MOshat

Apolonia e mbylli sezonin, të rinjtë mbajnë në lojë futbollin fierak

Sport Ekspres — Fri, 17 May 2019 13:09:26 +0000

Apolonia për të rritur e ka pushim javën e 26-të në Kategorinë e Parë, por këtë fundjavë epiqendra e futbollit fierak janë ekipet e moshave U19 dhe U17. Në Kategorinë e Parë, 19-vjeçarët fierakë presin në Fier moshatarët e Lushnjes, e duke qenë 1 pikë para tyre ata kanë më shumë shanse për t’u ngjitur në Superiore.

Apolonia U17 luan me Football Republic në Tiranë, skuadër që kryeson me 3 pikë nga Apolonia. Klubi fierak kërkon mbështetjen e tifozerisë në këtë ndeshje dhe ka bërë edhe njoftime për të ushëtuar drejt kryeqytetit.

“Finalet e sezonit! Dy autobusë falas drejt Tiranës, nisja në orën 07:00 te stadiumi ditën e diel! Ekipet e moshave këtë javë duan mbështetje më shumë se gjithë sezonin, sepse java e fundit e kampionatit vlen sa vetë sezoni!

Ekipi U-17 do të luajë ndeshjen finale kundër “Football Republic” në Tiranë, ndërsa në “Loni Papuçiu” ekipi U-19 do të presë Lushnjen!”, kështu shkruhet në postimin që klubi fierak ka bërë në faqen zyrtare në Facebook.

AGRON KAJA

Biturku: Jam i kënaqur, futbolli shqiptar ka shumë talente!

Sport Ekspres — Wed, 30 Jan 2019 17:42:16 +0000

Shqipëria U-20 luajti ditën e sotme një test miqësor me skuadrën e Partizanit B, ndeshje, që përfundoi me fitoren e pastër të kuqezinjve, me shifrat 3-0. Pas sfidës, tekniku i kombëtares U-20, Ilir Biturku foli për sajtin zyrtar të federatës së futbollit.

“Kombëtarja U-20 e Shqipërisë është një skuadër që rrjedh nga kombëtarja U-19. Kemi marrë për bazë pjesën më të mirë të lojtarëve që kanë qenë në këtë kontingjent, por njëkohësisht kemi edhe lojtarë që janë seleksionuar prej këtyre ndeshjeve miqësore.

Kemi një grup prej 30 lojtarësh dhe mendoj se është një risi, sepse është një hallkë e mbushur e një zinxhiri që ka qenë i shkëputur nga U-19. Ne kemi këtë mundësi për të mbajtur sportistët të bonifikuar dhe të gjithë si skuadër janë të gatshëm të kalojnë te Shpresat.

Jemi shumë të kënaqur si staf me lojtarët që kemi, pasi në Superligë dhe në Kategorinë e Parë ka shumë lojtarë cilësore. Një rezyme të përgjithshme do të japim pas grumbullimit në muajin mars. Vetëm atëherë do të kuptojmë se kush do të jetë Kombëtarja U-20 A.

Do të ketë dhe një kombëtare U-20 B, ku do t’iu jepet mundësia shumë lojtarëve. Mustedaganiç ka krijuar një staf specialistësh që gjejnë shumë talente dhe unë personalisht jam i bindur se futbolli shqiptar ka shumë talente”,- u shpreh Biturku

Plani për kombëtaret e moshave, rrëfehet “Xhema” Mustedanagiç

Sport Ekspres — Fri, 25 Jan 2019 15:09:24 +0000

Përfaqësueset e grupmoshave i janë nënshtruar një revolucioni me qëllim përmirësimin e cilësisë dhe zbulimin e sa më shumë talenteve. Xhemal Mustedanagiç vendosi të linte mënjanë kostumin sportiv për të veshur atë të zyrtarit dhe në rolin e shefit të sektorit të ekipeve kombëtare, ka marrë përsipër të ndryshojë të ardhmen e kuqezinjve.

Madje së fundmi, është marrë një vendim: krah përfaqësueseve kryesore do të ketë edhe një skuadër B për grupmoshat. Qëllimin e zbulon vetë Mustedanagiç për “Supersport”, ku u shpreh:

EKIPET B – “Qëllimi kryesor është të shohim sa më shumë lojtarë që luajnë brenda Shqipërisë, të kenë mundësinë të aktivizohen dhe t’i vëzhgojmë nga pranë. Ekipi B te të gjitha grupmoshat do të ketë lojtarë që luajnë në Shqipëri, do të zhvillojnë ndeshje të forta për t’i testuar. Ekipin B do ta shfrytëzojmë edhe për lojtarë që dëshirojnë të provohen. Do të kemi mundësinë që provat të zhvillohen pikërisht tek ky ekip, duke mos e prekur skuadrën kryesore. Duhet që fillimisht lojtarët të kalojnë nga përfaqësueset B”.

PLANI – “Gjithçka do të ndahet në tri faza. E para, duhet të formojmë kultin e kombëtares, jo çdo njeri mund të luajë me përfaqësuesen. Faza e dytë është të përparojmë dhe të instalojmë rregullat dhe të zhvillojmë në çdo pikë ekipet kombëtare dhe e treta është faza që unë e quaj atë të përsosmërisë. Në mënyrë të vazhdueshme duhet të zhvillojmë talente për kombëtaren e madhe”.

OBJEKTIVI – “Ne synojmë që çdo vit të dërgojmë te kombëtarja e Panuçit 3 lojtarë, është shumë mirë sikur të shkojë edhe vetëm një. Unë jam shumë optimist, sepse Shqipëria ka shumë talente dhe potencial. Fëmijët shqiptarë janë shumë të lidhur me fanellën. Duhet pak kohë dhe durim, por besoj se një ditë Shqipëria do të jetë në nivele të larta. Më pëlqen fakti që shumë shqiptarë që aktivizohen jashtë kanë shprehur gatishmërinë të vishen kuqezi. Natyrisht, nga jashtë do të marrim vetëm ata që janë ‘top player’, nëse kanë të njëjtin nivel me ata që luajnë në kampionatin vendas, atëherë do të kenë prioritet futbollistët që aktivizohen në Shqipëri”.

KUALIFIKUESET – Jam optimist, por U-17 dhe U-19 kanë në grup skuadra të vështira, megjithatë kam besim që mund të shkojmë deri në ‘Elite Round’. Kombëtarja mendoj se do të jetë pjesë e rëndësishme e futbollit europian, dua me zemër që skuadra e Panuçit të shkojë në Europian”,- u shpreh Musteganadiç.

“Boksierët” e së Parës dhe moshave, pezullime pafund

Sport Ekspres — Tue, 27 Nov 2018 14:52:49 +0000

Fundjava ka pasur goxha ndeshje me tension, teksa në takimin Vora-Shënkolli kishte sherr në fushën e blertë mes futbollistëve. Tre lojtarë të miqve janë pezulluar, kurse një nga vendasit e ka pësuar, ashtu sikurse ka dënim të fushës së Vorës për dy ndeshjes.

Edhe në Krujë në ndeshjen Kastrioti-Kukësi U19 ka pasur probleme dhe janë disa lojtarë të pezulluar. Nuk kanë shpëtuar as te Veleçiku, Burreli e Besëlidhja, klube të cilave u është pezulluar nga një futbollist.

VENDIMET E KOMISIONIT TË DISIPLINËS
KF “Veleçiku”, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

Zyrtari i KF “Veleçiku”, Zeqir Dukaj, për sjellje jo sportive ndaj zyrtarëve të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktiviteti. Në bazë të nenit 20 të KDS, zyrtarit i ndalohet qëndrimi në stolin e rezervave, dhomat e zhveshjes dhe territorit përreth fushës.

Lojtari i KF “Veleciku”, Brilant Hasaj, për sjellje jo sportive ndaj lojtarit kundërshtar, në bazë të Nenit 48/1/d të KDS, dënohet me 3 (tre) ndeshje pezullim nga aktiviteti.

KF “Burreli”, në bazë të Nenit 13 të KDS, paralajmërohet se në rast përsëritje të vonesave në fillimin e lojës, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

Lojtari i KF “Besëlidhjes”, Issiaga Camara, për sjellje jo sportive ndaj lojtarit kundërshtar, në bazë të Nenit 48/1/d të KDS, dënohet me 2 (dy) ndeshje pezullim nga aktiviteti.

Lojtari i KF “Erzeni”, Jurgen Goxha, për provokim të publikut, në bazë të Nenit 53 të KDS, dënohet me 2(dy) ndeshje pezullim nga aktiviteti.

KF “Vora, për sjellje të gabuar të spektatorëve, në bazë të Nenit 66/3/a të KDS, dënohet me 2(dy) ndeshje pa spektatorë në stadiumin përkatës.

Lojtari i KF “Vora”, Akil Dimo, për goditje ndaj lojtarit kundërshtar dhe si insiator i dhunës në ndeshjen Vora -Shënkolli, në bazë të Nenit 48/1/e të KDS, dënohet me 8 (tetë) ndeshje pezullim nga aktiviteti.

Lojtari i KF “Shënkolli”,Rinev Danaj, për goditje ndaj lojtarit kundërshtar dhe si insiator i dhunës në ndeshjen Vora -Shënkolli, në bazë të Nenit 48/1/e të KDS, dënohet me 8 (tetë) ndeshje pezullim nga aktiviteti.

Lojtari i KF “Shënkolli”,Ervis Dedaj , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari I KF “Shënkolli”,Bledi Zefi , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

KF “Besa”, në bazë të Nenit 13 të KDS, paralajmërohet se në rast përsëritje të hedhjes së sendeve në fushën e lojës , do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

KF “Vllaznia B”, në bazë të Nenit 13 të KDS, paralajmërohet se në rast përsëritje të dështimit në përmbushjen e përgjegjësive, do të jetë subjekt i masave disiplinore që parashikon Kodi i Disiplinës Sportive dhe rregulloret e tjera të FSHF.

KF “Tërbuni”, për sjellje të gabuar të spektatorëve duke hedhur sende brenda rrethimit të fushës, në bazë të Nenit 66/2 të KDS, dënohen me gjobë me vlerë 100.000 (njëqindmijë) lek . Në aplikim të Nenit 136/1/b të KDS, gjoba paguhet në masën 20%.

Lojtari i KF “Naftëtari”,Egland Lamaj , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Skrapari”, Azis Pepa , për goditje ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

Zyrtari i KF “Maliqi”, Gëzim Marjanaku, për prostesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2(dy) ndeshje pezullim nga aktiviteti. Në bazë të nenit 20 të KDS, zyrtarit i ndalohet qëndrimi në stolin e rezervave, dhomat e zhveshjes dhe territorit përreth fushës.

Urdhërohet riluajtja e ndeshjes së femrave midis FC Term dhe KF Apollonia Femra, në bazë të nenit 86 të Rregullores së Veprimtarisë Futbollistike të Aktivitetit për Futbollin e Femrave;

Lojtari i KF “Partizani” U-19 , Stefano Llalla, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Akademia” U-19, Xhoi Hajderaj, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Kastrioti” U-19, Saba Sallaku , për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Kukësi” U-19, Ervis Patarria, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

Lojtari i KF “Kukësi” U-19 ,Enis Jakupi , për sjellje jo sportive, në bazë të Nenit 48/1/d të KDS, dënohet me 2 (dy) ndeshje pezullim nga aktiviteti.

Lojtari i KF “Kastrioti” U-19, Kleandro Demerxhiu, për goditje ndaj lojtarit kundërshtar, në bazë të nenit 48/1/e të KDS, dënohet me 5 (pesë) ndeshje pezullim nga aktiviteti.

KF “Kastrioti” U-19, për dështim në përmbushjen e përgjegjesive, hyrjen e personave të autorizuar në fushën e lojës duke shkaktuar akte dhune dhe ndërprerjen përfundimtare të ndeshjes, në bazë të Nenit 65/3/b të KDS, dënohet me humbjen e ndeshjes në tavoline me rezultatin 3 me 0 dhe zhvillimin e 4 (katër) ndeshje pa spektator në stadiumin përkatës.

KF “Kukësi” U-19, për sjellje të gabuar të spektatorëve duke hyrë në fushën e lojës persona të pa autorizuar dhe duke shkaktuar akte dhune, në bazë të Nenit 66/2 të KDS, dënohet me gjobë me vlerë 1.000.000 (një milion) lek. Në aplikim të Nenit 136/e të KDS, gjoba paguhet në masën 3%.

Zyrtari i SSH “Pepa” U-17, Meridian Kacollja, në bazë të Nenit 13 të KDS, paralajmërohet se në rast përsëritje të protestave ndaj vendimeve të zyrtarit të ndeshjes do të jetë subjekt i masave ndëshkimore që parashikon Kodi i Disiplinës Sportive dhe rregulloret e tjera të FSHF.

U19 | “Shpërthen” Shkëndija e Tiranës, garë e fortë në grupin B

Sport Ekspres — Sun, 30 Sep 2018 13:10:00 +0000

Sot është zhvilluar dhe java e pestë e Kategorisë Superiore për 19-vjeçarët. Rezultate deri diku të pritshme, pasi në grupin a, Shkëndija e Tiranës vijon që të dominojë, pasi sot ka shpartalluar Porton me rezultatin 7-0.

Tirana po ashtu ka arritur që të marrë pikë të plota ndaj Akademia AAS, ndërsa Partizani ka ngecur në një barazim 2-2 me Laçin. Sukses ka arritur dhe Iliria.

U19 / Grupi A/ Java e pestë

Tirana 2-0 Akademia AAS

Shënues: Veriu 20’, 30’

Laçi 2-2 Partizani

Shënues: Prenga 59’ 82’/ Çela 4’, Gjikaj 12’

Shkëndija Tr. 7-0 Porto

Shënues: Bushi 9’, Ajazi 38’, 64’ Leci 40’ , Gjeta 74’,84’, Culi 90’

Internacional Tr. 1-2 Iliria

Shënues: Bernaca 48’ / Sulaj 17’ (pen), Manushi 72’

Në Grupin B nuk është zhvilluar ndeshja mes Tomorit dhe Dinamos. Garë e fortë për kreun, pasi Flamurtari, Besa, Shkëndija e Durrësit dhe Teuta ndajnë vendin e parë me nga 12 pikë secila. Vlonjatët kanë triumfuar në Pogradec, ndërsa Besa me goleadë ka fituar ndaj Elbasanit. Shkëndija e Durrësit është mjaftuar nga një gol në transfertë me Skënderbeun, ashtu si dhe Teuta me Luftëtarin,

U19 / Grupi B / Java e pestë

Tomori – Dinamo (nuk u luajt)

Besa 5-0 Elbasani

Shënues: Lemeti 7’, Deliu 22’, 32’, Daja 27’ Gjongecaj 75’

Skënderbeu 0-1 Shkëndija Dr.

Shënues: Hoxha 85’

Teuta 1-0 Luftëtari

Shënues: Pashollari 21’

Pogradeci 1-3 Flamurtari

Shënues: Hyzellari 20’ / Merkaj 53’, Rrapaj 83’, 84’

U-17 | Mbyllet java e pestë, kryesues të ri në të dyja grupet

Sport Ekspres — Sun, 30 Sep 2018 10:41:11 +0000

Janë mbyllur dhe ndeshjet e javës së pestë në Kategorinë Superiore për 17-vjeccarët. Në grupin A Tirana ka kaluar Kukësin në shtëpi dhe shkon në kuotën e 13 pikëve duke mbajtur vendin e parë në klasifikim, kjo pasi Porto ka ngecur në një barazim me Shkëndijën e Tiranës.

Edhe Partizani ka kaluar Laccin në transfertë, me kurbinasit që gjenden në vendin e fundit. Në barazim pa gola është ndarë dhe ndeshja mes Internacional Tiranës dhe Briansit.

U17 Grupi A Java e 5-të

Tirana 2-0 Kukësi

Shënues: Tafa 13’ Gjuzi 30’/

Laçi 1-3 Partizani

Shënues: Lika 50’/ M. Marku 25’, 43’, B. Marku 55’

Shkëndija Tr. 2-2 Porto

Shënues: Smajli 18’, 56’/ Marki 52’, Lekaj 73’

Internacional Tr. 0-0 Brians

Shënues: Ska

Në grupin B, Teuta ka mundur Luftëtarin pastër 2-0 në shtëpi dhe i ka arritur këto të fundit në renditje me 12 pikë. Flamurtari nuk ka mundur që të shkojë më shumë se një barazim 2-2 në Pogradec, ndërsa Dinamo, Skënderbeu dhe Besa kanë regjistruar gjithashtu fitore.

U17 / Grupi B / Java e 5-të

Sh.S.Pepa 0-1 Dinamo

Shënues: Bala 6’

Besa 2-0 Elbasani

Shënues: Muzhaqi 35’, Lilamani 75’

Skënderbeu 2-1 Shkëndija Dr.

Shënues: Vanko 33’, Çardhaku 70’/ Barzezi 12’

Teuta 2-0 Luftëtari

Shënues: Muka 36’, Lajthia 45’

Pogradeci 2-2 Flamurtari

Shënues: Dervishaj 54’, Pengu 78’/ Blaceri (autogol), Qarri 63’