Të reja nga Kosova, mësohet një nga afrimet e Bylisit

Sport Ekspres — Thu, 06 Jun 2019 16:20:54 +0000

Skuadra e Bylisit u shpall kampione e Kategorisë së Parë dhe u rikthye në Superiore pas disa sezonesh mungesë. Ekipi ballshiot ka nisur menjëherë punën për t’u përforcuar në merkato, pasi synojnë të qëndrojnë në Superiore dhe jo të jenë thjesht debutues.

Një nga afrimet e Bylisit këtë merkato, do të jetë mesfushori kosovar, Ilir Mustafa. Sipas Gazetës Sheshi, 22-vjeçari është në bisedime me drejtuesit e klubit ballshiot, pasi kontrata e tij me Lirinë e Prizrenit ka skaduar. Sezonin që sapo u mbyll, Mustafa ishte një nga lojtarët kryesorë për Lirinë, duke treguar energji dhe cilësi të mira në mesin e fushës.

Ilir Mustafa me fanellen e Lirise se Prizrenit

Pas aventurës së pafat te Tirana, Mustafa rikthehet në Superiore

Sport Ekspres — Mon, 07 Aug 2017 13:58:41 +0000

Argjend Mustafa është zyrtarisht futbollist i Kamzës. Mesfushori nga Mitrovica ka firmosur sot me klubin e sapongjitur në Superiore, që vazhdon punën për ndërtimin e një ekipi serioz për sezonin e ri, sepse ka firmosur me portierin Argent Halili, mbrojtësin Hektor Idrizaj, mesfushorët Alfred Zefi e Bruno Arrabal dhe anësorin ofensiv Masato Fukui.

Mustafa ka ardhur në Shqipëri në vitin 2012, te Besa, ndërsa më pas luajti për Partizanin e Laçin.

Sezoni i fundit ishte i mallkuar, sepse aventura te Tirana shkoi shumë keq dhe Mustafa prishi kontratën në janar, duke u kthyer në Kosovë. Pas disa muajsh te Vushtrria, 24-vjeçari kthehet në Superiore, pasi ka bindur Kamzën me paraqitjen në miqësoren ndaj Ilirisë, ku tregoi se fizikisht është në formë perfekte.