Mustafi

Takim me dy idhuj kuqezinj, talenti i Fiorentinës tregon emocionet

Sport Ekspres — Sun, 21 Jul 2019 16:43:29 +0000

Mesfushori shqiptar i Fiorentinës Erald Lakti pati shansin të takonte Granit Xhakën dhe Shkodran Mustafin në miqësoren e zhvilluar në SHBA midis klubit nga Firence dhe londinezëve të Arsenal. Përballja në fushë më dy bashkëkombësit ishte tepër emocionuese për futbollistin shqiptar.

Me anë të një postimi në ne rrjetet sociale 19-vjeçari shprehu kënaqësinë që i dha përballja me dy shqiptarët e Arsenalit: Për mua ishte nder dhe kënaqësi e veçantë që të luaja përballë lojtarëve si Granit Xhaka apo një kampioni bote si Shkodran Mustafi, shqiptarë të cilët po bëjnë histori me klubet e tyre dhe me ekipet që përfaqësojnë. Jam shumë i lumtur që kisha këtë mundësi dhe shpresoj, që të shihemi sërish.

https://www.instagram.com/p/B0LnJGwIl-B/?utm_source=ig_web_copy_link

Mesfushori shkodran ka qenë kapiten i skuadrës Primavera të Fiorentinës që u shpall kampione e kupës së Italisë. Pak javë më parë 19-vjeçari u përzgjodh nga trajneri Vinçenso Montela si pjesë e skuadrës së grumbulluar për fazën përgatitore që i paraparin sezonit të ardhshëm.

VIDEO | “Mustafi, lërë mbrojtjen! Kalo sulmues”

Sport Ekspres — Thu, 27 Jun 2019 16:30:51 +0000

Shkodran Mustafi luan prej 3 sezonesh te skuadra e Arsenalit dhe mbrojtësi me origjinë shqiptare shpeshherë është kritikuar, për shkak të gabimeve që ka bërë në prapavijë. Kampioni i Botës me Gjermaninë në vitin 2014 u transferua te “Topçinjtë” me bujë, por ende nuk ia ka dalë që të përmbushë pritshmëritë.

Mustafi ka cilësi shumë të mira teknike, por vendosja në fushë dhe shpejtësia shpeshherë e kanë penalizuar. Cilësitë e mbrojtësi shihen qartë dhe nga videot e shpërndara në internet, ku Mustafi bën thuajse gjithçka si një sulmues në stërvitje. Ndoshta, është më mirë që “Musti” të kalojë sulmues…

VIDEO+FOTO: Gafa në derbi, tifozët e Arsenalit masakrojnë Mustafin

Sport Ekspres — Sun, 21 Apr 2019 17:27:14 +0000

Arsenali humbi 2-3 në shtëpi në derbin londinez përballë Kristal Palas dhe fajtor në 2 nga 3 golat e pësuar ishte pikërisht mbrojtësi me origjinë shqiptare, Shkodran Mustafi. Menjëherë pas përfundimit të sfidës, në “Twitter” nuk janë përmbajtur tifozët e “Topçinjve”, që kanë ofenduar, sharë dhe ironizuar Mustafin. Këto janë vetëm disa nga postimet drejtuar lojtarit me origjinë shqiptare:

“GET THIS MAN OUT MY CLUB.”

Arsenal failed to make the most of Manchester United’s slip up. Nobody wants top four it seems! https://t.co/AVDu4J9xX1

— SPORTbible (@sportbible) April 21, 2019

£35m. £90k a week. Ladies and Gentlemen, Shkodran Mustafi. pic.twitter.com/z2L1I6xAYo

— Charlie (@CharlieCW90) April 21, 2019

Arsenal Fans every time they see Mustafi in the starting 11? ? #ARSCRY pic.twitter.com/cnLCypgQGi

— Futbol Replays (@Futbol_Replays) April 21, 2019

Nuk mund të mungonte as një shaka nga ne si staf, pasi performanca e Mustafit ishte me të vërtetë për t’u harruar. Mirë që nuk ka president Safet Gjicin, pasi Mustafi me shumë nuk do të kishte shkelur më në fushat e blerta.

View this post on Instagram

“Shkodran, je me fat që nuk ke president Safet Gjicin!” #mustafi #arsenal #emery

A post shared by Sport Ekspres (@sport.ekspres) on Apr 21, 2019 at 10:09am PDT

Video e Mustafit bën xhiron e botës, mbrojtësi dhuron spektakël

Sport Ekspres — Sat, 20 Apr 2019 11:05:05 +0000

Një video e Shkodran Mustafit është bërë shumë e famshme në rrjetet sociale. Mbrojtësi nga Gostivari ka treguar aftësitë e tij në xhonglimin e topit në mënyrë mbresëlënëse.

Episodi në fjalë ka ndodhur gjatë nxehjes për takimin e kësaj të enjte ndaj Napolit në stadimun “San Paolo”. Video ka çuditur shumë tifozë të Arsenalit, të cilët e konsideronin mbrojtësin si një lojtar që linte shumë për të dëshiruar nga ana teknike.

https://www.instagram.com/p/Bwcw5CghkCG/?utm_source=ig_web_copy_link

Gallatë pa limit, video e Mustafit bëhet hit në internet

Sport Ekspres — Sat, 06 Apr 2019 14:41:08 +0000

Shkodran Mustafi nuk shquhet për aftësitë e tij teknike. Mbrojtësi i Arsenalit ka fituar një popullaritet te tifozët e “topçinjve”, por jo gjithmonë për mirë.

Një fans i lojtarit ka krijuar një video ku ka përmbledhur pothuajse çdo gafë që 26-vjeçari ka bërë me fanellën e ekipit londinez. Llogaria në “twitter” e fansit quhet “Cult of Mustafi” (në shqip: Kulti i Mustafit), pra dallohet që kemi të bëjmë me një person shumë të devotshëm.

Muzika në sfond është perfekt gjithashtu, “Survivor – Eye Of The Tiger”, ndërsa nuk mungojnë as efektet e animuara.

Shkodran Mustafi – The German Wall
Crazy goals, skills, passes.

(Ps. It’s my first compilation likes and Rts will be appreciated) pic.twitter.com/I9mfNEeLAl

— the cult of mustafi (@Abhimeyang) April 4, 2019

Arsenali mbetet pa shqiptarë, Mustafi dhe Xhaka me valixhe në duar

Sport Ekspres — Sun, 24 Mar 2019 15:42:34 +0000

Granit Xhaka dhe Shkodran Mustafi po mbyllin sezonin e tyre të tretë te Arsenali. Mustafi u transferua për 35 milionë nga skuadra e Valencias, ndërsa për të njëjtën shumë, Xhaka erdhi nga skuadra e Borusia M’Gladbahut. Dyshja shqiptare kanë bërë mirë në aventurën e tyre londineze, por mesa duket, nuk do të qëndrojnë te “Topçinjtë” në sezonin e ardhshëm.

Mediat britanike bëjnë të sigurt faktin se Mustafi është nxjerrë në shitje nga trajneri Unai Emeri, i cili nuk është bindur nga paraqitjet e lojtarit me nënshtetësi gjermane. Për Mustafin, ka interes të madh nga Serie A, ku ka luajtur më parë me Sampdorian, por dhe nga La Liga, ku flitet për një rikthim te Valencia.

Ndërsa Xhaka, është në planet e Unai Emeri, por mesfushori ka shprehur për mediat zvicerane se është shumë ambicioz dhe Arsenali nuk është ndalesa e tij e fundit. Për 25-vjeçarin interesimi nuk mungon, por nuk ka ende një skuadër konkrete që është gati të paguajë shumën që Arsenali synon, që është afro 50 milionë euro.

Paguan 40 milionë euro për të, Arsenali largon shqiptarin

Sport Ekspres — Sat, 09 Feb 2019 15:53:52 +0000

Skuadra e Arsenalit është futur në revolucion total që nga ardhja në krye të pankinës së trajnerit spanjoll, Unai Emeri. Ky i fundit synon të marrë në skuadër lojtarët e tij, duke larguar disa nga futbollistët që janë aktualisht te “Topçinjtë”.

Sipas burimeve pranë klubit londinez, mësohet se Mustafi do të jetë lojtari i parë që do të largohet. Emeri i ka dhënë mundësinë shqiptarit ta bindë, duke e aktivizuar në shumë ndeshje, por mbrojtësi nuk ka bërë ndeshje të mira. Kjo gjë ka bërë që Emeri t’ia komunikojë drejtpërdrejt lojtarit me nënshtetësi gjermane se nuk bën pjesë në planet e tij.

Si pasojë, Mustafi ka vënë në lëvizje agjentin e tij për t’i gjetur skuadër, me 26-vjeçari që me shumë gjasa do të rikthehet në Serie A. Nga shitja e tij, pritet që Arsenali të përfitojë 25 milionë euro, plot 15 milionë euro më pak sa shpenzuan për ta marrë nga Valencia.

“Mallkimi” i dëmtimeve te Arsenali prek edhe shqiptarët

Sport Ekspres — Mon, 04 Feb 2019 20:21:23 +0000

Shkodran Mustafi dhe Granit Xhaka janë dy shqiptarët që luajnë për skuadrën e Arsenalit në Premier Ligë. Dihet tashmë se “Topçinjtë” janë një prej skuadrave që vuajnë me shumë nga dëmtimet dhe as Xhaka e Mustafi nuk i kanë shpëtuar.

Xhaka u dëmtua në sfidën përballë Mançester Junajtid dhe nuk është aktivizuar as në ndeshjen kundër Kardifit, as në sfidën e djeshme përballë Mançester Sitit. Kundër “Qytetarëve”, u aktivizua shqiptari tejtër Mustafi, por dhe ky u dëmtua në minutën e 79’.

Pas ndeshjes, trajneri i Arsenalit, Emeri tha se Mustafi është dëmtuar dhe nuk dihet ende sa do të mungojë. Pas emrave si Holding, Mikitarian, Belerin, Uellbek, tashmë në listën e dëmtimeve janë edhe Xhaka e Mustafi. Gjithsesi, dyshja shqiptare pritet të rikthehet shumë shpejt në fushë, pasi dëmtimet e tyre nuk janë shumë serioze.

Formacioni i javës në Angli, surpriza është një shqiptar

Sport Ekspres — Wed, 14 Nov 2018 08:25:08 +0000

Kampionati anglez konsiderohet si më i forti ndër 5 ligat elitare në Europë. Sigurisht që për të qenë pjesë e 11 më të mirëve duhet që të shkëlqesh në një ndeshje. Ajo që bie në sy është se në 11-shen e përzgjedhur nga “Sky Sports” rezulton dhe një shqiptar.

Më se normale që formacioni i javës dominohet nga lojtarë të 5 skuadrave të para, duke nisur me Loris të Totenhemin që është përzgjedhur si “gardiani” më i spikatur. Në mbrojtje është radha e Tripier, Laporte Alonsos dhe surprizës Shkodran Mustafi, siç dhe vetë sajti prestigjioz e ka konsideruar. Një vlerësim jo i vogël për Mustafin, i cili ndonëse është një lojtar me origjinë shqiptare ka zgjedhur që të përfaqësojë skuadrën e Gjermanisë, ku dhe ka fituar Kupën e Botës.

Në repartet e avancuara nuk mund të mungonin emra si Muhamed Salah, David Silva, Stërling e Sigurdson. Në sulm Hazard dhe Aguero kanë bërë më mirë se sulmuesit e tjerë në javën e 12-të të Premier League-s.

Varësia e fshehtë e Mustafit, mbrojtësi rrëfehet para kamerës

Sport Ekspres — Tue, 16 Oct 2018 15:25:44 +0000

Shkodran Mustafi ka zbuluar në një intervistë për faqen e klubit të Arsenalit se krijoi një varësi të frikshme ndaj serialit të famshëm amerikan “Prison Break”. Qendërmbrojtësi shkoi deri në atë pikë sa refuzonte të takonte shokët e ekipit për të parë serialin.

“Këtë verë bëmë fazën përgatitore në Australi dhe aty zbulova “Prison Break”. Situata shkoi në ekstrem, pasi po rrija zgjuar deri sa të lindte dielli. Kjo ishte rutina ime për disa javë. Bëja stërvitjen dhe më pas të gjithë pasditen e darkën shikoja në dhomë serialin”, tha Mustafi.

Kujtojmë që Mustafi vendosi që të luante me Gjermaninë dhe jo me Shqipërinë, ndonëse tekniku i atëhershëm i kuqezinjve Xhani De Biazi e preferonte mbrojtësin. Lojtari i Arsenalit arriti që të fitonte Kupën e Botës me “pancerat” në vitin 2014.

Festimi me Shqiponjë pa dëme për Mustafin, reagon federata angleze

Sport Ekspres — Mon, 03 Sep 2018 17:36:43 +0000

Shkodran Mustafi mund të vazhdojë të jetë i qetë dhe të përgatitet për ndeshjet e ardhshme të Premier Ligës. Qendërmbrojtësi i Arsenalit festoi me shqiponjë golin në transfertën ndaj Kardifit ditën e dielë, diçka kjo fare normale. Por, disa medie angleze, çuditërisht ngritën alarmin për një pezullim të mundshëm të lojtarit me origjinë shqiptare.

Megjithatë, zhurma e krijuar ka qenë krejtësisht e kotë. “Sky Sports” raporton se bordi i federatës angleze nuk ka parë asgjë të pazakontë te festimi i Mustafit dhe festimet me shqiponjë nuk pse të ndalohen në futbollin anglez.

BREAKING: @FA will not take any action against @Arsenal's @MustafiOfficial after his goal celebration against @CardiffCityFC. #SSN pic.twitter.com/ONQrSHH93F

— Sky Sports News (@SkySportsNews) September 3, 2018

Skandal, Mustafi rrezikon të pezullohet për shkak të festimit me shqiponjë

Sport Ekspres — Sun, 02 Sep 2018 14:38:00 +0000

Shkodran Mustafi zgjodhi të festonte me shqiponjë golin e tij në transfertën ndaj Kardifit. Një ndër arsyet që e shtyu të bënte këtë festim, ishte dhe fakti se asisti iu dha nga një lojtar tjetër me origjinë shqiptare, Granit Xhaka.

Por, në mënyrë krejt të çuditshme mediet në Angli kanë dhënë alarmin se qendërmbrojtësi gjerman rrezikon të dënohet nga federata për përdorimin e një simboli me prapavija politike. Gazeta e famshme angleze “The Independent” ka qenë e para që ka prekur këtë çështje.

Sipas shkrimit të saj, veprimi i Mustafit mund të sjellë që federata angleze të hap një hetim, nga i cili lojtari i Arsenalit mund të marrë një dënim që mund të shkojë deri në dënim me pezullim për një numër të caktuar ndeshjesh.

VIDEO | Lakazet nderon Arsenalin, “shqiponja” Mustafi shfaqet si goleador

Sport Ekspres — Sun, 02 Sep 2018 14:26:30 +0000

Arsenal arrin një fitore me vlera duke triumfuar me rezultatin 2-3 përballë Kardifit në transfertë. Djemtë e Unai Emeri arrijnë fitoren e dytë rresht në kampionat dhe ngjiten në kuotën e gjashtë pikëve mbas javës së katërt.

Shkodran Mustafi hapi serinë e golave në minutën e 11-të mbas një asisti të Granit Xhakës. Mesfushori krosoi nga goditja e këndit dhe mbrojtësi goditi me kokë dukë shënuar një gol shumë të bukur.

Vendasit barazuan në limitet e pjesë së parë më anë të spanjollit Kamarasa në minutën e dytë shtesë. Benet krosoi një top nga e majta e sulmit dhe Kamarasa, mbasi bëri një lëvizje të bukur në zonë, goditi saktë duke çuar peshë tifozët e Kardifit.

Arsenal nuk u dorëzua dhe u rikthye në avantazh në minutën e 62-të. Lakazet pasoi bukur me thembër për Aubamejang dhe ish-sulmuesi i Dortmundit lëshoi një goditje të fortë duke gjetur golin. Vendasit nuk u dorëzuan dhe gjetën barazimin mbas tetë minutash me anë të Deni Vard, i cili shfrytëzoi një top në zonë dhe goditi me kokë duke barazuar rezultatin.

Arsenali vazhdoi sulmet dhe gjeti golin e fitores në minutën e 81-të. Uruguaiani Toreira dha një pasim për Lakazet dhe francezi lëshoi një predhë me të djathtën duke shënuar golin e fitores për “Topçinjtë”.

Kardif-Arsenal 2-3 (Kamarasa 45+2′, Vard 70’/Mustafi 11′, Aubamejang 62′, Lakazet 81′)

Mustafi përkrah Ozil: Vendimi i tij, duhet respektuar

Sport Ekspres — Thu, 26 Jul 2018 10:15:56 +0000

Shkodran Mustafi e pranon se Gjermania do ta ndjejë mungesën e Mesut Ozilin, por e respekton vendimin e shokut të tij tek Arsenali.

I kritikuar para Kupës së Botës për shkak të një takimi me presidentin turk Erdogan, Ozil ishte në shënjestër edhe pas eliminimit të Gjermanisë dhe para pak ditësh theu heshtjen, duke postuar një letër të gjatë në rrjetet sociale, ku lajmëroi tërheqjen nga kombëtarja dhe akuzoi për racizëm ndaj tij.

Mustafi, i cili ashtu si Ozil ishte pjesë e Gjermanisë kampione bote në 2014, ka dalë në mbështetje të mikut të tij: “Më habiti vendimi i tij. Ai u mendua gjatë, mori një periudhë pushimi për të reflektuar. Është një vendim personal, duhet respektuar. Si shok skuadre dhe si mik, i qëndroj pranë dhe nëse ka nevojë për ndihmë, do të jem aty për të. Natyrisht, jam pak i zhgënjyer, sepse mendoj se ai është një futbollist i shkëlqyer, i cili ka dhënë shumë për kombëtaren gjermane. Nga këndvështrimi im, mungesa e tij do të ndihet shumë”.

? @MustafiOfficial #AFCTour2018 pic.twitter.com/hQwXsUE9uv

— Arsenal FC (@Arsenal) July 25, 2018

“Topçinjtë”, të gatshëm të shesin Mustafin

Sport Ekspres — Sun, 27 Aug 2017 09:16:43 +0000

Arsenali duket se ka vendosur t’i japë duart mbrojtësit të kombëtares gjermane Shkodran Mustafi vetëm 12 muaj pasi e afroi nga Valencia për 35 milionë sterlina. “Topçinjtë” janë të hapur për bisedime me Interin, Juventusin apo çdo klub tjetër për shitjen e mbrojtësit, por klubet kandidate duhet të përmbushin kërkesat financiare të londinezëve.

Arsenali shpreson të arkëtojë një shumë të përafërt me atë që shpenzoi për blerjen e Mustafit. Mbrojtësi pati një fillim të shkëlqyer të sezonit në “Emirates Stadium”, por paraqitjet e tij u zbehën në pjesën e dytë të sezonit, ku një rol të rëndësishëm luajtën dhe dëmtimet.

Tani Arsenali dëshiron ta largojë vetë mbrojtësin, i cili mund të mos jetë i vetmi që do të lërë klubin në verë. Aleks-Okslejd Çambërlein është një tjetër profil i rëndësishëm, i cili kërkon largimin, pasi ka refuzuar firmën me klubin, me Çelsin dhe Liverpulin të interesuar për të.