Munir iu bashkua Barcelonës në vitin 2011 dhe debutoi tre vite më vonë me ekipin e parë kur ishte vetëm 18 vjeç. Në dy sezonet e fundit sulmuesi marokeno-spanjoll luajti si i huazuar te skuadrat e Valencias dhe Deportivo Alaves.

Së fundmi, Barcelona tentoi të rinovonte kontratën me 23-vjeçarin, duke e parë atë si zgjedhjen e dytë pas Luis Suares për repartin e sulmit, por ky propozim i drejtuesve të klubit nuk u pranua nga Munir, i cili vendosi të vijojë karrierën e tij në një skuadër ku do të ketë më shumë hapësira.

Sulmuesi maroken Munir El Hadadi, është kthyer në një çështje, pasi katalanasi nuk ka pranuar të rinovojë kontratën që i mbaron në fund të këtij sezoni. Sipas së përditshmes katalanse, “El Mundo Deportivo”, trajnerit Ernesto Valverde, i është komunikuar nga kryesia e klubit, se lojtari nuk do të grumbullohet më nga ekipi i parë për shkak të mospranimit të zgjatjes së marrëveshjes.

El Hadadi është  sulmuesi i vetëm rezervë i Barcelonës dhe në rast të ndonjë dëmtimi ose pezullimi të uruguaianit Luis Suarez, Valverdes nuk i mbetet gjë tjetër veçse të shpikë diçka nga hiçi, ose të hedhë sytë nga akademia.

Lojtari festoi 23-vjetorin e lindjes para disa ditëve, por jo gjithçka ka shkuar në mënyrën më të mirë. Sulmuesi i Barcelonës zgjodhi Madridin dhe diskotekën “Tiffany’s”, për të festuar me miqtë dhe familjen e tij, por në fund të festës, palët kanë qenë afër konfrontimit.

Siç zbulon “El Mundo”, Munir mbasi ka festuar ditën e tij të lindjes për shtatë orë rresht, është habitur kur ka parë faturën prej 16 mijë eurosh. Lojtari ka debatuar me pronarët e diskotekës, duke pretenduar që nuk ishte konsumuar gjithçka që ishte shkruar në faturë dhe ka refuzuar të paguajë shumën.

Menaxherët e lokalit kanë thirrur policinë, që ka qetësuar situatën dhe në fund është vendosur të “modifikohet” shifra me 1 mijë euro. Munir ka paguar 15 mijë eurot dhe është larguar, duke i dhënë fund një ditëlindjeje të paharrueshme, por dhe shumë të shtrenjtë.