Montpellier

Monako siguron portën, ia beson një francezi

Sport Ekspres — Mon, 15 Jul 2019 12:46:42 +0000

Monaku ka filluar të mendojë për të ardhmen e portës. Kroati Danijel Subashiç është në vitin e fundit të kontratës dhe në sezonin e kaluar nuk tregoi një formë të mirë për shkak të dëmtimeve të njëpasnjëshme.

Zgjidhja e gjetur nga klubi nga Principata është “gardiani” i Montpelies, Benzhamin Lekomt. Sipas medieve franceze 28-vjeçare po kryen në këto momente vizitat mjekësore. Montepelie ka përfituar plot 13 milionë eruo nga shitja e portierit.

Lekomt është blerja e dytë madhore e Monakos pas transferimit te portugezit Gelson Martins. Sezonin e kaluar ish-kampionët e Francës rrezikuan në mënyrë paradoksale rënien nga “Ligue 1”, dhe faji më i madh për këtë ishte i repartit mbrojtës ku ka shumë gjëra për të rregulluar.

Bufon nuk është gjëkundi, ju prezantojmë me “gjyshin” fenomen të kampionatit francez!

Sport Ekspres — Sat, 27 Apr 2019 20:57:16 +0000

Të gjithë quajnë si veteran Xhanluixhi Bufon, i cili edhe pse në moshë 41-vjeçare vijon të luajë në nivele të larta. Gjithsesi, po në Ligën e parë franceze, është një lojtar që e sfidon më së miri gardianin italian.

Mbrojtësi Hilton, i cili luan për Montpelien, do të festojë 42-vjetorin e tij të lindjes në shtator dhe ka rinvouar kontratën me ekipin e tij edhe për një sezon tjetër. Braziliani, i cili ka luajtur në të gjitha ndeshjet e këtij sezoni, me përjashtim të dy sfidave ku ka qenë i pezulluar, duket se nuk ka ndër mend të ndalet.

« La même émotion que si c’était la première fois »
?? Vitorino Hilton prolonge l’aventure avec le #MHSC ! ??

?? https://t.co/NyPpeXLu6L pic.twitter.com/c7PAK4lP8H

— MHSC (@MontpellierHSC) April 26, 2019

Hilton luan me Montpelien që nga viti 2011 dhe pritet që sezonin e ardhshëm të luajë për të nëntin sezon radhazi me fanellën e ekipit francez.

VIDEO | Monako nis të funksionojë, barazim në transfertën e Montpelies

Sport Ekspres — Sun, 10 Feb 2019 16:12:53 +0000

Pjesa e parë e sezonit ishte një katastrofë për ekipin e Monakos, teksa ndodheshin në zonën e rënies nga kategoria në kampionat si dhe në Champions u eliminuan që në fazën e grupeve. Rikthimi i trajnerit Zhardim, si dhe disa blerje në merkaton e janarit, duket se e kanë mbledhur disi ekipin.

Ditën e sotme, ekipi nga principata barazoi në transfertën e vështirë të Montpelies 2-2. Një barazim, që e ndihmon Monakon të ngjitet në vendin e 18-të, ku nëse kampionati do të mbyllej tani, do t’i duhej të zhvillonte një ndeshje “play-out” për të shpëtuar.

Sfida nisi mirë për bardhekuqtë, të cilët kaluan në avantazh me anë të Gelson Martins. Në pjesën e dytë Gaetan Laborde barazoi shifrat, ndërsa Falkao i dha përsëri epërsinë Monakos 8 minuta përpara fundit. Gjithsesi, në minutën e 90-të ishte Delort, i cili baraspeshoi gjithçka, duke mbyllur ndeshjen në shifrat 2-2.

Montpelie 2 – 2 Monako
Shënues: Labord 66′ Delort 91 ‘ / Martin 14′ , Falkao 82’