Momentalisht jashtë gjashtë futbollistë që janë nën urdhrat e stafit teknik. Myrto Uzuni dhe Lirim Kastrati vjet ishin ndër më të spikaturit, ndërkohë që tanimë i janë bashkuar edhe dyshja e huazuar te Laçi, Jon Mersinaj dhe Enis Çokaj.

Qendërmbrojtësi dhe mesfushori do të duhet të tregojnë vlerat e tyre në fazë, në mënyrë që të mbeten në ekip. Ndryshe do të huazoheshin sërish. Një tjetër lojtar që i është bashkuar ekipit të parë është Indrit Tuci.

Trekuartisti provoi të debutonte në ndeshjen e fundit të kampionatit dhe tanimë është marrë në fazë. Risia është sulmuesi Albion Marku, i cili prej disa kohësh po testohet dhe do të jetë edhe në fazë me Lokomotivë. Ai është produkt i Shkëndijës së Tiranës, sikurse Kastrati, Mersinaj dhe Çokaj.

ISMAJLI (22 vjeç) – “Në Kroaci është prej vitit 2016, por vetëm këtë sezon spikatur”. Në vlerësimin e bërë për mbrojtësin, theksohet potenciali i madh që ai ka dhe fakti që fizikisht është perfekt, ndërkohë që nuk fal në duelet një kundër një. ka edhe një minus, kartonët e verdhë, pasi këtë sezon është ndëshkuar nëntë herë dhe për këtë pjesë duhet bërë kujdes. Në analizën e bërë flitet edhe për interesimin e Atalantës, ndërkohë që pritshmëritë janë të mëdha që të ketë oferta të shumta. Mes të tjerash përmendet edhe grumbullimi dhe aktivizimi më kombëtaren shqiptar, gjë që i rrit edhe çmimin e kartonit.

UZUNI (23 vjeç) – “Garanci e dhënë nga Besnik Prenga dhe rreth 350 mijë euro të paguara për kartonin e tij te skuadra e Laçit në Superiore. Një goditje e vërtetë”. Vlerësim pozitiv për beratasin, i cili në sezonin e tij të parë në Kroaci ka arritur të shënojë 7 gola dhe të japë 8 asiste. Shifra mjaft të mira. Mes të tjerash vihet në dukje kombinimi perfekt me Dejan Radonjiç, i cili i krijon mjaft hapësira Uzunit si sulmues i dytë. 29 ndeshje në kampionat për anësorin, ndërkohë që u bë edhe pjesë e kombëtares së Shqipërisë dhe ka luajtur 5 sfida me fanellën kuqezi.

Paraqitjet në kampionat (10 gola) dhe më pas në kupat e Europës, bindën Lokomotivën e Zagrebit të paguajë shumën e 350 mijë eurove. Laçi dhe Apolonia përfituan financiarisht, ndërkohë që kurbinasit kanë ende 20% të kartonit. Në të ardhmen bardhezinjtë mund të arkëtojnë sërish nëse kroatët e shesin Uzunin.

Por sa vlerësohej beratasi kur ishte pjesë e bardhezinjve? Pak muaj te Laçi dhe kartoni i sulmuesit anësor vlerësohej 250 mijë euro. Pas gjysmës së parë të sezonit 400 mijë euro shkoi vlera e kartonit sipas “transfermarkt”, ndërkohë që deri para shitjes te Lokomotiva ai vlerësohej me 425 mijë euro.

Kjo shifër është dyfishuar tanimë, pasi në muajin mars janë përditësuar të dhënat dhe aktualisht kartoni i Uzunit ka kapur vlerën e 850 mijë eurove, 600 mijë euro më shumë se sa kur iu bashkua Laçit.

Gjithsesi Ingolshtadi është ende i rrezikuar, pasi numëron 29 pikë, dy më shumë Madgeburgu që ka një ndeshje më pak. Sfida e javës së ardhshme është mjaft e vështirë, pasi përballen me Hamburgun që renditet i dyti dhe kërkon rikthimin e menjëhershëm në Bundesligë.

Sot, veç Mërgim Mavrajt, ka festuar edhe Ivan Balliu. Mbrojtësi i krahut të djathtë e nisi nga fillimi përballjen që Metz fitoi 1-2 në transfertë me Red Star të vendit të fundit. Skuadra e mbrojtësit shqiptar ka siguruar rikthimin në Ligue 1, pasi numëron 11 pikë më shumë se Trojes i renditur në vendin e tretë. Metz do kërkojë të mbetet i pari në tre javët e mbetura në kampionat.

UZUNI DHE SEFERI – Lokomotiva e Zagrebit, edhe pse shënoi e para ndaj Istrës së vendit të parafundit, nuk ia doli të merrte pikët e plota. Ekipi i Myrto Uzunit u ndal në një barazim 1-1 dhe beratasi e Lirim Kastrati nuk mundën ta ndihmojnë skuadrën e tyre të fitonte. Kështu Lokomotiva ka humbur terren në luftën për në Europë, me Hajdukun që ka mundësinë të shkëputet nëse fiton këtë fundjavë.

Vinterfurthi është mposhtur 4-1 nga Lozana dhe Taulant Seferi nuk ka mundur të bëjë asgjë për të shmangur këtë disfatë. Sulmuesi shqiptar nga Maqedonia e Veriut ka shënuar vetëm dy gola këtë vit (8 gola në total këtë sezon në kampionat). Gjërat u vështirësuan pas minutës së 52-të, kur Vinterfurthi meti me një lojtar më pak dhe vendasit arritën të shënojnë tre gola dhe të fitonin.

Kundër Hajdukut të Splitit Uzuni ishte zhvendosur në krahun e majtë të sulmit, aty ku edhe ka luajtur më së shumti te Laçi. Por në Kroaci trajneri Tomiç më së shumti e ka aktivizuar si sulmues të dytë, pozicion që do e mbulojë edhe sot beratasi. Titullar është përzgjedhur edhe Lirim Kastrati.

Hajduku i Splitit e ka vëzhguar Uzunin që në verë (KLIKO KËTU), por ishte Lokomotiva që e fitoi garën. Gjiganti kroat ka pasur probleme financiare dhe pa shitur nuk mund të bënte blerje. Me ndërmjetësimin e Besnik Prengës klubi i kryeqytetit kroat u bind dhe për 350 mijë euro e transferoi nga Laçi.

Sinisha Oreshçanin, trajneri i Hajdukut, e ka thënë hapur para konferencës për shtyp se do e donte Uzunin nga skuadra e tij. “Kë do zgjidhnit nga Lokomotiva si një përforcim për Hajdukun? Uzunin”, u shpreh tekniku, i cili në fakt nuk ka qenë që në fillim të sezonin në krye të skuadrës kroate. Beratasi duket se i ka bërë të gjithë për vete në Kroaci dhe në verë me shumë mundësi do të transferohet në një kampionat më të fortë.

DEKLARATA E UZUNIT – Sulmuesi anësor, para pak ditësh foli për ndeshjen me Hajdukun dhe vlerësimi është maksimal. “Nuk ndihem aspak i lodhur për shkak të numrit të madh të ndeshjeve.  Po stërvitemi mirë dhe mjaft fort për një ndeshje shumë të rëndësishme si kjo me Hajdukun. Kundërshtari është shumë më mirë se më parë dhe janë jashtëzakonisht të fortë. Luajmë në shtëpi dhe duhet të fitojmë. Në fund do të jemi në Europë. I kemi cilësitë dhe mentalitetin e fituesit për t’ia dalë mbanë”, shprehej Uzuni për faqen zyrtare të klubit, ndërkohë që nuk mungoi edhe një batutë.

“Jam në kontakt të vazhdueshëm me Ardian Ismajlin, i cili është pjesë e Hajdukut. Jemi miq të mirë, pasi luajmë së bashku ne kombëtaren e Shqipërisë. Ai nuk do të luajë kundër nesh të dielën për shkak të kartonëve të verdhë. E telefonova dhe i thashë që e kishte humbur këtë ndeshje qëllimisht, pasi kishte frikë të përballej me mua”, përfundonte Uzuni.

“Nuk ndihem aspak i lodhur për shkak të numrit të madh të ndeshjeve.  Po stërvitemi mirë dhe mjaft fort për një ndeshje shumë të rëndësishme si kjo me Hajdukun. Kundërshtari është shumë më mirë se më parë dhe janë jashtëzakonisht të fortë”, shprehet Uzuni për faqen zyrtare të klubit.

Ai flet më tej edhe për raportin me Ardian Ismajlin, teksa zbulon dhe telefonatën që ka pasur me të: “Jam në kontakt të vazhdueshëm me Ardian Ismajlin, i cili është pjesë e Hajdukut. Jemi miq të mirë, pasi luajmë së bashku ne kombëtaren e Shqipërisë. Ai nuk do të luajë kundër nesh të dielën për shkak të kartonëve të verdhë. E telefonova dje dhe i thashë që e kishte humbur këtë ndeshje qëllimisht, pasi kishte frikë të përballej me mua”, ka deklaruar me humor beratasi.

Në fund ai ka shprehur bindjen se Lokomotiva e Zagrebit do të marrë pjesë në kupat e Europës, por fillimisht duhet mundur Hajduku i Splitit. “Luajmë në shtëpi dhe duhet të fitojmë. Në fund do të jemi në Europë. I kemi cilësitë dhe mentalitetin e fituesit për t’ia dalë mbanë”, përfundon Uzuni..

Abazaj u aktivizua me të filluar pjesa e dytë kur rezultati ishte 1-1. Kjo ishte ndeshje e parë e Osijekut nën drejtimin e trajnerit Dino Skender, i cili u gradua në këtë rol tri ditë më parë, duke lënë detyrën si trajneri i ekipit rezervë.

Qëndrojmë te shqiptarët e futbollit kroat, por kësaj radhe me një lajm jashtë fushës së blertë. Myrto Uzuni ka firmosur një marrëveshje sponsorizimi me kompaninë e veshjeve sportive “NIKE”. Lajmë është bërë i ditur nga menaxheri i tij Franci Bode me anë të një postimi në rrjetet sociale.

https://www.instagram.com/p/BvzTvudnFTm/?utm_source=ig_web_copy_link

LARGIMI I PANUÇIT – “Normalisht që ndihem pak keq, por ne luajmë për Shqipërinë dhe respektojmë çdo trajner. Nëse dikush jep në fushë, normalisht që do të luajë. Na kanë thënë që duhet të jemi të përqendruar dhe të punojmë mirë psikologjikisht. E mësuam sot në mëngjes largimin e trajnerit. Nuk dua të flas për këtë temë”, shtoi beratasi, i cili aktivizohet me Lokomotivën e Zagrebit në Kroaci.

GARA – Në lidhje me Andorrën, pozicionin në fushë dhe garën për në Europian, Uzuni deklaroi: “Për këtë fanellë unë luaj kudo, nuk ka rëndësi. Te Lokomotiva kam luajtur në krah dhe në majën e sulmit. Andorra? Kemi bërë një prapa hap dje, këtë fitore e kemi detyrim. Nëse nuk fitojmë, atëherë jemi jashtë gare. Gara për vendin e dytë? Nuk ka mbaruar asgjë, ishte thjesht një ndeshje. E kemi detyrim që tani të fitojmë në Turqi”.

GOLI I PARE – “Është e vërtetë, pasi ai rast na penalizoi shumë. Ky është ligji i futbollit, nëse nuk shënon, e pëson! Unë mendoj se kemi bërë një pjesë të parë shumë të mirë. Me gjysmë gabimi që i falëm kundërshtarit, u ndëshkuam.

RASTET E HUMBURA – “Ne nuk jemi Spanja që të shëprdorojmë 10-15 raste. Ato dy-tre raste që krijojmë, duhet t’i shfrytëzojmë.”

PJESA E DYTË – “Na demoralizoi shumë goli i dytë, nuk arritëm të reagonim. Ai gol i shpejtë në pjesën e dytë vendosi gjithçka. Kemi krijuar shuëm volum loje në pjesën e parë. E dinim që mbrojtja turke kishte probleme pas shpine dhe ne e sulmuam mirë hapësirën. Megjithatë, sulmuesit e Turqisë bënë diferencën”, tha Uzuni.

2-0 NUHIU!!!! #wawaw #swfc #daretonuhiu @swfc pic.twitter.com/O0pKcSMP4l

— WAWAW76 (@ndunne76) March 16, 2019

Lajme të mira vijnë për Skocia. Eros Grezda ka lënë pas lëndimin në kyçin e këmbës dhe është rikthyer të luajë me Rejnxhërs pas më shumë se një muaji. Sulmuesi i kombëtares sonë luajti për 45 minuta në takimin ndaj Kilmarnok.

Myrto Uzuni dhe Lirim Kastrati kanë festuar tri pikët pas fitores 3 – 1 ndaj Slaven Belupo. Lojtari i kombëtrares shqiptare luajti për 90 minuta në këtë takim, ndërsa Kastrati u aktivizua si zëvendësues.

Flasim për vitin 2019, kur ai që po shënon më së shumti është Myrto Uzuni. Te Lokomotiva e Zagrebit është parë të luajë në disa pozicione, së fundmi si sulmues i dytë. Ka luajtur edhe në majë, dhe nga krahët, ndërkohë që numëron 3 gola në 6 ndeshjet e zhvilluara deri më tani.

Shënuesi i dytë më i mirë është një mbrojtës: Arlind Ajeti. Futbollisti ka realizuar dy herë me fanellën e Grasshopers. Në total lojtarët e grumbulluar nga Panuçi për dy ndeshjet e radhës kanë shënuar dhjetë gola. Shijen e golit e kanë provuar Kristi Qose, Armando Sadiku, Bekim Balaj, Ardian Ismajli dhe Kristal Abazaj.

Kështu, Myrto Uzuni do të jetë sërish nën urdhrat e trajnerit Kristian Panuçi. Beratasi po paraqitet mirë në Kroaci dhe italiani e ka ndër lojtarët e preferuar ish-anësorin e Laçit. Momentalisht Uzuni është një ndër lojtarët më në formë të kombëtares sonë.

Lirim Kastrati është ftuar sërish nga Bernard Shaland. Anësori i Lokomotivës do të jetë një nga sulmuesit e Kosovës për dy takimet e radhës. Konkurrenca te Dardanët është e madhe dhe shanset që të ketë hapësira janë të vogla për Kastratin.

Kampionët në fuqi të Kroacisë ishin dukshëm skuadra që luajti më mirë, por goli i futbollistit beratas në minutën e 79-të i mohoi atyre tri pikët. Pika e sotme vlen shumë për Lokomotivën pasi klubi nga kryeqyteti i Kroacisë po lufton për të siguruar një vend në kualifikueset e ardhshme të Europa League.

Ky është goli i shtatë i Uzunit në kampionatin kroat. Tani 23-vjeçari ndan vendin e golashënuesit të skuadrës së bashku me shqiptarin tjetër Lirim Kastrati.

Lokomotiva, që renditet në vendin e dytë me 34 pikë bashkë me Osijekun dhe Rijekën, është gati për transfertën e Splitit dhe lojtari i kombëtares shqiptare ka folur për faqen e klubit përpara ndeshjes që zhvillohet të dielën në orën 17:30, duke vlerësuar ekipin e Hajdukut. Dinamo kryesuese është larg, ndërsa gara për një vend në Europë është shumë e fortë.

23-vjeçari i shënoi në fazën e parë Hajdukut, është gati të zhvillojë një tjetër ndeshje të madhe kundër tyre dhe ka besim se Lokomotiva do të kthehet në kryeqytet me fitore.

“Po presim një kundërshtar të fortë, Hajduku është rritur në krahasim me pjesën e parë të sezonit. Jemi stërvitur mirë dhe jemi përgatitur për këtë ndeshje. Duhet të jemi të përqendruar, në mënyrë që të përfitojmë nga kundërshtarët tanë. Gjithashtu duhet të kërkojmë shanset tona. Do të jenë një ndeshje e vështirë, por në fund do të shkojmë te fitorja“, përfundon Myrto Uzuni.

Sfida e luajtur midis Lokomotivës së Zagrebit dhe Inter Zapresiçit ka përfunduar me fitoren e pastër të vendasve 2-0. Goli i parë për Lokomotivën është shënuar, pikërisht nga Uzuni, i cili dhe një herë është konfirmuar si një ndër më të rëndësishmit për ekipin e tij, teksa në minutën e 81-të shkundi rrjetën.

Goli i shënuar ishte i pesti për lojtarin e kombëtares sonë në kampionat. Kështu, 23-vjeçari vijon të ndihmojë Lokomotivën e tij, teksa këta të fundit ngjiten në vendin e tretë në kampionatin kroat, duke u barazuar në kuotën e 34 pikëve dhe me vendin e dytë të Osijekut.

Në të dytën skuadra e Tomiç reagoi dhe shënoi tre herë në portën e Znojmo. Uzuni dhe Kastrati nuk arritën të shënonin dot, por te beratasi ra diçka në sy. Tashmë ai ka ndryshuar numrin në fanellë dhe nuk do të ketë me 21-shin.

Para miqësores ai ka publikuar në “Instagram” fanellën me numrin e ri dhe do të mbajë shtatën. Jo e rastësishme diçka e tillë, duke ditur që Uzuni ka idhull Kristiano Ronaldon dhe tashmë ka marrë pikërisht numrin që mban edhe portugezi.

Viti 2018 është zbërthyer nga ana e sulmuesit anësor, i cili në një intervistë të dhënë për “SportEkspres.com” flet për shumë tematika. Momenti më i mirë, golat më të rëndësishëm dhe shumë modesti. Uzuni flet për eksperiencën në Kroaci dhe dëshirat e së ardhmes. Ah, po! Edhe diçka tjetër” me menaxherin e tij nuk vë më baste.

INTERVISTOI: VLADIMIR PRENGA

Myrto, viti 2018 ka qenë mjaft i suksesshëm për ju. Si do e përmblidhnit atë që ju ka ndodhur gjatë atij viti?
-Viti që iku ka qenë më i suksesshmi për mua, pasi u kualifikuam në Europë, luajta dy finale dhe shënova kundër Anorthosis golin që na kualifikoi në turin e dytë në Europa League. Më pas u transferova në Kroaci dhe “qershia mbi tortë” ishte ftesa e marrë nga kombëtarja. M’u plotësua ëndrra ime fëmijërore.

Cili ka qenë momenti më i rëndësishëm që veçoni nga ky vit, në aspektin sportiv dhe në personal?
-Momenti më i rëndësishëm ka qenë ndeshja kundër Anorthosis, pasi e dija që kishin ardhur skautët e Lokomotivës së Zagrebit për të më parë.

Si ishte të vishje fanellën kuqezi?
-Të vishja fanellën e kombëtares do të thotë shumë për mua, pasi kam qenë që i vogël tifoz i çmendur me Shqipërinë. Më dridhej mishi kur këndohej himni, ishte një ëndërr që u arrit dhe është ndjenja më e bukur të përfaqësosh atdheun dhe kombin tënd.

Çfarë note i vendosni vetes për paraqitjen që keni bërë gjatë këtij viti?
-Sa i takon notës, gjithmonë pres të më vlerësojnë të tjerët. Asnjëherë nuk e vlerësoj unë vetën. Por besoj që ka qenë një vit shumë i mirë. E mira nuk ka fund dhe ka vend për shumë përmirësime.

Në aspektin e stërvitjes, sa ndryshon kampionati ynë me atë kroat? Po seancat stërvitore me Panuçin, si janë?
-Ka shumë ndryshim në aspektin e stërvitjes, pasi këtu janë të gjitha kushtet dhe punohet shumë fort. Sa i takon stërvitjeje me Mister Panuçin, janë me të vërtetë shumë të mira.

A mendoni se keni hapur një portë të rëndësishme edhe për lojtarë të tjerë shqiptarë te Lokomotiva?
-Besoj se portat janë të hapura në çdo vend të botës, mjafton që të kesh talent, të përkushtohesh dhe të punosh. Çdo portë është e hapur për çdo lojtar.

Kur shkuat në Kroaci, a ndjetë në ndonjë moment presion për të treguar që jo më kot kanë paguar për ty?
-Realisht nuk kam ndjerë aspak presion, pasi jam futur në fushën e lojës dhe kam bërë atë që di të bëj më mirë. Edhe puna ime është shpërblyer.

Ju kanë parë në ndonjë moment me dyshim, pasi realisht Lokomotiva nuk është se bën shpesh transferime me shumë të tilla sa paguan për ju?
-Jo, nuk më kanë parë asnjëherë me dyshim. Më shohim pozitivisht dhe në fillim u habitën se si u ambientova aq shpejt me ekipin. Tanimë çdo gjë është krejt normale.

Është folur shumë për të ardhmen tuaj, madje edhe për interesime të klubeve të Serie A. E ëndërroni të luani në Itali, ndoshta edhe kundër idhullit tuaj Kristiano Ronaldo?
-Të ardhmen time e di klubi dhe menaxheri im, Franci Bode. Sa i takon Kristiano Ronaldos, normalisht ai është idhulli im dhe e kam shprehur shumë herë këtë.

Në aspektin personal, a keni ndonjë objektiv për sezonin e ardhshëm?
-Dua të shënoj tetë gola, në total 13. Pesë i kam shënuar, 4 në kampionat dhe një në Kupë. Dua gjithashtu që me ekipin kombëtar të fitojmë sa më shumë ndeshje.

Fituat një bast me menaxherin tuaj Bode. A keni vënë ndonjë tjetër tani dhe nëse është e mundur a mund ta zbuloni?
-Jo, nuk kam vendosur bast tjetër. Franci e di që gjithmonë humbet.

Gjatë këtij viti që u mbyll, cilët janë dy golat që mund të veçoni? Le të themi më të bukurin për nga realizmi dhe më të rëndësishmin…
-Veçoj golin e shënuar me fanellën e Laçit kundër Anorthosis, më i bukuri. Tjetri është goli në derbi kundër Hajdukut, ai në realizimin 2-0.

Çfarë ka ndryshuar për ju si Myrto në harkon kohor të 12 muajve?
-Çdo gjë ka ndryshuar për gjashtë muaj, e jo për 12 muaj. Besoj se puna gjithmonë shpërblehet dhe jam shumë i lumtur për këtë pjesë. Doja të shtoja që puna dhe djersa nuk shkojnë asnjëherë kot. Jam shumë i lumtur, pasi parimi kryesor është të mos dorëzohem, pavarësisht vështirësive dhe rrethanave.

Uzuni e mori çmimin “Njeriu i vitit” me motivacionin e mëposhtëm: “Talent, përkushtim, shumë punë dhe kokëulur. Myrto Uzuni, një shembull për të rinjtë se si mund të ecet përpara. Rezultatet flasin vetë dhe janë të shumtë fëmijët që duan të ecin në gjurmët e tij. Gjurmët e tij i kanë fillesat nga Berati dhe Myrto me gjithçka ka arritur ka lartësuar edhe emrin e qytetit tonë, ndaj edhe nderimi me çmimin e “Njeriu i Vitit” është detyrim dhe vlerësim për të, por edhe një motivim për të rinjtë e tjerë”.

Ndërkohë faqja e Tomorit ka gjetur mundësinë të bëjë edhe shaka, teksa njofton rikthimin e Uzunit për shumën e 420 mijë eurove. Një dhuratë e shtrenjtë për fundvit. “Tomori hap merkato duke rikthyer Myrto Uzuni në Berat për 420 mijë euro”.

BASTI –  “Por, si ka qenë basti midis agjentit dhe lojtarit. Midis palëve u ra dakord se nëse Uzuni do të shënonte 10 gola dhe do të luante me kombëtaren shqiptare brenda vitit 2018, ai do përfitonte një automjetin.

Me kalimin e muajve Uzuni i realizoi të dyja kushtet e bastit dhe agjenti i lojtarit nuk iu shmang bastit, duke i dorëzuar sot çelësat e automjetit të markës “Porsche”.

https://www.instagram.com/p/Briq30uAxY5/?utm_source=ig_web_copy_link

Për 90 minuta ishte në fushë Myrto Uzuni në barazimin e Lokomotivës së Zagrebit ndaj Goricës, në shifrat 2-2. Beratasi bëri një paraqitje të mirë, por pa mundur që të kontribuojë në suksesin e skuadrës së tij, që tani ndodhet në vendin e katërt me 31 pikë. Në fushë ishte edhe Lirim Kastrati, i cili la fushën në minutën e 84-ët.

Edhe Sokol Cikalleshi është aktivizuar në ndeshjen mes Gëztepes dhe Bursasporit, që përfundoi me rrjeta të paprekura, në shifrat 0-0. Kavajasi zbriti në fushë në minutën e 83-të, por pa lënë shenjë në këtë takim.

I vetmi që ka gëzuar me skuadrën e tij ka qenë Kamer Qaka. Poli Iashi ka arritur një sukses të thellë në transfertë ndaj ekipit të Konkordias në shifrat 3-6. Mesfushori nuk ka qenë protagonist në asnjë prej golave të skuadrës së tij, por kjo fitore e dërgon Iashin në kuotën e 27 pikëve, po aq sa dhe vendi i gjashtë.

Uzuni shënoi golin e vetëm të Lokomotivës në barazimin 1-1 ndaj Slaven Belupo, ndërkohë që në artikullin e bërë nga media kroate vihen në dukje shifrat e regjistruara nga 23-vjeçari.  “Katër goditje, dy brenda kuadratit dhe një gol i shënuar”, shkruhet në fillim të komentit për Uzunin.

Më tej thuhet se sulmuesi anësore nga 30 pasime, 24 i ka pasur të sakta. Duelet i ka me bilanc pozitiv, teksa ka fituar 5 nga nëntë. Uzuni, në katër herë që është futur në driblim, tre herë ia ka dalë me sukses. Në një rast ai ka provuar të rikuperojë një top me sparkatë, pa sukses. beratasi regjistron edhe tre topa të rikuperuar, dy prej tyre në gjysmëfushën kundërshtare.

Uzuni ndihmoi Lokomotivën e Zagrebit të shmangte humbjen, duke shënuar në minutën e 80 të ndeshjes. Miqtë ishin në avantazh të një goli, kur ai goditi bukur me kokë, duke barazuar ndeshjen.

Goli i katërt në kampionatin kroat për lojtarin ofensiv, i cili ka shënuar dhe një gol në kupë, ndërsa është zgjedhur 5 herë pjesë e formacionit më të mirë të javës. Kjo pikë e ngjit Lokomotivën në kuotën e 30 pikëve, duke vazhduar të mbajë vendin e dytë me 6 pikë më pak se Dinamo e Zagrebit e vendit të parë.

Një pjesë loje dhe për Lirim Kastratin, i cili u fut në fushë në fillimin e pjesës së dytë. Sulmuesi i Kosovës vazhdon të jetë golashënuesi më i mirë i Lokomotivës me 7 gola, ndërsa katër minuta përpara fundit u ndëshkua me karton të verdhë.

Gjithçka ka ndodhur shumë shpejt, por Uzuni nuk ka ndërmend të ndalet. Në fundjavë shënoi golin e tretë në kampionatin kroat, në barazimin 2-2 kundër Osijekut. Uzuni tundi rrjetën në minutën e 45 të pjesës së parë, ndërkohë që Lokomotiva e tij renditet në vendin e dytë, 7 pikë më pak se Dinamo kryesuese.

Lojtari i kombëtares zhvilloi një takim shumë të mirë dhe u vlerësua në formacionin më të mirë të javës të “1. HNL”. Kjo është hera e pestë që lojtari ofensiv bën pjesë në titullarët më të mirë të kampionatit kroat, ndërsa në vlerësimin për të shkruhet: “Çdo veprim i Lokomotivës nis nga Uzuni. Kundër Osijekut, Radonjiç ishte jashtë listës së Lokomotivës dhe shqiptari mori përsipër ndërtimin e lojës. Ai shënoi një gol dhe u shfaq dhe herë të tjera kërcënues përpara portës.”

Uzuni ka zhvilluar 799 minuta në 9 ndeshje me Lokomotivën, ka shënuar 3 gola në kampionat dhe 1 një kupë. I mbetet të vazhdojë të punojë fort e të shënojë, ndërsa Panuçi fërkon duart, pasi 23-vjeçari ndodhet në një moment të mrekullueshëm.

“Sulmi është në formë, ka shënuar edhe Grezda e Kaçe. Goli do vijë nëse vazhdojmë me ritmin që kishim në Izrael”, u shpreh fillimisht Uzuni. Më tej ai u pyet edhe si ndjehet që tani vëmendja është tek ai.

Përgjigja ishte modeste: “Normalisht që ndjehem mirë, vëmendja nuk është vetëm tek unë. Ne kemi grupin dhe është ai më i rëndësishmi. Grupi është ai që na bashkon ne. Luajtëm shumë mirë në Izrael, nuk na deshi fati. Me atë lojë dhe duke zbatuar detyrat e trajnerit, besoj se mund të fitojmë me Skocinë”.

Uzuni luan në krahët e sulmit, në majë dhe si sulmues i dytë. Gjithashtu te Lokomotiva Zagreb ka provuar të luajë edhe në treshen e qendrës së mesfushës. Ai është i gatshëm kudo që dëshiron Panuçi. “Pozicioni? Varet nga trajneri. Më rëndësi të ndihmoj skuadrën. Jam gati të luaj kudo që ka nevojë skuadra”.

Me Laçin ka shënuar në “Loro Boriçi” dhe sigurisht që është ndjerë mirë. Por të shënosh me Shqipërinë është tjetër emocion. “Është kënaqësi të shënosh për kombëtaren, pasi bën krenar atdheun dhe familjen. Do ishte diçka shumë e bukur”.

Beratasi ka një mesazh edhe për tifozët: “I bëj thirrje tifozëve të na mbështesin. Na duhet pak kohë dhe kombëtarja do rikthehet aty ku ka qenë”. Uzuni në fund thekson se të rinjtë që janë bashkuar me kombëtaren kanë marrë mbështetjen e duhur nga lojtarët e tjerë. “Fryma është e njëjtë. Lojtarët me eksperiencë na kanë mbështetur dhe jam ndjerë shumë mirë brenda grupit”, përfundoi Uzuni.

Uzuni qëndroi në lojë deri në fund dhe këtë herë nuk ia ka dalë të shënojë dot me kroatët, por sigurisht që i është gëzuar fitores.  Lokomotiva edhe këtë javë do të vijojë ta ruajë vendin e dytë në klasifikim. Me Istrën u aktivizua edhe një shqiptar i Maqedonisë, Agron Rufati. Mbrojtësi 19-vjeccar u fut në lojë në minutën e 13-të.

Besir Demiri i është gëzuar tre pikëve me Mariupolin, që triumfoi me rezultatin e ngushtë 1-0 ndaj Arsenal Kiev. Mbrojtësi i majtë i kombëtares ishte titullar në këtë takim dhe skuadra e tij me pikët e marra është ngjitur në vendin e katërt  në elitën e futbollit ukrainas. Demiri u zëvendësua në minutën e 90-të.

“Përsëri paraqitje fantastike e lojtarit të kombëtares shqiptare. Në fitoren 3-1 kundër Zadar, ai ka asistuar dy herë dhe ka shënuar një gol, duke treguar se është një “jackpot” në klubin e tij. Drejtuesit e Lokomotivës janë të lumtur dhe po fërkojnë duart. Uzuni në tetë ndeshje që ka luajtur për Lokomotivën ka arritur të shënojë tre gola dhe të japë 6 asiste”, shkruan “24sata.hr”, që e ka përfshirë beratasin në formacionin më të mirë.

FORMACIONI MË I MIRË (4-2-3-1)
Nediljko Labrovi? (Šibenik) – Antonio Bosec (Inter Zapreši?), Joao Escoval (Rijeka) Toni Datkovi? (Lokomotiva), Mario Musa (Dinamo) – Marijo Du?ki? (Vinogradar), Marin Pilj (Osijek) –  Jairo da Silva (Hajduk),  Bruno Bogojevi? (Slaven Belupo), Myrto Uzuni (Lokomotiva), Mirko Mari? (Osijek)

Paraqitjet e mira të Uzunit në Kroaci vazhdojnë, teksa në ndeshjen e fundit në Kupë me Zadarin shënoi golin e barazimit dhe asistoi në dy të tjerët që i dhanë fitoren dhe kualifikimin Lokomotivës së Zagrebit.

Vlerësimë maksimale për beratasin, madje edhe nga vetë klubi kroat, që ka bërë edhe një postim në faqen zyrtare në “Facebook”.

POSTIMI – Myrto Uzuni ishte brilant në Zadar, loja e tij e shkëlqyer u kurorëzua me golin e shënuar dhe dy asistet e dhëna. “Ishte një ndeshje e mirë, veçanërisht shijon kur ndodh me përmbysje, pasi kishim pësuar që në minutën e parë. Ishit të lodhur? Le të mos flasim për këtë, çdokush do të jetë gati dhe do të çlodhet për të shtunën kundër Istrias”. Urime edhe njëherë Myrtos dhe djemve të tjerë të ekipit.

https://www.facebook.com/NKLokomotivaZagreb/photos/a.133910333357700/1947958888619493/?type=3&theater

Ai u aktivizua për Ahmat Grozni në minutën e 82-të kundër Dinamos së Moskës. Ndeshja u mbyll në barazim pa gola dhe sulmuesi i kombëtares nuk e ndihmoi dot skuadrën e tij të fitonte në shtëpi. Sindrit Guri, tjetër sulmues në orbitën kuqezi, nuk luajti asnjë minutë të shtunën me Ostenden.

Albasete fitoi me përmbysje dje ndaj Ekstremadura dhe nuk pati nevojë për kontributin e Rei Manajt. Sulmuesi lushnjar e ndoqi të gjithë takimin nga stoli. Edhe Eros Grezda nuk mori asnjë minutë në ndeshjen gjysmëfinale të Kupës, që Rejnxhërs e humbi me Aberdenin 1-0.

Edhe për Xhakomo Vrionin nuk kishte minuta të premten. Sulmuesi, i cili debutoi me Izraelin, nuk mori në asnjë minutë në ndeshjen që Venecia barazoi në transfetë me Palermon. Uzuni është nga ata që po luan rregullisht me Lokomotivën. Edhe këtë javë ishte titullar në fitoren 4-0 që mori skuadra kroate. Por as beratasi nuk shënoi këtë herë.

Pikërisht ish-tekniku i Laçit ka zbuluar për mediat kroate transferimin e Myrto Uzunit në Kroaci. Prenga ka deklaruar se është mahnitur nga aftësitë e beratasit që në ditën e dytë që e ka parë te Laçi. Gjithashtu 49-vjeçari ka shtuar se Myrto është një lojtar me potencial të jashtëzakonshëm.

ZBULIMI – “Në qershor, presidenti i Laçit, miku im Pashk Laska, më kërkoi që të  udhëhiqja ekipin e tij në kualifikueset e Europa Ligë dhe në të njëjtën kohë të bëjë një përzgjedhje në ekip për këtë sezon. Në marrëveshje me Lokomotivën unë shkova atje dhe mu deshën vetëm dy ditë stërvitje për të vënë re Uzunin. Nuk mund ta besoja se një lojtar i tillë i talentuar ende luante në kampionatin shqiptar, sepse ëndrra e lojtarëve shqiptarë është që të aktivizohen jashtë vendit.”

TRANSFERIMI – “E telefonova menjëherë Shikiç (drejtori sportiv i Lokomotivës) dhe i thashë se e kam gjetur lojtarin që do të jetë përforcimi i duhur për Lokomotivën. Nuk ishte e lehtë për ta marrë, pasi për të bindur presidentin e Laçit ishte e vështirë. Ai ishte në dijeni për diamantin që kishte në dhomat e zhveshjes, ndërkohë për të interesohej dhe Hajduk Spliti dhe Osijek. Ne ishim më të shpejtë dhe më konkretë. Gjithashtu unë i shpjegova Uzunit, se te Lokomotiva do të kishte përparësi, pasi të rinjtë përkrahen shumë në ekipin tonë. Më pas ramë dakord dhe me presidentin, Pashk Laska, dhe tashmë Uzuni është pjesë e Lokomotivës së Zagrebit. Jam i lumtur për të, sepse është pritur mirë në ekip dhe po bën paraqitje mjaft të mira. Jam i sigurt që do të shkojë larg, pasi ka një potencial të pabesueshëm. Është tërësisht i dedikuar në punën që bën dhe nuk i intereson asgjë tjetër përveç futbollit.”

FJALËT E SOLSKJAER – “Humbëm ndeshjen e parë 2-1 në transfertë në Qipro, ndaj Anorthosis. Ndeshja e kthimit në Laç, u kualifikuam me golin e Uzunit në fund. Më pas në raundin tjetër luanim ndaj Moldes, që kanë si trajner një legjendë si Solskjaer, i cili pas ndeshjes më tha: “Lojtari yt me numër 10, mund të luajë në çdo klub!”.

Të dy shënuesit e Lokomotivës së Zagrebit ndaj Hajdukut, mund të kishin qenë pjesë e këtyre të fundit. Domagoj Drozhdek, autori i golit të parë, në vitin 2016 është testuar te skuadra kroate dhe për drejtuesit e klubit nuk i plotësonte kriteret.

Së fundmi ishte Lokomotiva që ishte më e shkathët dhe ia mori “nën hundë” Hajdukut. Këta të fundit kishin ndjekur edhe Uzunin, sikurse edhe ka raportuar “SportEkspres.com”, por skuadra nga Zagrebi sërish ishte treguar më e shpejtë.

Por për shërbimet e anësorit të blerë nga Laçi nuk ka qenë një garë dyshe. Përveç Lokomotivës dhe Hajdukut, thuhet se edhe Osijek ishte interesuar për Uzunin. Besnik Prenga, ish-trajneri i kurbinasve, pjesë e Lokomotivës, i bindi këta të fundit ta blinin beratasin.

U arrit marrëveshja për 350 mijë euro dhe tanimë që Uzuni ka arritur të luajë edhe me kombëtaren e Shqipërisë, vlera e tij është shumëfishuar. Lokomotiva nuk do të heqë dorë për qindarka nga shërbimet e Uzunit.

“Ndihem mirë pas fitores kundër Hajdukut. Jam i gëzuar që jam zgjedhur lojtari i javës. Por pa ndihmën e shokëve nuk do të kisha bërë një ndeshje të mirë. U shfaqëm si ekip i madh dhe e kontrolluam ndeshjen ndaj Hajdukut”.

“Sekreti i përshtatjes? Isha me fat që të gjithë ne kemi qenë fantastikë që në ditën e parë. Gjithashtu dua të shtoj se kam ardhur në një ekip të shkëlqyer, me një trajner të shkëlqyer. Kemi lojtarë me cilësi të mira dhe vërtetë po e shijoj këtë eksperiencë të re që kam nisur te Lokomotiva”.

https://www.facebook.com/NKLokomotivaZagreb/photos/a.133910333357700/1936741373074578/?type=3&theater

Pas ndeshjes, Uzuni ka folur për paraqitjen e tij dhe se si ndihet në Zagreb: “Ishte një ndeshje e mrekullueshme, jam i lumtur për golin dhe asistin e dhënë, por po mendoj vetëm të ndihmoj ekipin tim. Ndihem shkëlqyeshëm në Zagreb dhe gëzoj besimin e madh të trajnerit. Gjithçka është ashtu si duhet të jetë. Lojtarët e tjerë më kanë pritur mirë dhe ardhja në Kroaci është një hap i madh përpara për mua”.

Uzuni, i cili ka fituar edhe një vend në kombëtaren shqiptare, është pyetur edhe për diferencat e futbollit tonë me atë kroat. “Ka një diferencë të madhe mes futbollit kroat dhe atij shqiptar. këtu luhet futboll më i shpejtë, është më dinamik. Në Shqipëri ndeshjet ndalohen shpesh nga ndërhyrjet’, ka deklaruar beratasi, i cili sezonin e shkuar ishte pjesë e Laçit.

Në fund ai ka folur edhe për ambiciet që ka: “Dua të rritem edhe më shumë, por mbi të gjitha të ndihmoj ekipin tim. Qëllimi ynë është të renditemi në vendin e parë në fund të sezonit. Duhet të vazhdojmë kështu dhe të fitojmë çdo ndeshje”.

Presidenti Pashk Laska kishte shpenzuar ta blinte dhe ecuria e sulmuesi ishte e mirë. Dalja në Europë më pas ishte vitrina më e mirë për beratasin dhe diti ta shfrytëzojë momentin. Në ndeshjen kundër Anorthosis Falagusta në stadium kishte përfaqësues të dy klubeve kroate.

Lokomotiva e Zagrebit, klubi që e bleu për 350 mijë euro në ditën e fundit të merkatos, kishte dërguar zyrtarë të lartë të klubit për ta parë. Por nuk ishin të vetëm, pasi “SportEkspres.com” mëson se edhe Hajduku i Splitit po e vëzhgonte.

Klubi kroat, në vështirësi financiare, duhet të bëntë ndonjë lëvizje në dalje për ta blerë Uzunin. Diçka e tillë nuk ndodhi dhe të dielën anësorin e kombëtares shqiptare do e kenë kundër në fushën e blertë.

Sigurisht beratasi nuk është penduar për zgjedhjen e bërë dhe nuk ka ndonjë peng, por ndoshta pas ndeshjes do të jetë kroatët ata që do të thonë: “Gabuam, si nuk e morëm këtë lojtar”.

“Datën 10 Tetor 2018 nuk besoj se do ta harroj më në jetën time! Është realizimi i një ëndrre që fëmijë, një emocion i papërshkrueshëm të mbash këtë fanellë mbi shpinë. Falënderoj trajnerin Kristian Panuçi që më dha këtë shans dhe çdo njeri të afërt që më ka ndihmuar për të arritur deri këtu”, shkruan Uzuni në llogarinë e tij në “Facebook”.

Më tej ai vijon: “Mbi të gjitha ndihem krenar që arrita të vendos mbiemrin tim midis fanellave të tjera kuq e zi. Do të jap maksimumin akoma më shumë në të ardhmen, të punoj fort e të vazhdoj të jem pjesë e kombëtares dhe shpresoj që rezultatet pozitive që tifozëria kuqezi pret, të vijnë sa më shpejt”.

;

“Ka qenë si një ëndërr. Të përfaqësosh këtë Kombëtare është gjëja më e bukur në botë. Tregova cilësitë e mi këtu në Shqipëri dhe ruajta vazhdimësinë edhe në Kroaci. Po bëjmë mirë me skuadrën dhe kam kontribuar me gola dhe asiste. Jemi në vendin e dytë dhe them ndaj më ka ardhur dhe ftesa”.

“Nuk kisha vështirësi, pasi edhe trajnerin Kroaci më aktivizon mesfushor qendre, pasi vrapoj shumë. Goli në debutim do të kishte qenë një ëndërr. Panuçi më dha vetëm një këshillë para se të futesha: Vrapo”

FITORJA – “Nuk e shohim renditjen, jemi të lumtur për këtë fitore dhe jam shumë i kënaqur për golin tim, por nuk kemi bërë ende asgjë. Duhet të ulim kokën e të punojmë, duke menduar vetëm për ndeshjen pasuese, asgjë më shumë”.

SAKRIFICA DHE DEDIKIMI – “Falënderoj doktor Dario Zërniç, i cili mundësoi praninë time sot. Kam pasur një dëmtim dhe kemi punuar shumë ditët e fundit. Dedikim për golin? Ia dedikova golin Uzunit, i cili ishte në tribunë duke na ndjekur”.

E ARDHMJA – “Tani kemi dy javë pushim dhe është diçka e rëndësishme, sepse kemi pasur kalendar shumë të ngjeshur dhe fizikisht ka qenë e lodhshme. Pozicioni në fushë? Nuk ka rëndësi, luaj në të dy krahët e sulmit, por për mua mjafton të jem në fushë, sepse jam gati të bëj edhe mbrojtësin”.

Fjalë të mira vijnë edhe nga Kroacia, teksa vetë klubi i Lokomotivës shkruan se për Uzunin nuk është dashur kohë që të përshtatej. Gjithashtu i urojnë fat në ndeshjet me kombëtaren shqiptare.

“Uzuni në kombëtaren shqiptare. Myrto Uzuni deri më tani ka regjistruar shtatë paraqitje me ekipin kombëtar të Shqipërisë U21. Pas ndeshje me Goricën, kur asistoi dhe shënoi një gol duke u shpallur njeriu i ndeshjes, ai tha: “Qëllimi im është të marr ftesë nga ekipi kombëtar. Besoj se nëse vazhdoj të bëj ndeshje të mira, ëndrra ime së shpejti do të përmbushet”. Dhe vetëm pak ditë më vonë Uzuni mori ftesën e parë në ekipin kombëtar të Shqipërisë.

Myrto Uzuni arriti në fund të periudhës së transferimeve nga ekipi shqiptar i Laçit dhe menjëherë zuri një vend në formacionin e Lokomotivës. Besimi i trajnerit Tomiç u justifikua me ndeshje të mira, duke treguar se koha e mjaftueshme për t’u përshtatur nuk ishte e nevojshme.

Ai erdhi falë Besnik Prengës, ish-trajner i të rinjve të Lokomotivës me të cilët fitoi kampionatin kroat, si dhe ish-trajneri i Laçit në Shqipëri nga erdhi Uzuni. Tani ai është një lojtarët më produktivë të Lokomotivës. Në këtë mënyrë duam t’i urojmë fat Uzunit me kombëtaren shqiptare në ndeshjet në vijim”, shkruan klubi kroat në faqen zyrtare.

https://www.facebook.com/NKLokomotivaZagreb/photos/a.133910333357700/1913394392075943/?type=3&theater

Goli i gjashtë në kampionat për 19-vjeçarin e U21 të Kosovës, ndërsa ish-lojtari i Laçit ka gjetur golin e parë me ekipin e ri. Kastrati kaloi miqtë në avantazh në minutën e 42-të, ndërsa Uzuni vulosi fitoren me golin e shënuar në minutën e 70-të.

Pesë gola në tre ndeshjet e fundit për Kastratin, i cili është ngjitur në krye të renditjes së golashënuesve në kuotën e gjashtë golave, bashkë më Andriç (Zapreshiç) dhe Zuolinskin (Gorica).

Gol i rëndësishëm dhe për beratasin Uzuni, i cili është aktivizuar si titullar në tre ndeshjet e fundit në kampionat dhe tashmë gjen dhe golin e parë “kroat”.

Gorica – Lok.Zagreb 0-3
(Kastrati 42’, Uzuni 70’, Haliloviç 81’)

Ditën e djeshme ai i nisi titullar në ndeshjen e Kupës kundër Primorac Biograd, ndërkohë që në minutën e 79-të arriti të rikuperojë një top në limitet e zonës së skuadrës së tij dhe u nis në një sprint. Jo vetëm kaq, pasi dha edhe një pasim perfekt për Lirim Kastratin, i cili nuk goditi si duhet në portë.