“Është i mahnitshëm. Më bëhet qejfi për të, por jam i bindur se mund të ishte bërë një futbollist fantastik. Xhaxhai i tij, Migel Nadal ka qenë futbollisti im kur punojë si zëvendës-trajner te Barcelona në vitin 1996. Di gjithashtu që Rafa mund të luaj edhe sot mjaft mirë futboll”.

“Me aftësitë fizike që zotëron dhe mentalitetin që ka, s’kam dyshim që do ia dilte të ishte një futbollist profesionist. Megjithatë, fatmirësisht për sportin e tenisti ai zgjodhi këtë gjë”, tha Murinjo.

Në lidhje me takimin foli edhe Zhose Murinjo, i cili është në rolin e analistit në “Bein Sport”. Portugezi kritikoi ashpër Bacelonën, duke e krahasuar me një ekip moshash U-14 ose U-15, të cilët nuk kanë mentalitet.

“Nëse do e shihje atë gol në ndeshjet e moshave U-14 apo U-15, do të thojë lirisht: ‘Fëmijët po flenë gjumë, nuk kanë mentalitet për të luajtur futboll. Fëmijët duhet të mësojnë gjërat bazë të futbollit’. Por në këtë rast po flasim për lojtarët më të mirë të Botës dhe të pësosh atë gol tregon një gjende të rënduar.

Në fundin e pjesës së parë thashë që nëse Liverpuli shënon golin e dytë, atmosfera do të bëhet shumë e vështirë për Barcelonën dhe ashtu ndodhi. Gjithsesi, Barcelona ka lojtarët më të mirë në Botë. Është diçka e natyrshme që të luajnë ndeshje të atij niveli dhe në atmosferë të tillë. Është diçka e natyrshme të luash ndaj Realit në Bernabeu, të luash finalen e Champinsit apo gjysmëfinalet.”

“E di që të Liverpuli në “Anfield” është një skuadër thuajse e patheyshme, por Barcelona e ka siguruar finalen, madje mendoj se do të shënojnë edhe në fushën e Liverpulit. Salah humbi një shans të artë në minutat e fundit dhe në 3-1, situata mund të ishte ndryshe, por 3-0 mbetet 3-0.

Ajaksi? Duke parë atë që kanë treguar këtë sezon, janë më mirë në ndeshjet jashtë shtëpie. Kanë një ngërç psikologjik në “Johan Cruyff Arena” dhe kjo gjë mund të shfrytëzohet mjaft mirë nga Totenhemi. Edhe pse pa Kejn, mendoj se Poçetino ka një shans të artë për të arritur finalen, pasi ekipi i tij mund të fitojë në Holandë”, përfundoi portugezi.

E paharrueshme mbetet tripleta e vitit 2010, periudha më e lumtur e jetës për tifozët e Interit. Murinjo flet edhe për të ardhmen në prononcimin e dhënë për “DAZN”. Për momentin është pa ekip, por për një gjë është i sigurt. Ai nuk do të rikthehet në Premier Ligë, për momentin, pasi të ardhmes nuk i dihet kurrë.

INTERI – “Interi është një familje e pabesueshme dhe jam ndjerë mirë çdo ditë. Lidhja me tifozët është rezultat i rezultateve. Kur fitohet, të gjithë janë të lumtur. Krijuam një ndjeshmëri të bukur me tifozët. Në Londër akoma më ndodh që të takoj interistë, të cilët më ndalojnë në rrugë dhe më përqafojnë. Italia ka qenë një habitat natyral për mua. Atje e përjetojnë futbollin 24 orë në 24. Kur shoh ngjyrat e Interit, dalloj ngjyrat e familjes time…

E ARDHMJA – “Etapa e radhës nuk do të jetë Premier Liga. Garancia ime e suksesit janë trofetë e fituara, edhe pse disa bëjnë të pamundurën që të harrohen. Finalen e fundit e kam luajtur para 8 muajsh, por është e kaluara. Po përgatitem për të ardhmen. Kur punon prej 18 vitesh pa pushim, nuk të del koha të mendosh gabimet e bëra. Mendoj se më kanë shërbyer këto muaj që kam qëndruar pushim.

TRIPLETA – “Nuk e harroj kurrë titullin që fituam në Siena. Ishte java e fundit e kampionatit dhe pas një jave luanim finalen e Champions Ligës. Ishte dita më e vështirë e jetës time për të fituar një kampionat. Bënte shumë nxehtë, lojtarë pak të përqendruar dhe Roma po fitonte ndeshjen e saj. E kam thënë gjithmonë se do më kishte pëlqyer të fitoja një titull në javën e fundit. Atë ditë ndryshova mendje… Motivimi para finales kundër Bajernit? Më doli nga zemra. Kur fitova Championsin e parë me Porton, djali im më thoshte se duhej të fitoja një Champions, e cila nuk do të harrohej kurrë. Për shumë lojtarë të Interit ishte shansi i fundit për t’ia dalë. Në këtë aspekt arrita t’i motivoj të gjithë.

Fillimisht flitej për një kalim te Reali, por në pankinën e “Los Blancos” u rikthye Zidan. Më pas u përfol për te skuadra e Interit, por drejtuesit zikaltër i besuan Spaletit, të paktën deri në fund të sezonit.

Vetë Murinjo ngacmoi disa herë gazetarët me idenë e drejtimit në Ligue 1, me PSG-në që shihej si skuadra e vetme që mund t’i plotësonte kërkesat ekonomike portugezit. Por, Mou është fotografuar në aeroportin e Lionit dhe flitet se do të jetë pasuesi i Bruno Zhenesio, trajner aktual i Lionit. Mbetet për t’u parë nëse Murinjo do të zyrtarizohet në krye të klubit francez.

“Barcelona dhe Juventusi janë skuadrat që do t’i shkojnë deri në fund këtij kompeticioni. Kanë treguar për disa vite tashmë që futbolli i tyre vetëm po rritet dhe me të drejtë janë favoritë. Shumë do ta shohin si një sfidë Mesi-Ronaldo, por unë nuk mendoj kështu.

Pavarësisht se ata janë dy lojtarë fantastikë dhe kanë arritur shumë gjëra, vazhdoj të mendoj se futbolli është një sport kolektiv dhe e gjitha skuadra është e rëndësishme. Si Barcelona, ashtu dhe Juventusi kanë krijuar skuadra shumë të forta dhe do të jetë një finale që do të ndiqet me mjaft interes”, u shpreh strategu portugez.

Për mediat spanjolle, Zhoze Murinjo tha: “Mendoj se për 7-8 vite, Reali i Madridit nuk e kishte kaluar fazën çerekfinale në Ligën e Kampionëve. Në vitin e parë që mora drejtimin, në çerekfinale kishim Lionin, një short shumë i mirë për ne, por klubi i frikësua shumë. Në të gjitha ambientet ndihej panik dhe tension, nuk e kuptoja. Lioni është një skuadër e mirë, por është vetëm Lioni”, u shpreh portugezi.

Nën drejtimin e “Special One”, Reali i Madridit nuk arriti të triumfojë në Ligën e Kampionëve, por u kualifikua në tri vite radhazi në gjysmëfinalet e këtij kompeticioni, një përmirësim i dukshëm nga Reali i para se Mou të merrte drejtimin.

Asaj kohe, Ronaldinjo-Mesi-Eto ishin sulmi më i mirë në botë dhe përplasja kundër tyre ishte një test shumë i rëndësishëm për Murinjon. Taktikat që portugezi përdori: “Ronaldinjos duhet t’i ndërhyni shpejt, mos e lini të futet në zonë, pasi është simulues dhe të merr penallti. Është rikthyer tani shpejt nga dëmtimi, prandaj faulli të mos jetë i butë!”

Ndërsa për Mesin, në shkresat taktike shkruhet: “Fanatik i këmbës së majtë. Pëlqen të futet vetëm nga qendra, prandaj paraprijini dhe ndërhyni sa më ashpër!”

Këto detaje të publikuara, por dhe shumë të tjera, kanë acaruar jo pak trajnerin portugez, i cili për “The Sun”, u shpreh: “Më vjen keq që po ju zhgënjej, por ato raporte nuk i kam shkruar unë. Nuk janë të miat, nuk jam unë autori. Shkresa e fundit taktike që kam shkruar është në shtëpinë time. E kam shkruar në sezonin 1999-’20, kur isha asistent te Barcelona. Që nga ajo kohë, nuk kam shkruar më asgjë, thjesht i kam si ide të qarta në mendjen time”, përfundoi Mou.

Sipas mediave britanike, skuadra e Real Madridit do të jetë destinacioni i radhës për strategun portugez. Ashtu siç raportohet nga “The Mirror”, presidenca e Realit ka bërë hapin e parë në ribashkimin me Murinjon dhe ka kërkuar takim në Madrid.

Nuk dihet ende përgjigja e Murinjos në lidhje me thirrjen e ish-klubit të tij, por me shumë gjasa, Solari nuk do ta mbyllë sezonin në krye të “Los Blancos” dhe timonieri i ri i skuadrës mund të jetë “Special One”.

Për dy vite e gjysmë, trajneri i Mançester Junajtid ka jetuar në suitën luksoze të një hoteli shumë pranë qendrës së qytetit të Mançesterit. Suita ku jetoi portugezi ishte me sipërfaqe 90 metra katrorë dhe e kompletuar në çdo aspekt.

Së fundmi media britanike “The Daily Mirror” ka zbuluar se fatura totale e portugezit në hotelin luksoz i kalont 800 mijë paundë. Shumë e çmendur, por s’duhet të harrojmë se Murinjo paguhej 12 milionë euro në sezon nga “djajtë e kuq”.

Sipas luzitanit, Juventusi sa mundësi ka për të fituar Championsin, ka dhe për t’u eliminuar nga përballja me Atetlikon. Pra, me pak fjalë, Murinjo e sheh si një përballjë mjaft delikate, teksa ekipi i Simeones, sipas “Special One” është mjaft ambicioz.

“Mendoj se Juventusi mund të fitojë Champions League, sidomos tani që kanë një lojtar si Kristiano Ronaldo. Janë shumë të uritur për atë trofe, por nuk do të ishte ndonjë surprizë e madhe në rast se eleminohen nga Atletiko Madrid, sepse janë një ekip ambicioz.

Atletiko ka investuar shumë për të arritur në finalen që do të luhet në stadiumin e tyre. Ata ndoshta nuk lozin futboll të bukur, por të gjithë e dimë mënyrën e lojës së Simeones.

Ka sulmues të talentuar, të cilët mund të bëjnë diferencën dhe për këtë arsye mendoj që Juventusi sa mundësi ka të fitojë Championsin aq edhe ka mundësi të eleminohet nga Atletiko.”

E imagjinoni një eksperiencë si trajner në Francë ? –  “Po mund ta imagjinoj. Kam punuar në katër vende të ndryshme, dhe më pëlqen kjo gjë. Dua të njoh kultura të reja dhe të mësoj në çdo moment. Të punoja një kampionat tjetër do të ishte një eksperiencë fantastike”.

E patë ndeshjen midis PSG-së dhe Mançester Junajtid ? – “Jo. Nuk e pashë atë ndeshje. Tani i shikoj rrallë ndeshjet e Mançester Junajtid. Preferoj të shikoj ndeshje të tjera, pasi të gjithë kampionatin anglez e njoh shumë mirë, madje njoh çdo lojtar”, përfundoi Murinjo.

Sot, klubi amerikan ka zyrtarizuar blerjen më të fundit. Florentin Pogba, vëllai i mesfushorit të Mançester Junajtid, është zyrtarisht nën urdhrat e teknikut Frank De Bur. 28-vjeçari Pogba u largua nga Sant-Etien në verën e vitit të shkuar, për t’iu bashkuar skuadrës turke, Gençerbigli.

Por vetëm pas 8 ndeshjesh dhe një dëmtimi afatgjatë, zgjodhi të vazhdojë karrierën e tij në Amerikë, duke u larguar përfundimisht nga kampionatet evropiane.

ICYMI: #ATLUTD sign defender Florentin Pogba

?: https://t.co/01hDtC83Qx pic.twitter.com/RWFgHQbCvg

— Atlanta United FC (@ATLUTD) February 6, 2019

Sezoni i “djajve të kuq” deri në dhjetor, ishte gati i gjithi për t’u harruar, pasi ndodheshin më shumë se 10 pikë larg vendit të katërt që të çon në Champions sezonin e ardhshëm. Ardhja e Solskjaer ka shndërruar krejtësisht ekipin e Junajtid, teksa tashmë e shohin veten vetëm 2 pikë më pak se Çelsi i vendit të katërt.

Solskjaer e drejton ekipin prej 10 takimesh, ku ka marrë 9 fitore dhe një barazim. Krahasuar me Zhose Murinjon, tekniku norvegjez është në dominancë të plotë, për sa i përket statistikave. Këtë sezon, me Murinjon në stol, Junajtid numëron një përqindje fitoresh prej 41.2%. Përqindja e Solskjaer është më shumë se dyfishi i asaj të luzitanit.

Ish-futbollisti i Junajtid, ka një përqindje fitoresh prej 87.5%. Pikët mesatare për ndeshje janë 2.75 për Solskjaer, krahasuar me vetëm 1.5 pikë të Murinjos. 1.7 ishte mesatarja e golave të shënuar në kohën e Murinjos, ndërsa tani Junajtid shënon 2.5 gola mesatarisht. Ndryshimi është i qartë, nuk ka nevojë për shumë koment…

Mesfushori belg aktivizohej në çdo takim nga portugezi Murinjo, pavarësisht se cilësitë e tij nuk mund të krahasoheshin me emra si Pogba apo Martial. Gjithsesi, Murinjo e preferonte para këtyre emrave dhe tifozët anglez e cilësuan si “beniamini” i Murinjos.

Por ardhja e Solskjaer i ka mbyllur derën Fellainit, i cili nuk është aktivizuar aspak nga norvegjezi. Mendohet se Fellaini ka kërkuar largimin dhe Solskjaer ka pranuar një ofertë nga Kina. Nuk dihet ende se te cila skuadër mund të transferohet Fellaini dhe sa rrogë do të marrë, por një gjë është e sigurt: Ai nuk ka të ardhme te Mançester Junajtid për sa kohë Solskjaer është trajner.

Për të dhënë një opinionin të paanshëm ka menduar Zhoze Murinjo. Ish-trajneri i Mançester Junajtid, foli për dy yjet e futbollit botëror në emisionin e “Bein Sports”, ku punon prej disa muajsh si analist.

“Mendoj se është e padrejtë për të dy që të thuash se njëri është më i mirë se tjetri. Mendoj se ata janë të ndryshëm. E vetmja gjë që mund të them për këtë temë është se kur kam pasur Ronaldon në ekip, ai ka kaluar një moment shumë të mirë, ndërsa kur më duhej të luaja kundër Mesit më është dashur të punoj e të mendoj shumë për të përgatitur skuadrën”.

“Ajo që admiroj tek ata është konsistenca e vazhdueshme që tregojnë, pavarësisht viteve. Mund të ndodhë që fitosh njëherë, por ata nuk dinë të ndalojnë së fituari. Në futboll mund të paraqitesh si një urugan e më pas të zhdukesh për çështje muajsh”.

“Ata dy djem janë në majë të futbollit prej 10 vitesh, dhe kjo do të vazhdojë të qëndrojë kshtu derisa në ata të vendosin t’u lënë stafetën brezave të rij”, përfundoi Murinjo.

Aty, ndër të tjera, Murinjo ka rrëfyer edhe histori të vjetra dhe të pazbuluara kurrë, si ajo e daljes nga Stamford Bridge në një kosh rrobash të palara, në vitin 2005, në një ndeshje të Champions League.

Për herë të parë trajneri portugez ka folur për atë histori, duke konfirmuar gjithçka dhe duke zbuluar se rrezikoi seriozisht jetën.

Ishte sezoni i tij i parë në drejtimin e Çelsit dhe Murinjo ishte peziulluar nga UEFA për disa komente ndaj arbitrit Anders Frisk pas një fitoreje kundër Barcelonës.

Problemi është se plani për pak sa nuk u bë një tragjedi historike: “Shkova në dhomat e zhveshjes gjatë ditës dhe qëndrova për disa orë, nga mesdita deri në 7 të mbrëmjes, pasi dojë të prisja lojtarët kur të futeshin“, tregon Murinjo.

A stunning admission from José Mourinho – The infamous laundry basket story was true! Here’s how he got away with it…#beINMourinho #beINPL pic.twitter.com/2mhn0MUn3m

— beIN SPORTS (@beINSPORTS) January 19, 2019

“U futa dhe nuk më pak askush, problemi ishte si të dilja. Steëart Bannister, personi që merret me mirëmbajtjen e uniformave dhe rrobat e palara, më futi në koshin ku i trapnsportonte ajo. Koshi ishte paksa i hapur, që të merrja frymë, por kur dolëm nga dhomat e zhveshjes, zyrtarët e UEFA-s po më kërkonin në çdo cep, ndaj Bannister e mbylli koshin dhe nuk kisha më ajër!

“Kur e hapi kutinë, isha duke vdekur! E kam seriozisht! Jam klaustrofobik, ju betohem! Është histori e vërtetë!”.

Çelsi e eliminoi Bajernin, duke u ndalur në gjysmëfinale nga Liverpuli, ndërsa klubi mohoi me vendosmëri aludimet se Murinjo kishte shkelur rregullat, duke sulmuar mediat se nxirrnin lajme të tilla për të krijuar tension te Çelsi.

“Sezoni i parë i Guardiolës në Angli ishte shumë i vështirë. Ai kishte një ekip kampionësh me lojtarë si Kompani e Aguero dhe në fund u rendit në vendin e katërt. Megjithatë në atë sezon ai mori disa vendime shumë të rëndësishme, që u mbështetën plotësisht nga drejtuesit e klubit. Për shembull: Ai nuk donte Zabaletën, Sanjan, Kolarovin dhe Klishin. Në një merkato vere ai largoi katër mbrojtës krahu dhe mori katër të tjerë: Uallkër, Danilo, Mendi dhe dikë tjetër.”

“Përsa i përket Klop. Sa prej këtyre lojtarëve ishin te Liverpuli para se Klop të emërohej trajnert. Van Dijk, Robertson, Salah, Mane, Alison. Nëse je një menaxher që ke mundësi të zgjedhësh lojtarët që t’i beson se mund të marrësh lojtarë që mund të ndjekin idetë e tua, atëherë gjithçka ndryshon është shumë e thjeshtë”, përfundoi Portugezi.

Shumë vetë besojnë se Murinjo do të ishte një kandidat favorit për stolin e bavarezëve në rast të një shkarkimi të kroatit Niko Kovaç. Megjithatë, vështirë se Murinjo mund të bashkëpunojë me një dyshe drejtuesish si Rumenige dhe Hënes, të cilët kanë prej vitesh pushtet jashtëzakonisht të madh edhe brenda dhomat e zhveshjes.

Sikur të mos mjaftonte natyra e veçantë e drejtuesve të bavarezëve, një tjetër fakt që i del kundër kandidaturës së Murinjos për stolin e Bajernit është një deklaratë  e vetë trajnerit, e bërë gjatë kohës kur ai ishte në krye të Real Madrid në vitin 2012.

“Nuk mund të punoj në një vend ku do të duhet të mbaj kufje gjatë të gjithë kohës”, tha Murinjo, gjatë një konference për shtyp në “Allianz Arena”. Gjermanishtja është një pengesë të pakalueshme për të. Diçka ironike duke qenë se tekniku portugez flet rrjedhshëm pesë gjuhë të ndryshme.

The Special One u pushua nga puna te Man Utd para Krishtlindjeve dhe presidenti i Benfikës Luis Filipe Vieira tha se “paratë nuk do ishin problem”, kur u pyet nëse po e mendonte idenë Murinjo, duke qenë se Benfika është pa trajner.

Mou e ka drejtuar Benfikën në vitin 2000, për vetëm 9 ndeshje, ndërsa ka drejtuar edhe Leirian dhe Porton në atdhe, para se të transferohej te Çelsi në 2004.

I pyetur nga Correio de Manha, Murinjo i ka dhënë përgjigjen përfundimtare Benfikës: “Nuk kam qejf të flitet shumë për mua, ndaj nuk dua të flas shumë. Nuk më ka pëlqyer kurrë të ushqej mediat me lajme, por nuk kam qëllim të punoj në Pourtgali.

“Nuk dua të shkoj atje, por mënyra më e mirë për të respektuar një klub të madh si Benfika është që të them se nuk më kanë kontaktuar“.

Mou u pyet edhe për një kthim të mundshëm tek Real Madridi, apo Interi, por përgjigja e tij është misterioze: “Është një nder i jashtëzakonshëm kur kthehesh në një klub ku ke punuar, si më ndodhi te Çelsi. Nëse të kërkojnë sërish, do të thotë që ke bërë diçka pozitive dhe ta dinë vlerën.

“Tani kam të drejtë të pushoj, të mos flas dhe të bëj autokritikë. Të analizoj gjithçka kam përjetuar vitet e fundit, me qetësi, para se të përgatitem për etapën e ardhshme“.

Reali luan nesër në orën 17:30 finalen e Botërorit për klube kundër arabëve të Al Ain. Sergio Ramos ka folur në konferencën për shtyp përpara finales, por atij nuk i pëlqen shumë të flasë për ish-trajnerin e tij.

Kapiteni është i përqendruar te finalja e madhe dhe “thumbon” gazetarët e pranishëm. Në fund replika me Kristiano Ronaldon, i cili e cilësoi grupin e Juventusit si më të mirin më të cilin ka luajtur ndonjëherë. Një deklaratë e tillë nuk është pëlqyer në Madrid, por Ramos vendos të injorojë fjalët e ish-shokut të skuadrës.

MURINJO – “Unë nuk jam askush për të vendosur se kush duhet të jetë trajneri i Realit të Madridit. Kemi 5 vite pa Murinjon dhe akoma flisni për të. Ne mund të fitojmë një tjetër trofe, ndërsa ju e keni mendjen te Murinjo. Kapiteni nuk i zgjedh trajnerët.”

CR7 – “Ne nuk e kemi dëgjuar atë të flasë për Realin. Kur ishte këtu, ai ka parë grupin që ekziston falë të cilit kemi fituar trofe. Jemi të lumtur që ai po bën mirë tek ekipi i ri.”

FINALJA – “Mund të bëhemi kampionë bote për herë të tretë rresht. Askush nuk ia ka dalë më parë të bëjë një gjë të tillë. Do të ishte e bukur në aspektin psikologjik të rinisemi me një tjetër trofe të fituar.”

Një detaj interesant shkarkimit të Murinjos është fakti se asnjë prej lojtarëve të Mançester Junajtid nuk e ka falënderuar atë me një postim në rrjetë sociale, diçka kjo që është bërë e modës sa herë një trajner largohet, me ose pa dëshirë nga klubi.

Mjafton të kujtojmë se kur Zinedin Zidan u largua nga Real Madrid në muajin qershor, vetëm një lojtar i Real Madrid nuk e shprehu mirënjohjen e tij për teknikun francez. Bëhet fjalë për uellsianin Gareth Bejl, i cili në vitin e fundit të Zidan në krye të madrilenëve nuk arriti të zinte një vend në formacionin titullar.

Kthehemi te Murinjo dhe Mançester Junajtid. Kjo shpërfillje e lojtarëve, tregon qartazi se sa shumë kishte degraduar raporti i teknikut portugez me lojtarët. Duhet përmendur se gjatë “sundimit” të portugezit te Mançester Junajtid, ai ka pasur zënka të shumta me një pjesë të madhe të lojtarëve, disa prej tyre janë: Bastian Shvajshtajger (e përjashtoi nga stërvitja), Luk Shou, Erik Beili, Henrik Mkitarjan, Pol Pogba dhe Antoni Marsial.

Tekniku portugez, tashmë është një trajner i lirë dhe spekulimet rreth të ardhmes së tij kanë nisur që tani. Destinacionet e mundshme për “Special one”, thuhet të jenë Interi ose Reali i Madridit. Lidhur me shkarkimin dhe mbi të ardhmen, Murinjo është pyetur nga një gazetar i “Sky Sport” dhe përgjigja e luzitanit ka qenë e thjesht, duke thënë se nuk ka fjalë.

“Nuk kam çfarë të them, më njihni mua.”, komentoi shkurt Zhose Murinjo. Ndërkohë, pas shkarkimit të tij, klubi i Mançester Junajtid, njoftoi ditën e sotme se, drejtimin e ekipit do ta marrë deri në fund të sezonit norvegjezi, Ole Gunar Solskjaer.

"I have nothing to say. You know me." ?

Jose Mourinho speaks for the first time since leaving @ManUtd near his home in London.

Follow all the reaction to Jose Mourinho's sacking by @ManUtd as Ole Gunnar Solskjaer replaces him as interim boss here: https://t.co/kouvEuOFMj pic.twitter.com/kv7tx3jdqE

— Sky Sports News (@SkySportsNews) December 19, 2018

Sipas gazetarit të “ESPN”, Mark Ogden, vendimi është marrë dhe Solskjaer do të prezantohet ditën e nesërme. Ish-sulmuesi i Junajtid, ka punuar të shkuarën si trajner i skuadrës rezervë të klubit anglez, ndërsa prej tre vitesh trajnon klubin e Moldes në vendlindje.

Solskjaer ka pasur një eksperiencë të shkurtër në kampionatin anglez në vitin 2014, kur iu besua pankina e klubit uellsian të Kardifit. Sipas “ESPN”, Solskajer do të firmosë një kontratë 6 mujore, e do t’i lërë vendin një trajneri me emër, që do të zgjidhet në muajt në vazhdim nga kryesia e klubit ndërsa objektivi tjetër i Junajtid do të jetë emërimi i një drejtori sportiv, pozicion ky, që nuk ka ekzistuar më parë te djajtë e kuq, për shkak se gjithçka i është lënë në dorë trajnerit.

Për këtë arsye, Roj Kin sulmon ashpër klubin ku bëri histori: “Pjesa më e frikshme, besoj, është të dëgjosh trajnerin që thotë se Junajtid mund të kapë vendin e katërt. Po flasim për Junajtid, kjo është ambicia tani”.

“Realiteti është ai që kam parë, sytë nuk gënjejnë. Duke parë këtë ekip, vendi i katërt është maksimumi që mund të arrijë. Nëse sheh skuadrën sot, pa e parë kurrë më parë, do thoshe “Një skuadër mesatare e Premier Ligës”.

“E keqja është se shohim historinë, stemat, çmimet e lojtarëve në fushë, e të tjera… disa nga këta lojtarë nuk bëjnë për Junajtid dhe është e kotë ta teprojmë me kritika. Duhen bërë investime, të kapësh fundin e sezonit, të mbërrish i katërti dhe të kesh sukses në ndonjë kupë, por mos të harrojmë që pastaj kthehemi pas në kohë dhe flasim për Junajtid e viteve ’80, që ishte thjesht një skuadër e lezetshme në kupa. Junajtid meriton më shumë se kaq”.

“The big concern at the end was – could it be 4 or 5?” ?

Roy Keane and Graeme Souness praise @LFC after a “dominating” performance against @ManUtd. ? pic.twitter.com/Ekplj6XelE

— Sky Sports Premier League (@SkySportsPL) December 16, 2018

Kin ka një ide fike edhe për debatin e madh rreth Pol Pogbasë, i cili e nisi sërish nga stoli, për të tretën ndeshje rresht në kampionat: “Shoh disa probleme, si për shembull që disa lojtarë nuk janë në formë perfekte. Ke Pogba në stol, që sheh ndeshjen, nuk luan dhe natyrisht të shkon mendja që ditët e tij janë të numëruara. Nuk mendoj se do largohet në janar, por në verë duhet ta shesin. Nuk është ndonjë problem i madh, ai është larguar edhe më parë nga Junajtid”.

Full-time at Anfield. #MUFC #LIVMUN pic.twitter.com/FFH8CkRJcT

— Manchester United (@ManUtd) December 16, 2018

Edhe pas humbjes në ndeshjen pa ndonjë vlerë në Valencia trajneri portugez akuzoi skuadrën e tij për mungesë intensiteti dhe përqendrimi, ndërsa thumboi disa nga yjet e ekipit, të cilët i zëvendësoi gjatë ndeshjes.

"We scored two goals…"

"But instead of winning 2-1, we lost 2-1!"

Yep, that's how own goals work ?

Jose Mourinho believes a lack of intensity cost his team tonight. pic.twitter.com/0ye2XVlcum

— Football on TNT Sports (@footballontnt) December 12, 2018

“Ne shënuam dy herë, por humbëm, në vend që të fitonim. Përtej shakave, luajtëm një pjesë të parë të dobët dhe pasive, ndërsa në të dytën ishim më mirë, por pa ambicie dhe pa intensitet në lojë”, tha Murinjo.

Portugezi bëri ndërrime në pjesën e dytë, me Rashford në vend të Fred dhe më pas me Lingard në vend të Lukakut. Pikërisht për këto ndërrime Mou lëshoi një deklaratë që ngjan si kritikë e hapur për dy titullarët: “Bëra dy ndërrime dhe skuadra ndryshoi fytyrë, luajtëm më mirë dhe krijuam raste të pastra, mund të barazonim në disa momente”.

Aktualisht numëron vetëm shtatë prezenca në Premier Ligë dhe duket shumë larg atij lojtari që kemi parë në Ukrainë. Tashmë, 25-vjeçari duket se ka humbur dhe vendin në kombëtaren e brazilit, por shqetësimi krysor mbetet aktivizimi te Junajtid. Lidhur me këtë çështje më së fundmi ka vendosur të flasë Zhose Murinjo, i cili ka deklaruar se brazilianit i duhet e ende kohë, pasi Mançester Junajtid ka probleme në mbrojtje për momentin dhe i duhen mesfushorë që të ruajnë balancat në fushë.

“Hap pas hapi. Ka lojtarë të tjerë, në klube të tjera, që i është dashur kohë dhe madje kanë lozur edhe më pak se Fred. Do të ketë shansin e tij kur mbrojtja jonë të jetë më e fortë. Për momenin skuadra ka nevojë për mesfushorë që ruajnë balancat se sa në krijimin e rasteve për shënim. Kur të rregullojmë mbrojtjen, situata e Fred do të ndryshojë krejtësisht”, përfundoi Murinjo.

Në një intervistë për mediet braziliane, Fred shprehu zhgënjimin për minutat e pakta, që kanë bërë që ai të mos thërritet më në kombëtaren braziliane, pas dy vitesh, ku ishte bërë pjesë stabël e grumbullime të “Seleçaos”.

“Kam luajtur pak dhe e kuptoj se përse nuk kam marrë ftesë nga profesor Tite (trajneri i Brazilit). Jam shumë i mërzitur, por më duhet të eci përpara. Kam pasur një fillim të vështirë te Junajtid. Te Shaktari luaja shumë, ndërsa këtu akoma s’jam përshtatur siç duhet”.

“Bëra një paraqitje të mirë në Champions kundër Young Boys. Patëm shumë raste shënimi, megjithëse goli i vetëm i takimit edhi në minutat e fundit”, tha 25-vjeçari.

Në këtë situate të zymtë, nuk ka se si të mos krijohen polemika ndërmjet Murinjos dhe lojtarëve. Sipas së përditshmes britanike “Daily Record”, në përfundim të ndeshjes së kaluar, tekniku portugez ka debatuar ashpër me mesfushorin Pol Pogba. Media britanike thekson se lajmin e ka siguruar nga një burim brenda skuadrës së Junajtid.

“Ti nuk ke dëshirë të luash. S’po respekton shokët e skuadrës dhe tifozët. Po dëmton të gjithë skuadrën me sjelljen tënde”, ishin disa nga fjalitë që Murinjo i tha mesfushorit francez. Çka e bën të besueshëm lajmin e mësipërm është dhe fakti që Murinjo ose klubi i Mançester Junajtid nuk lëshuar asnjë komunikatë për shtyp për të përgenjështruar lajmin e “Daily Record”, siç ka ndodhur me qindra herë në të shkuarën.

U duk se Junajtid po mbyllte ndeshjen e tretë pa gol në fushën e vet në Champions, diçka pa precedent në historinë e Red Devils.

"We've just scored a goal but we're talking about Jose Mourinho's reaction."@rioferdy5 thinks Jose's reaction screamed 'all eyes on me' ? pic.twitter.com/exhIw3WVo5

— Football on BT Sport (@btsportfootball) November 27, 2018

Megjithatë, mesfushori belg shënoi një gol vendimtar në minutën e 91-të dhe Murinjo nuk u ndal te loja aspak e mirë, duke u përqendruar te triumfi final.

“Jam i lumtur me ritmin e skuadrës. Jam i lumtur me mënyrën si e nisëm, ashtu e kishim planin dhe bëmë gjithçka si duhej.

“Natyrisht, nuk është e lehtë për djemtë të përballen me stresi dhe presionin e një rezultati që nuk na shkonte për shtat, por rëndësi ka që u kualifikuam.

“Për disa nga ata që më duan, dua të them vetëm që – për ata që i kanë qejf statistikat – 14 sezone në Champions League, 14 herë skuadrat e mia e kanë kaluar fazën e grupeve, asnjëra nuk ka ngecur. Sezonin që nuk luajta në Champions, fitova Europa League. Është një bilanc i mirë”.

? We left it late but that victory sees #MUFC into the #UCL knockouts! pic.twitter.com/7l24QN2GNc

— Manchester United (@ManUtd) November 27, 2018

“El pipe de oro” ka folur për prestigjiozen spanjolle “Marca”, në lidhje me rivalitetin e trajnerëve Guardiola-Murinjo, si dhe ka zbuluar trajnerin, nga i cili kërkon të mësojë. Sipas 58-vjeçarit argjentinas, Zhose Murinjo është më i mirë se Guardiola, madje ka shtuar se portugezi është trajneri më i mirë në botë.

“Për mua, Murinjo është më i miri. Unë si trajner kam nevojë të mësoj akoma më shumë dhe për këtë arsye mendoj se do të shkoj në Mançester dhe të pyes Murinjon për shumë gjëra. Ai është më i miri padyshim”, ka përfunduar fjalët e tij Maradona.

Tifozët e Sitit shijuan hakmarrjen për humbjen e pësuar në prill dhe sot spektakli i Sitit ishte impresionues, aq sa për periudha të gjata tifozët shoqëronin me brohoritje pasimet e skuadrës së Guardiolës.

Goli i tretë i Sitit, shënuar nga Ilkaj Gyndogan, ishte për rekord, sepse Qytetarët e pasuan plot 44 herë topin pa e humbur, derisa erdhi goli.

Rekordi i mëparshëm mbahej nga Junajtid, me Huan Matën që shënoi pas 45 pasimesh rresht, në një ndeshje kundër Sauthemptonit në vitin 2015, me Luis van Gal në drejtim.

44 – There were 44 passes in the build-up for Ilkay Gündogan's goal v Manchester United – the most before a goal in the Premier League since Juan Mata scored for Man Utd against Southampton in September 2015 (45). Fluid. #MCIMUN pic.twitter.com/cE4h6CmmZ0

— OptaJoe (@OptaJoe) November 11, 2018

Ndeshja u zhbllokua nga David Silva në minutën 12-të, ndërsa tri minuta në fillim të pjesës së dytë, Aguero tregoi se mund të të ndëshkojë për pakujdesinë më të vogël duke çuar shifrat në 2 – 0. Një ndërhyrje e gabuar e portierit Ederson, i mundësoi Junajtid të ngushtonte diferencën me një 11-metërsh. Por, goli i Gyndogan në të 86-ën vulosi fatin e takimit.

Arsenali ka regjistruar barazimin e tretë radhazi në kampionatin anglez. Djemtë e Unai Emeri janë ndalur 1 – 1 në “Emirates” nga Ulverhempton. Ivan Kavaleiro kaloi në avantazh vizitorët në minutën e 13-të, ndërsa “topçinjtë” barazuan shifrat me anë të Mkhitarjan në minutën e 86-të.

Trajneri i Napolit ndalet dhe tek kolegu i tij, Zhoze Murinjo, i cili u bë protagonist i një episodi me tifozët e Juventusit, pas fitores së Junajtid në Torino me rezultatin 1-2.

Ançeloti i del në mbrojtje portugezit, bën thirrje për më shumë thjeshtësi dhe kërkon që t’i jepet fund grindjeve të shumta. Trajneri pret ndonjë dhuratë nga Gatuzo dhe Milani, që do të përnballen me Juventusin, pavarësisht se pohon të kundërtën si dhe e mbyll konferencën me një një vlerësim për Kristof Piatek, sulmuesin polak të Xhenoas, i cili është një nga zbulimet pozitive të Serie A.

XHENOA – “Ne kemi bërë mirë deri më tani, por mund të bëjmë dhe më mirë. Grackat duhen kapërcyer çdo ditë dhe nesër ka një tjetër. Përballemi me një ekip, që ndodhet në vështirësi dhe kjo gjë i ka motivuar shumë. Jam i lumtur me atë që po bën skuadra, nesër pres një test pjekurie, sepse është e komplikuar të gjesh motivime të mëdha, kur kundërshtari nuk është PSG.”

FORMACIONI – “Nesër do i bëj zgjedhjet në bazë të formës fizike të lojtarëve. Kam idenë që nevojitet shumë forcë për të dominuar ndeshjen.”

MILAN-JUVENTUS – “Nuk pres dhurata dhe si një simpatizant pres të shoh një ndeshje të bukur. Ne mendojmë për veten dhe për të zhvilluar një kampionat pozitiv. Jemi përmirësuar në fillimet e ndeshjes, por duhet të jemi më të vazhdueshëm dhe të bindur, të saktë në konkretizim dhe të aftë për të lexuar momentet e rëndësishme të ndeshjes. Unë dua që të gjithë të kenë dëshirën për të luajtur, pastaj ka zgjedhje, që mund të kuptohen, ose jo. Mertens? Ai ka patur problem në shpatull, por është rikuperuar dhe stërvitur normalisht.”

MURINJO – “Reagimi i tij mund të qëndrojë, pasi është ofenduar gjatë gjithë ndeshjes. Ai bëri një gjest ironik dhe nuk ishte aq i rëndë. Problemi është kulturor dhe nuk i referohem vetëm tifozëve të Juves, sepse gjëra të tilla ndodhin dhe në Napoli e Milano, ose në stadiume të tjera. Boll me grindje, le ta jetojmë sportin në mënyrë të thjeshtë dhe të përgjegjshme.”

PIATEK – “Po bën shumë mirë dhe si të gjithë lojtarët me kualitet, mund të pretendojë të luajë në skuadra të mëdha. Për momentin, ai ndodhet në ambientin ideal, duke patur parasysh që sapo ka ardhur në Itali.”

Tekniku portugez në fundin e ndeshjes u drejtua nga tifozët e bardhezinjve, duke bërë gjeste sikur nuk po i dëgjonte, pasi doli fitimtar nga ndeshja. Lidhur me këtë gjest ka folur një legjendë e Mançester Junajtid, siç është Pol Skolls. Mesfushori ka thënë në mediat angleze që gjesti i trajnerit portugez nuk është i hijshëm dhe nuk tregon klas.

“Duhet të fitosh dhe me klas. Nuk mendoj se ka nevojë të bësh gjeste të tilla. Shtrëngo duart me trajnerin kundërshtar dhe duartrokit tifozët, kjo është mënyra më e mirë. Ishte e panevojshme, por Murinjo i tillë është. Nuk tregoi klas me atë veprim”, përfundoi fjalët e tij ish-mesfushori.

Pas gjestit me prangat, pas vrapit legjendar në fushën e Camp Nou që po lagej, një tjetër imazh përfshihet me galerinë e trajnerit portugez.

Pas përmbysjes së bujshme ndaj Juventusit, që në ato Rino nuk mundej prej 8 vitesh në grupet e Champions League, Murinjo priste me padurim që të dëgjonte fishkëllimën finale, sepse i duheshin 3 pikët, por edhe sepse fitorja vlen shumë për një interistë si ai, brenda në Torino.

Sapo mbaroi, Nou u kthye nga tifozët dhe u tregoi veshin, sikur t’u thoshte “Nuk po iu dëgjoj”. Një çlirim, një shfryrje nervash, në stilin e Special One.

Bonucci e Chiellini shkuan t’i kërkonin llogari por atë gjest, por Murinjo nuk i përfilli, vazhdoi spektaklin personal.

Pas ndeshjes Mou tha: “Më ofenduan për 90 minuta, unë edha këtu për të bërë punën time, asgjë më shumë. Në fund të ndeshjes e bëra atë gjest, që nuk do e bëja tani, por njerëzit me ofendonin, jo thjesht si interist, por sidomos për familjen time”.

Gjithsesi, përveç ndeshjes, ajo që ra në sy ishte deklarata e Murinjos pas sfidës, ku tekniku portugez tha për mediat se Bonuçi dhe Kielini duhet të shkojnë në Universitetin e Harvardit për të dhënë mësim se si mbrohet. Lidhur me këto deklarata, Xhorxho Kielini ka dhënë një përgjigje, teksa ka thënë se mund të shkojë në Harvard, por vetëm si student.

“Do të më pëlqente shumë që të shkoja atje. Unë kam mbaruar ekonomi në Universitetin e Torinos dhe do të kisha dëshirë që të bëja një master në Harvard. Do të shkoja si student, jo si profesor për taktikat mbrojtëse”, ka përfunduar Kielini.

“Rruga e vetme për t’u përmirësuar është që të afrojmë në skuadër lojtarë që bëjnë diferencën dhe për këtë duhen bërë investime të fuqishme. Sigurisht, e di që nuk është e lehtë. Për momentin më duhet të improvizoj me ato lojtarë që kam”, tha 55-vjeçari.

Murinjo ndodhet në sezonin e tij të tretë në krye të “djajve të kuq”, periudhë në të cilën në klub janë shpenzuar 400 milionë Euro për të përforcuar skuadrën me lojtarë cilësorë, ku blerjet më të dalluara janë ato të Pol Pogbas (120 milionë Euro) dhe Romelu Lukakut (96 milionë Euro).

Ajo që bie në sy në formacionin e Mançester Junajtid është se për herë të parë pas plot 46 sfidas, Zhose Murinjo preferon të njëjtat zgjedhje, si të sfidës së shkuar. Junajtid luajti ndaj Çelsit në fundjavë dhe formacioni i “djajve të kuq” ishte i njëjtë me formacionin që do të zbresë sot në fushë. Padyshim një rekord ky për Zhose Murinjon dhe Junajtid.

Team news for tonight’s massive #UCL clash… #MUFC pic.twitter.com/RE0hspoXBH

— Manchester United (@ManUtd) October 23, 2018

? Here it is – today’s #MUFC team news! ?#CHEMUN pic.twitter.com/RUILdV8cvY

— Manchester United (@ManUtd) October 20, 2018

Ksavi, tashmë 39-vjeçar ka folur për mediat, teksa ka deklaruar se tashmë me shumë mundësi do të përqendrohet për t’u bërë trajner. Spanjolli gjithashtu ka folur në lidhje me ndeshjen e nesërme, që Barça do të luajë ndaj Interit, teksa kujton dhe eliminimin që pësoi Barça e tij pikërisht nga Interi në vitin 2010.

E ARDHMJA – “Jam 99% i sigurt se ky do të jetë sezoni im i fundit me futbollin e luajtur. Jam 39 vjeç tashmë dhe është normale që të ndihesh i lodhur dhe i gatshëm për të bërë gjëra të reja. Tani po mendoj që të bëhem trajner, por akoma nuk e kam vendosur përfundimisht. Nuk është koha për të zyrtarizuar lamtumirën, por në mendjen time është krijuar tashmë rruga që do të ndjek”.

STILI I LOJËS – “Murinjo është një trajner shumë mbrojtës dhe të luaje ndaj Interit të tij nuk ishte aspak e lehtë. Ai është stili i tij dhe këtë stil loje kishte edhe te Çelsi apo te Reali. E gjitha është te detajet e vogla, të mbyllësh hapësirat dhe mos ta lejosh kundërshtarin të ketë mundësi. Unë preferoj një stil tjetër. Nuk po e kritikoj stilin e tij, thjesht mua nuk më përshtatet një lojë e tillë dhe ekipet e mia kurrë nuk do të zgjedhin atë lojë”.

BARCELONA-INTER – “Do të jetë njësoj si në vitin 2010. Barcelona do të dominojë gjithçka dhe do të komandojë lojën, ndërkohë Inter do të kërkojë për Perishiç ose Ikardi që të kapë në befasi. Ish-shokët e mi janë favoritë, do të mbajnë topin dhe do të mundohen të krijojnë sa më shumë probleme për Interin. Nuk është e lehtë të shkosh në “Camp Nou” dhe mos të vuash. Inter ka një avantazh, pasi mungesa e Mesit është diçka që ndihet. Është më i miri që kam luajtur ndonjëherë dhe mund të bëjë diferencën në çdo çast. Mesi është lojtari më i mirë i të gjithë kohërave”, përfundoi Ksavi.