Filimisht Morata i shënoi Real Madridit, si “ish”, por VAR ia anuloi mes polemikave pa fund.

Teknologjia po bëhet gjithnjë e më vendimtare, tashmë edhe në Champions, aty ku Morata shënoi sërish ndaj një ish-skuadre të tij, Juventusit.

Sapo u fut sot, Morata zhbllokoi sfidën me një gol të bukur me kokë, por rrëzimi i çuditshëm i Kielinit bëri që arbitri të konsultohej me teknologjinë dhe të vendoste anulimin e golit.

La fuerza que tiene Morata en el dedo índice provoca un sunami en la costa californiana.
Ni con este fenómeno de la naturaleza se puede parar al @Atleti
Vía @RobertHattrick pic.twitter.com/Uba2zgELkW

— Atletifacts (@choloencasa) February 20, 2019

Tension maksimal në Wanda Metropolitana, akuza e ironi pa fund ndaj Juventusit dhe UEFA-s.

Në fund drejtësia u vendos në vend, Atletiko fioti bujshëm 2-0, por Morata mallkon fatin, goli mbetet ende peng i VAR!

To VAR,

Yours sincerely, Diego Simeone pic.twitter.com/Wic1D97tST

— Seán Walker (@SeanWalkerSport) February 20, 2019

CHAMPIONS-i DETYRIM ME KRISTIANON ? – “Nuk është çështje obligimi. Champions-i  është një objektiv. Për ta fituar do të na duhet të punojmë fort dhe të kemi pak fat, pasi kështu është ky kompeticion. Ronaldo sigurisht që është një avantazh, pasi së bashku me Mesin ka qenë një ndër golashënuesit e Champions-ti në 10- vitet e fundit”.

SIMEONE – “Ai ka bërë një punë të jashtëzakonshme. Ka arritur që t’i japë skuadrës një mentalitet të njëjtë në të gjitha përballjet, s’ka rëndësi nëse kundërshtari është modest ose elitar, Atletiko është gjithmonë e njëjta“.

MORATA – “Ai është një lojtar i rrezikshëm. I ka treguar aftësitë e tij në ndeshje të mëdha, por pika e tij e dobët është të qenit konstant,  por mbetet një lojtar i rëndësishëm”.

BARAZIMI JU KËNAQ ? – “Varet nga mënyra se si rrjedh ndeshja. Duhet të kemi shumë kujdes në kundërsulm, pasi ata s’kanë mëshirë. Nuk flas për rezultate para ndeshjes, por skuadrës i kam kërkuar që të shënojmë të paktën një herë, më mirë do të ishte dy herë”, përfundoi Alegri.

Bëhet fjalë për një huazim me të drejtë blerje, që do të zyrtarizohet sapo Çelsi të mbyllë me sukses “operacionin” për transferimin e Gonzalo Higuain. Që “ekuacioni” më i bujshëm i merkato së dimrit të mbyllet, duhet vetëm të arrihet marrëveshja midis Milanit dhe Sampdorias për kartonin e polakut Piatek, çka do t’i hapë rrugë kalimit të “El Pipita”-s në Londër dhe Moratës në Madrid.

Transferimi i Moratës te Atletiko, s’do mend që do të lërë një shije të keqe te tifozët e skuadrës së Real Madrid, ekip ku Morata ka luajtur që në fëmijëri. Diego Simeone mund ta “rikthejë në shina” 26-vjeçarin, që në Angli ka kaluar dy vite të vështira, ku përveç probleme në fushën e lojës, ka pasur dhe një gjendje të rënduar psikologjike, diçka që Morata e pranoi në një intervistë të dhënë para pak muajsh.

Hipotezat e para kanë nisur, teksa Milani është përfolur si një opsion i mundshëm, por edhe një rikthim në Spanjë nuk përjashtohet. Sipas asaj që është shkruar ditën e sotme në mediat spanjolle, thuhet që drejtues të Atletikos së Madridit kanë udhëtuar drejt Londrës, për të diskutuar për një marrëveshje të mundshme.

Për Moratën, në rast të një kalimi tek Atletiko do të ishte një rikthim në Madrid, por nga ana e rivalit të përjetshëm të Realit. Sulmuesi spanjoll, duket se e sheh me sy të mirë një kalim tek ekipi i Diego Simeones, teksa tashmë mbetet për t’u bindur Çelsi.

“Kalova një periudhë shumë të keqe nga ana psikologjike. Nuk doja t’i flisja askujt, më mjaftonte të rrija i mbyllur në shtëpi , ndoshta nuk ishte tamam depresion, por diçka e ngjashme. E vuajta shumë presionin pasi erdha te Çelsi. Tifozët dhe klubi kishin pritshmëri shumë të mëdha për mua”

Më pas Morata flet edhe për vendimin e tij për të vazhduar aventurën e tij në Angli.

“Kisha mundësinë të rikthehesha në Itali, gruaja ime është italiane dhe do e pëlqente shumë këtë që. Pata oferta dhe nga Spanja, pra shumë oferta dhe shumë para, por në fund vendosa të qëndroj dhe të luftoj deri në fund për të treguar vlerat e mia duke shënuar sa më shumë gola në të ardhmen”, përfundoi sulmuesi spanjoll.

Alvaro Morata te Juventusi, plus 55 milionë euro, me Higuain dhe Ruganin që do të shkonin në Londër: ky është propozimi i Çelsit sipas gazetarit Alfredo Pedula, që nëse do realizohej, do digjte keq Milanin, sepse kuqezinjtë kërkojnë sulmues.

Gjithsesi, Juve nuk dëshiron sulmues, sepse ka Ronaldon e të tjerë, ndaj Morata e shumta do të merrej për t’u xhiruar te Milani, gjithnjë nëse kuqezinjtë janë dakord.

Vetëm 10 ditë kohë ka Çelsi, Juventusi duhet të vendosë dhe është një ndeshje shahu, ku duhen përdorur të gjitha lëvizjet.

“Javën e shkuar pashë një foto të mbledhjes së trajnerëve në FIFA dhe po mendoja: kam luajtur me Zinedin Zidan, Karlo Ançelotin, Zhoze Murinjon, Maks Alegrin dhe tani jam me Konten. Më mungojnë vetëm Guardiola dhe Klop”.

We have agreed terms with Real Madrid for the transfer of Alvaro Morata…https://t.co/uuenBgcPH2

— Chelsea FC (@ChelseaFC) July 19, 2017

“Jam shumë i kënaqur, shkoj te Çelsi, klub që më ka dashur gjithmonë. Kam biseduar edhe me trajnerin Konte. Nuk jam i zhgënjyer nga Reali, kam fituar 4 trofe, por tani shoh nga e ardhmja dhe nuk besoj se do kthehem më në Madrid“, deklaroi mbrëmë Morata, pas largimit nga kampi stërvitor i Realit, në Amerikë.

Morata kalon te kampionët e Anglisë për shumën rekord të 80 milionë eurove (plus 5 bonus), duke u bërë kështu lojtari spanjoll më i shtrenjtë në histori. Kujtojmë se verën e kaluar kur Konte sapo kishte marrë drejtimin, tekniku italian kërkoi nga drejtuesit e klubit sulmuesin spanjoll. Në fund Morata vendosi të qëndronte në Madrid me shpresën se do të fitonte besimin e trajnerit Zinedin Zidan. Mirëpo fundi i sezonit që lamë pas nxirri në pah përplasjet mes të dyve dhe Reali vendosi të nxirrte në shitje sulmuesin spanjoll. Reali shpresonte të kapte rreth 75 milionë euro nga shitja e Moratës, por duket se ka mundur të arkëtojë edhe 5 milionë euro më shumë.

Transferimi i Alvaro Moratës nga Reali i Madridit tek Çelsi vendos një rekord absolut për futbollin spanjoll, sepse është shifra më e lartë e shpenzuar në merkato për një lojtar spanjoll. Alvaro Morata ka kaluar me mbi 20 milionë euro transferimin më të shtrenjtë spanjoll të momentit, atë të Fernando Torresit, kur la Liverpulin për t’iu bashkuar Çelsit.

Po ashtu, Alvaro Morata është shitja më e shtrenjtë e Realit të Madridit, duke lënë pas di Marian, i cili la “Bernabeun” për të shkuar tek Mançester Junajtid për 75 milionë euro. Rekordi i deritanishëm për transferimin e një lojtari spanjoll është ai i vitit 21001 i vendosur nga Fernando Torres dhe ku protagonist është sërish Çelsi. Në janar 2011, Çelsi transferoi “El Ninjon” nga Liverpuli për 58.5 milionë euro.

Spanjollët më të shtrenjtë

Morata     80 milionë euro Çelsi

Torres     58,5 mln        Çelsi

Mendieta   48 mln          Lacio

Huan Mata  44 mln          Man.Utd

David Vija 40 mln          Barcelona

Martinez   40 mln          Bajen Mynih

Diego Kosta     38 mln     Çelsi

Kontaktet kanë nisur prej ditësh dhe tashmë është gjetur marrëveshja, me Realin që kërkon 90 milionë euro dhe Çelsin që ofron deri në 80 milionë, ndaj duket se është gjetur rruga e mesme.

Plani i Realit është që pasi të shesë Moratan, të hidhet në sulm për Kilian Mbapenë.

Lajmi për Moratan drejt Çelsit befason Milanin, që shpresonte të merrte sulmuesin spanjoll, por gjithsesi ka kohë që duket se strategjia e zgjedhur nga kuqezinjtë është pritja, për të ulur çmimin e Belotit, objektivi real.

Edhe Obamejang, i përfolur si objektiv i Milanit, nuk u bë realitet pikërisht për faktin se Milani nuk u interesua realisht, aq sa dje drejtori i përgjithshëm i Dortmundit, Vacke, lëshoi një shigjetë: “Nuk është e mundur që drejtuesit e Milanit ta përmendin Obamejangun si objektiv konkret merkatoje, është mungesë respekti. Tani mund t’u japim një sinjal të qartë të gjithëve: Obamejang nuk është më në shitje”.

Për të ka disa alternativa. Së pari, të rikthejë paqen me Diego Kostën, ndonëse ky duket varianti i fundit në tavolinën e bisedimeve. Vështirë se trajneri italian do të bëjë prapakthehu, aq më shumë me gjithçka ka ndodhur këto javë në shtypin britanik pas publikimit të sms-së nga Diego Kosta, ku njoftonte dëbimin nga Çelsi prej trajnerit Konte. Sipas medieve britanike, mësohet se Çelsi është vënë në lëvizje me urgjencë dhe ka kthyer menjëherë kokën nga Alvaro Morata. Spanjolli është një tjetër nga dëshirat e mëdha të trajnerit Konte. Italiani do të ishte i gatshëm t’i ofronte një vend titullari. Tashmë lëvizja i takon Çelsit. Për më shumë kampionët e Anglisë e kanë të qartë se çfarë duhet të bëjnë për të bindur Realin të lërë të lirë lojtarin e vet. Në Madrid janë të qartë, nuk do të lejojnë largimin e Moratës për më pak se 80 milionë euro.

Edhe Beloti në listë – Sakaq, në listën e Kontes është dhe sulmuesi i Torinos dhe i kombëtares italiane, Andrea Beloti. Pas zhurmës së madhe në fillimin e merkato, kuotat e italianit kanë rënë ndjeshëm. Por me zhvillimet e fundit nuk përjashtohet mundësia që Çelsi të marrë sërish në konsideratë afrimin e italianit.

Alvaro Morata sipas të gjitha gjasave duke nisur nga sezoni i ardhshëm do të jetë pjesë e Mançester Junajtdiit. Sulmuesi i Realit të Madridit ka arritur një marrëveshje paraprake me “Djajtë e kuq” dhe pritet të zgjidhen vetëm detajet e fundit që ai të firmosë dhe zyrtarisht. Lajmi është bërë me dije fillimisht nga gazeta britanike “Daily telegraph”. Por nga ana tjetër kjo gazetë ka shtuar se mungon akordi mes dy klubeve në lidhje me shumën e transferimit që po shtyn mbylljen e marrëveshjes.

Alvaro Morata u bë objektivi numër një i trajnerit të Mançester Junajtidit, Zhoze Murinjo fill pasi “Djajtë e kuq” vendosën të mos e rinovonin kontratën me sulmuesin 35-vjeçar Zlatan Ibrahimoviç, i cili do të mungojë deri në janar të vitit të ardhshëm si pasojë e një dëmtimi në gju. Sipas “Telegraph” e ardhmja e Moratës tek Junajtid varet tashmë vetëm nga dy klubet, që pritet të gjejnë gjuhën e përbashkët mes tyre. Morata i ka kërkuar Realit të Madridit largimin nga ekipi në verë, sepse dëshiron të luajë në një klub ku do të ishte gjithnjë një zgjedhje e parë. Një gjë e tillë nuk i garantohet tek Reali, ku trajneri Zinedin Zidan ka të tjera plane për sulmin e kampionëve të Evropës. Fillimisht, Murinjo mendoi të afronte në ekip sulmuesin e Evertonit, Romelu Lukaku, por belgu duket më i tunduar nga ideja për t’u kthyer tek Çelsi. Ndaj mundësia tjetër për Murinjon ishte Morata dhe që me shumë gjasa spanjolli do të jetë nën urdhrat e tij kur Junajtid të nisë përgatitjet për sezonin e ardhshëm. Për shërbimet e Moratës, Junajtid pritet të paguajë jo më pak se 70 milionë euro.

Varianti tjetër – Sakaq, edhe për gazetën tjetër britanike “Daily Mail” nuk ka asnjë pikëpyetje se Alvaro Morata do të jetë nën urdhrat e trajnerit të Mançester Junajtidit Zhoze Murinjo në sezonin e ardhshëm. Por në ndryshim nga “telegraph”, “Daily Mail” ka nënvizuar se marrëveshja mes dy klubeve është arritur dhe tani pritet që Mançesteri dhe Morata të finalizojnë dhe hollësitë e fundit për kushtet e kontratës që spanjolli do të firmosë me “Djajtë e kuq”. Morata momentalisht ndodhet në Ibiza (Spanjë) ku po kalon pushimet së bashku me të dashurën e tij. Por zyrtarizimi me “Djajtë e kuq” është vetëm çështje orësh.