“Ndjehem shumë keq për këtë ngjarje që ndodhi. Nuk jam kurrë për dhunën, sidomos kur këto gjëra ndodhin tek unë dhe familja ime, U kërkoj falje të gjithë familjarëve personave që ishin në fushë”

TELEFONATA ME HAMITIN – “Veprimi i parë që kam bërë pasi jam liruar,  kam telefonuar gjyqtarin Hamiti dhe i kam kërkuar ndjesë”.

“Shpresoj që të merret një vendim më i lehtë. Të paktën të mendojnë për futbollistët, pasi të gjithë kanë familje dhe fëmijë për të mbajtur. I bëj një lutje Federatës që ta mendojë sërish këtë vendim”.

Drejtuesi tjetër i Kamzës, kryebashkiaku Xhelal Mziu ka folur me tona shumë të ashpra në lidhje me vendimin e marrë nga Federata.

Mziu: “Unë dua që Federata të japë zgjidhje. Në të kundërt nuk do ta njohim Federatën. Nuk do merremi me futboll, është normale që të merremi me disa ekipe amatore”.

SITUATA TE KAMZA – “Këtë vit e shikoj ekipin në një situatë jo të mirë. Presidenti i ekipit nuk duhet të ndihet në vështirësi ekonomike, pasi jemi në gjysmën e sezonit dhe ai duhet ta kishte paguar ekipin, pasi ka 51% të aksioneve. Këtu nuk shoh vështirësi financiare, por kontradikta”.

“Siç e thashë Qarri ka 51% të aksioneve. Ne jemi në gjysmën e kampionatit dhe një pjesë e futbollistëve thonë që s’kanë marrë 6 ose 7  rroga, pra nuk është hedhur asnjë lek. Bashkia ka qenë  kontribuesi kryesor vitin e kaluar, për të mos thënë 100% vitin e kaluar. Këtë vit kemi kërkuar që të kemi një kuotë të paracaktuar, që të dimë sa duhet të kontribuojmë, por për momentin nuk ka asnjë gjë konkrete”.

“Bashkia është e gatshme të financojë kur presidenti të kryejë pjesën e vet të likuidimit ndaj lojtarëve. Më shumë se sa gjysma e kampionatit duhej financuar nga presidenti, si pronar i 51% të aksioneve. Ne si bashki do të financojmë pjesën tonë, kur këtë gjë ta bëjë dhe presidenti i klubit.”

“Duhet t’ju kujtoj se Qarri është akoma debitor për vitin e kaluar. Gjithsesi për këtë vit jam i gatshëm për të kontribuuar 49% e bashkisë, por e përsëris këtë gjë do e bëj kur ai të paguajë 51% e vet”.

“Nuk kam një krisje marrëdhëniesh me Naim Qarrin. I kam kërkuar që aksionet e tij ose t’i shesë ose t’i dhurojë, ose t’ia blejë bashkisë pjesën e mbetur. Është e pamundur që presidenti i klubit të jetë dikush që nuk kontribuon dhe bashkia të jetë donatori”.

“Nuk është aspak e moralshme që në sytë e publikut 90% e futbollistëve nuk u paraqitën në ndeshjen e Partizanit. Si mund të kesh 51% të aksioneve dhe të bësh blerje pa hedhur asnjë qindarkë. Vitin e kaluar ne financuam 100% të shpenzimeve, 0 lek ka paguar Qarri. Këtë vit i kam thënë ‘sa të kontribuosh ti do kontribuojë dhe bashkia’. Edhe pse kam 49% të aksioneve, s’kam pasur informacion mbi kontratat dhe blerjet e skuadrës”.

“Nëse Qarri ka falimentuar, siç ka falimentuar, pasi ka 4 ose 5 vite që nuk hedh asnjë lek, le t’i shesë aksionet. Kanë falimentuar kompani më të fuqishme, nuk është hataja nëse ka falimentuar Qarri. Është e pamundur që të kesh emrin dhe 0 financim”.

“Ky është një konflikt i hershëm që ka bashkia me Qarrin, por në vitet e kaluar i kemi mbajtur të fshehur. Këtë vit nuk kemi bërë asnjë mbledhje ku të diskutojmë për shpenzimet. Me mua nuk janë konsultuar prej vitesh për as edhe një kontratë. Normalisht pyetet, kjo nuk funksionon nëse bashkua paguan 100%. Unë u kam thënë shumë futbollistëve që ata po bëjnë kontrata të njëanshme”, tha Mziu.

Në një prononcim për faqen e klubit, drejtori sportiv, Fehmi Meziu, ka analizuar këtë gjysmë të parë të kampionatit dhe veçon edhe rrugëtimin e skuadrës, duke mos nguruar të tregojë edhe disa nga vështirësitë që ka hasur skuadra. Natyrshëm që nuk mungon dhe një urim për festat e fundvitit.

“E nisëm këtë vit me shumë ndryshime, duke u fokusuar në disa gjëra që i shërbejnë ekipit për më mirë si: Rezidenca e ekipit në Dibër për akomodim si për fazën përgatitore dhe për akomodimin gjatë ndeshjeve të kampionatit dhe për këtë gjej rastin të falënderoj Kryetarin e Bashkisë z. Muharrem Rama për dashamirësinë dhe mundësinë që i krijoi ekipit. Ne si drejtues punuam duke mbajtur boshtin e lojtarëve me eksperience, u përqendruam për të afruar në ekip djem të ri dibran, me perspektivë dhe ja arritëm qëllimit bashkë me stafin e ekipit.

Ishte një punë kolosale në kohë rekord dhe ekipi u konsolidua shumë shpejt, ndeshje pas ndeshje ku këta djem prodhuan lojë të bukur dhe rezultate pozitive, pavarësisht problemeve të shumta të kufizuar shumë nga financat e vështirësitë që përballemi me buxhetin prej 35 milion lekë të vjetra që i ofron Bashkia ekipit. Ne arritëm kështu objektivin në gjysmën e parë të kampionatit, duke u renditur në vendin e 4-të në klasifikim me 21 pikë.

Dua të falënderoj përzemërsisht për kontributin e dhënë në ndihmë të Korabit z. Elird Rama, z. Adil Cani dhe të disa miqve që e duan Korabin.

Stafin drejtues: Trajnerin Dorjan Bubeqi, zëvendëstrajner dhe trajner portierësh z. Donald Meziu dhe z. Taulant Guma për punën e palodhur dhe objektivin e realizuar deri tani”.

Dua të falënderoj lojtarët e ekipit që falë punës, përkushtimit të jashtëzakonshëm, sakrificës, harmonisë në grup dhe performancës së dhënë në fushë me lojë të bukur si dhe duke vlerësuar çdo ndeshje si një beteje treguan se rrugëtimi i gjatë i kampionatit, duke qenë të bashkuar, jemi të bindur që do të përfundojë me sukses.

Një falënderim i veçantë shkon për tifozerinë dibrane në mbështetje të djemve në shkallët e stadiumit dhe atyre që besojnë në këtë projekt, pse jo dhe për ato gojë ligët dhe dashakeqët e Korabit që na motivojnë ta bëjmë detyrën të gjithë me korrektësi të plotë.

Duke ju falënderuar të gjithëve për bashkëpunimin, ju uroj Gëzuar Festat. Viti 2019 ardhtë i mbarë dhe i suksesshëm për të gjithë ju.

Së bashku për Dibrën! Forca Korabi”

– Mziu, tre pikë në tre ndeshje, do ishin të kënaqur nëse ua thoshin para fillimit të sezonit?

– Duke parë kalendarin dhe skuadrat që kishim përballë, në fillim të sezonit do ishim të kënaqur me 3 pikë ne 3 ndeshjet e para, sepse përballë kishim ekipin kampion, si dhe dy ekipe pjesëmarrëse ne kupat e Evropës.

– Fillimi i shkëlqyer në Gjirokastër u pasua nga dy humbje ku jeni dukur shumë të ndrojtur. Mos ndoshta e keni marrë pak si shumë me frikë Superioren?

– Fillimi ishte shumë i mirë, morëm maksimumin në Gjirokastër, por Skënderbeu na uli me këmbe në tokë, edhe për shkak të gabimeve tona. Megjithatë, me frikë nuk e kemi marrë Superioren, ne jemi një grup shumë i mirë dhe lojtarë që kanë luajtur në Superiore.

– Humbja kundër Partizanit, a keni ndonjë keqardhje? U duk si një ndeshje e fjetur, me pak raste, ku ndoshta mund të kishit guxuar më shumë.

– Ndeshja me Partizanin ishte me dy tablo; një pjesë e parë për t’u harruar edhe një pjesë e dytë shumë e mirë, ku e vumë shumë herë në vështirësi Partizanin. Provuam, por nuk arritëm të merrnim një pikë.

– Skuadra është e re në moshë, në një pjesë të madhe të saj. A ndikon mungesa e eksperiencës?

– Skuadra nuk është edhe aq e re në moshë, kemi çuna të rinj, por edhe lojtarë me eksperiencë, që janë ndërthurur dhe bashkë bëjnë një moshë mesatare tek 26/27 vjeç. Nuk mungon eksperienca, do thosha që është pak ajo ndrojtja e fillim sezonit ku çdo ekip synon te futet në shinat e kampionatit që të marrë sa më shumë pike në fillim.

– Faza sulmuese e skuadrës duket se çalon, mos ndoshta ndihet mungesa e një njeriu gol përpara dhe a po bën mjaftueshëm skuadra për të prodhuar raste për shënim?

– Ne kemi lojtarë shumë të mirë në sulm dhe shumë shpejt edhe ata do e kalojnë ngërçin. Raste kemi krijuar, kemi pasur 3/4 raste në Gjirokastër, po aq me Skënderbeun. Edhe me Partizanin kishim raste. Është thjesht një moment që besoj do kalojë shumë shpejt edhe sulmi do shënojë.

– Sfida e radhës është një nga ato që quhen finale të vogla, në Kamzë. Si e gjykoni ndryshimin në stol të Kamzës, një avantazh për ju?

– Të gjitha ndeshjet për ne janë si finale, sepse ne nuk e kemi luksin të nënvlerësojmë asnjë ekip. Ndeshja me Kamzën do duhet të jetë pika e kthesës për ne, mbas dy humbjeve. Do japim maksimumin për të marrë 3 pikë.

– Mos ndoshta presioni i tepërt për pikë nuk i lejon skuadrat të shprehen si duhen në aspektin e lojës, përfshirë edhe ju?

– Kjo është e vërtetë, e thashë edhe më lart se çdo ekip në këtë fillim sezoni dëshiron të marrë sa më shumë pikë. Asnjë ekip nuk do që të humbasë, prandaj edhe ekipet nuk shprehen ashtu siç i kanë kapacitetet, thjesht luajnë për pikë.