Klubi i Serie C ka përfunduar në duart e Silvio Berluskonit dhe Adriano Galianit. Dyshja e famshme që dërgoi Milanin në majën e botës kanë një projekt shumë ambicioz me Monzën.

Rreth këtij lajmi ka folur vetë presidenti në një prononcim për Telelombardia, duke shtuar misterin rreth mundësisë së kësaj lëvizje befasuese.

“Nuk varet nga unë, por nuk përjashtoj asgjë. Me këtë rast i dërgoj urimet më të mira Alegrit për suksesin e jashtëzakonshëm që arriti me Juventusin”, komenton shkurt Silvio Berluskoni.

Shpesh ish-presidenti i Milanit vjedh vëmendjen e mediave, pasi njihet për deklaratat dhe karakterin e tij. Së fundmi, pas shkarkimit të Alegrit nga Juventusi, nisën të përfliteshin lajme sikur Berluskoni ishte interesuar për trajnerin nga Livorno, që ky i fundit të merrte drejtimin e Monzës.

Gjithsesi, në një prenoncim për “Sky Sport”, Berluskoni ka deklaruar se nuk është diçka e vërtetë. Gjithashtu, ai foli dhe mbi futbollin e sotshëm, ku deklaroi se nuk është më i bukur dhe nuk e tërheq më.

ALEGRI TE MONZA – “Jo, nuk e besoj. Nuk kam dëgjuar të flitet për këtë çështje. Monza ka një trajner që ka dalë nga një shkollë si ajo e Milanit dhe po bën një punë mjaft të mirë.”

MONZA DHE FUTBOLLI – “Duam të bëjmë një skuadër  të mirë dhe të kemi sukses. Mbi të gjitha një ekip që ka lojë të ndryshme nga të tjerët, me djem të edukuar, pa mjekër dhe pa tatuazhe e vathë. Futbolli i sotëm në Itali nuk më tërheq më. Ka ekipe të mbushur me lojtarë të huaj. Futbolli është kthyer në një lojë force. Nuk është më i bukur.”

Pas përfundimit të sezonit të rregullt, duk u renditur në vendin e pestë, Monza pati avantazhin e fushës kundër Sudtirolit, avantazh i madh për faktin se renditja më e mirë e lejonte Monzën të kualifikohej edhe me barazim.

Ashtu ndodhi, sepse përfundoi 3-3, por çfarë emocionesh! Monza shkoi shpejt në avantazh 2-0, por Në minutat 37 e 54 Sudtiroli shënoi 2 gola dhe rihapi gjithçka.

Në fund drama: Monza humbi penallti në minutën e 80-të, Sudtiroli shënoi në minutën e 82-të dhe në Monza pllakosi zia. Megjithatë, në minutën e 88-të Armelino bëri të plaste festa, sepse u gjend i lirë në zonë dhe me kokë nuk fali, duke barazuar.

Monza kalon në turin e ardhshëm, Seria B është dy fitore larg!

82-vjeçari vendosi në verë të blinte Monzën, ekip që garon në divizionin e tretë të futbollit italian. Milani nuk i mungon dhe në prononcimin e dhënë për “La7”, Berluskoni tregon se bleu Monzën prej insistimit të krahut tij të  djathtë, Adriano Galianit.

Të dy bashkë kanë objektiva të mëdha për të arritur, por mbi të gjitha duhen ruajtur disa principe bazë, që Berluskoni i shpjegon më poshtë.

“Nuk më mungon Milani dhe as darkat elegante. Darkat ishin diçka simpatike, nga të cilat kanë dalë shumë të pavërteta ndaj meje. Sa i përket futbollit, unë bleva Monzën prej insistimit të Galianit. Duam të ndërtojmë një skuadër model së bashku, të përbërë nga italianë të rinj, nga djem të pastër pa mjekra, tatuazhe, apo vathë. Nëse shkaktojnë një faull, duhet t’i kërkojnë ndjesë kundërshtarit dhe duhet të kenë respekt maksimal për gjyqtarin. Kur të firmosin autografe, duhet të shkruajnë saktë emrin dhe mbiemrin e tyre. Shqetësimi ynë më i madh nuk është kalimi në Serinë B, apo Serinë A, por të ndërtojmë një skuadër shembullore”, përfundon presidenti më fitues i botës së futbollit.

Ekipi që militon në Serie C ishte ndër më aktivët në merkaton e janarit. Nën udhëheqjen e një legjende si Adriano Galiani  u kryen 30 operacione transferimesh, 16 hyrje dhe 14 dalje.

Në një intervistë për “Gazzeta Dello Sport”, 74-vjeçari ndau disa nga detajet e transferimeve, ku zbuloi se kishte tentuar të sillte te Monza dy ish-futbollistë të famshëm të Milanit si Alberto Xhilardino dhe Rikardo Kaka.

KAKA – “Bisedova me Kakanë për të ardhur te Monza, por ai më tha se nuk donte të largohej nga Sao Paolo ku jeton me fëmijët e tij”.

XHILARDINO  – “Me të bisedova më gjatë, por në fund ai vendosi të ndahej me futbollin e luajtur për të ndjekur një trajektore të re”.

BISEDA ME ANÇELOTIN – “Para pak javës fola me drejtorin sportiv të Napolit Xhuntoli për një lojtar në pronësi të tyre. Gjatë bisedës ai ja kaloi celularin Ançelotit. Bëra shaka duke i thënë: Dikur diskutonim për transferimet e Bekam dhe Ibrahimoviç, tani po flasim për lojtarë të Serie C”, përfundoi Galiani.

74-vjeçari ka thurur elozhe për punën e Leonardos dhe ka bindjen që asnjë ekip nuk është përforcuar më shumë se kuqezinjtë në merkaton e janarit. Piatek dhe Paketa kanë sjellë entuziazmin e një kohe te tifozët dhe tashmë është një Milan ndryshe.

Në prononcimin e dhënë për “Radio Deejay”, Galiani tregon se është befasuar dhe e mbyll me Monzën, ekipin e tij të zemrës. Berluskoni dhe ai kanë marrë drejtimin e klubit, që garon në divizionin e tretë të futbollit italian. Shumë lëvizje në janar me objektivin kryesor kalimin në Serie B.

LEONARDO-GATUZO – “Milani është skuadra që është përforcuar më shumë në Europë. Me Piatek dhe Paketën, Leonardo u ka ndryshuar fytyrën kuqezinjve. Flasim shpesh së bashku, sepse Leo është miku im, por nuk ka nevojë për këshillat e mia. Gatuzo? Nuk e prisja, pasi besoja se karakteri i tij i fortë do ta kishte penguar të niste karrierën e trajnerit.”

MONZA – “Kemi bërë një merkato të madhe në janar, e para që kur Berluskoni bleu klubin. Afruam 16 futbollistë dhe larguam 14. Unë kam lindur dhe jam rritur në Monza. Jam tifoz i këtij ekipi, që kur mamaja më merrte në stadium kur isha i vogël. Kam refuzuar mijëra skuadra, Monza është një zgjedhje zemre dhe një operacion romantik i Berluskonit, i cili jeton 2 km larg stadiumit. Kam një dashuri të pafundme për Monzën. Nuk është punë, është pasion dhe nuk fitoj asnjë euro nga Monza.”

Gjithsesi, Paketa duket se nuk ka ardhur i vetëm në Milano, pasi edhe vëllai i tij Mateus Paketa, është në provë tek ekipi i Monzës, që si president ka Silvio Berluskonin. Sipas asaj që raporton “Milan neës”, 23-vjeçari Mateus do të bëhet lojtari më i ri i Monzës, ku do të ketë pranë edhe vëllain e tij të vogël Lukas.

Mateus, ka qenë lojtar i Avait në Serinë B braziliane. Nuk është hera e parë që në Milano, do të jenë dy vëllezër, ku mjafton të kujtojmë rastin e Rikardo Kaka, i cili solli Digaon te Milani, por edhe Xhixho Donaruma, i cili e ka aktualisht të vëllain në ekipin kuqezi.

Tashmë po përflitet për një rikthim të bomberit në Milanelo dhe palët janë afër arritjes së akordit. Në një prononcim për “Rai Radio 1 Sport”, Adriano Galiani, ish-administratori i deleguar i Milanit, aktualisht në të njëjtin rol te Monza, ka folur mbi mundësinë e rikthimit të Ibrës te Milani. Përveçse ekipit të Gatuzos, rikthimi i tij do të rriste dhe nivelin e serisë A.

“Mendoj se të gjithë kampionët e rrisin nivelin e kampionatit. Operacioni me Kristiano Ronaldon i ka bërë mirë trendit të Serisë A dhe një gjë të tillë do të bënte dhe rikthimi i Ibrës. Çdo yll i këtij niveli e rrit nivelin e kampionatit. I kam premtuar përsëri vetes se nuk do të flas më për Milanin, edhe pse jam një tifoz i çmendur pas kuqezinjve. Jam i lidhur me Ibrën, në ato dy vite fituam titullin, Superkupën e Italisë dhe dolëm të dytët në sezonin tjetër. Ibra është një futbollist i jashtëzakonshëm, udhëheqës dhe motivues i madh. Monza? Ëndrra jonë është ta rikthejmë ekipin në Serinë B“, përfundon Galiani.

82-vjeçari i është rikthyer dhe njëherë shitjes së klubit të Milanit në vitin 2017 te kinezi Yonghong Li. Milani ka pronarë të ri tashmë, por “kavalieri” ka folur për shitjen e kuqezinjve dhe trishtimin e tifozëve. Ai krenohet për faktin që është presidenti më fitues i botës së futbollit dhe shpreson të qëndrojë i tillë sa më shumë të jetë e mundur.

“Janë dy milionë e gjysmë tifozë të Milanit, të cilët janë të acaruar me mua, sepse i shita Milanin një personi, i cili u tregua më pak i aftë seç mendohej. Pas 30 vitesh si president nuk mund të vazhdoja më, por mbetem dhe besoj se do të qëndroj gjithmonë, presidenti që ka fituar më shumë se të gjithë në botën e futbollit“, përfundon Silvio Berluskoni.

Pikërisht ditën e sotme, Monza zyrtarizoi trajnerin e ri që do të jetë në krye të skuadrës, pasi tekniku i mëparshëm u shkarkua pas sfidës së humbur pasditen e djeshme në shtëpi ndaj Teramos. Ekipi i Berluskonit ka zbritur në vendin e tetë dhe në pesë ndeshjet e fundit nuk ka arritur asnjë fitore.

Për të larguar krizën dhe për të përmbushur objektivat që Berluskoni kërkon, 82-vjeçari ka menduar të sjellë në krye të Monzës, një njohje të vjetër të tij. Pikërisht Kristian Broki, ish-lojtar dhe ish-trajner i Milan, është tekniku më i ri i klubit të Serisë C. Broki ka luajtur më shumë se 100 ndeshje me fanellën e Milanit, si dhe ka qenë trajner i kuqezinjve në shtatë ndeshjet e fundit të sezonit 2015-2016.

Siç ka raportuar “calciomercato.com”, ekipi i Monzës mund të bëjë një përforcim mjaft të bujshëm në merkaton e verës. Është pikërisht, Rikardo Montolivo, i cili momentalisht aktivizohet tek Milan, por prej kohësh mesfushori nuk është një alternativë për Gatuzon. Përflitet se Berluskoni dhe Galiani mund të kërkojnë një ribashkim me 33-vjeçarin, i cili ka qenë pjesë e Milanit dhe në kohën kur president ishte Berluskoni.

Mesfushori italian përfiton plot 3 milionë euro në sezon momentalisht te Milan dhe largimi i tij do të lehtësonte shumë klubin kuqezi për sa i përket arkave të klubit. Kontrata e Montolivos përfundon në korrikun e vitit të ardhshëm dhe italiani do të transferohej te Monza me parametra zero. Gjithsesi një rol të rëndësishëm këtu do të luajë dhe ngjitja në Serinë B e këtyre të fundit.

“Do të jetë një skuadër e re e përbërë krejtësisht nga italianë. Të gjithë djemtë do të kenë modele flokësh të zakonshme, e kemi gjetur një berber që the se është i gatshëm t’i qethë falas. S’do të lejohen as mjekrat e as tatuazhet dhe as përdorimi i vethëve”, tha “kavalieri” me shaka.

Merkaton e Monzës së re, nuk kishte si të mos ta bënte miku i ngushtë i ish-kryeministrit italian, Adriano Galiani, i cili momentalisht ka kryer vetëm një afrim.

Fjalët e merkatos flasin për një interesim të Monzës për brazilianin Kaka, ndërsa klubi i Pordenones ka dashur të bëjë pak humor dhe ka prezantuar në “Twitter” blerjen e re.

Nuk bëhet fjalë për një futbollist dosido, por për Ronaldinjon. “Monza telefonpn Kaka, Pordenone përgjigjet me Ronaldinjon”, komenton klubi friulan në rrjetet sociale.

E gjitha një shaka, ndërsa pritet nëntori, kur Monza dhe Pordinone do të përballen në fushën e blertë dhe do të tregojnë se kush është ekipi më i fortë.

Monza chiama (@KAKA) ?
Pordenone risponde ?#ForzaRamarri #Monza pic.twitter.com/ieQofvZFVu

— Pordenone Calcio (@PordenoneCalcio) September 28, 2018

Bëhet fjalë për Alberto Xhilardinon, ish-Kampion Bote me Italinë, i cili ka luajtur për tre sezone me klubin e Milanit. Drejtuesit kanë marrëdhënie shumë të mira me sulmuesin 36-vjeçar. Xhilardino mbylli sezonin e kaluar me Specian në Serinë B dhe është një lojtar i lirë.

Ai nuk mund ta refuzonte ofertën e dyshes së famshme të Milanit dhe do të ishte gati të zbriste një kategori më poshtë, në një klub plot entuziazëm dhe ambicie si Monza, që është gati për të rilindur.

“Rikthimi ynë në futboll duke blerë klubin e Monzës po shkakton të njëjtin efekt në Serinë C, si Kristiano Ronaldo në Serinë A. Na mungonte futbolli mbas shitjes së Milanit. Po diskutonim me presidentin prej kohësh për të blerë një tjetër klub. Monza ishte skuadra e vetme, që nuk e prishi marrëdhënien e mirë me Milanin. Berluskoni ka refuzuar blerjen e shumë skuadrave në këto muaj, ndërsa unë kisha shumë oferta për të punuar me klube të tjera. Presidenti jeton 3 km larg stadiumit të Monzës, ndërsa unë kam lindur në atë qytet, jam rritur dhe kam filluar karrierën time si drejtues. Ndihemi sikur Uliksi, i cili është rikthyer në Itaka”, tregon Adriano Galiani për “Corriere dello Sport”.

“Në ditët e fundit tundimi jonë u shndërrua në një ide operative. Në emër të presidentit, kontaktova me Nikola Kolombon, numrin një të Monzës, për të konfirmuar mundësinë e një tratativë. Në tre ditët e fundit kam marrë telefonata nga lojtarë të lirë pa kontrata dhe menaxherë të interesuar për klientët e tyre. Duam të ndërtojmë një skuadër të përbërë nga lojtarë, që mund të luajnë më skuadrat kombëtare të Italisë. Filozofia e presidentit, e mbështetur nga pronarët aktualë, është të krijojë një klub në shërbim të përfaqësueseve U15 e më lart.

Presidenti kishte themeluar më parë ekipin e Edilnord, që ka luajtur në të gjitha kategoritë. Unë kam qenë pjesë e bordit drejtues të Monzës nga viti 1975 deri në vitin 1985, por përmes elektronikës industriale, bleva në ato vite ekipin e Sent Anxhelo Lodixhiano. Për më tepër, askush nuk pyet se pse në mesin e shumë menaxherëve, presidenti kur bleu Milanin më besoi mua postin e administratorit të deleguar. Nuk mu dhurua për frymën e shenjtë, por falë kurrikulës time. Faleminderit Monza”, përfundon Adriano Galiani, i cili është gati për të nisur një tjetër aventurë me Berluskonin, mbas eksperiencës së paharrueshme me kuqezinjtë e Milanit.

Berluskoni dhe Galiani nuk do të jenë të vetëm, por do të kenë rreth 70% të aksioneve. Pjesa tjetër i mbetet presidentit aktual Nikola Kolombo, i cili nuk dëshiron të largohet plotësisht nga klubi. Gjithsesi kjo nuk është pengesë, duke pasur parasysh faktin që palët njihen mes tyre.

Kolombo është i ati i Feliçe Kolombos, i cili ka qenë pjesë e Milanit në periudhën 1977-1980. Mbetet vetëm për t’u zyrtarizuar marrëveshja, pasi gjithçka duket e përfunduar dhe brenda muajit do të vijë edhe njoftimi përfundimtar. Gjithçka është çështje procedurash për momentin.

Alvesh bën dhe një krahasim të goditur mbi fitoren e Hamiltonit në Itali, në shtëpinë e Ferrarit. “Suksesi i Hamilton këtu është sikur të kishte fituar Barcelona në ‘Santiago Bernabeu’.

Sot për sot, Hamilton është Airton Sena i ri, gjithmonë me një distancë të drejtë, sepse Airton është gjithmonë Airton”, u shpreh futbollisti 35-vjeçar për “Movistar +”, ndërsa në profilin e tij në “Instagram”, ai postoi një foto me pilotin britanik me mbishkrimin sipër: “Numri 1”.

“The number 1”

A post shared by DanialvesD2 My Twitter (@danialves) on Sep 2, 2018 at 9:49am PDT

Gara nisi me një episod, që do të diskutohet gjatë, sepse në xhiron e parë Hamilton preku makinën e Vetel në pjesën e djathtë, i cili humbi shumë sekonda nga ky kontakt dhe përfundoi i fundit. Hamilton dhe Raikonen luftuan për vendin e parë, por kampioni i botës arriti të fitonte në Monza duke iu afruar titullit kampion. Strategjia e Mercedezit rezultoi fituese, sepse drejtuesit vendosën të mbajnë Hamiltonin në pistë tetë xhiro mbasi Raikonen ishte futur në bokse për të ndërruar gomat e buta në xhiron e 20-të.

Botas bëri të pamundurën për të bllokuar finlandezin e Ferrarit dhe ia doli duke i dhënë një dorë britanikut për të fituar garën. Raikonen kryesoi deri tetë gara nga fundi, por konsumimi i gomave nuk i lejoi atij të përballonte deri në fund duelin me Hamilton, i cili parakaloi Raikonen dhe arriti fitoren e pestë në karrierë në cirkuitin e Italisë.

BREAKING: Lewis Hamilton WINS at Monza and extends his world championship lead! ?? #ItalianGP ?? #F1 pic.twitter.com/saIqW7wC4q

— Formula 1 (@F1) September 2, 2018

Renditja e përgjithshme