (Lila 68′) Musaki. Trajner: Sokol Branica

GJYQTARË: E. Demiraj, G.Kamolli, A.Mema (Pogradec)

KARTONË TË VERDHË: Pepa 33′ Llojku 45′ Hyseni 62’/ Meta 34′ Bërdufi 75′

KARTON I KUQ: Koçi 21’/ E.Lluca 21′

Fraholli: Mëkat, duhet të kishim marrë tre pikët

Barjam Fraholli, trajneri i Naftëtarit ka shprehur pakënaqësinë e tij për dy pikët e lëna nga skuadra. Sipas tij, skuadra duhet të ishte treguar më e zgjuar. “Të vjen vërtet keq që kemi humbur një mundësi të artë për fitoren, sepse do ta kishim merituar atë plotësisht. Kemi luajtur në këtë takim, ashtu sikur kemi nënvlerësuar aksionin e miqve në rastin e barazimit. Unë pavarësisht keqardhjes së madhe, që e ndaj së bashku me skuadrën dhe sportdashësit tanë, më duhet të them se sot(dje) kemi dhënë gjithçka në fushë dhe kjo është një shenjë se skuadra i ka të gjitha mundësitë të dalë nga kjo situatë në renditje. Me këtë moral të lartë do të përgatitemi për ndeshjen e radhës ndaj Turbinës sërish në shtëpi. Nuk heqim dorë nga mbijetesa sepse jemi një skuadër në përmirësim dhe me mundësi reale për mbijetesën. Na mungoi përqendrimi në një çast ku u ndëshkuam dhe fati ku topi nuk hynte në rrjetë, por godiste shtyllat”, mbylli Fraholli.

Branica: Luajmë më mirë në transfertë

Sokol Branica ka qenë i kënaqur në fund të ndeshjes. Pika e marrë në transfertë është shumë e vlefshme. “Kemi marrë një barazim të merituar sepse kemi besuar deri në fund tek mundësitë tona. Mund  të them se skuadra ka barazuar edhe falë eksperiencës, duke treguar vlera, edhe pse kemi qenë në disavantazh dhe me dhjetë futbollistë dhe fushë kundërshtare. Sërish më kënaq barazimi dhe sot(dje) treguam se nuk e ndjejmë aspak presionin e transfertës dhe mund edhe të fitojmë me pak kujdes”, ka mbyllu Branica.

Dy skuadrat rivale të sezonit të kaluar, Naftëtari e Oriku janë përballur sërish midis tyre këtë radhë në turin paraeliminator të Kupës së Shqipërisë, në një ballafaqim që i gjen ende larg formës optimal sportive. Megjithatë, si kuçovarët ashtu edhe orikasit kanë dhënë një spektakël dhe kanë dhuruar emocione të shumta nëpërmjet avantazhit të dyfishtë dhe përmbysjes spektakolare të skuadrës kuçovare. Takimi sipas asaj që u pa në fushën e lojës, ka treguar se të dy skuadrat janë ende në rindërtim e sipër për sezonin e ri futbollistik, por që të detyruar për shkak të skemës së Kupës kanë treguar vlerat e tyre më të mira

NDESHJA –  Fillimisht janë miqtë bregdetar ata që befasojnë Naftëtarin me avantazhin e shpejtë të dy golave, ku në min 5′ dhe 12′ realizojnë nëpërmjet Nurçes që shfrytëzon një gabim të prapavijës vendase, dhe më pas Capoj që ekzekuton një gol mjaft të bukur nëpërmjet një veprimi të shkëlqyer me topin. Por, miqtë kanë edhe dy raste të tjera të pastra për të realizuar golin e tretë. Por, portieri vendas i mban kuçovarët në lojë. Disavantazhi i shpejtë dhe për më shumë me dy gola ka shokuar Naftëtarin, dhe në veçanti tifozerinë vendase që nis të shfaqet e paduruar dhe e pakënaqur. Por, tekniku Fraholli ka shkundur skuadrën e cila reagon me shpejtësi dhe nëpërmjet presingut realizon dy gola njëri pas tjetrit brenda dy minutave, ku Jaupaj në fillim dhe i sapoardhuri Allkanjari kanë barazuar shifrat në 2 – 2 dhe kuçovarët fitojnë besim e siguri. Ndërkohë, Llojku i vendasve ka goditur edhe shtyllën. Në pjesën e dytë, loja vijon të jetë në favor të Naftëtarit që insiston për golin e fitores, por që rastet e shumta për shënim nuk janë konkretizuar nga ana e Allkanjarit, Beharit dhe Xh. Kajo. Këta të fundit, në plot katër raste të pastra janë shumë pranë golit. Për të ardhur në fund të takimit, kur ishin akorduar tri minuta shtesë dhe të gjithë po besonin se takimi po shkonte në shtesë, është sulmuesi kryesor i Naftëtarit Redon Behari që u cilësua edhe si futbollisti më i mirë në fushë për të dy skuadrat, që realizon mjaft bukur brenda zonës dhe kualifikon kuçovarët që mesjavën e ardhshme presin një kundërshtar shumë special në turin e parë Partizanin.  

KUPA E SHQIPËRISË / TURI 1 PARAELIMINATOR

NAFTETARI – ORIKU 3 – 2

Shënues: Jaupaj 39′, Allkanjari 40′, Behari 90+3′ /  Nurçe 5′, Capoj 19′

Naftëtari: Spahiu, K. Pepa, E. Kajo, Xh. Kajo, Llojku (Zhuka 83′), Koroveshi (Marini 63′), Jaupi (Nallbati 46′), Cake, Hyseni, Behari, Allkanjari. Trajner: B. Fraholli.

Oriku: Muho, Omeri, Meta, Metaj, Hoxha, Capaj (Opari 76′), Xhelili, Nurçe, Azizi, Sadushi, Capoj (Livani 87′). Trajner: G. Mezani.

Gjyqtarë: Xh. Memaj, A. Demiraku, M. Sadikaj (Durrës)

Vëzhgues: F. Koreshi (Lushnjë); Delegat: Xh. Sefa (Lushnjë)

Kartonë të verdhë: Cake 34′ / Xhelili 64′