Muhamed Useini

VIDEO | “Po frynte erë, nuk ka mundësi”, çfarë goli nga Useini!

Sport Ekspres — Fri, 29 Mar 2019 08:00:44 +0000

Muhamed Useini u largua nga Flamurtari në muajin shkurt dhe u kthye në Maqedoni, ku veshi fanellën e Renovës. Ditën e djeshme mesfushori ka arritur të shënojë edhe golin e tretë për skuadrën e tij në triumfin 3-2 të regjistruar kundër Belasicës.

Useini nuk është nga ata që shënon shpesh, për këtë sezon ky ishte goli i tij i parë. Gjithsesi ai ishte i veçantë, pasi mesfushori e ka realizuar pas ekzekutimit të një goditjeje dënimi nga një distancë e konsiderueshme.

https://www.facebook.com/infosport.mk/videos/593959224349060/

Mesfushori e ka postuar golin edhe në rrjetet sociale, ku nuk mungojnë as ngacmimet. Emiljano Musta i shkruan me shaka: “Po frynte erë, apo jo? S’e s’ka mundësi!”. Replikë e menjëhershme nga Useini: Rastësisht, i mbylla sytë”. Elbasanasi e vulos me një koment tjetër: “(Qesh) Më bëri çudi vëlla, prandaj. Po gjithsesi i more në qafë skuadrat në Maqedoni. Me këtë gol, gati kontratat”.

FIFA “zhbllokon” Useinin, Torasa e Flamurtari në gjyq

Sport Ekspres — Wed, 27 Feb 2019 09:17:58 +0000

Flamurtarit i janë larguar disa futbollistë gjatë janarit, ndërkohë që pati edhe nga ata që u larguan në shkurt. Mes tyre ishin mesfushori Muhamed Useini dhe sulmuesi Agustin Torasa. Problemet me pagesat i lodhën këto futbollistë, që e kërkuan “fatin” diku tjetër.

Useini nënshkroi me Renovën, një rikthim për mesfushorin në ish-ekipin e tij. Vlonjatët nuk po i jepnin lejekalimin dhe çështja është zgjidhur nga FIFA. Tashmë ai mund të luajë për Renovën dhe këtë fundjavë pritet të zbresë në fushën e blertë.

Torasa u bllokua të nënshkruante me Janbian në Kinë. Për të nënshkruar atje, argjentinasi ka kohë sot dhe nesër. Flamurtari nuk bën prapakthehu dhe palët do të duhet të përballen në gjyq. Edhe nëse nënshkruan në ndonjë klub, sulmuesi do të duhet të presë FIFA-s që të dalë me një vendim për të.

Useini lojtar i lirë, Flamurtarin e pret gjyqi i radhës

Sport Ekspres — Tue, 05 Feb 2019 10:35:58 +0000

Flamurtari ka humbur edhe një titullar të rëndësishëm. Mesfushori Muhamed Useini e ka mbyllur bashkëpunimin me vlonjatët, pasi klubi nuk po i përgjigjej kërkesave të tij për t’i shlyer pagat e padhëna në muajt e fundit.

Nisur nga kjo situatë, ai ka tërhequr lejekalimin dhe prite të transferohet në Maqedoni. Merkato atje mbyllet me 15 shkurt dhe ofertat nuk i mungojnë. Më parë ishte Siljanovksi ai që u largua dhe veshi fanellën e Rabotniçkit.

Useini, veçse largohet nga Flamurtarit, do të hedhë një tjetër hap kundër ish-klubit të tij. Pritet që palët të përballen në FIFA për pagat e prapambetura. Tashmë në klubin vlonjat duhet të bëhen gati për një tjetër gjyq.

Mesfushori 30-vjeçar iu bashkua Flamurtarit verën e shkuar dhe ishte ndër të preferuarit e ish-trajneri Shpëtim Duro. Sezonin e parë u aktivizua në 33 takime (31 i nisi nga minuta e parë) dhe arriti të shënonte edhe dy gola me fanellën e vlonjatëve.

Këtë sezon trajneri Daja disa ndeshje nuk e preferoi, por më pas ndryshoi mendim. Useini ka lujtur në 17 takime dhe tashmë mbetet për t’u mësuar skuadra e re ku do ta vijojë karrierën. Në Vlorë ishte eksperienca e tij e parë jashtë Maqedonisë, ku ka luajtur me Shkëndijën e Tetovës, Renovën dhe Rabotniçkin.