Moto Gp

Dovizioso i pafuqishëm, titulli i gjashtë “prenotohet” nga Marquez

Sport Ekspres — Sun, 04 Aug 2019 13:58:24 +0000

Piloti i Hondës, Marc Maquez, ia ka dalë të thellojë diferencë me rivalin e tij Andre Dovizioso. Spanjolli siguroi fitoren e gjashtë të sezonit në pistën çeke të Brnos, ndërsa garuesi italian u tregua 2.452 sekonda më i avashtë, duke marrë vendin e dytë në podium.

Në ndjekje të dyshes së njohur u renditën australiani Miller dhe Rins. Në 10 xhirot e parë të garës diferenca midis Maquez dhe Dovizioso ishte vetëm 0.4 sekonda, por në pjesën tjetër të garës, spanjolli u tregua dukshëm superior.

Kur kanë mbetur vetëm 9 gara nga fundi i sezonit Marquez, ka një avantazh prej 63 pikësh ndaj Doviziosos. Titulli i gjashtë kampion dhe i katërt radhazi duket fare pranë.

Renditja e Garës!

Renditja e përgjithshme!

VIDEO | Aksident i frikshëm i Lorenzos, spanjolli rrezikon dy muaj jashtë

Sport Ekspres — Fri, 28 Jun 2019 15:52:49 +0000

Piloti spanjoll Jorge Lorenzo nuk do të marrë pjesë në garën e Asenit në Holandë dhe me shumë mundësi as në Gjermani javën e ardhshme. 32-vjeçari humbi kontrollin e motorit gjatë provave të lira dhe ka pësuar një dëmtim në vertebër.

Sadly @lorenzo99 has been declared unfit for the remainder of the #DutchGP. Updates to follow.

Animo Jorge! pic.twitter.com/6fPxn4QTRx

— Repsol Honda Team (@HRC_MotoGP) June 28, 2019

Gjatë përkuljes për të marrë kthesën mjeti nuk ka arritur fërkimin e duhur me asfaltin dhe ka dalë jashtë pistës, me pilotin që përfundoi duke u rrotulluar disa herë në ajër. Katalanasi po perjeton një periudhë aspak të mirë në karrierën e tij.

Dëmtimet nuk i ndahen dhe ambientimi me motorrin e ri po ndodh shumë ngadalë. Pas vizitave në qendrën spitalore, ekzaminimet e para sinjalizojnë se Lorenzo mund të mungojë rreth dy muaj. Një lajm shumë i keq, që e përjashton spanjollin nga çdo objektiv sezonal.

Moto GP: Triumfon Markez, mposht Dukatin në Francë

Sport Ekspres — Sun, 19 May 2019 13:23:23 +0000

Sot është zhvilluar gara e pestë e sezonit në MotoGP. Mark Markez ia ka dalë të triumfojë në çmimin e madh të Le Manshit. Kampioni në fuqi u nis nga vendi i parë dhe nuk pati probleme për të fituar garën e zhvilluar në Francë.

Pas tij u renditën dy motorët Dukati. Andrea Doviciozo e mbylli i dyti, ndërsa podi u kompletua nga Danilo Petruçi. Vetëm vendi i pestë për Jamahën e Valentino Rosit, i cili e mbylli garën pas Xhek Milerit të Pramac Racing.

Jashtë gare përfunduan Mark Vinjales dhe Andrea Janone. Fitorja e sotme e ngjit Markezin në vend të parë me 95 pikë, i ndjekur nga Doviciozo me 8 pikë më pak dhe Aleks Rins me 75 pikë. Në vend të katërt renditet Valentino Rosi me 72 pikë, ndërsa gara e ardhshme do të zhvillohet në Itali.

Renditja e garës së sotme

Spektakël i Dukatit, triumfojnë edhe në Austri

Sport Ekspres — Sun, 12 Aug 2018 14:32:23 +0000

Një triumf i madh për Horge Lorencon në garën e Moto GP së Austrisë. 31-vjeçari me Dukatin e tij ka fituar duelin me Mark Markez duke mbërritur i pari në finish. Podi plotësohet nga një tjetër Dukati me Andrea Doviciozon, i cili e mbylli në vendin e tretë. Një garë e mirë dhe për Valentino Rosin, i cili e mbylli në vendin e gjashtë dhe rezultati mund të quhet pozitiv, duke llogaritur që “Doktori” e nisi nga vendi i 14.

Spektakël dhe parakalime në garën e “Red Bull Ring” të Austrisë. Markez niset i pari dhe pas tij Doviciozo dhe Lorenco. Duel i fortë mes treshes së parë dhe parakalimet dhe ndërrimet e pozicioneve ndodhin gjatë gjithë garës. Një pistë e favorshme për Dukatin dhe pavarësisht duelit të zjarrtë midis Markez dhe Lorencos, në fund ka triumfuar ky i fundit, duke i dhënë një tjetër fitore motorit italian. Me fitoren e sotme, Lorenco ka arritur triumfin e tretë personal për këtë sezon.

Horge Lorenco parakalon në renditjen e përgjithshme dhe shokun e tij, Andrea Doviciozo dhe tashmë renditet në vendin e tretë. Markez vazhdon kryesimin e kampionatit në kuotën e 201 pikëve. Në vend të dytë është Valentino Rosi (142) me 59 pikë më pak. Podin e kompleton Lorenco (130), i cili ka kaluar shokun e tij te Dukati, Andrea Doviciozo (129) me një pikë më shumë.

Renditja e pilotëve në garën e Austrisë

MotoGP, Dukati nuk njeh rivalë në Brno

Sport Ekspres — Sun, 05 Aug 2018 13:02:47 +0000

Ashtu si provat zyrtare, edhe gara e Moto GP në BRNO në Çeki ka qenë emocionuese. Në fund ishte Andrea Doviciozo ai që triumfoi. Italiani e nisi garën i pari dhe në fund arriti të triumfonte. Dukati i tij i dha mundësinë të fitonte këtë garë, ndërkohë që në lartësinë e duhur ishte edhe Horge Lorenco, shoku i tij i skuadrës.

Ai e mbylli garën i dyti, ndërkohë që e kishte nisur nga vendi i katërt. Mark Markez e mbylli aty ku ish nisur: në vendin e tretë. Valentino Rosi nuk mundi dot që të zinte një vend më lart se pozicioni i katërt. Piloti italian humbi dy pozicione nga ai i nisjes, duke mos u renditur dot as në podium.