Sulmuesi italian kërkohet me ngulm nga skuadra e Bajernit dhe madje flitet edhe për një marrëveshje të arritur mes lojtarit dhe kampionëve të Gjermanisë. Por Montela ka mohuar gjithçka, duke thënë se Kieza është dhe do të mbetet një lojtar i Fiorentinës.

“Sot, Kieza është një nga lojtarët më të mirë në botë. Kur e mendon se vetëm do të rritet dhe do të bëhet edhe më i mirë, është frikësuese! Për momentin, është lojtar i Fiorentinës. Po flitet shumë për një largim të tij, por çfarëdo që të ndodhë, nuk do të jetë në dorën time”, u shpreh trajneri italian.

Sipas burimeve të së përditshmes italiane “La Stampa”, numri një i klubit roman ëndërron të sjellë Antonio Konten në krye të skuadrës së tij romane. Firma me ish-trajnerin e Juventusit dhe Çelsit do të jetë tejet e vështirë, prandaj në tavolinë janë dhe dy opsione të tjera.

Bëhet fjalë për ish-trajnerin e Fiorentinës Paulo Soza dhe Vinçenco Montelën, ky i fundit e ka drejtuar Romën për një periudhë të shkurtër në vitin 2011. Në ndryshim nga Konte, i cili është në një proces gjyqësor ende të pazgjidhur me klubin e Çelsit, diçka kjo që e pengoi të negocionte me Real Madridin, pas shkarkimit të Lopeteguit.

Mbrëmjen e së dielës, Roma do të ketë një sfidë mjaft delikate ndaj Interit, ndeshje që do të përcaktojë shumë edhe për ecurinë e Di Françeskos, i cili u vërshëllye pas sfidës ndaj Realit.

Ditët e fundit po përflitet se zëvendësuesi i Di Françeskos mund të jetë një njohje e vjetër për Romën. Pikërisht ish-lojtari dhe trajneri i saj, Viçenzo Montela, shihet si zëvendësuesi kryesor i Di Françeskos në rast se ky i fundit do të shkarkohet.

Montela ka qenë në krye të Romës në vitin 2011, ku e drejtoi ekipin verdhekuq për 16 ndeshje. Një emër tjetër që ishte përfolur, ishte dhe ai i Paolo Sosës, por ky i fundit duket se është shumë pranë Sauthemptonit në Angli.

Drejtori sportiv i Milanit Masimiliano Mirabeli foli dje në lidhje me çështjen e trajnerit dhe në një farë mënyre i dha paralajmërimin Montelës: “Largimi? Është rreziku i punës sonë dhe është e drejtë të jetë kështu, u ka ndodhur edhe trajnerëve të mëdhenj që të mos kenë rezultate për një sezon. E dimë cili është projekti ynë, e dimë që kemi luajtur pak ndeshje dhe duhen edhe 30. Në ndeshjet e ardhshme duhet të sillemi si Milani. Në këtë fillimsezoni nuk jemi paraqitur fare në fushë ndaj Sampdorias, kemi rezistuar vetëm një pjesë loje ndaj Romës dhe u mundëm nga Interi duke mos luajtur në pjesën e parë: këto gjëra nuk i lejohen Milanit. Kjo skuadër duhet të bindet te forca e vet, duhet të ketë respekt për të gjithë, por frikë nga askush, përkundrazi, kundërshtarët duhet ta kenë frikë”.

Më pas, dy fjali për derbin: “Derbi është thelbësor. Kemi nevojë për fitore, pak rëndësi ka mënyra. Derbi vlen shumë, pres një paraqitje bindëse, ashtu si me Romën, por me një sulm më të rrezikshëm. Mund të shkojmë në Champions, por nuk duhet të na kapë ankthi i renditjes. Për momentin Bonaventura e Suso janë titullarë, Kaliniç do të shihet ditën e fundit”.

Deti kuqezi është i trazuar dhe Montela e pranon këtë fakt. Eshtë ai personi që duhet të udhëheqë dhe drejtojë anijen duke e transportuar atë në ujëra më të qeta. Ndeshja përballë Rijekës mund të jetë pikërisht e duhura në këtë aspekt, për të ulur nivelin e dallgëve dhe marrë frymë, edhe pse trajneri ka treguar se di të “kalërojë” dallgët dhe madje në konferencën e djeshme për shtyp shfaqet si marinar i guximshëm. “E gjitha është pjesë e lojës, jam i qetë, i vendosur, i ekuilibruar dhe më guximtar nga sa mendoja. Kam kaluar momente të vështira, si futbollist dhe trajner. Por, kam bërë kthesën që dëshiroja dhe do ta bëj edhe këtë herë. Eshtë moment i veçantë por i vështirë, do të duket e ekzagjeruar por këtu jemi te Milani. Dhe unë e di se do t’ia dal. Kemi dëshirë të luajmë, jemi të uritur. Me Sampdorian vinim në ndeshjen e pestë çdo tre ditë dhe ishim të lodhur mendërisht. Reflektimi im ishte: sa futbollistë që kam janë mësuar të luajmë kaq shpesh? Duhet një përgatitje mendore dhe fizike dhe ne nuk kemi shumë. Unë duhet të jem i aftë që të transmetoj shumë energji”. Më pas, Montela foli edhe për ndërprerjen e bashkëpunimit me Emanuele Marran, përgatitësi fizik i shkarkuar nga trajneri: “Nuk ishte ai problemi, qëndron që të kemi edhe divergjenca që në këtë moment nuk doja të vazhdoja t’i kisha. Eshtë një vëlla për mua dhe një zgjedhje e dhimbshme, i uroj më të mirën sepse ia dua vërtet. Tani pres përgjigje nga i preferuari im dhe klubi më ka lënë në dorë zgjedhjen”. Sakaq, trajneri ndihet i sigurt në timon: “Kritikat më stimulojnë. Nga klubi, ndjeva shumë vlerësim. Fati varet nga rezultatet por ndjej besimin dhe kjo është pjesë e punës time, që di të administroj momente të tilla. Mentaliteti fitues krijohet edhe duke u penguar, mjafton të mos gjesh asnjëherë justifikime dhe të mendosh vetëm për fitoren. Megjithatë, jo çdo gjë duhet flakur në det…”.

Shpeshherë është taktikë, por Vinçenco Montela nuk i beson fare Spal-it, ndoshta edhe sepse stërvitet nga një njohje e vjetër e tij. Sempliçi ishte trajneri i të rinjve të Fiorentinës, kur “Aeroplani” stërviste skuadrën e parë. “Me të kam një mardhënie të shkëlqyer, vinte shpesh për të parë stërvitjet. Ai është një mik dhe është bukur ta rishosh në Serinë A. Spal-i është një skuadër që luan me rregull, kompaktësi dhe rrezikshmëri ofensive. Janë logjikë dhe të koordinuar, e dinë mirë këtë edhe Lacio dhe Interi. Do të jetë një ndeshje që mund të zgjidhet me lojën e ndonjë individi, një goditje nga jashtë zone, apo duke fituar duelet”.

SUSO DHE BONUÇI – Me siguri kjo nisje e sezonit ka qenë inkurajuese në shumë pikëpamje. Përtej ndeshjes së keqe ndaj Lacios, Montela po nis të shohë siguri të ndryshme që i ndan edhe me vetë drejtuesit e klubit. “David Han vjen gjithnjë në stadium, është njëri që transmeton qetësi të madhe. Jam i kënaqur dhe optimist, sepse skuadra po propozon diçka interesante. Pastaj Milani është i tëri për t’u zbuluar”. Në fund, ndonjë fjalë edhe për lojtarët e veçantë. “Kritikat ndaj Bonuçit? Transferimi i tij ka bërë shumë efekt dhe kjo ka rritur përgjegjësitë e tij. Por nëse mbrojtja është përmirësuar në krahasim me vitin e shkuar, merita është edhe e tij. Kush mund të luajë në vendin e tij në rast “tradhtie”? Kesie, që në të shkuarën e ka bërë, apo Romanjoli, ose Paleta. Suso? Është një lojtar i rëndësishëm dhe tani është më i qetë. Nga ajo që kam lexuar rinovimi është më pranë, në fushë mund të bëjë gjëra të jashtëzakonshme dhe me kohën do të mësohet të luajë edhe më brenda fushës. Edhe pse ndoshta nuk e ka kuptuar, këtë e ka bërë gjithnjë”.

DIBALA – Kasano thotë se Dibala i kujton Montelën, i cili përgjigjet: “E vërtetë, ngjajmë goxha si lojtarë. E kisha vënë re Dibalën që kur drejtoja Katanian, e kërkova, por e bleu Palermo për një shifër shumë të lartë”.

Suso – “Suso është pjesë e projektit Milan, shumë i rëndësishëm, shumë i vlerësuar nga ana ime. Edhe klubi e vlerëson shumë. Nuk kemi menduar kurrë ta nxjerrim në shitje. Sezonin e shkuar pati probleme fizike në muajit e fundit dhe vuajti pak”.

Montolivo – “Luajti një ndeshje të jashtëzakonshme, shoh një lojtar që është rritur shumë krahasuar me sezonin e shkuar. Vinte nga një dëmtim i rëndë, ndoshta e ka ndihmuar edhe fakti që tani nuk ka më barrën e të qenit kapiten. Kesie është më i fortë fizikisht, Çalhanoglu mund të futet në hapësira, ndërsa Montolivo i jep ekuilibër mesfushës”.

Niang – “E kam lexuar parullën e shpalosur kundër tij, nuk kam ç’të them, publiku ka të drejtë të shprehë mendimin e vet”.

André Silva – “Jo të gjithë lojtarët mund të luajnë 90 minuta, do ketë vend për të gjithë”.

Çfarë duhet përmirësuar – “Duhet më shumë vazhdimësi në lojë, në administrimin e saj, duam të synojmë vendet e para dhe për këtë gjë duhet përmirësim total. Më pëlqen shpirti i skuadrës, lojtarët luajnë gjithnjë për fitore. Duhet të punojmë mbi defektet dhe është e lehtë të punosh kur fiton”.

Tani pushim – “I shërben më shumë trajnerit dhe stafit, sepse realisht na ikin 17 lojtarë me kombëtaret dhe nuk e di a mund të quhet pushim”.

“Më pëlqeu shumë si e përgatitëm ndeshjen dhe si u futëm në fushë, edhe pse kartoni i kuq i Krotones na e bëri shumë të lehtë. Megjithatë, nëse duam të bëhemi një skuadër fituese, duhet të mësojmë si administrohen ndeshjet, sepse pas 3-0 morëm disa kartonë të verdhë të panevojshëm dhe kjo nuk më pëlqeu”, deklaroi pas ndeshjes trajneri kuqezi Vinçenco Montela, i cili nuk merret shumë me teknologjinë VAR, që i dha një penallti Milanit dhe një të kuqe Krotones: “Nuk më duket rasti për të komentuar edhe VAR-in: duhet të mësohemi me të, kam përshtypjen se do të sjellë qetësi, në fushë e jashtë saj”.

Një lojtar në veçanti ka impresionuar Montelën: “Shumë lojtarë po rriten me ritme të shpejta. Kesie, në veçanti, e prisja të ishte i zoti, por jo kaq i mirë: është inteligjent dhe arsyeton që tani si lojtar ekspert. André Silva mund të bëjë shumë më tepër se kaq, kur të mësojë të çojë topin në rrjetë me lehtësi, do të bëhet një sulmues i një niveli shumë të lartë. Po vjen Kaliniç? Për një skuadër të madhe tre sulmues janë normalitet, ka skuadra që kanë nga 4”.

GJENDJA – “Minicikli i ardhshëm do të jetë i rëndësishëm, edhe pse jemi vetëm në fillim. Do të luajmë në pak ditë ndeshjen kundër Shkëndijës dhe të parën në Serinë A, shpresoj që skuadra të mos bëjë asnjë gabim. E përsërit, sapo kemi filluar, por që tani luajmë ndeshe me shumë rëndësi. Skuadra po rritet fizikisht dhe grupi po funksionon mirë”.

ANDRE’ SILVA – “Po rritet, besoj se për lojtarët ofensivë nevojitet më shumë kohë ambientimi dhe studimipër mbrojtjet kundërshtare. Edhe atij i duhet pak kohë, por me siguri ka të ardhme të madhe”.

SHKËNDIJA – “Kanë luajtur më shumë ndeshje se ne, 6 vetëm në Europë, pastaj sapo kanë mundur Vardarin kampion në fuqi. Është një skuadër me ide të qartë loje dhe në sulm kanë një lojtar të talentuar dhe të paparashikueshëm si Ibraimi. Skuadër evropiane, pranë skuadrave italiane në pikëpamjen taktike. Do të jetë një ndeshje e vështirë, por do të varet vetëm prej nesh. Ata janë shumë të organizuar, por varet si do të luajnë. Nuk jam i bindur që në Europa ndeshjet mbyllen që në vajtje, gjithçka mund të ndodhë në dy ndeshje, edhe rezultate të thella. Ndeshja e parë në shtëpi? Nuk isha kundër idesë fillestare, më dukej avantazh, por gjithsesi përshtatemi me gjithçka”.

KALINIÇ – “Po mundohem të mos zbuloj shumë gjëra. Megjithatë, mund të them që është një futbollist që i përshtatet futbollit tonë, altruist dhe që di të manovrojë në çdo situatë loje. Ndoshta nuk është një shënues race, por më pëlqen shumë si lojtar. Gjithsesi, edhe nëse vjen, nuk do të luajë në fundjavë”.

MBROJTJA – “Nuk është gjithmonë e vërtetë që mbrojtjet të japin titullin kampion. Nëse shënon pak, por pëson pak, nuk është e thënë që të fitosh. Duhet të dish të sulmosh dhe të mbrosh me 11 lojtarë, skuadra ka nevojë për harmoni”.

BILIA E ROMANJOLI – “Më bezdis fakti që nuk i kam në dispozicion. Alesio po stërvitet rregullisht, ndërsa Lukas dëshiron të kthehet sa më shpejt. Janë dy lojtarë që do të bëhen vendimtarë për fatet e Milanit. Me Romanjolin do të kemi mundësi të luajmë me 3 në mbrojtje, është mëngjërashi i vetëm, por mund edhe të vazhdojmë me 4 lojtarë në prapavijë. Ndoshta kthehet pas ndërprerjes së kampionatit”.

SULMI – “Kutrone është në formë të jashtëzakonshme, por duhet ta administroj mirë në 4 ndeshjet e radhës, që luhen në dy javë, ndaj do të bëj shumë rotacion, pasi në këtë periudhë askush nuk i përballon dot 4 ndeshje në dy javë me të njëjtin nivel në paraqitje. Dua të këmbëngul edhe te André Silva, sepse duhet të ambientohet me stadiumin, ndaj do të alternohen ose do të luajnë së bashku. Pres që skuadra të ketë më shumë harmoni në lojë, të krijojë më shumë”.

BAKA – “Është një futbollist që na ndihmoi shumë për të shkuar në Europë, por prisnim diçka më shumë prej tij. Për mua nuk ishte një fitore e madhe, sepse nuk arrita t’i shfrytëzoj gjithë aftësitë e tij. Kishim dy vizione të ndryshme në lidhje me rolin e sulmuesit në fushë. I uroj gjithë të mirat”.

NIANG – “Ka qenë paksa i dëmtuar për disa ditë. Klubi dhe djaloshi e dinë mendimin tim, situata është në evoluim të vazhdueshëm”.

BONUÇI KAPITEN – “Zgjedhje e orientuar nga klubi, që dëshironte si kapiten një fytyrë të re. Bonuçi është lojtari perfekt për kapiten, është një lider në skuadër, edhe pse nuk ishte një zgjedhje e lehtë”.

DHURATË NË MERKATO – “Po bëj vlerësime ditë pas dite, e ekzagjerojmë edhe me drejtorin. Idetë dhe synimet e mia janë të qarta, edhe pse jam shumë i kënaqur me merkaton, nuk mund ta mohoj”.

SOZA E PALETA – “Për momentin nuk janë në planet e mia dhe janë në merkato. Më pas, të shohim. Edhe nëse ikën Paleta, nuk do të blejmë askënd, kemi 6 qendërmbrojtës, 7 së bashku me Simiç”.

BONUÇI DO CHAMPIONS – “Ai ka thënë që dëshiron ta fitojë brenda 4 viteve, por më parë duhet të kualifikohemi. Nëse jemi të zotët, mund ta fitojmë edhe më herët”.

Trajneri Vinçenco Montela ka folur gjerë e gjatë për gazetarët, duke prekur tema të ndryshme.

BLERJET E REJA – “Jam i entuziazmuar, skuadra po lind dhe po kompletohet. Kanë ardhur shumë lojtarë, disa të rinj e disa me shumë eksperiencë, na pret një punë e madhe, por jam optimist. Skuadra nuk është ende e kompletuar, duhen marrë vendime të rëndësishme për lojtarët që do të largohen. Objektivi është kualifikimi në Champions League dhe nuk do të jetë e lehtë, duke parë konkurrencën.

BASHKËPUNIMI – “Për blerjet e reja kam folur shumë sidomos me Mirabelin, për projektin tonë, për të shpëtuar atë që duhej shpëtuar nga skuadra e sezonit të shkuar. Kemi ndërtuar një strategji, pastaj ai ka lëvizur nëpër botë për të gjetur lojtarët me karakteristikat që duam.

MËNYRA E LOJËS – “Pres që të kemi një modul bazë dhe një rezervë, sepse lojtarët janë në evolucion dhe duhen shfrytëzuar më së miri tiparet e tyre. Do të ndjekim rrugën e sezonit të shkuar, por mund të kemi edhe një variant që nuk i ndryshon shumë principet e lojës.

JUVENTUSI – “Është një hap më lart nga rivalët e tjerë, është skuadra për t’u mundur. Edhe Napoli është shumë mirë”.

ORGANIKA – “Një trajner dëshiron të ketë një skuadër sa më të kompletuar, por duhet bërë edhe pastrim në aspektin e numrave, nuk e them me negativitet. Kemi 3 mbrojtës të majtë e 3 të djathtë, është e pamundur për një trajner t’i mbajë të gjithë në skuadër, edhe vetë lojtarët e dinë mirë”.

SKUADRA – “Shumë lojtarë që janë afruar tani nuk e njohin kampionatin italian, ndaj duhet të nxitojmë, për t’u bërë skuadër sa më shpejt. Kaliniç? Sa më shumë lojtarë cilësorë të kesh, aq më mirë është, por jo të gjithë mund të luajnë titullarë. Më vjen mirë që dëshiron të vijë te Milani, edhe pse natyrisht më vjen keq pë Fiorentinën, por gjithçka është bërë transparente. Çalhanoglu? Është një lojtar shumë i talentuar, jam kurioz. Di që luan në shumë pozicione në mesfushë.. Andre Silva? Sulmues modern, me hapësira të mëdha përmirësimi dhe rritjeje, do të mundohem ta ndihmoj.”

Trajneri Vinçenco Montela ka vizituar familjen e portierit të talentuar të kombëtares italiane dhe ka qenë një gjest që ka kënaqur pa masë të afërmit e Donarumës.

“Jemi të lumtur për vizitën, nuk do të kushtëzojmë zgjedhjet e Xhixhios. Duam më të mirën për të, mjafton që të jetë i lumtur”, deklaron babai i Donarumës, Alfonso.

Pak nga pak “lufta” në distancë po harrohet dhe po shkohet drejt zgjidhjes që kënaq të gjithë: rinovim dhe më pas diskutim me qetësi për të ardhmen.

Jo rastësisht, Milani ka ndalur kërkimet për portier, duke lënë Perinin dhe Neton në pritje dhe duke rinisur bisedimet me Mino Raiolën.

Ky i fundit e ka kuptuar se beteja me Milanin nuk i sjell përfitim askujt, ndaj pas Europianit U-21 do të bisedojë me Donarumën dhe është gjithnjë e më e mundshme që të gjendet një zgjidhje që kënaq të gjithë, ndoshta duke futur në kontratën e rinovimit një klauzolë për prishjen e saj, nëse vjen një ofertë e caktuar dhe ajo pranohet nga portieri.

“Pasnjë bisede të shkurtër, kemi rënë dakod me Vinçencon për rinovimin deri në vitin 2019. Jemi entuziastë në vazhdimin e kësaj aventure, pas rezultateve të arritura në një sezon tranzicioni si ky. Qoftë ai i ardhshmi një sezon zbavitës për ne dhe tifozët”, tha Fasone. Menjëherë më pas, Montela ka folur shkurt: “Falënderoj drejtuesit për besimin, jam entuziast që do ta vazhdoj këtë aventurë”.