Goli i vetëm i vendasve erdhi falë një penalltie të akorduar me “VAR” në minutën e 89-të të takimit. Një top i prekur me dorë nga Mats Humels u cilësua si faull nga arbitrat e dhomës së “VAR”-it dhe gjyqtari kryesor.

Shumica e specialistëve e kanë cilësuar si të gabuar këtë vendin të arbitrit, pasi kontakti me dorën erdhi fill pas një përplasje në trup. Tomas Myler ka qenë lojtari më i acaruar për këtë vendim, madje në intervistën në fund të takimit u shpreh se po t’i jepej atij ajo penallti, ai do ta humbte qëllimisht.

“Sigurisht, topi godet qartazi dorën. Nuk e di se si e shikon pjesa tjetër e Gjermanisë, por unë si sulmues nuk do e doja një penallti të tillë për ekipin tim. Do ta humbja qëllimisht”, tha Myler në intervistën pas ndeshjes për “Sky”.

Nuk munguan replikat nga ana e Dyseldorfit. Trajneri Friedhelm Funkel, u shpreh: “Kemi shkaktuar penallti edhe më të lehta se ajo. Për mua ishte një penallti qartësisht e pastër, diçka kjo që sigurisht nuk e ndryshon fitoren e merituar të Bajernit me shifrat 4 – 1”.

Ish-trajneri i Paderbornit shprehet për mediat se ylli i Bajernit duhet të konsiderojë një transferim jashtë vendit.

“Ai ka bërë epokë tek Bajerni, por ajo po shkon drejt fundit. Ne e pamë këtë tek Shvajnshtaiger dhe Lahm. A i ka ngulur rrënjët e tij këtu, por ky nuk është një kriter që vendos gjithçka kur planifikon të ardhmen. Mendoj se ai duhet të transferohet në një klub jashtë Gjermanisë. Nuk e shoh të gabuar të njohësh një vend tjetër. Është diçka shumë e mirë”, tha 50-vjeçari, i  cili pati bërë të njëjtën gjë në karrierën e tij.

Efenberg la Bajernin në vitin 1992 për t’u bashkuar me Fiorentinën, ku luanin yje si Laudrup apo Gabriel Batistuta. Ai gjithashtu u transferua edhe në Katar, tek “Al-Arabi SC”, aty ku mbylli karrierën e tij futbollistike.

Sipas legjendës gjermane vendimi i trajnerit të kombëtares është i kuptueshëm, por koha kur u dha njoftimi  e irriton atë, pasi Bajerni i Mynihut do të ndeshjet javën që vjen me Liverpulin.

“Çfarë më irriton është koha që Lëv zgjodhi për të bërë këtë njoftim, vetëm një javë para ndeshjes me Liverpulin. Humels dhe Boateng kanë shumë pak kohë për ta lënë pas këtë lajm”.

“Gjithsesi, përveç këtij detaji, vendimi është 100% i kuptueshëm. Kemi të bëjmë me një revolucion në kombëtare, pasi Lëv po mendon një plan afatgjatë për të ardhmen. Dua të shtoj që të tre ata nuk janë më lojtarët e dikurshëm. Për shembull Boateng dhe Humels kanë humbur shumë nga shpejtësia e tyre”, tha Mateus.

Kjo gjë nuk i ka pëlqyer aspak tifozëve anëembanë botës, që kanë shpërthyer në rrjetet sociale, me platformën “Twitter” që po tejmbushet me postime kundër teknikut gjerman. Disa postime kanë qenë me nuanca humori, disa të tjera në mënyrë direkte kundër Lëvit.

Në një dalje për shtyp, Lëv shpjegoi se ky vendim vjen si pasojë e një strategjie për t’i hapur rrugën brezit të ri në skuadër dhe në fund i falënderoi të tre lojtarët për kontributin e tyre.

“2019-ta është viti që sinjalizon një fillim të ri për kombëtaren e Gjermanisë. Duam të vazhdojmë me planin e ndryshimeve që vazhduam gjatë fundit të vitit të kaluar. Boateng, Humels dhe Myler nuk do të jenë më në skuadër. Erdha sot në Mynih për t’ia komunikuar atyre personalisht këtë gjë”, tha gjermani para mediave.

“Ata mbeten lojtarë klasi, të cilët janë liderë te klubet e tyre. Janë futbollistë të mëdhenj, që kanë luajtur për një kohë të gjatë për kombëtaren gjermane. Kanë kaluar shumë vite më ne. I falënderoj për vitet e paharrueshme që kaluam së bashku”.

“Është koha që të vëmë bazat për të ardhmen. Duam t’i japim skuadrës një fytyrë të re. Jam i bindur se ky është vendimi i duhur. Po jap një sinjal të qartë për rinovimin e skuadrës. Lojtarët e rinj do të kenë hapësira që të përmirësohen. Ata duhet të marrin përsipër përgjegjësitë që të jep fanella e kombëtares”, përfundoi Lëv.

Bajerni e nisi me marshin e pestë ndeshjen, teksa vetëm 65 sekonda iu deshën për të kaluar në avantazh. Ishte Havi Martinez, i cili goditi saktë me kokë pas një goditje nga këndi, duke zhbllokuar sfiën.

Më pas, në minutën e 11-të pas një pasimi të Gnabrit, Tomas Myler dyfishoi shifrat. Gjermani u ndal nga portieri Somer fillimisht, por në tentativën e dytë u tregua i saktë duke çuar topin në rrjetë.

Gjithsesi, vendasit e Gladbahut nuk u dorëzuan dhe në minutën e 37-të rihapën takimin. Lars Stindl liroi të majtën e tij dhe ndëshkoi Manuel Nojer, duke çuar ekipet në pushimin mes pjesëve me rezultatin 1-2.

Fraksioni i dytë nisi fotokopje e pjesës së parë, teksa u deshën vetëm 63 sekonda dhe Robert Levandovski shënoi golin që çoi shifrat në 1-3.

Sidoqoftë, bavarezët nuk u mjaftuan me kaq, pasi në minutën e 75-të shënuan dhe golin e katërt, me autor Serzh Gnabrin, i cili shtyu në rrjetë një top të kthyer nga portieri Somer pas goditjes së Levandovskit.

Pikërisht ky i fundit shënoi dhe golin e pestë në minutë e 92-të, duke mbyllur gjithçka në 1-5. Kështu, ekipi nga Mynihu merr një fitore me vlera dhe barazon në krye Dortmundin me 54 pikë.

Bundesliga | Java e 24
Borusia Mynshengladbah 1-5 Bajern Mynih
Shënues: Stindl 37′ / Havi Martinez 2′, Myler 11′, Levandovski 47′, 90+2′(pen.), Gnabri 75′

Gondorf shënoi në minutën e 25-të për miqtë, që nisën të ëndërrojnë, por Tomas Myler barazoi në minutën e 41-të. Sa herë shënon ai, Bajerni nuk njeh humbje, me 74 fitore në 78 ndeshje!

Levandovski shënoi në minutën e 63-të, para se Syle të shënonte autogol në minutën e 74-t. Shpresë për Verderin? Vetëm dy minuta! Levandovski riktheu Bajernin përpara dhe Myler mbylli llogaritë në minutën e 84-t.

Si i bëhet? Bajerni ndoshta e ka kuptuar se duhet ta shesë sa më shpejt, për të përfituar një shifër “të majme” sa nuk është vonë. Kështu shkruan Sport Bild, që zakonisht është mjaft i informuar kur bëhet fjalë për thashetheme merkatoje.

Edhe afrimi i Hames Rodrigezit duket një sinjal negativ për Mylerin, që tani e tutje mund të ketë gjithnjë e më pak hapësirë.

Në moshën 27-vjeçare dhe me kontratë deri në vitin 2021, Myler duket i paprekshëm, por në Bavari presin ofertat dhe nëse ndokush bën çmenduri dhe ofron mbi 70 milionë euro, zor se Bajerni do të refuzojë. Arsenal, Çelsi e Liverpul duken të gatshëm, por edhe Juventusi nuk përjashtohet nga gara.