ZYRTARE |Kishte klauzolë 60 milionë euro, Barça e shet për 1

Sport Ekspres — Fri, 11 Jan 2019 21:29:59 +0000

Barcelona ka zyrtarizuar largimin e Munir El Hadadit. Sulmuesi largohet drejt skuadrës së Sevijës që ka ka blerë kartonin e tij nga katalanasit për 1 milionë euro. Kontrata e 23-vjeçarit me kampionët e Spanjës mbaronte në qershor dhe prandaj drejtuesit e klubit janë pajtuar me këtë shumë relativisht të vogël.

Munir iu bashkua Barcelonës në vitin 2011 dhe debutoi tre vite më vonë me ekipin e parë kur ishte vetëm 18 vjeç. Në dy sezonet e fundit sulmuesi marokeno-spanjoll luajti si i huazuar te skuadrat e Valencias dhe Deportivo Alaves.

Së fundmi, Barcelona tentoi të rinovonte kontratën me 23-vjeçarin, duke e parë atë si zgjedhjen e dytë pas Luis Suares për repartin e sulmit, por ky propozim i drejtuesve të klubit nuk u pranua nga Munir, i cili vendosi të vijojë karrierën e tij në një skuadër ku do të ketë më shumë hapësira.

Barcelona paralajmëron sulmuesin: “Rinovo ose nuk luan”

Sport Ekspres — Tue, 08 Jan 2019 22:05:40 +0000

Barcelona po zhvillon një sezon brenda pritshmërive, teksa kampionët në fuqi të La Ligas, vazhdojnë të mbajnë kreun e kampionatit spanjoll me pesë pikë diferencë nga ndjekësit e Atletiko Madridit. Megjithatë, jo gjithçka po shkon vaj te klubi katalanas.

Sulmuesi maroken Munir El Hadadi, është kthyer në një çështje, pasi katalanasi nuk ka pranuar të rinovojë kontratën që i mbaron në fund të këtij sezoni. Sipas së përditshmes katalanse, “El Mundo Deportivo”, trajnerit Ernesto Valverde, i është komunikuar nga kryesia e klubit, se lojtari nuk do të grumbullohet më nga ekipi i parë për shkak të mospranimit të zgjatjes së marrëveshjes.

El Hadadi është sulmuesi i vetëm rezervë i Barcelonës dhe në rast të ndonjë dëmtimi ose pezullimi të uruguaianit Luis Suarez, Valverdes nuk i mbetet gjë tjetër veçse të shpikë diçka nga hiçi, ose të hedhë sytë nga akademia.