Moratti

Largimi i Ikardit? Ndërhyn ish-presidenti Morati

Sport Ekspres — Fri, 05 Jul 2019 21:14:25 +0000

Mosmarrëveshja e Interit me Ikardin ka krijuar shumë diskutime. Klubi dëshiron largimin e sulmuesit, me këtë të fundit që kundërshton. Masimo Morati, ish-presidenti zikaltër ka folur rreth kësaj çështje.
Ai shprehet se kjo zënkë duhet të trajtohet me kujdes. Morati mendon se sjellja e lojtarit në stërvitje dhe në fushë është më e rëndësishmja. Deklaron se Ikardi është më i mirë se Lukaku dhe Xheko. Shton se Juve hyn si favorite në Serie A.

“Xheko dhe Lukaku janë dy sulmues shumë të mirë, por them se Ikardi është më i mirë se ata. Çështja Ikardi është më delikate se çdo gjë tjetër. Personalisht nuk interesohem për sjelljen e lojtarit në mediet sociale. E gjykoj atë në stërvitje dhe në fushë.”

“Nëse shkon te Juventus, atëherë ata bëhen një skuadër ‘super’. Juve e nis sezonin si favorite e pas saj janë Napoli e Inter. Zikaltrit kanë formuar një mbrojtje që është konkuruese edhe në Champions”, përfunoi Morati.

Morati: Interi po mendon më shumë për Ligën e Kampionëve se Serinë A!

Sport Ekspres — Fri, 12 Oct 2018 09:55:08 +0000

Masimo Morati ka qenë në qendër të vëmendjes këto ditë, pasi shihet edhe si kandidat potencial për kreun e federatës italiane të futbollit. Ish-presidenti i Interit foli për mediat pak ditë më parë në lidhje dhe me mbështetjen e Anjelit ndaj tij. Gjithsesi italiani duket se është rikthyer të flasë, por këtë herë për Interin “e tij” dhe ecurinë e tyre.

INTERI – “Nisja e sezonit nuk ishte e duhura, por dhe fati nuk ishte me skuadrën. Tani Interi i ka zgjidhur problemet dhe po tregohet një skuadër me karakter dhe po bën lojë të mirë. Padyshim zgjimi i Ikardit i ka dhënë një fytyrë tjetër Interit sepse është një ndër më të rëndësishmit aty dhe me finalizimet e tij është një lojtar që bën diferencën.”

CHAMPIONSI – “Championsi është kompeticioni më i komplikuar dhe më i fortë. Grupi ku Interi u shortua është mjaft i vështirë, por forma që po tregojnë është vërtet fantastike. Duket sikur më shumë mendojnë për Championsin se sa për Serinë A.”

AFRIMET – “Nga lojtarët e afruar më pëlqen shumë Lautaro Martinez. Është një lojtar në moshë të re dhe më duket një lojtar mjaft i zgjuar që i hap shumë probleme kundërshtarëve. Gjithashtu Azamoah është një lojtar me shumë përvojë dhe do të na japë një dorë”, përfundoi ish-presidenti i Interit.

Moratit nuk i harrohet episodi Ronaldo-Juliano: Ndoshta VAR do shërbente

Sport Ekspres — Mon, 04 Sep 2017 19:32:26 +0000

Ish-presidenti i famshëm i Interit, Masimo Morati, është kthyer të flasë për përplasjen e famshme Ronaldo-Juliano, në një ndeshje Juventus-Inter në vitin 1998. Në lidhje me atë episod, që ka bërë armiq klubet e tifozët për shumë vite, Morati mendon se VAR dhe teknologjia do të ndihmonin: “Nuk di ende të jap një gjykim për VAR-in. Më parë do doja të kuptoja kur dhe si përdoret, edhe pse me teknologjinë në fushë i është hequr pak emocion dhe emotivitet ndeshjes. A do të vlente VAR-i për atë përplasje Ronaldo-Juliano? Po, mendoj se ndoshta do të shërbente”, deklaroi Morati, gjatë marrjes së çmimit “Nereo Roko” në Koverçano.

INTERI I SPALETIT – Morati ka folur edhe për Interin aktual: “Besoj se është herët për të folur për titull, edhe pse tani trajneri, klubi dhe lojtarët janë. Në futboll duhet edhe fat, por mund të shpresojmë. Spaleti? Nuk habitem. Milano është një pjacë e vështirë, por ai ka gjithçka për t’ia dalë mbanë. Skuadra më duket e mirë, merkatoja ka rregulluar shumë gjëra, edhe pse nuk dihet a jemi të kompletuar në mbrojtje”.

FAIR PLAY FINANCIAR – “Unë e doja që në kohën kur drejtonte Mishel Platini UEFA-n. Nuk është e lehtë dhe gjithnjë ekziston ndonjë shteg për të thyer rregullat: ndoshta duhen disa më të forta. Ndoshta në Kinë nuk lejohen shpenzime të tilla, është edhe Fair Play financiar, ndaj Interi ka lëvizur mirë”.

JUVENTUSI – “E nisi keq edhe vjet, por ka karakter, trajner të zotin dhe një sulm të shkëlqyer. Kanë humbur Bonuçin, por ndonjë rinovim nevojitej. Mendoj se është ende një skuadër e fortë”.