Ai nuk la asnjë gjurmë dhe me përfundimin e kampionatit mbylli kontratën me marrëveshje. Tirana kishte paguar për kartonin e tij, ndërkohë që Muguna u rikthye sërish te Gor Mahia. Në Kenia ai cilësohej si një nga më të mirët, por hasi vështirësi në fillim. Më pas e mori veten dhe është përfshirë në formacionin më të mirë, ashtu si Francis Kahata, i cili gjithashtu ka qenë në të shkuarën pjesë e Tiranës. Muguna gjithashtu është ftuar sërish nga kombëtarja e tij.

“Muguna u ribashkua me Gor Mahia pas një periudhe për t’u harruar te klubi shqiptar i Tiranës, që nuk ka qenë ambienti i duhur për kenianët gjatë këtyre viteve. Ai u konvertua nga trajneri Hasan Oktai nga një numër 10 në një mesfushor mbrojtës dhe ia ka dalë të komandojë mesfushën me lehtësi, me ndërhyrjet e tij dhe shpërndarjen e topin me shumë mençuri”, shkruan “futaa.com”, që ka publikuar edhe formacionin më të mirë në Kenia.

Rikthimi në Gor Mahia u prit me entuziazëm te tifozët në Kenia, por duket se tashmë kanë nisur telashet për të. Programimi për t’u lënë në stol së fundmi ka bërë që mesfushori me tipare sulmuese të mos udhëtojë me skuadrën.

“Muguna ka refuzuar të hipë në autobusin e ekipit, kjo pasi kuptoi se nuk do të ishte në formacion. Përpjekjet e menaxherit të ekipit për t’i ndryshuar mendjen ranë në vesh të shurdhët, pasi lojtari u kthye për në shtëpi”, është shprehur një pjesëtar i klubi të Gor Mahia, sikurse raporton “Kahawatungu”.

“Kam mësuar disa gjëra gjatë kohës që isha në Europë dhe kam ende për të mësuar edhe këtu. Kam punuar gjithashtu me trajnerë të ndryshëm dhe mendoj se jam rritur si lojtar. Kështu që përfundimisht ju do të shihni një lojtar të përmirësuar”, shprehet Muguna.

Më tej ai është ngacmuar edhe për shkaqet e largimit. Gjithsesi, pavarësisht ndonjë mosmarrëveshjeje, ai thekson se nuk ka asnjë hatërmbetje dhe se në Shqipëri ka kaluar mjaft mirë. Madje Muguna vijon të mbajë kontakte ende me lojtarët.

“Gjithçka ka të bëjë me çështje personale mes meje dhe klubit. Patëm disa mosmarrëveshje, por mund të them që qëndrimi im në Shqipëri ishte i mirë dhe nuk ika me hatërmbetje. Ende mbaj kontakte me shokët e ish-skuadrës dhe i mbështes ata”, përfundoi mesfushori.

“E bëra atë lëvizje sepse kisha nevojë të ekspozohesha në një ligë të re, të paktën për të mësuar disa gjëra në karrierën time”, është shprehur mesfushori. Është “ngacmuar” shumë kohët e fundit se nuk mori vendimin e duhur për të shkuar te Tirana, por ai nuk është penduar.

Më tej ka folur edhe për arsyen e largimit, por nuk jep detaje konkrete. Gjithsesi falënderon klubin kryeqytetas, si dhe ka fjalë të mirë për ish-trajnerin e Tiranës, brazilianin Ze Maria. Për Mugunën ai është ndër më të mirë teknike me të cilët ka punuar deri më tani.

“U largova nga Tirana për shkak të disa problemeve personale. Para se të largohesha nga KPL (Kenya Premier League), kisha pësuar disa dëmtime. Por ndoshta gjërat nuk shkuan sikur unë prisja dhe me gjithë respektin mund të them që kam fituar shumë. Nëse e sheh mirë, në aspektin e ambientit, si lojtar, mentaliteti ka ndryshuar. Kështu që unë dua t’i falënderoj ata për kohën që isha pjesë e tyre. Trajneri Ze Maria është një nga trajnerët më të mirë me të cilët kam punuar deri më tani”, është shprehur Muguna.

Jo më kot ishte edhe pjesë e Kombëtares së vendit të tij. Palët kanë gjetur akordin për të nënshkruar një kontratë 3-vjeçare dhe sot Muguna është prezantuar tek ish-ekipi i tij.

Omondi Aduda, shefi ekzekutiv i Gor Mahia, ka konfirmuar gjithçka, teksa thotë: “Ne kishim rënë dakord për gjithçka dhe ajo çfarë kishte mbetur ishte që lojtarë të vijë dhe të firmosë letrat. Ai është lojtar i mirë dhe ne i kishim dhënë në dorë një kontratë 3-vjeçare për t’u rikthyer te Gor Mahia”.

Në mediat keniane ishte bërë me dije prej kohësh se ishte gjetur marrëveshja me Tiranën dhe gjithçka ishte drejt mbylljes. Muguna në Shqipëri kishte si opsion edhe huazimin, teksa Teuta u përmend gjatë verës si destinacioni i mundshëm. Gjithsesi mesfushori vendosi të rikthehej në vendlindje.

“Ajo që dhashë unë para se të shkoj te Tirana i përket së shkuarës dhe tani duhet të punoj shumë për të shkruar një histori të re në këtë klub. Jam stërvitur në Buruburu dhe kam mbajtur disiplinën e atletëve. Por duke qenë jashtë futbollit për më shumë se një muaj do të thotë që duhet të punoj shumë për të qenë në formën më të mirë sërish. Deri në kohën kur fillon sezoni i ri duhet të jem Muguna i vërtetë”, është shprehur Muguna për “Citizien Digital”.

Më tej tregon për eksperiencën në Shqipëri me Tiranën. “Mësova shumë, mësimet shkojnë përtej jetës sime në futboll. Është një strukturë krejtësisht e ndryshme në të gjithë standardet, duke përfshirë kulturën dhe stilin e lojës. Largimi nga shtëpia të jep mësime që nuk mund t’i merrni në klubet lokale, me gjithë respektin për to. Shpresoj që eksperienca të më bëjë mua një njeri dhe një lojtar më të mirë pas këtij rikthimi në shtëpi”.

Në fund bën edhe një krahasim të futbollit shqiptar dhe atij kenian. “Nuk janë lojtarët që janë shumë ndryshe nga ne këtu në Afrikë, janë investimet që bëhen në sport gjithandej. Për shembull, shumica e klubeve atje kanë stadiumin e tyre dhe fushat stërvitore. Kanë hotele për ekipet e tyre, uniforma dhe pajisje dhe, disa gjëra që e lehtësojnë aspektin e lojës dhe të stërvitjes”.

Të dy janë larguar nga Tirana, ndërkohë që Muguna po tenton të rikthehet te Gor Mahia. Gjithsesi trajneri Dilan Kerri ia ka mbyllur dyert mesfushorit. Në mediat keniane ai është shprehur se të dy ish0-lojtarët e tij, ranë pre e mashtrimit dhe e lanë klubin.

“Nuk mund ta ndihmojmë Mugunën, pasi ishte vendimi i tij për t’u larguar”, ka thënë mes të tjerash tekniku britanik. Muguna është larguar nga Tirana dhe zor se do të kthehet më, por pak kohë më parë Ze Maria deklaroi në konferencë se ende lojtari nuk e ka zgjidhur me klubin çështjen e dokumentacionit.

Versioni kenian i medies “goal.com”, ka mësuar se mesfushori ka firmosur një kontratë 4-vjeçare me ish-klubin e tij Gor Mahian. Tirana nuk përfiton asnjë gjë, pasi palët kanë prishur marrëveshjen me mirëkuptim dhe Muguna firmos me kenianët si lojtarë me parametra 0.

Në ndryshim nga Musa, i cili u mor me kosto 0, për Mugunën Tirana pagoi një shumë prej 30000 eurosh. Lojtari u mor pas rekomandimit të trajnerit Ze Maria, i cili kishte punuar si me të gjatë eksperiencës së tij në Afrikë por dyshja nga Kenia pati probleme të shumta në përshtatjen me klimën, ushqimin dhe kulturën e vendit tonë, gjë që ndikoi dhe në paraqitjet jashtëzakonisht të dobëta me bardheblutë.

Dy yjet e Gor Mahias në Kenia, Musa Mohamed dhe Kenet Muguna, më në fund kanë marrë dokumentacionin dhe kanë mbyllur gjithë procedurat, duke prenotuar edhe fluturimin drejt Shqipërisë, për të dielën. Kjo do të thotë se tashmë gjithçka merr fund dhe dy futbollistët janë të Tiranës, pasi kanë arritur marrëveshjen prej kohësh për një kontratë dy-vjeçare, ndërsa firmat dhe prezantimi pritet në ditët e para të javës së ardhshme. Mohamed largohet nga Gor Mahia pa asnjë detyrim, sepse i përfundoi kontrata, ndërsa Muguna, i cili u bashkua me 16-herë kampiont e Kenias në fillim të sezonit të shkuar, tashmë transferohet në Shqipëri për 40.000 dollarë, pas marrëveshjes mes dy klubeve.

MOHAMED – Qendërmbrojtësi 26-vjeçar, anëtar i rëndësishëm i kombëtares së Kenias, deklaron për Capital Sport në Kenia: “Jam shumë i kënaqur që kjo lëvizje më në fund u realizua dhe po pres me padurim të nis udhëtimin tim të ri. Kam punuar shumë për të mbërritur deri këtu dhe shpresoj të ruaj të njëjtën formë edhe në Shqipëri. Nuk do ta kem të vështirë të ambientohem, sepse bashkohem sërish me ish-trajnerin tonë Ze Maria, çka është madhështore. I njohim metodat e tij, e dimë si punon, ndaj nuk do të jetë shumë e vështirë të bëhemi pjesë e grupit. Dëshirojë të provoja një sfidë të re, sepse kam fituar gjithçka te Gor, ndaj për t’u përmirësuar duhen stimuj të rinj”. Mbrojtësi ka qenë i lidhur ngushtë me Gor Mahian gjatë gjithë karrierës, sepse ka luajtur që i vogël në këtë klub dhe ka fituar 4 tituj kampionë, tre prej tyre si kapiten. Ai u përzgjodh si mbrojtësi i vitit nga Shoqata e Gazetarëve në Kenia në fund të sezonit të shkuar, ndërsa kishte përfunduar i dyti në dy sezonet paraardhës. Mohamed është gjithashtu pjesë e kombëtares, duke qenë kapiten gjatë CECAFA Senior Challenge Cup.

E SHKUARA – Mohamed dhe Muguna kanë një mision aspak të lehtë, sepse më parë te Tirana kanë dështuar kenianët Mouzes Arita dhe Xhejms Situma, duke u kthyer shumë shpejt në shtëpi. “Nuk na shqetëson shumë kjo gjë. Ne do të punojmë shumë dhe ai është synimi, e shkuara mbetet e shkuar. Tani duam të ndihmojmë Tiranën të ngjitet në Superiore dhe më pas do të kemi synime edhe më madhore”, thotë Mohamed.