Axhem sezonin e shkuar ishte pjesë e Sloboda Tuzla sezonin e shkuar dhe luajti rregullisht si titullar. Së bashku me Aleksandar Ignjatoviç (ka firmosur me Laçin dhe debutoi dje në ndeshjen e Europa League ndaj Hapoel Ber Sheva) spikatën në ekipin boshnjak dhe këtë verë zgjodhën Shqipërinë për të vijuar karrierën.

Bylisi ende nuk e ka zyrtarizuar marrëveshjen me Axhem, por pritet që shumë shpejt të ndodhë. Kështu për trajnerin Veljko Dovedan vihet nën urdhra një mbrojtës me vlera, prej të cilit pritet shumë sezonin e ardhshëm.

Largimi i Atandës ka lënë një boshllëk, që te Partizani duan ta mbulojnë me një lojtar ndryshe nga nigeriani. Muamer Axhem, një boshnjak 194 centimetra i gjatë, është aktivizuar në miqësoren e djeshme me NS Mura.

Sezonin e fundit, Axhem ka luajtur rregullisht te Sloboda Tuzla dhe te Partizani duhet të vendosin nëse do nënshkruajnë me të. Një problem është fakti që “demat” aktualisht kanë tre lojtarë të të njëjtit tip me Axhem.

Egzon Belica, e ardhmja e të cilit ende nuk dihet, Enea Bitri dhe Lum Rexhepi janë lojtarë të gjatë dhe Partizani me Axhem do shtonte një lojtar të njëjtë me ata që ka në skuadër. Atanda ishte një lojtar krejtësisht tjetër dhe boshnjaku nuk mund të shikohet si pasuesi i Atandës.

Ndoshta i Belicës, po… Mbrojtësi ende nuk ka rinovuar, edhe pse i është bërë një propozim 3-vjeçar pa detaje të tjera. 30 qershori është dita e fundit e kontratës dhe në kampin e kuq duhet të ndajnë mendjen.