Morati: Konte? I zoti në atë që bën, gjërat duken mirë te Interi

Sport Ekspres — Sat, 01 Jun 2019 17:49:24 +0000

Ish-presidenti i Interit, Masimo Morati, ka folur për “Il Giorno, ku komentoi afrimin e Antonio Kontes si trajneri i ri i skuadrës zikaltër. Në fjalën e tij, italiani tha: “Po pres me padurim të shikoj se si do të shkojnë gjërat.

Jam i bindur se Konte do të bëjë një punë shumë të mirë, pasi është i zoti në atë që bën. Gjërat do të shkojnë mirë për Interin”, përfundoi ish-presidenti. Klubi zikaltër zyrtarizoi disa orë më parë largimin e Spaletit, pas dy sezonëve në krye të pankinës.

Antonio Konte erdhi në krye të stolit të Interit dhe bashkë me të, pritet të ketë edhe shumë përforcime në skuadër. Revolucioni duket se ka nisur në “San Siro”.

Morati: Simeone ka në ADN ngjyrat e Interit, çdo janar ndodh kolapsi

Sport Ekspres — Sun, 03 Feb 2019 10:36:20 +0000

Ish-presidenti Masimo Morati foli për mundësinë e largimit të Luçiano Paletit nga bankina zikaltër. Ish-numri një i skuadrës zikaltër ka komentuar situatën që po kalon ekipi nga Milano, duke tërhequr vëmendjen për të bërë një studim për atë çka ndodh me Interin në janar, pasi është një fenomen i përvitshme.

“Nuk do të ishte e favorshme që të bëheshin shumë ndryshime. Nuk do të ishte e lehtë edhe për trajnerin. Çdo vit na ndodh e njëjta gjë, shkojmë deri në fillim të janarit dhe më pas ndodh një kolaps. Duhet ta studiojmë këtë rast”.

“Naingolan dhe Perishiç? Mund të quhen fajtor pasi kanë mundësi për të bërë më mirë. Sipas meje duhet të rishikohet i gjithë grupi. Presidenti po bën më të mirën e tij me aq sa mundet”.

“Një trajner që ka në AN ngjyrat e zikaltër? Do të thosha është Simeone”.