Kur Klaudio Bravo, portieri i dytë i Sitit, u dëmtua në fillim të sezonit, Guardiola vendosi t’a rikthejë nga huazimi portierin e Kosovës, që mbronte portën e NAC Bredës në Holandë. 20-vjeçari shihej si zëvendësuesi i Ederson në rast se braziliani do të dëmtohej.

Por me rikthimin e Bravos, Guardiola ka vendosur t’a huazojë sërish portierin e “Dardanëve”, kësaj radhe në Angli, te ekipi i Notingam Forest. Ky huazim do të zgjasë një vit dhe Muriç pritet të ketë shumë herë më shumë minuta se sezonin e shkuar me fanellën e “Qytetarëve”.

Pavarësisht aktivizimeve të pakta, Muriç ka filluar të tërheqë interesin e klubeve të ndryshme në Angli. Portali pranë skuadrës së Preston North End, “deepdaledigest.com”, raporton se drejtuesit e ekipit që militon në Championship kanë shfaqur interes për të huazuar 20-vjeçarin për sezonin e ardhshëm.

Klubi i Preston bashkëpunon prej vitesh me Mançester Sitit. Përgjatë viteve të fundit shumë talente premtues të akademisë së kampionëve të Anglisë janë huazuar te skuadra modeste.

Një tjetër fakt që largon portierin e Kosovës nga Mançester Siti është riaftësimi i kilianit Klaudio Bravo, kontrata e të cilit me Sitin zgjat edhe për një sezon.

Sot, në stërvitjen e klubit, Muriç ka qëndruar më shumë se lojtarët e tjerë në fushat e blerta, ku bëri “sulmuesin” me disa nga trajnerët e tij. Portieri shqiptar asistonte me krosime trajnerët e tij, të cilët u vunë kundër njëri-tjetrit për të shënuar. Muriç nuk është i saktë vetëm me duar, por dhe pasimet e tij duken të shkëlqyera…

Sipas gazetarit të “Supersport Kosova”, Arlind Sadiku, edhe Florent Hadërgjonaj do të zgjedhë Kosovën. Mbrojtësi anësor aktivizohet në radhët e skuadrës së Hadërsfilldit në Premier Ligë dhe prej vitesh luan në nivele të larta.

Sipas gazetarit Sadiku, javën e ardhshme trajneri Shaland dhe presidenti i Federatës së Kosovës, Agim Ademi do të takohen me përfaqësues të lojtarit, i cili me 99% do të zgjedhë Kosovën, gjithmonë sipas gazetarit Sadiku.

Siti kërkon të fitojë sa më shumë trofe nën drejtimin e Guardiolës dhe kjo kupë shihet si një mundësi ideale për të shtuar numrin e trofeve në kabinetin e “Qytetarëve”.

E në këtë ndeshje shumë të rëndësishme, trajneri Guardiola i ka besuar portierit kosovar, Arijanet Muriç, i cili ka qenë titullar i padiskutueshëm në këtë kompeticion. Madje, talenti i përfaqësueses së “Dardanëve” ka qenë protagonist në këtë kupë, pasi me pritjet e tij e dërgoi Sitin deri në këtë fazë.

Kevin De Brujn zhbllokoi në minutën e 14-të të takimin me një goditje me të djathtën që kapi të papërgatitur portierin Uard. Vendasit barazuan shifrat gjatë pjesës së dytë. Një top i shkëlqyer i mesfushorit nigerian, Ndidi, u shfytëzua mjaft miri nga Albrajton, i cili nuk gaboi i vetëm përballë 20-vjeçarit Muriç.

Ndeshja përfundoi barazim 1 – 1 dhe më pas të dyja skuadrat iu drejtuan goditjeve të 11-metërshave. Austriaku i Lester Sitit, Kristian Fuks gaboi i pari duke fluturuar goditjen e tij, ndërsa Stërling dështoi të çonte topin në rrjetë me një goditje stil “panenka”.

Më pas Muriç dhuroi spektakël duke pritur penalltin e anglezit Medison e më pas të turkut Sojunçu. Zhezuz dhe Zinçenko nuk gabuan në goditjet e tyre dhe në përfundim të gjithë lojtarët e Sitit shkuan të festoni me portierin e përfaqësues së Kosovës, i cili ishte njeriu kyç i kësaj mbrëmjes. Ndërkohë, fansat udhëtues i bënë një përshëndetje speciale duke brohëritur në kor emrin e tij.

Që prej rikthimit të shpejtë te “qytetarët”, Muriç është aktivizuar tri herë në “FA Cup” dhe “Carabao Cup”. Por, mesa duket aventura e 20-vjeçarit te kampionët e Anglisë do të ndërpritet përkohësisht në muajin janar.

Sipas raportimeve nga mediet amerikane, Mançester Siti ka mbyllur me sukses negociata mbi transfertën e portierit të Kolombus Kru, Zak Stefen, për kartonin e të cilit qytetarët kanë paguar diku te 10 milionë dollarë. “Gardiani” amerikan do t’i bashkohet skuadrës së Pep Guardiolës më datë 1 janar. Ardhja e Stefen në skuadër do t’i mundësojë Muriçit të huazohet sërish në një ekip ku minutat për të jenë të bollshme.

Muriqi është i lindur në Zvicër dhe me origjinë nga një familje shqiptare e Malit të Zi. Portieri është formuar në akademinë e Zyrihut dhe para dy vitesh kaloi te ekipet e moshave të Sitit. Në fillim të këtij sezoni Muriqi u huazua në Holandë te NAC Breda, por dëmtimi i rëndë i Klaudio Bravos, bëri që Guardiola të thërriste në skuadër si portierin rezervë të kampionëve të Anglisë për këtë sezon.

Ditën e sotme, 19-vjeçari është paraqitur në konsullatën e Kosovës në Zyrih të Zvicrës, ku ka kryer procedurat e nevojshme për marrjen e pasaportës. Muriqi është 198 centimetra i gjatë, një gjatësi kjo që konsiderohet tepër e rrallë edhe në nivel portierësh.