Monterrey

Milani gjen fantazist në Meksikë, synohet edhe mbrojtësi i Sitit

Sport Ekspres — Wed, 24 Jul 2019 12:54:13 +0000

Milani është në kërkim të një mbrojtësi. Demiral dhe Rugani të Juventusit janë preferencat e drejtuesve kuqezinj, por fatin e tyre e ka në dorë Mauricio Sarri. Njëri nga të dy do të largohet (me shumë mundësi i dyti) dhe pritet vendimi i trajnerit bardhezi.

Maldini, Masara dhe Boban nuk po qëndrojnë duarkryq dhe vazhdojnë punën për gjetjen e elementëve të tjerë. Ideja e fundit quhet Nikolas Otamendi. Hapësirat për 31-vjeçarin te Mançester Siti janë reduktuar dhe lojtari argjentinas (numëron 63 ndeshje me kombëtaren albiceleste) është me valixhe gati.

Milani kërkon të përfitojë situata e krijuar, por duhen fituar rivaliteti me spanjollët e Valencias. Otamendi nuk është emri i vetëm, sepse Milani interesohet edhe për Rodolfo Pizarron. 25-vjeçari meksikan është pjesë e Monterreit, luan në rolin e mesfushorit ofensiv dhe agjentët e tij ia kanë ofruar “djallit”.

Pizarro, i cili ka shënuar 4 gola në 22 ndeshje të zhvilluara me kombëtaren e tij, bën mirë edhe krahët e sulmit. Fox Sports raporton se kartoni i tij kushton vetëm 8 milionë euro, një shumë modeste krahasuar me çmimet e çmendura që po qarkullojnë në merkato. Teknika dhe driblimi janë armët më të forta të “yllit” meksikan.

Dështim fenomenal, Totenhem shet sulmuesin në Meksikë

Sport Ekspres — Wed, 24 Jul 2019 08:52:39 +0000

Klubi meksikan i Monterreit ka habitur të gjithë teksa ka zyrtarizuar transferimin e sulmuesit holandez Vinsent Jansen. “Gjiganti” meksikan ka derdhur 8 milionë në arkat e Totenhem për kartonin e 25-vjeçarit.

Futbollisti holandez ka firmosur një kontratë 5-vjeçare me ekipin meksikan, ku shpreson të ringjallë karrierën e tij. Kampionati meksikan ka filluar të afrojë së fundmi lojtarë të shumtë nga Europa, si Ander Pier Zhinjak dhe Zheremi Menez, të cilët kanë vite që luajnë në “Liga MX” dhe bëjnë diferencën.

https://www.instagram.com/p/B0Rm_yOBaE4/?utm_source=ig_web_copy_link

Tre vite më parë Totenhem investoi 20 milionë euro për të blerë nga AZ Alkmar kartonin e Jansen. Sulmuesi vinte pas një sezoni të shkëlqyer si kryegolashënues i “Eredivisie” me 27 gola në 34 ndeshje. Megjithatë, eksperienca 3-vjeçare në Londër rezultoi një dështim i përmasave të mëdha me vetëm 6 gola të realizuar.

VIDEO | Fitoi betejën me të keqen, “luftëtari” meksikan emocionon me rrëfimin e tij

Sport Ekspres — Sun, 09 Jun 2019 09:20:58 +0000

Migel Lajun luan aktualisht për Monterrein në atdheun e tij në Meksikë. Në të kaluarën, mbrojtësi ka qenë pjesë e Sevijas apo dhe e Portos, me një karrierë përgjithësisht të suksesshme.

Muajt e fundit, që nga kalimi te Monterrei, që habiti jo pak e deri tani, Lajun ishte pothuajse i zhdukur, ndërsa tashmë, ai me anë të një video në llogarinë e tij në “Twitter“, ka vendosur të shpjegojë gjithçka.

Një rrëfim emocionues, me meksikanin që rrëfen se ka luftuar gjithë këtë kohë me kancerin. Lajun zbuloi se ka qenë i diagnostikuar me kancer në veshka dhe se tashmë gjithçka ka kaluar me sukses. Mbrojtësi, gjithashtu deklaroi se do mundohet t’i ndihmojë të gjithë personat që janë në luftë me sëmundjen e tmerrshme.

Quiero agradecer a todos los doctores que estuvieron involucrados en mi diagnóstico y tratamiento (cirugía), gracias especiales a Dios por permitirme estar aquí, y ojalá el mensaje que quiero compartirles llegue tal cual me gustaría! pic.twitter.com/vNQul6z0mm

— Miguel Layun (@Miguel_layun) June 9, 2019

VIDEO | Monterrei kampion në Concacaf, festimi i trajnerit është spektakolar

Sport Ekspres — Thu, 02 May 2019 08:02:13 +0000

Champions League mbylli një natë më parë përballjet e para të gjysmëfinaleve, ndërsa përtej Oqeanit, Championsi i Concacaf (ku përfshihet Amerika qendrore dhe veriore, si dhe Karabibet), zhvilloi finalen e kthimit, ku u shpall dhe kampioni.

Monterrei ka mposhtur rivalin e përjetshëm Tigresin në finale, me rezultatin e përgjithshëm 2-1. Pasi triumfuan në transfertë 0-1, Monterreit i mjaftoi një barazim 1-1 në sfidën e luajtur pas mesnate për të fituar titullin dhe për t’u kurorëzuar kampion i Championsit të Concacaf.

Nos representas un chingo uruguayo, ALV que festejo. pic.twitter.com/ZNWQnMQJe2

— Rayao’ (@UnRayao) May 2, 2019

Festa ishte e çmendur kudo, si në shkallët e stadiumit, po ashtu dhe në fushë, ku ai që vodhi vëmendjen e të gjithëve ishte trajneri i vendasve, Antonio Mohamed. Festa e këtij të fundit ishte e jashtëzakonshme dhe spektakolare, ku mjafton t’i hedhësh një sy videove për ta kuptuar, pasi komenti do të ishte i tepërt…

Monterrey fans doing the “wave” @ SCCL2019 Final from r/soccer

Përgjaket “klasikja” meksikane, skena “horror” përpara ndeshjes

Sport Ekspres — Mon, 24 Sep 2018 13:35:56 +0000

Skena të tmerrshme kanë ndodhur përpara fillimit të “klasikes” meksikane midis Tigres dhe Monterrei. Klasikja e 117-të midis dy klubeve legjendë në Meksikë duket se mori nota tragjike teksa tifozët e dy klubeve janë përleshur me njëri-tjetrin. Një tifoz i Tigres thuhet se është në gjendje të rëndë.

Skena me të vërtetë që nuk kanë asnjë lidhje me futbollin, teksa në një nga videot gjithashtu shihet se një tifoz i ekipit të Monterrei tenton të marrë para tifozët e Tigres teksa nget makinën. Është diçka me të vërtetë e trishtë, që kemi të tilla ndodhi dhe në ditët e sotme për një ndeshje futbolli.

Disgusting. A Tigres fan was attacked before the #ClasicoRegio between Tigres and Monterrey. He was left in critical condition with some reports saying he has passed away at the hospital.

No one should have to lose their life over futbol pic.twitter.com/hvR1bOFeuX

— Juan Velazquez (@JuanDirection58) September 24, 2018

Ndërkohë për sa i përket ndeshjes, e cila dhe u mendua të shtyhej për një moment nga incidentet, skuadrat kanë ndarë nga një pikë. Një barazim që nuk i hyn në punë asnjë prej ekipeve të cilat i largohen kreut të renditjes, por vijojnë të qëndrojnë në zonën “play-off”.