Lojtari kishte rënë prej kohësh dakord me klubin andaluzian, ndërsa së fundmi u bind dhe presidentit i Lionit Zhan-Pol Olas, i cili ka pranuar ta shesë kartonin e 26-vjeçarit për një shumë që mendohet të kapë 25 milionë eurot.

Fekir ndodhte aktualisht në qytetin e Sevijës ku po kryen testet mjekësore dhe në orët në vazhdim pritet zyrtarizimi, ndërsa të nesërmen prezantimi i lojtarit dhe konferenca për shtyp për blerjen e dytë më të shtrenjtë pas brazilianit Denilson, rekordi i të cilit mbetet i pathyer edhe pse kanë kaluar plot 20 vite nga transferimi i tij te Betis.

Sipas “RMC Sport”, Napoli synon të transferojë në San Paolo Nebil Fekir, fantazistin e Lionit. 26-vjeçarit i përfundon kontrata me ekipin francez verën e ardhshëm dhe largimi i tij është i pashmangshëm.

Gjatë kësaj periudhe u përfol për një transferim të tij te Betis Sevija, por akordi përfundimtar nuk është arritur. Ideja e të luajturit në Serie A dhe Champions Ligë (te Betis nuk e bën dot) e tundon francezin, ndërsa kartoni i tij kushton 25-30 milionë euro.

Avantazhi i Napolit është edhe agjenti i Fekir, për të cilin interesohet edhe Milani. Ai është Horge Mendez, i cili ka raporte fantastike me Aurelio De Laurentis. Portugezi po punon edhe për transferimin e Hames Rodrigez. Nëse nuk ia del, është gati t’i “dhurojë” Nabil Fekir nënkampionëve të Italisë.

Është rritur te Lioni dhe largohet pas gjashtë vitesh nga ndeshja e parë si profesionist në klubin francez. Dilemë është se ku e kishin mendjen klubet e mëdha këtë merkato. Interi po jep 80 milionë për Lukakun, ndërkohë që mund të kapte një “okazion” të madh me Fekir. E çuditshme!

Jo nuk bëhet fjalë për Sevijën, por për Real Betis. Ekipi andaluzian ka vendosur të bëjë një sakrificë financiare për të blerë kartonin e Fekir. Klubi ka marrë akordin e lojtarit, i cili do të firmosë një kontratë me pagë 7 milionë euro në sezon, shumë kjo sa trefishi i asaj që merr aktualisht te Lioni.

Kjo lëvizje e Betis mund të shpjegohet vetëm me faktin që klubi spanjoll do të shesë argjentinasin Xhovani Lo Celso. Mesfushori me tipare sulmuese pritet të shitet te Totenhem në javët në vazhdim për një shumë që i tejkalon 60 milionë eurot.

Me blerjen e Fekir, Betis do të thyejë rekord për blerjen më të shtrenjtë në historinë e klubit, duke kaluar brazilianin Denilson,  i cili u ble në vitin 1998 për 31 milionë euro (ekuivalencë) , shumë kjo rekord që vendosi një rekord të ri botëror.

Ndërkohë, edhe Arsenali ka hedhur hapat e parë drejt lojtarit. Londinezët kanë kontaktuar me Lionin për të parë nëse francezi është i përshtatshëm për xhepat e klubit anglez. Moskualifikimi në Champions bën që “Topçinjtë” të kenë një buxhet të limituar në merkato. Ardhja e Fekir varet shumë nga qëndrimi ose jo i Ozil në “Emirates Stadium”. Nëse gjermani qëndron, Fekir nuk vjen.

Teksa fundi i sezonit po afrohet, për 25-vjeçarin kanë nisur spekulimet për detinacionin e ardhshëm, me mediat franceze që në pole-position vendosin ekipin e Milanit. Kuqezinjtë duket se kanë nisur kontaktet më klubin e Lionit.
Kartoni i Fekir në transfermarkt ka një vlerë prej 70 milionë eurosh, një shifër goxha e lartë për arkat e kuqezinjve, por një kualifikim në Champions, do të bënte gjithçka të mundur për ta. Në garë përflitet të jetë edhe Totenhemi, me gjelat që pritet të jenë aktiv merkaton e ardhshme.

Drejtuesit e “Zonjës” pritet të bëjnë përsëri një merkato cilësore. Shumë objektiva, ndërsa në skena ka dalë një lojtar francez. Sipas raportimeve të “L’Equipe”, Juventusi po ndjek situatën e Nabil Fekir.

25-vjeçarit, i cili ka shënuar 12 gola këtë sezon, i përfundon kontrata me Lionin në fund të sezonit të ardhshëm, ndërkohë që rinovimi nuk ka ndodhur ende. Lojtari ofensiv ishte shumë pranë kalimit te Liverpuli verën e kaluar, por në fund nuk u bë asgjë.

Tashmë ai mund të transferohet në Torino. Juventusi preferon shumë njërin prej Pol Pogba dhe Kristian Eriksen. Nëse nuk arrihet te asnjë prej lojtarëve që aktivizohen në kampionatin anglez, bardhezinjtë do të nisnin sulmin për Fekir.

Lioni ka refuzuar ofertën e Seviljes, por këta të fundit nuk dorëzohen dhe po përgatisin ofertën e radhës. Diaz u transferua në Francë vitin e kaluar nga Reali i Madridit. 25-vjeçari shënoi 18 gola me Lionin dhe zhvilloi një sezon tepër pozitiv. Merkato është në ditët e fundit të saj dhe nuk përjashtohet një akord mes palëve, që do të rikthente Diaz në vendlindje.

Një sulmues tjetër ishte pranë largimit nga Lioni, por ai do të vazhdojë të qëndrojë në ekip. Nabil Fekir kërkohej nga Liverpuli dhe Çelsi, por asnjë marrëveshje. Ekipi i Klopit ishte shumë pranë tij dhe vetë sulmuesi flet për mos arritjen e akordit me “The Reds”, në një prononcim për “Mirror”.

“Kam dëgjuar shumë gjëra në lidhje më këtë gjë, por vetëm Liverpul i di shkaqet se pse kjo tratativë nuk u realizua. Këto janë gjëra që ndodhin, por unë e kam kaluar zhgënjimin dhe jam i përqendruar tek e ardhmja”, përfundon sulmuesi 25-vjeçar i Lionit.