Por që nga largimi i Ferguson, mesfushorit nuk iu besua më nga trajnerët e tjerë, duke u larguar nga Mançester Junajtid drejt Lacios, në kampionatin italian. Futbollisti tjetër i “Djajve” që ishte transferuar në Serie A, ishte Pol Pogba te Juventus dhe tifozët e Lacios parashikonin një rezultat të njëjtë me francezin, por u zhgënjyen shumë.

Pas 4 sezoneve për t’u harruar (2015-19), Morrison u rikthye në Angli, duke kapërcyer sa në një skuadër në tjetrën, madje dhe në nivelet më të ulëta të futbollit britanik. Tashmë, duket se fati i ka trokitur në derë, pasi ekipi i Premier League, Shefilld Junajtid i ka besuar dhe ka firmosur me të. Çfarë rrugëtimi…

Vetë Sir Aleks Ferguson nuk ngurroi ta cilësonte si talentin më të madh që i kishin parë sytë, në të njëjtën skuadër me të ndodhej dhe një francez shtatlartë, Pol Pogba, të gjithë e dimë se ky shkoi ky djalosh, ndërsa fati do të rezervonte një tjetër rrugë për Morrison edhe pse nga ai pritej shumë.

Një dekadë më vonë, Morrison ndodhet ne Suedi me Ostersund. Tatëpjeta ishte graduale, dështime të njëpasnjëshme në Angli dhe një transferim për t’u harruar te Lacio e më pas në Meksikë. Së fundmi Morrison ka pranuar ftesën e parë nga kombëtarja e Xhamajkës, mesa duket “Tri Luanët” mbetën një ëndërr në sirtar për të.