Muçolli gjen rrjetën, paraqitje pozitive dhe për dyshen kuqezi

Sport Ekspres — Sat, 02 Feb 2019 17:33:18 +0000

Kastriot Dermaku dhe Federik Veseli kanë bërë paraqitje shumë të mira në prapavijën e skuadrave të tyre. Ekipi i Kozensas, ku aktivizohet Dermaku, ka marrë një fitore të pastër 2-0, me mbrojtësi kuqezi që luajti 90 minuta në qendër të mbrojtjes.

Edhe Veseli bëri një ndeshje shumë të mirë në Serie A përballë Kievos. Empoli e pa veten në disavantazh të dyfishtë, por arriti të barazojë gjithçka, me Veselin që bëri një fraksion të dytë loje për tu admiruar.

Edhe mesfushori i Shpresave, Arbnor Muçoli ka kaluar një fundjavë pozitive. Lojtari kuqezi ka gjetur golin në miqësoren e skuadrës së tij përballë Alborgut, në një ndeshje miqësore.

VIDEO | Muçolli shkëlqen në Danimarkë, realizon një supergol

Sport Ekspres — Fri, 23 Nov 2018 20:26:23 +0000

Arbnor Muçolli, lojtari i Vejles, por njëkohësisht dhe pjesëtar i Shqipërisë U21 ishte protagonist në barazimin e skuadrës së tij me Alborg. Lojtari kuqezi evitoi humbjen e skuadrës së tij, duke u treguar i saktë në minutën e 82-të me një goditje nga distanca. Portieri mik e pati të pamundur që të reagonte për të ndalur “predhën” e 19-vjeçarit.

Muçolli zbriti në fushë si zëvendësues dhe arrit që të gjente rrugën e rrjetës pa luajtur as 10 minuta. Titullar e nisi takimin Ylber Ramadani, i cili luajti deri në fund të ndeshjes, duke zhvilluar një ndeshje të kënaqshme.