Portugalia

Trajneri aktual, Santos është treguar shumë i suksesshëm, duke fituar Europianin dhe Ligën e Kombeve, por ai nuk pritet të qëndrojë në dretimin e luzitanëve. Mosha, por edhe ngopja me sukses e bëjnë strategun të largohet. Murinjo vështirë se do e refuzonte kombëtaren e vendit të tij.

Belgjika

Belgjika do të kishte nevojë për Murinjon vetëm në rast se Roberto Martinez largohet te Barcelona. Ai është objektivi kryesor në rast të shkarkimit të Ernesto Valverde nga Barcelona. Gabimi më i vogël i këtij të fundit e lë pa punë.

Argjentina

‘Los Albiceletes’ dhe Lionel Messi po e kërkojnë me çdo kusht triumfin në Kupën e Botës dhe në Kupën e Amerikës. Për ta bërë këtë duhet një strateg i madh, element i munguar prej vitesh. Ambicia dhe karizma e një njeriu si Murinjo do e çonin kombëtaren bardhekaltër drejt triumfit.

Spanja

Largimi i Luis Enrikes bën që Murinjo të jetë një emër shumë i mundshëm për të ardhur në krye të “Furisë së Kuqe”. Ai e njeh shumë mirë futbollin spanjoll dhe do të ishte gati për këtë aventurë të veçantë.

Miqësoret e verës kanë qenë shumë negative. Edhe pse jo ndeshje zyrtare, mediet spanjolle hedhin “shashkën” e këtyre ditëve. Perez nuk e sheh aspak mirë skuadrën dhe menaxhimin që po bën Zidan. E gjithë kjo e turbullon mendjen e presidentit.

Rrugët e zgjidhjes së kësaj vorbulle në Madrid kalojnë nga Zhoze Murinjo. Portugezi është i papunë prej kohësh dhe po pret ofertë nga një prej gjigantëve të Evropës. Tekniku gëzon një marrëdhënie shumë të mirë me presidentin madrilen dhe rikthimi i tij në drejtim të Realit nuk është diçka abstrakte.

“Nuk dua të flas për futboll, kam ardhur për të shijuar një sport tjetër. Nuk dua të komentoj”, tha fillimisht Murinjo kur gazetari e pyeti për një mendim në lidhje me zyrtarizimin e Frenk Lampard në krye të Çelsit. Më pas, tekniku portugez u pyet edhe për të ardhmen e tij.

“Jam i uritur t’i rikthehem futbollit. Po pres momentin e duhur, ekipin e duhur. Ekipi me të cilin do të vazhdoj aventurën e re duhet të ketë një ide dhe projekt të qartë. Më pëlqejnë sfidat, mund të drejtoj kudo”, u shpreh strategu.

Përballja e dy legjendave ka sjellë interes të jashtëzakonshëm. Në shkallët e arenës qendrore ku do zhvillohet takimi janë paraqitur figura “VIP” nga çdo sferë e jetës, por sidomos nga futbollit.

Dy trajnerët me famë botërore Sir Aleks Ferguson dhe Zhoze Murinjo nuk mund të mungonin. Dejvi Bekam është një ndër ata që nuk mungon kurrë në këtë eveniment, ndërsa vend në tribuna ka pasur dhe për dyshen e mbrojtësve të Liverpulit Trent Aleksandër Arnold dhe Virxhil van Dajk.

"Hopefully we'll have a game for the ages"

It's fair to say @England and @LFC football player @trentaa98 is very excited to be at #Wimbledon for men's semi-finals day ? pic.twitter.com/xa8H5VKnNx

— Wimbledon (@Wimbledon) July 12, 2019

“Është i mahnitshëm. Më bëhet qejfi për të, por jam i bindur se mund të ishte bërë një futbollist fantastik. Xhaxhai i tij, Migel Nadal ka qenë futbollisti im kur punojë si zëvendës-trajner te Barcelona në vitin 1996. Di gjithashtu që Rafa mund të luaj edhe sot mjaft mirë futboll”.

“Me aftësitë fizike që zotëron dhe mentalitetin që ka, s’kam dyshim që do ia dilte të ishte një futbollist profesionist. Megjithatë, fatmirësisht për sportin e tenisti ai zgjodhi këtë gjë”, tha Murinjo.

“Ka shumë vite që e them: Futbolli nuk është investim me shumë të çmendura, të shpenzosh miliona euro që të fitosh trofe. Investimi më i madh është të mbash lojtarët që ke në skuadër dhe të krijosh një grup të fortë. Atë bëra dhe unë me Porton në sezonin 2003-04. Manish, Paulo Ferrera, Deko e shumë të tjerë ishin shumë pranë largimit, por ju premtova trofe dhe ia dolëm.

E mbaj mend shumë mirë atë finale (Champions League, 2004). Ishte një nga arritjet e mia më të mëdha në karrierë. Nuk kishim buxhetin e shumë skuadrave që ishin në atë kompeticion, por kishim një qytet të tërë me vete dhe një dëshirë të madhe për të qenë të suksesshëm. Ishte e vështirë për të kaluar nga Europa League në Champions League, skuadra duhet të rritej shumë. Por ne ia dolëm, skuadra që kisha ishte gati për të luajtur në Champions.

Bëmë ndeshje të mëdha kundër Real Madridit në grupe, pastaj kundër Mançester Junajtid. Mposhtëm Lacion dhe Selltikun, duke e ditur që nuk jemi skuadra më e fortë, por që duhet të luftonim shumë. Shumë njerëz mendojnë se talenti të fiton ndeshje, por strategjia është kryesore.

Një natë para finales, isha në hotel në Mançester, agjenti më telefonoi dhe më tha që duhet të flisja me drejtuesit e një skuadre të madhe angleze. Jo Çelsi, një skuadër tjetër. Në atë kohë, Premier League kishte vetëm dy trajnerë të huaj, Benitez dhe Venger.

Edhe pse e kisha vendin e punës gati, objektivi im kryesor dhe i vetëm ishte triumfi në finale. Skuadra ia doli, morëm fitoren më të madhe në historinë e klubit. Krenar për arritjet e mia me Porton, ndoshta një ditë kur të mos jem më pjesë e futbollit, do t’i tregoj të gjitha”, përfundoi Murinjo.

Do të ketë dhe disa ndryshime te lojtarët. Godin pritet të zëvendësojë Mirandan, që do të largohet nga zikaltërit. Në krah të Godin, mund të vijë dhe Rafael Varan nga Reali i Madridit, por për të arritur te mbrojtësi francez, do të sakrifikohet Milan Shkriniar.

Emri i Luka Modriç mund të dalë sërish në skenë, së bashku me Filipe Kutinjon, që mund të rikthehet te zikaltërit dhe të vihet nën urdhrat e Murinjos.

“Zhoze ishte një njeri shumë i mirë me mua. Por të them të drejtën, më ka bërtitur shumë herë. Kur iu bashkova skuadrës A, bëra debat me një nga lojtarët tjerë në stërvitje. Murinjo u afrua tek unë dhe më tha: ‘Hej djalosh! Je në skuadrën e parë tani. Kur vjen këtu, shokët duhet të të pëlqejnë!’

Mbaj mend që u largova duke menduar: ‘Mos djallosa gjithçka?‘ Por nuk ishte kështu, pasi Murinjo më afroi dhe me aktivizoi shumë herë në formacion. Tani e kam kuptuar se pse ai më ka bërtitur aq shpesh, ka qenë vetëm për të mirën time”, përfundoi MekTominej.

Në një prej emisioneve të fundit, ai analizoi humbjen 3 – 0 të Mançester Junajtid ndaj Barcelonës në “Camp Nou”.

“Mendoj se në takimin e parë Junajtid u mundua të bllokonin me sa më shumë lojtarë pjesën qendrore të fushës. Të gjithë e dimë se si luanin Mesi dhe ku pëlqen të qëndrojë, por është e pamundur ta neutralizosh atë. Siç e thashë në takimin e parë, sa herë që Mesi futej brenda në zonë ai kishte përpara vetes mesfushorë si Fred e Mektominej për të mos përmendur mbrojtësit. Në ndeshjen e dytë strategjia e Junajtid ishte ndryshe”.

“Vetëm Fred ishte i vendosur para mbrojtjes. Ai është vendi ku Mesi merr shpesh topin. Nëse topi përfundon në këmbët e tij në situata një kundër një, je i vdekur. Për këtë arsye nuk kam preferuar kurrë ta markoj Mesin një për një. Për atë të duhet të ndërtosh një kafaz. Në fund Barcelona është një skuadër më e mirë se Mançester Junajtid dhe është normale që fituan”, përfundoi Murinjo.

Ish-ylli i Juves, aktualisht opinionist në “Sky Sport” zbuloi një prapaskenë, që lidh De Jong me bardhezinjtë. Pirlo u shpreh se e kishte këshilluar Paratiçin dhe Nedved, për ta ndjekur të riun. Ata e kishin dëgjuar fjalën e tij, por pa rezultat.

“De Jong është një lojtar i madh. Juventusi e ndoqi atë, pasi pata biseduar me ta për cilësitë e tij. Shumë mirë që Barça arriti ta marrë”, u shpreh ish-mesfushori para ndeshjes së mbrëmshme.

Ndërkohë jo vetëm Pirlo kishte besim te De Jongu dhe shokët e tij, por edhe Zhoze Murinjo. Portugezi tregon se ka veti shumë të mira parashikuese. Para ndeshjes ”Special one” pati dhënë sinjalin e një triumfi holandez në Torino.

“Askush te Ajaksi nuk mendonte se kishin sadopak mundësi për të fituar, por tani e kanë. Është e komplikuar kundër Juventusit, por ata mund ta bëjnë këtë”, shprehet portugezi.

Murinjo më parë pati parashikuar edhe fitoren e Juventusit ndaj Atletikos. “Nëse më duhet të zgjedh, them Atletiko Madrid, por nuk do të isha i befasuar nëse Juventusi përmbys gjithçka.”

Murinjo nuk ka drejtuar asnjëherë në Francë, por nuk e ka mohuar që e tërheq ideja e drejtimit në Ligue 1. Sipas mediave franceze, “Special One” është në bisedime me klubin prej disa muajsh tashmë. Mbetet ende për t’u parë nëse do të arrihet një akord.

Murinjo është pa ekip që kur u shkarkua nga kreu i Mançester Junajtid, në muajin dhjetor. Portugezi kërkon një rrogë 20 milionë euro në sezon, por për PSG-në, paratë nuk janë një problem.

Për dy vite e gjysmë, trajneri i Mançester Junajtid ka jetuar në suitën luksoze të një hoteli shumë pranë qendrës së qytetit të Mançesterit. Suita ku jetoi portugezi ishte me sipërfaqe 90 metra katrorë dhe e kompletuar në çdo aspekt.

Së fundmi media britanike “The Daily Mirror” ka zbuluar se fatura totale e portugezit në hotelin luksoz i kalont 800 mijë paundë. Shumë e çmendur, por s’duhet të harrojmë se Murinjo paguhej 12 milionë euro në sezon nga “djajtë e kuq”.

Në një intervistë për “The Telegraph”, trajneri portugez ka folur për të ardhmen e tij dhe për gabimet e së shkuarës.

“Në futboll thuhet shpesh se nga humbjet mund të mësosh shumë. Ndoshta kjo shprehje mund të jetë disi e vërtetë. Megjithatë, unë jam ndër ata që mësoj më shumë nga fitoret. Kjo është hera e parë që nuk fitova trofe gjatë një viti e gjysmë. Tani kam kohë për të menduar e reflektuar për të kuptuar se gjithçka që ndodhi dhe për të qenë gati për sfidën tjetër. Kam pasur oferta, por i kam refuzuar”.

“Kur të vijë oferta e duhur do jem i mbushur me energji dhe gëzim. Kam pasur së fundmi një ofertë shumë tunduese nga ana financiare (nga një klub nga Katari), por e refuzova. Do më vinte turp t’ua thosha se sa para më ofruan, pasi e refuzova”.

“Në klubin tim të ardhshëm nuk dua problem të brendshme, dua që konflikti të jetë vetëm në fushën e lojës, pasi aty merren tri pikët. Në klubin tim të ardshëm do të punoj me njerëz që ndajnë të njëjtat filozofi si unë”, tha Murinjo.

E imagjinoni një eksperiencë si trajner në Francë ? –  “Po mund ta imagjinoj. Kam punuar në katër vende të ndryshme, dhe më pëlqen kjo gjë. Dua të njoh kultura të reja dhe të mësoj në çdo moment. Të punoja një kampionat tjetër do të ishte një eksperiencë fantastike”.

E patë ndeshjen midis PSG-së dhe Mançester Junajtid ? – “Jo. Nuk e pashë atë ndeshje. Tani i shikoj rrallë ndeshjet e Mançester Junajtid. Preferoj të shikoj ndeshje të tjera, pasi të gjithë kampionatin anglez e njoh shumë mirë, madje njoh çdo lojtar”, përfundoi Murinjo.

Sezoni i “djajve të kuq” deri në dhjetor, ishte gati i gjithi për t’u harruar, pasi ndodheshin më shumë se 10 pikë larg vendit të katërt që të çon në Champions sezonin e ardhshëm. Ardhja e Solskjaer ka shndërruar krejtësisht ekipin e Junajtid, teksa tashmë e shohin veten vetëm 2 pikë më pak se Çelsi i vendit të katërt.

Solskjaer e drejton ekipin prej 10 takimesh, ku ka marrë 9 fitore dhe një barazim. Krahasuar me Zhose Murinjon, tekniku norvegjez është në dominancë të plotë, për sa i përket statistikave. Këtë sezon, me Murinjon në stol, Junajtid numëron një përqindje fitoresh prej 41.2%. Përqindja e Solskjaer është më shumë se dyfishi i asaj të luzitanit.

Ish-futbollisti i Junajtid, ka një përqindje fitoresh prej 87.5%. Pikët mesatare për ndeshje janë 2.75 për Solskjaer, krahasuar me vetëm 1.5 pikë të Murinjos. 1.7 ishte mesatarja e golave të shënuar në kohën e Murinjos, ndërsa tani Junajtid shënon 2.5 gola mesatarisht. Ndryshimi është i qartë, nuk ka nevojë për shumë koment…

Për të dhënë një opinionin të paanshëm ka menduar Zhoze Murinjo. Ish-trajneri i Mançester Junajtid, foli për dy yjet e futbollit botëror në emisionin e “Bein Sports”, ku punon prej disa muajsh si analist.

“Mendoj se është e padrejtë për të dy që të thuash se njëri është më i mirë se tjetri. Mendoj se ata janë të ndryshëm. E vetmja gjë që mund të them për këtë temë është se kur kam pasur Ronaldon në ekip, ai ka kaluar një moment shumë të mirë, ndërsa kur më duhej të luaja kundër Mesit më është dashur të punoj e të mendoj shumë për të përgatitur skuadrën”.

“Ajo që admiroj tek ata është konsistenca e vazhdueshme që tregojnë, pavarësisht viteve. Mund të ndodhë që fitosh njëherë, por ata nuk dinë të ndalojnë së fituari. Në futboll mund të paraqitesh si një urugan e më pas të zhdukesh për çështje muajsh”.

“Ata dy djem janë në majë të futbollit prej 10 vitesh, dhe kjo do të vazhdojë të qëndrojë kshtu derisa në ata të vendosin t’u lënë stafetën brezave të rij”, përfundoi Murinjo.

Tema që po qarkullon më shumë rreth teknikut portugez është e ardhmja e tij, për të cilën vetë Mou nuk ka vendosur ende. Strategu 55-vjeçar pranoi në studio se ka refuzuar tre klube të ndryshme, pasi kërkon kohë që të mendohet.

“E ardhmja? Nuk e di. Varet. Siç po thosha, do t’i analizoj gjërat. Nuk më pëlqen të flas për këtë gjë, por deri më tani kam refuzuar tre oferta. I refuzova këto tri klube sepse e ndjeja se nuk ishin ato ajo që me duhet në këtë moment. Kështu që, do të rri i qetë dhe do të pres momentin e duhur”,- përfundoi Murinjo.

“Sezoni i parë i Guardiolës në Angli ishte shumë i vështirë. Ai kishte një ekip kampionësh me lojtarë si Kompani e Aguero dhe në fund u rendit në vendin e katërt. Megjithatë në atë sezon ai mori disa vendime shumë të rëndësishme, që u mbështetën plotësisht nga drejtuesit e klubit. Për shembull: Ai nuk donte Zabaletën, Sanjan, Kolarovin dhe Klishin. Në një merkato vere ai largoi katër mbrojtës krahu dhe mori katër të tjerë: Uallkër, Danilo, Mendi dhe dikë tjetër.”

“Përsa i përket Klop. Sa prej këtyre lojtarëve ishin te Liverpuli para se Klop të emërohej trajnert. Van Dijk, Robertson, Salah, Mane, Alison. Nëse je një menaxher që ke mundësi të zgjedhësh lojtarët që t’i beson se mund të marrësh lojtarë që mund të ndjekin idetë e tua, atëherë gjithçka ndryshon është shumë e thjeshtë”, përfundoi Portugezi.

Shumë vetë besojnë se Murinjo do të ishte një kandidat favorit për stolin e bavarezëve në rast të një shkarkimi të kroatit Niko Kovaç. Megjithatë, vështirë se Murinjo mund të bashkëpunojë me një dyshe drejtuesish si Rumenige dhe Hënes, të cilët kanë prej vitesh pushtet jashtëzakonisht të madh edhe brenda dhomat e zhveshjes.

Sikur të mos mjaftonte natyra e veçantë e drejtuesve të bavarezëve, një tjetër fakt që i del kundër kandidaturës së Murinjos për stolin e Bajernit është një deklaratë  e vetë trajnerit, e bërë gjatë kohës kur ai ishte në krye të Real Madrid në vitin 2012.

“Nuk mund të punoj në një vend ku do të duhet të mbaj kufje gjatë të gjithë kohës”, tha Murinjo, gjatë një konference për shtyp në “Allianz Arena”. Gjermanishtja është një pengesë të pakalueshme për të. Diçka ironike duke qenë se tekniku portugez flet rrjedhshëm pesë gjuhë të ndryshme.

Prova për këtë është një bisedë në aplikacionin “WhatsApp”, ku sulmuesi kilian shkruan: A të thashë! Duhet të tregohesh i duruar. Roho më detyrohesh tani 2000 paundë.

Lajmi ka çuditur shumë tifoza të Junajtid, pasi Sançez konsiderohej si një ndër lojtarët e preferuar të Murinjos. Kiliani iu bashkua “djajve të kuq” nga Arsenali gjatë merkatos së janarit në këmbim të armenit Henrik Mkitarjan.

Sançez kryeson listën e pagave të Mançester Junajtid dhe në të gjithë kampionatin anglez, me një kontratë nga e cila përfiton 520 mijë euro në javë ose 27 milionë euro në sezon. Sigurisht, për momentin nuk ka treguar se e meriton këtë gjë.

“Jam jashtëzakonisht mirënjohës që mu dha mundësia për të qenë trajner i Mançester Junajtid, që nga dita e para që nisa të punoj këtu. Të gjithë tifozët e Junajtid e dinë diçka të tillë. Kam pasur mundësinë që të punoj me njerëz të mrekullueshëm dhe mendoj se disa prej tyre do të mbeten miqtë e mi edhe për pjesën e mbetur të jetës”.

“Mançester Junajtid ka një të ardhme pa mua, ashtu siç kam edhe unë një të ardhme pas Junajtid dhe nuk e shoh të arsyeshme që të ndaj ndjenjat e mia në këtë moment, pasi kështu ka funksionuar gjithnjë me mua. Unë kam disa parime në punën time. Sa herë unë mbyll një kapitull në karrierën time, tregoj respektin më të madh për ata që kam bashkëpunuar. Shpresoj që mediat të respektojnë edhe pozicionin tim dhe të më lejojnë të jetoj i qetë derisa të rikthehem të trajnoj ndonjë ekip. Gëzuar Krishtlindjet për të gjithë, përfundoi Murinjo.

Një detaj interesant shkarkimit të Murinjos është fakti se asnjë prej lojtarëve të Mançester Junajtid nuk e ka falënderuar atë me një postim në rrjetë sociale, diçka kjo që është bërë e modës sa herë një trajner largohet, me ose pa dëshirë nga klubi.

Mjafton të kujtojmë se kur Zinedin Zidan u largua nga Real Madrid në muajin qershor, vetëm një lojtar i Real Madrid nuk e shprehu mirënjohjen e tij për teknikun francez. Bëhet fjalë për uellsianin Gareth Bejl, i cili në vitin e fundit të Zidan në krye të madrilenëve nuk arriti të zinte një vend në formacionin titullar.

Kthehemi te Murinjo dhe Mançester Junajtid. Kjo shpërfillje e lojtarëve, tregon qartazi se sa shumë kishte degraduar raporti i teknikut portugez me lojtarët. Duhet përmendur se gjatë “sundimit” të portugezit te Mançester Junajtid, ai ka pasur zënka të shumta me një pjesë të madhe të lojtarëve, disa prej tyre janë: Bastian Shvajshtajger (e përjashtoi nga stërvitja), Luk Shou, Erik Beili, Henrik Mkitarjan, Pol Pogba dhe Antoni Marsial.

KLOP – “Askush nuk mund t’i heqë atij trofetë e shumta që ka fituar. Shpresoj që ta kujtoj mirë këtë dhe të mos merret me situatën negative të muajve të fundit. Mund ta imagjinoj se çfarë momentesh të vështira ka kaluar.  Murinjo është një trajner shumë ambicioz që do të ketë gjithmonë besimin tim të plotë”.

GUARDIOLA– “Jam gjithmonë i trishtuar kur marr vesh se më shkarkohet një koleg. Në atë lloj situate ne trajnerët jemi të vetëm. Unë i qëndroj pranë të gjithë kolegëve të mi, por i tillë është futbolli, rezultatet e këqija sjellin shkarkime. Murinjo nuk ka nevojë për mbështetjen time. Ai është një njeri i fortë. I uroj gjithë të mirat dhe së shpejti do ta shohim sërish”.

Thashethemet për largimin e Iskos – “Të gjithë e dimë kualitetin e Iskos. Ai është me ne deri në vdekje. Çdokush po i jep rëndësi diçkaje që për mua nuk ka sens. Për mua, Isko është një ndër lojtarët më të mirë të skuadrës sonë. Ndodh që disa herë dikush të luajë më shumë e herë të tjera më pak, gjithçka ndodh në varësi të momenteve. Boshti i kësaj skuadra do të vazhdojë të luajë së bashku për shumë kohë”.

Shkarkimi i Murinjos?  – “Murinjo është një trajneri i madh më vjen keq që u shkarkua.  Nuk më takon mua të them nëse ai duhet të vijë në Madrid, por do t’i jem gjithmonë mirënjohës për ato që ai ka bërë për mua”, tha Marselo në daljen për shtyp për takimin e nesërm ndaj Kashima Antlers, në kuadër të Botërorit të klubeve.

Diferencat – “Liverpuli është skuadra e mirë. Nuk mund të krahasohemi me intensitetin dhe prezencën fizike që ata kanë. Ata janë sipër nesh”.

Ju lanë në baltë lojtarët? – “Nuk është e drejtë kjo pyetje. Mos po mi quan lojtarët të pasinqertë? Unë besoj se ata janë profesionistë dhe dhanë gjithçka në fushë”.

Objektivat ? – “Po flisni për titullin? Jo, ajo pjesë ka mbaruar, por zona Champions mund të kapet. E sigurt që do të renditemi në gjashtë vendet e para. Më e mira që mund të bëjmë është vendi i katërt”

“Erdhëm me mendimin se mund të fitonim, ndoshta edhe me pa meritë. De Gea më tha se dy gjuajtjet e golit ishin të thjeshta për t’u pritur, por devijimet nuk i lanë asnjë shans. Ata janë një skuadër shumë e fortë. E patëm shumë të vështirë të mbanim ritmin e tyre në 25 minutat e parë, më pas u qetësuam dhe e kontrolluam më mirë lojën”, përfundoi tekniku portugez

“Nuk më pëlqen pyetja jote, nuk më pëlqen drejtimi ku synon ta çosh diskutimin”, i është kthyer një prej gazetarëve që ndodheshin në sallë, në prag të ndeshjes me Valencian. Pyetja ishte nëse Murinjo mendonte se nuk ka arritur të marrë maksimumin nga Pol Pogba. Nëse portugezi nuk donte të përgjigjej është tjetër diskutim, por ishte mjaft e veçantë mënyra se si preferoi që t’i jepte zgjidhje “hallit” që kishte.

Video ka bërë xhiron e botës dhe është një ndër më të komentuarat, por tashmë është bërë normale, duke ditur se Murinjo herë pas here dhuron spektakël para gazetarëve. Kujtojmë që pak kohë më parë bëri një konferencë në orën 9 të mëngjesit dhe përgjigjet e tij nuk zgjatnin më shumë se 1 ose 2 fjali.

Ndërkaq, Murinjo lëshoi një batutë edhe për pronarin e Valencias, Peter Lim, por këtë të fundit e ka mik: “Nuk e kuptoj pse qëndron në futboll. Të isha në vend të tij, do shijoja jetën me aq para sa ka”. Jo se Murinjo është i varfër, të kuptohemi…

Fred jo vetëm që nuk ka mundur të sigurojë minuta të mjaftueshme, por në takimet e fundit ai nuk ka qenë as në stolin e “djajve të kuq”. Braziliani nuk po thërritet më në përfaqësuesen braziliane dhe përshtatja me futbollin anglez duket se nuk do të vijë kurrë.

Ditën e sotme media britanike “The Sun”, ka siguruar foto të një takimi midis Fred dhe agjentit të tij, ku është diskutuar mbi të ardhmen e lojtarit. Oferta të ndryshme për huazim kanë filluar të vijnë në zyrat e Junajtid, por fjalën e fundit do ta thotë trajneri Zhoze Murinjo, i cili pak ditë më parë u shpreh se Fred duhet të ketë durim.

Vendi i katërt në rrezik ? – “Nuk na duhet një mrekulli për të kapur vendin e katërt, por na duhet kemi pak fat. Duhet të kemi më pak dëmtime dhe lojtarët duhet të vijnë në formë”

RIVALI EVERTON – “Mendoj se ata nuk e meritojnë të jenë në vend të shtatë, pavarësisht se kanë harxhuar shumë lojtarë, nuk mendoj se do të jenë mbi ne në përfundim të kampionatit. Të gjithë e dimë se kush do të jenë 6 skuadrat e vendeve të para”.

Objektivat ? “Në gjashtë vendet e para do të renditen gjashtë skuadrat më të mira në Angli dhe ne jemi një ndër to, sigurisht.  Renditja në gjashtë vendet e para është një përgjegjësi e jona.

Ndeshja e nesërme ? – “Do ta kemi shumë të vështirë. Kemi kundër një skuadër që po kalon një moment të mirë dhe pa shumë ndeshje, pasi në Europa League, po luajnë me lojtarët e stolit”.

Murinjo është trajneri me koeficientin më të vogël, për të qenë tekniku i tretë që shkarkohet në këtë sezon të Premier Ligës, pas Slavisa Jokanoviç (Fulhem) dhe të Mark Hjuxhs, ky i fundit u shkarkua sot nga Sauthempton.

Shkarkimi i trajnerit portugez vlerësohet me koeficientin 2.25, në ndjekje të Murinjos është bashkëkombësi i tij Nuno Espirito Santos, shkarkimi i të cilit ka koeficientin 5, ndërsa “podiumin” e plotëson një njohje e vjetër e Murinjos, si Rafa Benitez i Njukasëll, shkarkimi i këtij të fundit ka koeficientin 7.

Në një intervistë për mediet braziliane, Fred shprehu zhgënjimin për minutat e pakta, që kanë bërë që ai të mos thërritet më në kombëtaren braziliane, pas dy vitesh, ku ishte bërë pjesë stabël e grumbullime të “Seleçaos”.

“Kam luajtur pak dhe e kuptoj se përse nuk kam marrë ftesë nga profesor Tite (trajneri i Brazilit). Jam shumë i mërzitur, por më duhet të eci përpara. Kam pasur një fillim të vështirë te Junajtid. Te Shaktari luaja shumë, ndërsa këtu akoma s’jam përshtatur siç duhet”.

“Bëra një paraqitje të mirë në Champions kundër Young Boys. Patëm shumë raste shënimi, megjithëse goli i vetëm i takimit edhi në minutat e fundit”, tha 25-vjeçari.

Në këtë situate të zymtë, nuk ka se si të mos krijohen polemika ndërmjet Murinjos dhe lojtarëve. Sipas së përditshmes britanike “Daily Record”, në përfundim të ndeshjes së kaluar, tekniku portugez ka debatuar ashpër me mesfushorin Pol Pogba. Media britanike thekson se lajmin e ka siguruar nga një burim brenda skuadrës së Junajtid.

“Ti nuk ke dëshirë të luash. S’po respekton shokët e skuadrës dhe tifozët. Po dëmton të gjithë skuadrën me sjelljen tënde”, ishin disa nga fjalitë që Murinjo i tha mesfushorit francez. Çka e bën të besueshëm lajmin e mësipërm është dhe fakti që Murinjo ose klubi i Mançester Junajtid nuk lëshuar asnjë komunikatë për shtyp për të përgenjështruar lajmin e “Daily Record”, siç ka ndodhur me qindra herë në të shkuarën.

Vendasit gjetën avantazhin shumë shpejt me skocezin Armstrong në minutën e 13-të. Shtatë minuta më vonë, “shenjtorët” çojnë shifrat në 2 – 0 falë një goditje standarde të ekzekutuar nga Soarez. Junajtid kundërpërgjigjet me golat e Lukakut dhe Herrerës dhe pjesa e parë mbyllet në baraspeshë.

Pjesa e dytë nuk prodhoi shumë raste për shënim. “Djajtë e kuq” nuk arritën të çanin mbrojtjen e Sauthempton, ndërsa vendasit nuk arritën të shfaqeshin të rrezikshëm në kundërsulm.

Në momentin e golit, Murinjo nuk e ka përmbajtur veten, aq sa ka kërkuar që të çlirojë të gjithë brengën që kishte në vete. Sapo ka parë që arbitri ka sinjalizuar golin për të tijtë, ai menjëherë ka kapur një prej mbajtëseve të ujit dhe e ka përplasur në tokë me sa fuqi kishte.

Kur shënon një gol ka shumë mënyra për të festuar, por ka dhe raste kur gëzimi shfaqet duke shfryrë inatin. Mbetet për t’u parë se kush do të jetë “bëma” e radhës e trajnerit të Junajtid!

https://twitter.com/TheManUtdWay/status/1067537887175028741

Sigurisht, që kjo ofertë e “djajve të kuq” është refuzuar nga presidenti i Napolit Aurelio De Luarentis, i cili nuk ka ndërmend ta lëshojë mbrojtësin pa 100 milionë Euro. Interes për senegalezin kanë shfaqur dhe klube të tjera elitare si Real Madrid, Bajerni i Mynihut, Barcelona dhe Mançester Siti.

Interesimi i Zhoze Murinjos për 27-vjeçarin është i hershëm, pasi Mançester Junajtid ka dy vite që përpiqet të blejë kartonin e mbrojtësit, por De Laurentis i ka treguar secilën herë “dritën e kuqe”.

Por, hapat e parë të Murinjos në fushën e trajningut lidheshin me fakti se portugezi asokohe 29 vjeç zotëronte 4 gjuhë çka i dhanë atij mundësinë e rrallë për të qenë ndihmësi i trajnerit të shquar anglez Bobi Robson, kur ky i fundit u vë në drejtim të skuadrës së Sportingut së Lisbonës në vitin e largët 1992.

Trajneri anglez krijoi një lidhje shumë të fortë me Murinjon dhe e mori atë me vete në aventurat e tij të mëvonshme te Porto e më pas te Barcelona. Në harkun e katër viteve portugezi kaloi nga të qenit ndihmës-trajner i një ekipi amator në qytetin e vendlindjes Setubal te të punuarit në një klub me lojtarë si Ronaldo, Guardiola dhe Xhovani. Në fund të sezonit Robson u largua për te PSV-ja, por Murinjo jo, pasi ai qëndroi te Barcelona për të qenë ndihmësi i një tjetër trajneri të madh si Luis Van Gal.

“Rruga e vetme për t’u përmirësuar është që të afrojmë në skuadër lojtarë që bëjnë diferencën dhe për këtë duhen bërë investime të fuqishme. Sigurisht, e di që nuk është e lehtë. Për momentin më duhet të improvizoj me ato lojtarë që kam”, tha 55-vjeçari.

Murinjo ndodhet në sezonin e tij të tretë në krye të “djajve të kuq”, periudhë në të cilën në klub janë shpenzuar 400 milionë Euro për të përforcuar skuadrën me lojtarë cilësorë, ku blerjet më të dalluara janë ato të Pol Pogbas (120 milionë Euro) dhe Romelu Lukakut (96 milionë Euro).

Por, ajo çka acaruar më shumë teknikun portugez ishte reagimi fëmijëror i një prej asistentëve të Mauricio Sarrit, i cili festoi mu përpara stolit të “djajve të kuq”. I menjëhershëm ishte reagimi i portugezit, i cili në nerva e sipër u nis ta konfrontonte, por ndërhyrja e forcave të sigurisë bëri që situata të qetësohej.

When you've been waiting ages for food and the waiter walks past with someone else's order #MUNCHE #CHEMUN #MUFC #Mourinho #StamfordBridge #Jose pic.twitter.com/6YgSTmY8Wb

— JohnDavies350 (@JohnDavies350) October 20, 2018

Në përfundim të takimit, vetë trajneri i Çelsit Maurico Sarri ndërhyri për t’i kërkuar falje Murinjos, duke organizuar një takim midis asistentit dhe trajnerit portugez, ku ndihmësi i kërkoi falje për veprimin e pamatur.

Siç shkruan “Dailymail”, 55-vjeçari e ka bërë gati listën për lojtarët që do u kërkojë drejtuesve për t’i afruar në merkaton dimërore. Ajo që bie në sy është fakti se në listën janë katër lojtarë ballkanas, më saktë sy serb dhe dy kroat.

Siç u mor vesh dhe më parë njëri prej tyre është lojtari i Lacios, Sërgej Milinkoviç-Saviç, por dhe bashkëkombësi i tij Nikola Milenkoviç është po ashtu nj prej dëshirave të Murinjos. Portugezi do u kërkojë drejtuesve që të afrojnë në skuadër dhe Ante Rebiç si dhe Ivan Perisiç.

Duket mjaft e vështirë që Junajtit të plotësojë kërkesat e trajnerit të tyre, kjo pasi bëhet fjalë për lojtarë që kushtojnë shumë dhe do të jetë mjaft e vështirë për t’i bindur. Mbete për t’u parë nëse kjo situatë mund t’i kthehet në një bumerang, pasi kërkesat duken pak të tepruara.

Gjithsesi, Murinjo duket se i ka harrua problemet dhe dje është parë në Mal të Zi, ku ka ndjekur ndeshjen e Ligës së Kombeve mes skuadrës vendase dhe Serbisë. Nuk ishte thjeshtë një vizitë e rastësishme, pasi portugezi duket se e ka vënë syrin tek lojtari që do tentojë të afrojë në skuadrën e tij në janar, gjithnjë nëse do të jetë pjesë e skuadrës vetë.

Murinjo kishte udhëtuar për të parë nga afër Milinkoviç-Saviç, i cili në merkaton e verës ishte një ndër më të kërkuarit. Edhe Junajtid duket se do të futet në garë për të siguruar shërbimet e serbit, i cili ishte protagonist edhe në sfidën e mbrëmshme. Lacio dhe Tare bëhen gati për të kryer një tjetër transferim të bujshëm.

Edhe pse Murinjo qëndron prej tre vitesh në Mançester, ai ka preferuar që të qëndrojë në një hotel luksoz, i cili ka çmime mjaft të kripura. Duke u bazuar në çmimet e hotelit ku trajneri i Junajtid qëndron ai deri më tani duhet të ketë shpenzuar diku tek 500.000 paund, pasi ka kaluar 825 net në këtë hotel.

Një zgjedhje e çuditshme, pasi ai ka kontratë deri në vitin 2020 dhe nëse do të qëndrojë shpenzimet do të vijojnë të rriten. Një pjesë e madhe e atyre që kanë plane afatgjata, aq me tepër në “botën” e futboll preferojnë që të blejnë një shtëpi, por Murinjo nuk është si të tjerët.