Muriel

VIDEO | Paqe në Firence, Muriel i mohon fitoren Lacios

Sport Ekspres — Sun, 10 Mar 2019 21:31:38 +0000

Fiorentina dhe Lacio ndanë nga një pikë nga përballja e sotme në Firence. Skuadra e Simone Inzagit kreu një pjesë të parë të shkëlqyer, ku gjeti dhe avantazhin me atë Imobiles. Megjithatë, pjesa e dytë pa Fiorentinën të ngrinte ritmin.

Muriel barazoi shifrat në minutën e 61-të, ndërsa në minutat e mbetura Simeone vuri jo pak në vështirësi kryeqytetasit. Në minutat e fundit Lacio rrezikoi disa herë, por në metrat e fundit, koordinimi mes lojtarëve mungoi.

Fiorentina 1 – 1 Lacio
Shënues: Imobile 23’ / Muriel 61’

Standings provided by Sofascore LiveScore

Muriel: M’u prenë këmbët kur takova fenomenin

Sport Ekspres — Sat, 02 Feb 2019 16:06:55 +0000

Rikthimi në Serie A ka rezultuar mjaft i goditur për sulmuesin e Fiorentinës, Luis Muriel. Kolumbiani ka shënuar katër gola në tri takimet e fundit me klubin nga Firence, duke rrëmbyer mënjëherë zemrat e tifozëve të skuadrës vjollcë.

Në një intervistë për “La Nazione”, 27-vjeçari tregon momentin kur takoi për herë të parë idhullin e tij Ronaldo fenomenin. “Bomberi” tregon se emocionet e të takuarit një hero të fëmijërisë së tij ishin tepër të mëdha.

“Gjatë një grumbullimi më kombëtaren e Kolumbisë mu dha rasti për të takuar Ronaldon e vërtetë. Ai doli nga një ashensor, sapo e pashë mu prenë këmbët nga emocionet. Kuadrado më mori për krahu dhe e takuam e bëmë një foto. Kisha turp si një fëmijë në ato momente. Ai ka qenë rasti i vetëm që e kam takuar atë”, tha Muriel.

Muriel i thotë jo Milanit, por rikthehet në Serie A

Sport Ekspres — Mon, 31 Dec 2018 08:00:28 +0000

Luis Muriel do të rikthehet në futbollin Italian, por jo te skuadra e Milanit ashtu siç ishte përfolur gjatë javëve të fundit. Sulmuesi kolumbian ka refuzuar ofertën e “djallit”, duke preferuar të shkojë pak më në jug të Italisë. Bëhet fjalë për klubin e Fiorentinës, që nuk ka ndenjur duarkryq e ka befasuar me këtë lëvizje të bujshme.

Milani dhe Sevija kishin rënë dakord që lojtari të huazohej për 6 muaj në këmbim të 500 mijë eurove, në marrëveshje ishte e përfshirë dhe një opsion për blerjen përfundimtare të kartonit të lojtarit për 13 milionë euro. Por, drejtori sportiv i Milanit mori një përgjigje negative nga agjenti i lojtarit.

Muriel është një lojtar që e njeh mirë në kampionatin Italian, pasi ka luajtur për shtatë sezone me skuadra si Leçe, Udineze dhe Atalanta. Sulmuesi kolumbian ka shënuar 51 gola në 165 ndeshje të Serie A.