“Kukësi e kaloi një fazë përgatitore. Futbollistët aktual nuk janë pa përgatitje. Stërvitjet tani s’do të jenë si ato të fazës së parë, por pak më të lehta. Skuadra nuk është akoma e plohtë. Presim 2 ose 3 vetë si Musolli, Cuculi dhe Valdet Rama. Shpresojmë që deri në fund të javës të rikthehen. Me Ramën kam komunikuar vetë. Më kërkoi leje deri më datë dy. Cuculi dhe Musolli po flasin bisedime me presidentin”.

I KËNAQUR ME SKUADRËN  ? “Nëse skuadrat i bashkohen 3 emrat e lartpërmendur atëherë skuadra do të jetë e mbipopulluar s’do të kemi nevojë për shumë merkato. Kemi afruar dhe lojtarë si Gavazaj, Daku dhe Kamara. Ndoshta mund të bëjmë një lëvizja për krahun e majtë, ku pas ikjes së Rrumbullakut kemi vetëm Mustën. Pjesa tjetër është e kompletuar”.

RINOVIMI I SHAMETIT – “Nuk kam dijeni. Di që është i dëmtuar. Do të na duhet të presim, për momentin s’mund të flas për të”.

FRASHËRI – “Me aq sa di unë, kontrata e tij me Kukësin ka mbaruar. Do marr dhe një portier tjetër për të konkurruar me Avdylin”.

OBJEKTIVAT – “Objektiva e Kukësit dihen. Edhe vitin e kaluar ishte skuadër pretendente. Bënë disa gabime në kampionat, por u shpallën fitues të Kupës”.

RIVALËT – “Partizanin patjetër. Është ekipi kampion. Ka krijuar atë fizionominë e saj. Ka fituar autoritetin e skuadrës kampione, ata janë kryesorët. Të shohim si do zhvillohen dhe skuadrat e tjera, Tirana ka bërë shumë lëvizje”.

SHTYRJA E KAMPIONATIT   –  “Jo për mua nuk është problem. Ja mund ta shtyjnë një javë ose ndoshta dy, nuk është problem. Megjithatë, nuk duhet të zgjatet më shumë se kaq”.

Rama, Musolli, Frashëri, Shameti, Cuculi dhe Kitanovski janë lojtarët që nuk kanë preferuar të paraqiten në seancën e parë stërvitore dhe me shumë gjasa, do të jenë të larguar nga blutë. Përveç mungesave, ka pasur dhe një lojtar të ri në stërvitje. Bëhet fjalë për mesfushorin nga Maqedonia, Armend Çajani, i cili ka luajtur më parë me Shkupin dhe Genc Kalemler.

Megjithatë, aftësitë dhe rëndësia e Musollit dihen dhe rikthimi i tij është pritur me shumë optimizëm nga stafi i verilindorëve, por dhe nga vetë Musolli, i cili në profilin e tij “Facebook” u shpreh se ka qenë një periudhë shumë e vështirë për të.

“Pas një periudhe të gjatë rikthehem sërish në fushë. Kanë qenë muaj të gjatë dhe mjaft të mundimshëm. Në radhë të parë falënderoj zotin, familjen, miqt e ngushtë, shokët e ekipit dhe të gjithë ata që më kanë shkruar dhe më përkrahën. Dua të falënderoj në mënyrë të veçantë Ervin Kapajn dhe stafin e “Milano Medical Center”, si dhe Doktoret e ekipit Mel Ostrenin, Gazmir Kapellarin , Erion Bacovën dhe Eri Suci që kanë qëndruar pranë meje gjatë gjithë kësaj kohe”, shkroi Musolli.

Në një intervistë për “Supersport”, Musolli foli për gjendjen e tij fizike, takimin ndaj rivalëve për titull dhe faktin që sfida do të luhet në “Loro Boriçi”.

GJENDJA FIZIKE – “Ka një muaj e gjysmë që kam filluar të bëj stërvitje me grupin. Shyqyr zotit gjithçka ka shkuar mirë. Ndihem 95% gati, patëm një miqësore ku u aktivizova për rreth 30 minuta dhe çdo gjë ishte mirë. Tani varet nga trajneri nëse do të aktivizojë ose jo”.

PARTIZANI – “Normalisht deri tani kanë bërë shumë pasi dhe fakti që janë nëntë pikë larg nesh tregon që kanë bërë shumë mirë. Mendoj se kjo ndeshje është një finale për ne sepse po na mundën ose barazuan mendoj se janë zyrtarisht kampion”.

STADIUMI – “E para mendoj se fusha e “Loro Boriçit” të ndihmon të luash futboll, pasi siç dihet fusha e Kamzës nuk është dhe aq e mirë. Ne kemi zhvilluar ndeshje të tjera atje që na kanë sjellë fat, shpresoj që dhe kjo të sjellë fat për ne”.

Një lajm i mirë për Kukësin ka ardhur në pjesën e dytë, pasi Musolli u aktivizua dhe luajti minutat e para që nga viti i kaluar, ku pësoi një dëmtim shumë të rëndë. Rikthimi i kapitenit ka entuziazmuar edhe lojtarët e verilindorëve, me Simo Rrumbullakun që shkroi në Instagram: “Legjenda u rikthye!”.

Vetë Rrumbullaku, së bashku me Cuculin, thjesht kanë kryer disa vrapime të lehta rreth fushës, por në ndeshjen kundër Partizanit, do të jenë të gatshëm për trajnerin Ndreu.

Miqësore

Kukësi – Korabi   2-1
Shënues: Et’hemi, Rama

I fundit do të rikthehet për ndeshjen e kampionatit me Skënderbeun dhe problemi kryesor për sfidën e radhës është krahu i majtë i mbrojtjes.  Në stërvitje është provuar Olsi Teqja në atë pozicion dhe sikurse kuptohet Cungu nuk mund t’ia besojë formacionin të riut Xhemaili.

Fatmirësisht janë rikuperuar kapiteni Shameti dhe Valdet Rama, të cilët patën probleme gjatë javës dhe shtyrja e kampionatit ju erdhi në ndihmë. Në sfidën me Partizanin Kukësi do të jetë më i plotë, pasi edhe periudha e pushimit për shkak të ndeshjeve të kombëtares i vjen në ndihmë të dëmtuarve.

Gjithsesi, mbrojtësi është rikthyer në formën e tij optimale, ndërsa Musolli ka zbritur sot në fushën e blertë, duke kryer në seancë të plotë stërvitore pas shumë muajsh. Një tjetër rikthim i rëndësishsmë është ai i mesfushorit Dzaria, një lojtar të cilit Cungu i beson shumë.

Kordeiro vuan prej disa kohësh nga një dëmtim në dorë dhe vazhdon të jetë ende i fashuar. Megjithatë, braziliani ka qenë gjithmonë i gatshëm për të zbritur në fushën e lojës, duke sakrifikuar dhe gjendjen e tij. Me kalimin e javëve, Kukësi i Armando Cungut po e kompleton organikën dhe do të vazhdojnë deri në fund të rivalizojnë me Partizanin, që po udhëheq kampionatin që në javët e para të sezonit.

Musolli po kalon një periudhë rikuperimi mjaft ë vështirë, pasi ka këputur ligamentin dhe së paku deri në fundin e muajit shkurt apo fillimin e muajit mars nuk do të jetë gati.

Gjithsesi, vendosmëria e Musollit është për t’u admiruar, pasi synon që të kthehet sa më parë të jetë i gatshëm për ekipin. Vetë mesfushori ka publikuar një foto dje, teksa shihet se është në kompleksin “Internacional” në Pezë-Helmëz,  por natyrshëm që do i duhet dhe pak kohë për të nisur punën rreth fushës. Musolli po punon në mënyrë intensive për t’u rikuperuar sa më parë.

Siç dihet Musolli ka këputur ligamentin dhe duhet të presim deri në mars që ta shohim sërish në fushë, por është për t’u admiruar vullneti i 28-vjeçarit i cili vijon me shumë përkushtim që të ushtrohet për të djegur sa më shumë etapa që të jetë gati sa më parë.

Siç dihet nga një foto e publikuar nga vetë lojtari, aktualisht ai ndodhet në gjermani ku po kryen një terapi më të specializuar. Musolli është një prej lojtarëve më të rëndësishëm te Kukësi, por dhe një nga më të dashurit për tifozerinë, që doli hapur në krah të mesfushorit nga Podujeva.

Në njoftimin e publikuar në llogarinë e klubit në “Facebook” thuhet se Musolli do të vazhdojë të jetë pjesë e Kukësit dhe mbas përfundimit të rehabilitimit nga dëmtimi në gju, 29-vjeçari do të rikthehet sërish në fushën e blertë.

“FK Kukësi dhe Besar Musolli, ndërpresin marrëdhëniet me vullnet të plotë. Mesfushori kosovar dhe klubi ynë, kanë arritur të ndërpresin marrëdhëniet me konsensus të plotë mes palëve.

29-vjeçari nga Podujeva nuk është aktivizuar për një kohë të gjatë me skuadrën tonë, për shkak të një dëmtimi duke e detyruar të jetë për një periudhë të gjatë larg fushave të blerta.

Besar Musolli me fanellën e ekipit të Kukësit, arriti të bëhej lojtar profesionist duke marrë përsipër rolin e zëvendës kapitenit, duke iu bashkuar edhe kombëtares së Kosovës.

Gjithashtu, ai ka arritur të regjistrojë 223 prezenca me skuadrën tonë, duke arritur të fitojë Superligën, Kupën e Shqipërisë, Superkupën dhe duke kaluar në turin e katërt të Europa League-s.

Futboll Klub Kukësi i uron Besar Musollit shërim sa më të shpejtë dhe falënderon kosovarin për kontributin e dhënë me skuadrën tonë, ndërkohë që dera jonë do të jetë e hapur gjithmonë për të. Faleminderit!”

Duke parë rrethanat, Musolli dhe drejtuesit e Kukësit janë ulur sot dhe kanë vendosur që ta ndërpresin që tani kontratën. Një lajm jo i mirë për tifozët e Kukësit, të cilët e kanë pasur një idhull Musollin, të cilin do e mbajnë mend gjatë për atë 11-metërsh që shënoi në finalen e Kupës ndaj Laçit, pasi në verilindje shkoi trofeu i parë i rëndësishëm në historinë  klubit. Me verilindorët mesfushori luajti plot 223 ndeshje!

29-vjeçari u afrua te Kukësi që kur ekipi u ngjit në Superiore, plot 6 sezone më parë, duke rrëmbyer medaljen e Kupës, Superkupës dhe titullit me verilindorët. Edhe pse pakkush e priste, Musolli është nga sot një lojtar i lirë.

JURGEN ZELA

Pushimi i ka bërë mirë Shametit, i cili tashmë do të jetë gati për ndeshjen e radhës, por së bashku me të në fushën e kompleksit “Internacional” është bashkuar dhe mbrojtësi Simo Rrumbullaku. Mëngjarashi u dëmtua në ndeshjen me Kastriotin dhe pritej që të mungonte për 6 javë, por gjërat kanë shkuar mirë dhe mund të rikuperohet para kohe edhe pse duket e vështirë që të jetë gati për takimin e kësaj jave.

Të dy gjirokastritët kanë bërë vrapime të lehta rreth fushe, por së bashku kanë qenë dhe në palestër paradite, ku janë ushtruar së bashku me Besar Musollin, i cili po ashtu vijon që të punojë me shumë intensitet, në mënyrë që të rikthehet sa më parë.

Te Kukësi, Donjet Shkodra ka shfaqur probleme fizike, si pasojë e goditjeve të marra në ndeshjen me Flamurtarin. Mesfushori është në diskutim për ndeshjen e nesërme, por duket shumë e vështirë që të jetë në fushë. Do të ishte një hall shumë i madh për Cungun, nëse nuk do e kishte të gatshëm për këtë sfidë. Arsyeja është e thjeshtë, në stol nuk është askush i gatshëm për ta zëvendësuar 29-vjeçarin.
Edhe pse rikthehet Irakli Dzaria, problem mbete numri i të huajve në fushë dhe aktualisht nuk është asnjë mesfushor qendre me pasaportë shqiptare i gatshëm për teknikun Shkodra. Në të tilla kushte mundësitë janë vetëm dy.

Kukësi ose do të ndryshojë modul loje, duke aplikuar një skemë tjetër ku Cungu të ketë mundësinë që të aktivizojë vetëm 4 lojtarë të huaj, ose do të improvizohet një futbollit krahu që të luajë si mesfushor qendre. Mundësia e tretë është që të aktivizohet ndonjë futbollist nga të rinjtë, por kjo duket një mundësi gati e pamundur, duke ditur rëndësinë e kësja sfide.

Situata te verilindorët është jo e mirë, pasi Musolli, Rrumbullaku dhe tani Shkodra janë të dëmtuar. Po ashtu edhe Çyrbja është dërguar te ekipi B. Cungu duhet të gjejë një zgjidhje, por nuk e ka aspak të lehtë, pasi duhet rikujtuar që Limaj, ndonëse është shqiptar, posedon vetëm pasaportë gjermane, çka e privon nga mundësia për t’u pajisur me pasaportë tjetër.

Një lajm i keq për mesfushorin 29-vjeçar, por dhe Kukësin që humbet një prej lojtarët me më shumë kualitet për një pjesë të mirë të sezonit. Sot, Musolli ka kryer operacionin në një prej spitaleve të kryeqyteti dhe tani pret që sa më parë të nisë fazën e rikuperimit.

Përmes një postimi në “Facebook” vetë Musolli ka njoftuar se gjithçka ka kaluar me sukses dhe gjen rastin t’i falënderojë të gjithë për mbështetjen që i kanë dhënë. “Falënderimi i takon Zotit. Operacioni kaloi me sukses. Faleminderit për mbështetje dhe mesazhe pafund të gjithëve”, shkruan Musolli në foton e postuar në profilin e tij, ku ndodhet së bashku me drejtorin sportiv, Nderim Nexhipi.

Nuk ka munguar mbështetja nga miqtë e tij, duke nisur që nga shokët e skuadrës, drejtuesit dhe ish-shokët e skuadrës.

I veçantë dedikimi i kapitenit Shameti, i cili i premton mbështetje të plotë mesfushorit: “Disa momente të vështira bëhen më të lehta për t’u kaluar nëse ke afër shokë, kështu që të premtoj që do ta kalojmë bashkë këtë vëllai im Besar Musolli”.

Edhe drejtori sportiv Nderim Nexhipi përmes një postimi ka shprehur mbështetjen e tij për zëvendëskapitenin: “Do rikthehesh edhe më i fortë Muski”

Donjet Shkodra nuk ka qëndruar pa e shprehur mbështeten e tij teksa shkuan: “Do rikthehesh më i fortë vëlla”.

Po ashtu dhe Simo Rrumbullaku e ka cilësuar si një Legjendë Musollin, duke i uruar rikthim të shpejtë: “Forca legjendë kthehu më i fortë se më parë”.

Kristi Joti, i cili luan me Tomorin, nuk e ka harruar Musollin, që e ka pasur shok skuadre tek Kukësi, duke e kujtuar dhe në këtë moment jo të mirë: “Asnjëherë mos hiq dorë vëlla, ktheu më i fortë.

Në të tilla kushte, 29-vjeçari do të mungojë për disa muaj dhe në fushë mund të rikthehet afër muajit mars. Një problem jo i vogël ëpr Armando Cungun, i cili humbet një prej lojtarëve me më shumë eksperiencë dhe që është konsideruar gjithnjë si një nga shtyllat e ekipit.

Shumë shpejt Musolli do t’i nënshtrohet operacionit, që të nisë sa më parë fazën e rikuperimit. 29-vjeçari është i vetmi lojtar i cili luan tek kuksianët që në kohën kur verilindorët u ngjitën në Kategorinë Superiore, duke arritur që të fitojë të gjithë trofetë e mundshëm. Po ashtu mesfushori është grumbulluar dhe me përfaqësuesen e Kosovës në disa ndeshje zyrtare. Të gjithë në Kukës urojnë që ta kenë sa më parë të gatshëm zëvendëskapitenin e tyre.

Për Supersportin, Musolli flet si anëtari më i ri i Kosovës: “Është një nder për mua të përfaqësoj vendin tim, ndihem gati dhe entuziast, sidomos pas suksesit me klubin tim. Kam qenë në kontakt edhe më herët me Kosovën, por tashmë ka ardhur momenti i duhur dhe jam i lumtur.

“Njihem me Bernard Berishën e disa lojtarë të tjerë, por jam shumë i kënaqur me marrëdhënien që kam me  të gjithë shokët.

“Turqia? Është një kundërshtar shumë i vështirë, natyrisht është një skuadër cilësore dhe superiore ndaj nesh, por duhet të luajmë pa frikë dhe të bëjmë lojën tonë, pasi i kemi mundësitë për të bërë mirë.

“Superliga e Shqipërisë po rritet nga viti në vit, janë disa lojtarë që mundet të luajnë edhe në përfaqësuesen tonë”.

28-vjeçari mund të konsiderohet pa frikë “gladiatori” i skuadrës së Kukësit. 169 prezenca numëron mes kampionatit, Kupës dhe ndeshjeve të Europës. Pas Hallaçit, renditet i dyti për nga numri i ndeshjeve të luajtura nën fanellën blu. Një përfaqësues i denjë i Kosovës, në skuadrën që ka jo pak mbështetje nga kosovarët. Kukësi dhe Kosova janë të lidhur shumë me njëri-tjetrin, sa disa vite më parë skuadra kuksiane mbante emrin Kosova. Fjalëpak dhe punëshumë, gjithnjë pjesë e patundur e formacionit që nga dita që ka mbërritur në verilindje. Për Musollin eksperienca në Kukës ka qenë e kënaqshme, pasi në asnjë moment nuk e vendosur në diskutim qëndrimin e tij. Vetëm 3 gola ka arritur që të shënojë si kuksian dhe të tre në kompeticionin e Kupës, por nëse nuk shquhet si një golashënues, mund të cilësohet si një digë e pakalueshme para mbrojtjes. Me qetësinë e tij dhe paraqitjet konstante ka fituar zemrat e tifozëve kuksiane.

PËRFAQËSUESJA
Një surprizë e këndshme ka ardhur për mesfushorin e lindur në Podujevë. Pas sukseseve të arritura në Shqipëri, duke fituar çdo trofe kombëtar, ai ka tërhequr dhe vëmendjen e stafit teknik të përfaqësueses së Kosovës. Siç njoftonte “Sport Ekspres” 2 ditë më parë, Musolli tashmë është surpriza e madhe e listës së Bunjakit. Performanca e tij gjithnjë mbi mesataren i ka mundësuar një ftesë për ndeshjen me Turqinë.

Risia e dytë e Kosovës është mbrojtësi i Romës, Lirim Kastrati, pasi 18-vjeçari ka zgjedhur Kosovën dhe është ftuar menjëherë. Kastrati ka qenë pjesë e Shqipërisë U-17 dhe në vitin 2015 mori pjesë në kualifikueset e Europianit, duke shënuar edhe një gol, por prej disa muajsh ka vendosur të përfaqësojë Kosovën.