Deshamp çon në “pension” Zhirunë, vjen ftesa e parë për sulmuesin e Lionit

Sport Ekspres — Mon, 11 Mar 2019 13:26:36 +0000

Didier Deshamp po mendon të rinovojë repartin e sulmit të kombëtares së Francës. Ai që për shumë vite ka mbajtur peshën kryesore në këtë repart ka qenë Olivier Zhiru, por mosha e madhe e lojtarit (së shpejti mbush 33 vjeç) dhe aktivizimet e pakta te Çelsi ka bërë që kampioni i botës të kalojë në plan të dytë.

Zëvendësuesi i Zhiru vjen nga kampionati francez. Bëhet fjalë për sulmuesin e Lionit Musa Dembele. Futbollisti 22-vjeçar ka shënuar 11 gola deri më tani në kampionatin francez, ndërkohë që prej vitesh ka qenë një ndër talentet më premtues te kombëtaret e grupmoshave të “gjelave”.

Musa Dembele

Në grumbullimin për ndeshjet ndaj Moldavisë dhe Islandës, Deshamp do t’u japë mundësi shumë emrave të rinj për të qenë për herë të parë pjesë e kombëtares franceze. Lista e të grumbulluarëve të Francës do të bëhet publike ditën e enjte.

Ofertë nga Kina, milionat tundojnë Dembele

Sport Ekspres — Sun, 02 Sep 2018 18:08:41 +0000

Kina vazhdon të tërheqë lojtarë të ndryshëm. Klube të pasura financiarisht dhe rroga tepër të larta për futbollistët. I fundit që mund të vendosë të largohet drejt vendit aziatik është Musa Dembele. Mesfushori i Totenhemit, i cili ishte një objektiv i Interit gjatë merkatos së verës, mund të transferohet në janar në Kinë.

Siç zbulojnë mediat angleze, Bejing Guan është gati të ofrojë 10 milionë euro për kartonin e 31-vjeçarit dhe një rrogë me të njëjtën shifër për futbollistin. Bejing Guan kryeson për momentin kampionatin kinez dhe ka ambicie për të fituar titullin, ndërsa në janar do të nisë sulmin për shërbimet e futbollistit të kombëtares belge.

Oferta është tunduese për lojtarin, i cili është në vitet e fundit të karrierës dhe diçka e tillë mund ta shtyjë drejt pranimit të 10 milionë eurove në sezon.