Mesazhi i Emiljano Mustës: Përshëndetje miqtë e mi! Duke filluar nga sot, zyrtarisht nuk jam më pjesë e FC FLAMURTARI, dua të falënderoj presidentin Sinan Idrizi, trajnerët që kam punuar, shokët e ekipit, sportdashësit vlonjatë, ultrasit “FLOTA KUQ E ZI” për këto dy vite të mrekullueshme që kalova në Vlorë.

Ndihem krenar që kam përfaqësuar një ekip me traditë si FLAMURTARI dhe shpresoj të mbetem sadopak në memorien dhe zemrën tuaj për ç’ka kam dhënë në fushën e lojës, sikurse ju do të mbeteni gjithmonë në timen.

FALEMINDERIT FLAMURTAR!! Sot e në vazhdim kam vendosur të vazhdoj karrierën time futbollistike me ekipin e K.F KUKESI.. Falënderoj presidentin Safet Gjici, stafin drejtues dhe stafin teknik për këtë mundësi dhe që besojnë në aftesitë e mia, do jap gjthçka nga vetja ime për të arritur të gjitha objektivat e klubit dhe shpresoj që të gjithë sëbashku t’ia dalim. FORCA KUKESI!!

PËRBALLJA ME PARTIZANIN – “Është një ndeshje mjaft e vështirë, pasi luajmë me vendin e parë. Do mundohemi të arrijmë fitoren në këtë takim, pasi një tri pikësh na ndihmon shumë për të hedhur një hap të sigurt për Evropën. E parashikoj një ndeshje të vështirë dhe do të jetë një sfidë e bukur për t’u parë dhe për t’u luajtur.”

E KËNAQ FLAMURTARIN NJË BARAZIM – “Nëse jemi të kënaqur me një barazim do ta themi në fund të ndeshjes, sepse varet se si do të shkojnë 90 minutat. Ne hymë për të fituar dhe për tri pikët.”

PIKA MË E FORTË E KUNDËRSHTARIT – “Partizani pikën më të fortë ka grupin. Nuk është se ka ndonjë individ që ka bërë diferencën, njësoj si ne që kemi grupin pikën më të fortë. Besoj që do të jetë një ndeshje e fortë dhe mjaft e luftuar.”

PAGAT – “Për pagat vazhdon e njëjta histori. Ne jemi në pritje. Ne jemi aktorët në fushë dhe për gjërat e tjera nuk kemi gjë në dorë. Tani po vjen fundi dhe çdo gjë do ndahet. Shpresoj të paguhemi, pasi me këtë punë mbajmë familjet. Ne jemi profesionistë dhe kemi dhënë gjithmonë më të mirën dhe nuk është gjë e mirë që kemi kaq muaj pa rroga. Kemi dhënë 100% në fushë dhe shpresojmë që drejtuesit të na e shpërblejnë.”

Më pas, ka folur edhe Ribaj, i cili u ndal te incidentet e nodhura në fazën e tretë. Gjithashtu, sulmuesi thkesoi se Flamurtari luan për tri pikët dhe se do të provojë deri në fund të ruajë vendin e tretë.

INCIDENTET E NDODHURA NË FAZËN E TRETË – “Ndeshja e fazës së shkuar është mbyllur atje. Nuk dua dhe shpresoj që mos të përsëriten të njëjtat gjëra. Tifozët e Flamurtarit nuk duhet të bëjnë diçka të tillë si tifozët e Partizanit, pasi dënojnë veten e tyre dhe ekipin. Nuk duhet që këto gjëra të ndodhin në fushën tonë.”

NDESHJA – “Partizani nuk e ka siguruar titullin matematikisht dhe ne jemi në luftë për një vend në Europë. Do të bëjmë maksimumin të marrim tri pikët, ashtu si në të gjitha ndeshjet që kemi luajtur deri tani.”

MUNGESAT E TELUSHIT DHE TRAJNERIT GEGA – “Telushi dhe trajneri kanë rëndësinë e tyre në ekip, por Partizani e ka treguar që di si ti përballojë këto situata edhe pa lojtarët kryesorë.”

VENDI I TRETË – “Besoj se do të jemi në vend të tretë. Do i marrim ndeshjet një e nga një edhe këto pesë që kanë ngelur. Grupin dhe të gjitha i kemi dhe shpresoj që të arrijmë objektivin që kemi vendosur të gjithë.”

Mesfushori elbasanas, Elmiljano Musta, vjen si “ish” në këtë takim. Në daljen për shtyp para takimit të nesërm 27-vjeçari u shpreh se fitorja ndaj Tiranës ka rritur optimizmin në skuadër.

“Ishte një fitore shumë e vlefshme për ekipin. Besoj se na ka bërë shumë punë sepse ekipi ndihet mirë për ndeshjen e radhës. Të gjitha ndeshjet janë të vështira. Teuta luante për titull deri para pak javësh. Bëri disa hapa fals dhe tani rrezikon edhe Europën. Do bëjmë maksimumin, do  futemi si çdo ndeshje për fitore”, përfundoi Musta.

Së fundmi Emiljano Musta ka postuar në llogarinë e tij në Instagram foton e bërë nga skuadra para ndeshjes me Tiranën. Elbasanasi i ka vendosur secilit lojtar, por edhe vetes, nga një mbishkrim interesant.

Mesfushorin 17-vjeçar Rrapaj e ngacmon për moshën duke e quajtur “Biberoni”. Batha është “Pitbulli”, ndërsa Deliaj ka mbishkrimin “Labi”, ndoshta prej faktit se kjo ka qenë nofka e përdorur për të kur ishte pjesë e Tiranës, siç duket vazhdon të thërritet kështu edhe tek ekipi i qytetit të vendlindjes.

Sulmuesi i Flamurtarit dhe pjesa tjetër e skuadrës festuan golin në një nga cepat e fushës, por kjo gjë nuk ndaloi disa tifozë të futeshin në fushën e lojës dhe të konfrontoheshin me fotografin e skuadrës vlonjate, situatë që u përshkallëzua edhe me futbollistët e të dyja skuadrave. Ribaj u ndëshkua me karton të kuq, vendim ky që nuk është ende i qartë.

Pas ndeshjes, mesfushori i Flamurtarit, Emiljano Musta ka reaguar në rrjete sociale, ku tregon se po kurohet për një çarje në fytyrë, të cilën e ka mbyllur me dy penj. Për këtë ndërhyrje të Trashit ndaj tij dhe për kartonin e kuq të Ribajt, mesfushori shkroi: “Dy të qepura, s’ka karton. Feston golin, del me të kuq për lojë të ashpër ndaj arbitrit. Made in Superliga!”

Pavarësisht, këtij fakti mëngjarashi nuk mundi të shmange ndëshkimin me karton të verdhë, teksa në minutën e 14-të të takimit ndaj Flamurtarit kreu një faull ndaj lojtarit Emiliano Mustës duke ndalur një kundërsulm të rrezikshëm të skuadrës vlonjate.

Rasti i parë i diskutueshëm është ai i minutës së 9-të, kur pas goditjes së Bathës, Hoxha ndali topin me dorë, në vijën fatale. Një moment shumë delikat, pasi duket që Hoxha devijon pastër me dorë, ndonëse është në rënie, nuk mund të konsiderohet si një pozicion jonatyral. Një moment që duket se kryesori ka gabuar, por në këtë pikë do duhej gjyqtari pas porte, i cili në këtë takim mungonte.

Episodi i dytë i diskutueshëm është ai i minutës së 33-të, kur Torasa shërben për Mustën, por Liçaj ndërhyn dhe akordohet goditje nga këndi. Një situatë tepër e vështirë për t’u gjykuar nga pamjet filmike, pasi lojtar ii Luftëtarit e ka devijuar topin me këmbën e tij të djathtë, por shihet që me këmbën tjetër i prish ekuilibrin Mustës. Normalisht që për këtë rast plan më të pastër ka pasur gjyqtari anësor, i cili dhe ka marrë vendimin.

Daja ishte i lumtur për suksesin, por dhe për lojën e zhvilluar megjithatë gëzimit të tij është akoma dhe më i madh, pasi sheh që për ndeshjen e radhës të ketë një skuadër akoma dhe më të kompletuar. Idriz Batha dhe Emiljano Musta do të jenë gati për ndeshjen e javës së ardhshme kundër Luftëtarit.

Batha u dënua nga pamjet filmike, disi në mënyrë absurde, pa e gjykuar veprimin që bëri në ndeshjen me Teutën. Mesfushori u pezullua në një mënyrë të paprecedentë më parë, pasi u morën pamjet filmike në konsideratë, por sërish në mënyrë të parregullt, kjo për shkak se gjithçka ndodhi para syve të gjyqtarit. Në anën tjetër Musta mundoi në këtë sfidë, për shkak se kishte plotësua numrin e kartonëve të verdhë. Të dy këto lojtarë janë elementë të rëndësishëm të skuadrës kuqezi dhe në ndeshjen e radhës pritet që të jenë titullar.

Trajneri Daja ishte mjaft i menduar pas ndeshjes me Kamzën, teksa për disa minuta nuk shkoi në dhomat e zhveshjes, por tani vëmendja është vetëm tek takimi me ish-skuadrën e tij. Edhe bardheblutë nuk janë në një moment aspak të mirë, pasi kanë vetëm 8 pikë në 8 javë. Daja e di se një tjetër hap i gabuar do të ishte vërtetë i tepërt për vlonjatët.

Për ndeshjen e javës së nëntë Daja duhet t’i bëjë llogaritë pa Emijano Mustën. 26-vjeçari ishte autori i golit të dytë në Kamzë, por takimin  radhës duhet ta ndjekë nga tribuna, pasi kartoni i verdhë i marrë në takimin me skuadrën nga periferia e kryeqytetit ishte i katërti për mbrojtësin. Musta ka qenë një titullar fiks këtë edicion, pasi ka luajtur në 8 takime, 7 prej të cilave nga minuta e parë.

Daja erdhi me petkun e trajnerit kampion, por në skuadrën vlonjate ndoshta duhet ta shohë situatën me më shumë kujdes. Useini ka përfunduar në stol që pas ndeshjes së parë. Mesfushori ka luajtur vetën në ndeshjen e parë si titullar dhe më pas ka pasur ka pasur vetëm nga pak minuta për të si zëvendësues.

Pa ndeshjes me Skënderbeun trajneri i kritikoi ashpër të tijtë, duke shënjestruar më shuam se të tjerët një prej titullarëve me eksperiencë. Dikush që e njeh ambientin dhe e kishte parë ndeshjen nuk e kishte shumë të vështirë që ta kuptonte për kë bëhej fjalë.

Në ndeshjen e fundit ishte Torasa ai i cili reagoi keq dhe pas zëvendësimit ishte shumë i irrituar. Ndonëse trajneri e mohoi që të ishte motivi kryesor fakti që u ul në stol, vështirë të mos ketë pasi ndikim dhe zëvendësimi. Edhe Musta në ndeshjen e fundit ishte në stol, por nuk mund të gjykojmë zgjedhjet e trajnerit.

Daja duket se ka jo pak punë, nëse nuk do që ta ketë situatën nën kontroll. Kampionati sa vjen e vështirësohet dhe Flamurtari duhet që të evitojë ato gabime që i janë bërë rutinë në edicionet e shkuara, të paktën për të mos hedhur sërish poshtë edhe një edicion tjetër mundimin e administratorit Idrizi.

Elton Nika

Flamurtari ka rritur ngarkesat në stërvitje këto ditë, pasi në fundjavë nuk ka ndeshje zyrtare. Skuadra vlonjate ka zbritur dy herë në ditë në stërvitje dje, paradite dhe pasdite. Qëllimi i trajnerit Shpëtim Duro dhe stafit të tij është që deri ditën e ndeshjes në Shkodër me Vllazninë lojtarët të jenë në gjendjen e tyre më të mirë fizike dhe të pretendohet rezultati pozitiv në këtë transfertë. Barazimi me Luftëtarin në Vlorë nuk është pritur mirë, por vlonjatët prej tri javësh nuk e njohin humbjen dhe kjo është pozitive.

DËMTIMET – Gjendja e skuadrës kuqezi në këto momente është relativisht e mirë, edhe pse janë disa lojtarë që shqetësojnë për shkak të dëmtimeve që po kalojnë. Mesfushori Mohamed Useini është kthyer normalisht në stërvitje me grupin dhe nuk rrezikon aspak për ndeshjen me Vllazninë. Por situata nuk është e njëjtë për Veliun dhe Mustën. Për mbrojtësin vlonjat, stafi mjekësor konfirmon se vijon rikuperimi i tij pas dëmtimit të pësuar në fazën përgatitore dhe se me shumë mundësi edhe ndaj Vllaznisë nuk do të jetë i gatshëm. Pas ndeshjes me Laçin, që luhet menjëherë pas transfertës së Shkodrës, Veliu pritet të jetë në dispozicion të trajnerit Duro, pra për ndeshjen me Kamzën në shtëpi mund të llogaritet. Franc Veliu pësoi një dëmtim në kofshë në Greqi dhe ende nuk e ka kapërcyer atë.

Emiljano Musta, mesfushori i ardhur nga Teuta gjatë kësaj vere, pësoi një dëmtim në kavilje gjatë ndeshjes së fundit në kampionat përballë Luftëtarit dhe la para kohe fushën e blertë. Për Mustën ka shpresa në fakt dhe pritet që të jetë gati për ndeshjen me Vllazninë, duke qenë se janë ende disa ditë kohë. Gjithsesi, gjendja e mesfushorit nga Elbasani do të ndiqet me kujdes ditët në vijim për të parë më mirë rikuperimin e tij. Optimizmi është i madh për aktivizimin në Shkodër, megjithatë stafi teknik mund edhe të mos e rrezikojë që në fillim, duke qenë se Flamurtari ka alternativa të shumta.

Elton Nika

Teuta-Flamurtari pritet me më shumë emocione nga disa lojtarë në të dyja skuadrat. Ardit Shehaj dhe Arbër Beqja kanë kaluar në verë te durrsakët, ku luajnë gjithashtu edhe portieri Moçka dhe mesfushori Lena, dy ish-lojtarë të Flamurtarit, por ishi i madh është Gugash Magani, trajneri peqinas që ka punuar dy herë në Vlorë dhe tani drejton Teutën. Në radhët e vlonjatëve luan Emiljano Musta, i cili erdhi pikërisht nga Teuta. Elbasanasi shënoi golin e tretë të ndeshjes me Lushnjën, kus ishte titullar, pas paraqitjes së mirë dhe golit në kupë me Dinamon. Dy gola brenda pak ditësh për mesfushorin, që po luan si mbrojtësi majtë në formacionin e trajnerit Duro.

TEUTA – Pritet të jetë një ndeshje e veçantë ajo e së dielës për Mustën, që kërkon suksesin e radhës me Flamurtarin, edhe pse luhet në një fushë shumë të vështirë: “Ndeshja me Teutën do të jetë e veçantë për mua. Eshtë ish-ekipi im, kam luajtur këto dy vitet e fundit, por mendoj se do të jetë një ndjenjë e mirë. Do të kem emocione të luaj ndaj një skuadre, që e respektoj maksimalisht, ashtu si dhe drejtuesit e tifozët e saj. Teuta e ka nisur shumë mirë sezonin, ka dy fitore me Luftëtarin dhe Vllazninë në Shkodër. Një nisje shumë e mirë për këtë skuadër, që ka treguar ambiciet e saj për këtë kampionat. Por dua të them se Flamurtari në çdo ndeshje luan për fitore. Eshtë një ekip i madh dhe nuk mjaftohet vetëm me fitoret në shtëpi. E rëndësishme mbetet që edhe në ndeshjet në transfertë të marrim maksimumin, kështu që do të luftojmë fort në çdo fushë. Duhet të shohim takim pas takimi, sepse është vetëm fillimi. Janë luajtur vetëm dy javë. E kemi nisur me humbje në Korçë, pastaj kemi fituar me Lushnjën dhe tani duam të vijojmë në këtë rrugë. Takimi në Durrës do të jetë shumë i vështirë dhe mendoj se kush gabon më pak, merr rezultat. Shpresoj se do t’i takojë Flamurtarit, por duhet të jemi shumë të përqendruar në fushë  e të japim gjithçka. Objektivi? E rëndësishme është ndeshja e radhës, tani është Teuta. Pastaj, si do të ecin gjërat dhe a do të realizohen objektivat, llogaritë do të bëhen në fund”, – ka theksuar dje Emiljano Musta, një nga lojtarët më në formë të skuadrës vlonjate për momentin.

“Pata disa oferta, por zgjodha Flamurtarin pasi është një ekip me tradita, që njihet në futbollin shqiptar. Për të bërë një hap përpara në karrierë mendoj se është ekipi i duhur”, deklaron Musta, duke folur për Supersport.

Dje erdhi goli i parë sezonal: “Më shumë se goli jam i kënaqur për fitoren e ekipit, për lojën që bëmë të gjithë si grup, pasi siç dihet jemi një ekip i ri dhe po mundohemi të konsolidohemi sa më shpejt. Personalisht do jap maksimumin sa herë të më jepet mundësia”.

Humbja në Korçë duhet harruar sa më shpejt: “Gjithmonë humbjet janë të vështira, por duhet të vazhdojmë përpara. Shumë shpejt vjen ndeshja e radhës. Do kërkojmë fitoren me të gjitha mënyrat me Lushnjen, pasi mbetet një ndeshje shtëpiake për ne. Trajneri Duro ka shumë eksperiencë në futbollin shqiptar, ka vite që trajnon. Është një trajner mjaft pozitiv, punëtor, kërkon maksimumin nga çdo lojtar dhe besoj ia ka arritur me grupin që ka krijuar”.

Elton Nika

Flamurtari ka zyrtarizuar dje blerjen e pestë në merkaton e verës, duke qenë kështu ndër skuadrat më aktive në këtë drejtim. Elbasanasi Emiljano Musta ka firmosur me vlonjatët, ashtu siç “Sport Ekspres” ka bërë me dije disa ditë më parë. Mesfushori 25-vjeçar, i cili ishte pjesë e Teutës, është tashmë zyrtarisht pjesë e Flamurtarit për një sezon, me të drejtën e zgjatjes së kontratës edhe për një vit. Pas prezantimit me fanellën kuqezi, Emiljano Musta ka dhënë intervistën e parë si lojtar i Flamurtarit, ku ka theksuar se ka bërë lëvizjen e duhur për karrierën e tij.

– Musta, suksese në aventurën tuaj të re! Pse vendosët të bashkoheni me Flamurtarin?

– Ju falënderoj për urimin! Shpresoj që gjithçka të shkojë mbarë për mua dhe për Flamurtarin. Vendosa të vij në Vlorë, sepse më bindi trajneri Shpëtim Duro dhe projekti, që kanë drejtuesit e Flamurtarit për këtë sezon. E shoh si një projekt shumë të mirë dhe shpresoj që Flamurtari të jetë aty ku duhet, ku e ka vendin ky emër dhe kjo fanellë e rëndë në futbollin shqiptar.

— Në skuadrën tuaj të re konkurrenca do të jetë e madhe. Ju tremb ky fakt?

– Asnjëherë nuk më tremb konkurrenca. Mendoj se konkurrenca është diçka pozitive në futbolli dhe në një skuadër si Flamurtari. Shpresoj të jap kontributin tim për që Flamurtari dhe të gjithë ne si skuadër e klub kërkojmë për sezonin e ri.

– Trajneri Duro ju kërkoi me ngulm. A e rrit ndoshta pak presionin kjo gjë për ju?

— Jo, jo, aspak. Patjetër që këtë vlerësim dua t’ia shpërblej në fushë, në çdo moment që trajneri do të vendosë. Jam këtu për të luajtur në një skuadër si Flamurtari dhe nuk mendoj se presioni do të rritet dhe do të më krijojë probleme.

– Dy vitet te Teuta jua kanë ndihmuar jo pak, pasi ju kanë vlerësuar si një mesfushor cilësor…

– Vlerësimet janë gjithmonë pozitive. Padyshim që dy vitet te Teuta kanë qenë mjaft pozitivë në aspektin personal dhe mendoj se kishte ardhur momenti, që të bëja një tjetër hap në karrierën time, një hap më të madh. Besoj se kam bërë zgjedhjen e duhur, duke ardhur te Flamurtari. Ky është një hap cilësor për mua, ndërsa Teutës i jam mirënjohës.

– Çfarë objektivash keni për sezonin e ri me Flamurtarin?

– Ne aspektin personal, dua të jap gjithmonë maksimumin në fushë për skuadrën. Me Flamurtarin kam besim se do të arrijmë  objektiva të rëndësishëm. Them se Flamurtari do të jetë në vendin që meriton, në majat e futbollit shqiptar.

— Për sa kohë keni firmosur për Flamurtarin?

— Kontrata ime është për një vit, me të drejtë rinovimi edhe për një tjetër sezon. Natyrisht, e rëndësishme është që të dyja palët të bëjmë më të mirën këtë sezon, pastaj në fund do të ulemi dhe  do të vendosim. Shpresoj të qëndroj sa më gjatë te Flamurtari.

Afrimet e deritanishme te vlonjatët

1.Ditmar Bicaj (mbrojtës)

2.Goran Siljanovski (mbrojtës)

3.Adis Nurkoviç (portier)

4.Ardit Hoxhaj (sulmues)

5.Emiljano Musta (mesfushor)

Mesfushori i majtë deklaroi dje se ka mbyllur kontratën me Teutën dhe ishte duke studiuar ofertat, por e joshte shumë oferta kuqezi.

Edhe trajneri Duro e dëshironte një përforcim urgjent në të majtë dhe sot gjithçka ka marrë fund: Musta është kuqezi, duke firmosur në Vlorë.

Dy sezonet e fundit ishin të shkëlqyer për ish-mesfushorin e Teutës, i cili bën një përpara në karrierën e vet dhe shpreson të bëhet i rëndësishëm në Vlorë.

KARRIERA – Musta ka dalë si futbollist nga Elbasani, aty ku është aktivizuar në Superiore dhe në të Parën, për të kaluar më pas për gjashtë muaj te Shkumbini . Paraqitjet e bëra me peqinasit bënë që në verën e 2014 të kalonte te Partizani, që asokohe drejtohej nga Shpëtim Duro, trajneri aktual i Flamurtarit. Atë sezon nuk pati shumë hapësira te të kuqtë, duke luajtur vetëm në 12 takime, ndërsa një sezon më pas u rikthye në Elbasan. Verdheblutë ranë në të parë, por Musta së bashku më Hilën e Lamçen iu bashkuan Teutës, aty ku ata shpërthyen në sezonin e parë dhe siguruan pjesëmarrjen në kupat e Europës. Pas dy viteve e ka mbyllur me durrsakët dhe tashmë mbetet për t’u parë se ku do të firmosë mesfushori i krahut të majtë.

Mefushori 25-vjeçar nga Elbasani ka qenë një ndër lojtarët kyçë të Teutës në dy sezonet e fundit, duke luajtur 74 ndeshje mes kampionatit, kupës e Europa League, ndërsa ka shënuar edhe 8 gola.

Anësori i majtë tashmë kërkon të transferohet në Vlorë dhe ka marrë një ofertë joshëse nga Flamurtari, por marrëveshja nuk është finalizuar ende, për shkak se Musta ka një kontratë 2+1 dhe mund të bllokohet edhe për një vit në Durrës.

Tashmë Musta duhet të gjejë marrëveshjen me drejtuesit e Teutës, për prishjen e kontratës, përndryshe nuk do të transferohet dot në Vlorë.