Murray

Mërrei i jep lamtumirën Australisë, Federer nuk zhgënjen

Sport Ekspres — Mon, 14 Jan 2019 15:26:08 +0000

Andi Mërrei u mund në përballjen e parë të “Australian Open” nga tenisti spanjoll Roberto Bautista Agut. Skocezi, megjithëse vjen nga një vit i mbushur me dëmtime, tregoi shpirt gare duke i marrë dy sete numrit 22 të renditjes botërore.

Në fund të përballjes, Mërrei la të hapur mundësinë e një rikthimi në “Australian Open”, por situata duket shumë e zymtë, pasi dhimbjet kronike në kockën e legenit po bëhen të padurueshme për të.

Murray receives a standing ovation from the crowd before he serves in the fifth set ?#AusOpen pic.twitter.com/cH27iOZc5K

— #AusOpen (@AustralianOpen) January 14, 2019

Kampioni në fuqi i këtij turneu, Roxher Federer mundi në tre sete 6-3, 6-4, 6-4 tenistin uzbek Denis Istomin. Fitore bindëse arriti dhe Rafael Nadal, i cili mund në tre sete australianin Xhejms Dakuorth.

Letra prekëse e Xhokoviç, Mërrei më shumë se një rival për serbin

Sport Ekspres — Mon, 14 Jan 2019 08:13:55 +0000

Tenisti skocez Endi Mërrei shokoi botën e tenisit, teksa deklaroi para dy ditësh se do të tërhiqej në muajin qershor nga sporti që i dha gjithçka. Fituesi i tre turneve “Grand Slam” mori vendimin e dhimbshëm, pas një dëmtim të rëndë në kockën e legenit.

Novak Xhokoviç, legjenda tjetër e këtij sporti dhe një rival i hershëm i Mërreit është prekur shumë nga ky lajm. Me anë të një postimi në rrjetet sociale, tenisti serb ka zbuluar se emocionet që i ka sjellë situata e vështirë në të cilët ndodhet skocezi të cilin e konsideron një rival e shok të përjetshëm.

“Herën e parë që u takuam dhe luajtëm (viti 2001). Diçka po më thoshte që atëherë se do të kishim një rivalitet të mahnitshëm dhe do të luanim së bashku në elitën e këtij sporti për shumë vite me radhë. Ajo që po përpiqesh të arrish është diçka shumë guximtare dhe frymëzuese. Të takova dhe nuk munda të tregoja dhembshurinë time ndaj asaj që t’i po kalon. Si një atlet, tenist dhe shok, unë të respektoj dhe të mbështes në çdo sekondë gjatë këtij “Australian Open” dhe çdo përpjekje tjetër tënden për të luajtur në nivele elitare. Çfarëdo që të ndodhë, unë do kujtoj me mall përballjet tona ndër vite dhe do të jem mirënjohës për atë eksperiencë. Të përqafoj Endi, qëndro i fortë”.

https://www.instagram.com/p/BsjiKKOg-A1/?utm_source=ig_web_copy_link

Një legjendë i jep fund, Murray jep lajmin shokues

Sport Ekspres — Fri, 11 Jan 2019 16:35:15 +0000

Tenisti i njohur skocez, Andi Murray, njoftoi para medieve se do të tërhiqet nga sporti i tenisit, pas turneut të “Wimbledon”, që do të zhvillohet në muajin qershor. Shkak për këtë vendim të papritur të 31-vjeçarit është bërë një dëmtim në kockën e legenit

Në daljen për shtyp, ku bëri të ditur para gjithë botës vendimin e tij, skocezi nuk mundi t’i përmbante dot lotët. Murray theksoi se shpreson që trupi ta lejojë të vazhdojë deri sa të fillojë turneu i “Wimbledon”.

"I think I can kind of get through this until Wimbledon…but I'm also not certain I'm able to do that."

An emotional @Andy_Murray addresses the press regarding his plans for retirement.#AusOpen pic.twitter.com/doO0zvjKt0

— Tennis Channel (@TennisChannel) January 11, 2019

Dhimbjet e skocezit gjatë muajve të fundit kanë qenë të padurueshme, pasi tenisti i njohur po has vështirësi edhe në veshjen e çorapëve dhe këpucëve. Në karrierën e tij 14-vjeçare si tenist profesionist, Murray ka fituar 3 turne Grand Slam: “Wimbledon” 2013, 2016 dhe “US Open” 2012, si dhe ka shkuar pesë herë në finalen e “Australian Open”.

Dita e çmendur e Uimbëldonit, bien Mërej e Xhokoviç

Sport Ekspres — Thu, 13 Jul 2017 14:05:19 +0000

Një ditë e çmendur ajo e Uimbëldonit pasditen e djeshme. Pas rezultateve të çerekfinaleve, legjenda zvicerane Roxher Federer është favorit absolut, pasi u hakmor ndaj Milosh Raoniç (e eleminoi vitin e shkuar) kur në kompeticion janë eliminuar me radhë Nadal (i eleminuar që në 1/16) Xhokoviç dhe numri 1 i botës, Endi Mërej.

Ky i fundit u mund në një betejë me pesë sete ndaj patriotit Sem Kuerej, ku pas tre seteve të para ai kryesonte 2-1, por një dëmtim në fundshpinë kushtëzoi lëvizshmërinë e tij ne dy setet e ardhshme, që i humbi me rezultatin identik 6-1.

Ndërkaq, Xhokoviç u tërhoq në fillim të setit të dytë pas një dëmtimi ne shpatull, duke i dhënë mundësinë çekut Tomas Berdih të kalojë në gjysmëfinale ku do te gjejë Federer.

Sa i përket çiftit tjetër gjysmëfinalist, Sem Kuerej do të përballet me Marin Çiliç, që mundi luksemburgasin Myler.