Abazi krosoi bukur nga e djathta dhe Krasniqi fluturoi për të mbërritur tek ai top, por pa sukses. Pas një rrëmuje në zonë, gjyqtari akordoi penallti në favor të skuadrës korçare. Futbollistët e Kukësit, asnjë protestë, dhe Muzaka shënon nga pika e bardhë.

Edhe në takimin mes Teutës dhe Partizanit në “Niko Dovana”, pati një penallti të dyshimtë. Bushiç fiton duelin ajror me mbrojtjen e Partizanit dhe topi shkon në këmbët e Vajushit brenda zonës. Ky i fundit gjuan jashtë, duke pasur dhe shqetësimin e mbrojtësit Ferati. Gjyqtari akordon penallti dhe Kallaku shënon golin e dytë për Teutën.

FLAMURTARI  – TIRANA

15’ – Ndërhyrje e rrezikshme e Sukajt ndaj Karabecit. Jorgji i tregon kartonin e verdhë, por ndërhyrja ka disa elementë si takat e ngritura lart dhe vrulli i madh që e çojnë lehtësisht brenda limiteve të së kuqes.

35’ – Turtulli i ndëshkuar më parë me të verdhë ndalon me faull Sukajn gjatë një kundërsulmi të rrezikshëm të Flamurtarit. Arbitri Jorgji e kursen  lojtarin e Tiranës duke dhënë vetëm faull. Ndërkohë, për të njëjtin aksion Maveje ndëshkohet me karton të verdhë për një faull që fillimisht u la avantazh.

51’ – Jorgji akordon penallti për Tiranën pas një faulli të Deliajt ndaj Hoxhallarit. Pamjet filmike të lënë të dyshosh mbi forcën e kontaktit midis dy lojtarëve.

LAÇI – TEUTA

43’ – Në përpjekje për të kapur topin, Gashi ndërhyn në kohë vonesë ndaj Okpotus brenda zonës së rreptësisë. Për arbitrin Beqiri loja është  e rregullt, por pamjet filmike tregojnë se lojtari i Teutës nuk ka pasur kontakt me topin gjatë ndërhyrjes.

74’ – Kamara gjen traversën dhe më pas përplaset me tokën pranë vijës fatale.  Rasti është tepër i diskutueshëm.

PARTIZANI – LUFTËTARI

3’ – Gjuajta e Dukës përplaset nga Asanin dhe më pas përfundon në rrjetë. Asani është dukshëm pozicionin jashtë loje dhe goli duhej anuluar. Përgjegjësia më e madhe për këtë gabim bie mbi arbitrin anësor që ka pasur pamje të qartë.

15’ – Kocionis ndërhyn në kohë vonesë brenda zonës së rreptësisë ndaj Asanit duke kapur kontakt me këmbën e lojtarit të Partizanit. Arbitri Shahini nuk akordon penallti.

KASTRIOTI – KUKËSI

19’ – Faull i Cuculit ndaj Roxher. Kontakti midis dy futbollistëve fillon jashtë zonës së rreptësisë dhe shtyrja përfundon brenda kuadratit. Arbitri Hamiti akordon faull jashtë zone.

57’ – Çela i Kastriotit përplaset me Çyrbjen. Futbollistët më pas vihen kokë me kokë me njëri-tjetrin, ku Çela në nerva e sipër godet me një grusht të lehtë në faqe lojtarin e Kukësit. Më pas kapiteni  i Kastriotit arrin t’i heqë fanellën futbollistët të shtrirë.

65’ – Ymeraj godet me shkelm nga mbrapa Rrocën. Duke qenë se goditja ka qenë me dashje gjyqtari Hamiti ndëshkon mesfushorin me të verdhë. Rregullorja e pranon ndëshkimin e këtyre rasteve më të kuqe në varësi të forcës, sidomos kur qëllimi i lojtarit që kryen faullin është me keqdashje. Megjithatë duhet pranuar se forca  e shkelmit nuk është e fortë dhe nuk shkakton dëme te lojtari i Kukësit, një faktor ky që është marrë parasysh nga arbitri për këtë rast.

Fillimisht, ishte skuadra e Kukësit që pretendoi për një penallti. Braziliani Kordeiro depërton nga e majta dhe ndalohet nga Frashëri, që sipas gjyqtarit, ishte një ndërhyrje e rregullt. Të gjithë lojtarët e Kukësit protestojnë, por ndeshja vazhdon.

Episodi i dytë i takon Teutës. Kamara bën gjithçka mirë dhe lë pas Maliqin. Mesfushori Dzaria ndërhyn për ta ndalur dhe sulmuesi i Teutës rrëzohet brenda zonës. Të gjithë sytë nga gjyqtari, i cili sërish e cilëson një ndërhyrje të rregullt.

Dy penallti të paakorduara dhe në momentin më kritik të ndeshjes, gjyqtari drejton gishtin nga pika e bardhë. Në minutën e 90+3’ të takimit, Osmani ndal me dorë një goditje të një prej lojtarëve të Kukësit. Për kryesorin Xhaja, penallti dhe karton i kuq për mbrojtësin e Teutës. Kukësi pati mundësinë të marrë një pikë nga kjo sfidë, por Hidi ndali brazilianin Kordeiro dhe Teuta triumfoi 2-1 në fund, duke marrë tri pikë shumë të rëndësishme.