Një nga futbollistët më të mirë të Maqedonisë, i cili për një kohë të gjatë karrierën e tij e ka kaluar në klube evropiane, përveçse ka vensur fanellën e kombëtares së Maqedonisë, Muarem Muarem është përforcimi i parë i skuadrës së drejtuar nga Zekirija Ramadani.

Futbollisti shkupjan është prezantuar sot me skuadrën e tij të re, pasi ka firmosur edhe kontratën dy-vjeçare.

“Sigurisht se ndjehem i lumtur që pas 11 viteve kthehem në klubin e dashurisë, Shkupin dhe lagjen time Çairin nga edhe e fillova jetën e një futbollisti profesionist. Shpresoj të adaptohem shumë shpejt me ekipin dhe të jap ndihmën time në realizimin e projekteve të kryesisë, ndërsa tani me pjesëmarrjen në Ligën e Evropës, klubi do ketë mundësi që përsëri të kthejë famën e dikurshme”, është shprehur Muarem për faqen zyrtare të Shkupit.

Muarem u transferua në janar te Flamurtari, me një pagë të jashtëzakonshme, por luajti vetëm 11 ndeshje në Superiore, për shkak se u dëmtua sapo erdhi në Shqipëri. Dy gola të shënuar dhe disa ndeshje të mira në pranverë, por gjithsesi nuk mjaftoi për të qëndruar në Vlorë.

29-vjeçari nga Shkupi është planifikuar si një lojtar kyç për të ndërlidhur mesfushën me sulmin kuqezi, por dje në miqësoren kundër Pogonit pësoi një tërheqje dhe “Sport Ekspres” mëson se bëhet fjalë për një problem serioz, që nuk e lejon të vrapojë.

Nesër do të kryhen kontrollet e detajuara mjekësore, por me shumë gjasa Muarem do të detyrohet të mungojë për dy javët e ardhshme, duke humbur sfidat kundër Partizanit në kampionat e kupë, por ndoshta edhe Kukësi-Flamurtari.

Gjithsesi, Duro ka shumë alternativa në dispozicion, sepse pas kapitenit Bushiç mund të luajnë Danilo Alvesh, Zhufo, Gafuri, Ardit Hoxhaj e Kamara.