Musliu

Shkëndija përfitoi 500 mijë euro, Musliu me rrogë faraoni tek ekipi i ri

Sport Ekspres — Mon, 05 Aug 2019 20:31:19 +0000

Visar Musliu u largua nga skuadra e Shkëndijës pas 2 sezonesh dhe kuqezinjtë tetovarë, përfituan plot 500 mijë euro nga shitja e tij. 24-vjeçari firmosi për ekipin hungarez, MOL Fehevar. Pas prezantimit të tij zyrtar disa minuta më parë, “infosport.mk” ka zbuluar dhe shifrat që do të përfitojë mbrojtësi.

Musliu ka nënshkruar për tri vite dhe do të përfitojë 170 mijë euro në sezon, plus bonuse. Në muaj, 24-vjeçari do të përfitojë 14 mijë euro. Sezoni në Hungari ka nisur dhe Musliu shpreson të aktivizohet në javën e dytë të kampionatit, që luhet këtë fundjavë.

Lojtari më i mirë në Maqedoninë e Veriut, vlerësohet mbrojtësi shqiptar

Sport Ekspres — Sun, 21 Jul 2019 17:13:36 +0000

Qendërmbrojtësi i Shkëndijës së Tetovës, Visar Musliu, është shpallur si futbollisti më i mirë i kampionatit të Maqedonisë së Veriut nga media maqedonase “MAKFUDBAL”. Mbrojtësi i lindur në Gostivar ka qenë një ndër lojtarët kyç në suksesin e skuadrës tetovare, ndërsa ka dhënë dhe një kontribut te përfaqësuesja e Maqedonisë së Veriut, ku është një titullar i padiskutueshëm.

Futbollisti 24-vjeçar ka dhe një vit kontratë me Shkëndijën, por gjasat që janë që klubi tetovar ta shesë lojtarin te një skuadër e huaj. Për momentin është folur për një interesim të skuadrave të ndryshme në Hungari, por e ardhmja e Musliut mbetet ende një enigmë.

Lëvizje te Shkëndija, largimi i mbrojtësit shqiptar i paevitueshëm

Sport Ekspres — Fri, 04 Jan 2019 21:05:44 +0000

Shkëndija e Tetovës duket se edhe këtë vit do të shpallet kampione në Maqedoni dhe kuqezinjtë e drejtuar nga Qatip Osmani pritet të kenë një merkato të ngarkuar në janar.

Qendërmbrojtësi i skuadrës, Visar Musliu është në pritje të një ofertë nga ndonjë klub i njohur, pasi e ka thënë publikisht se në Maqedoni ka arritur çdo gjë dhe kërkon një eksperiencë të re.

Musliu aktivizohet edhe me kombëtaren e Maqedonisë dhe ofertat për të, nuk priten të mungojnë. Edhe pse me mbrojtësin thuajse të larguar, te Shkëndija nuk ka panik, pasi pritet të ketë edhe disa përforcime. Gjithsesi, ende nuk ka një emër konkret për skuadrën tetovare.