?? | From Turin to the Toffees… #EFC pic.twitter.com/LYaVAuMimg

— Everton (@Everton) August 4, 2019

Shitja e 19-vjeçarit do të sjellë të paktën 30 milionë euro në arkat e klubit torinez. Tek Everton Ken do konkurrojë për një vend në formacion me anglezin Kalter-Levin dhe turkun Cenk Tosun, konkurrentë të një niveli më të ulët në krahasim me emrat e shumtë të sulmit të Juventusit.

Në kontratën e dakordsuar mes palëve nuk ka një klauzolë riblerjeje nga ana e Juventusit.

Moise Kan ka shpërthyer në gjysmën e dytë të sezonit me bardhezinjtë dhe këta të funsit nuk duan të ndalojnë hovin e 19-vjeçarit. “Zonja” ka në plan ta huazojë ose ta shesë me të drejtën e riblerjes me një çmim të fiksuar. Ulvs do të ishte destinacioni perfekt për yllin italian, do luante rregullisht dhe do provonte veten në Premier Ligë.

Mbetet për t’u parë vendimi i Juventusit. Zonja nuk mendon të heqë dorë përfundimisht nga talenti. Një huazim apo një shitje me të drejtën e riblerjes janë opsion për Paratiçin dhe Nedved. Megjithatë, e sigurt duket se Ken do të largohet drejt një destinacioni ku të ketë më shumë minuta në këmbë.

Ka një skenar që kjo lëvizje të kryhet dhe në mes është sulmuesi i talentuar, Moize Ken. Babai i futbollistit të Italisë e ka shprehur se i biri është tifoz i Interit. I riu ka treguar vlera në ndeshjet që ka luajtur dhe ofertat për të nuk kanë munguar.

Juventusi nuk nxitohet, pasi dëshira e Ikardit për t’u bashkuar me ta ua krijon këtë luks. Momentalisht ka një marrëveshje për 8 milionë euro neto, plus bonuse dhe argjentinasi do të nënshkruajë deri në vitin 2024. Gjithsesi pritet momenti i duhur për t’i bërë ofertën Interit.

Bardhezinjtë po tentojnë të bëjnë një shkëmbim “kokë më kokë” dhe të mos paguajnë gjë, por zikaltrit nuk mund ta pranojnë diçka të tillë. Ata synojnë që veç Ken, të përfitojnë të paktën edhe 20 milionë euro që do të ishin të rëndësishme për bilancin e klubit. Tashmë gjithçka pritet të marrë udhë…

Ofertat për sulmuesin e talentuar nuk mungojnë dhe e fundit ka ardhur nga Premier Liga. Evertoni është në kërkim të një sulmuesi dhe ka zgjedhur të investojë te 19-vjeçari italian.

Plot 35 milionë euro ofron klubi nga Liverpuli për lojtarin me origjinë nga Bregu i Fildishtë. Një shumë e tillë i duket interesante bardhezinjve, por ata nuk duan të nxitohen. Ken do të “shfrytëzohet” për të arritur te De Ligt, kështu që Evertonit i duhet të presë pak ose të piketojë një sulmues tjetër.

Shifër kjo, që cilësohet e madhe dhe jo lehtësisht e përballueshme edhe nga një klub si Juventusi. Mediet italiane raportojnë se Paratiçi e Nedved po negociojnë për një mënyrë tjetër pagese ndaj Ajaksit. Ata janë gati të heqin dorë nga një prej talenteve më të mëdha të akademisë, pikërisht Moise Ken.
Oferta e radhës nga ana e Juventusit në drejtim të skuadrës nga Eredivise është 50 milionë euro, plus kartonin e 19-vjeçarit. Një ofertë që arrin në 75 milionë, nëse konvertojmë kartonin e të riut. Ajaks do e mendojë mirë këtë ofertë, pasi do të merrte një lojtar, që pritet t’i rritet vlera dhe brenda një kohe të shkurtër do vlejë sa De Ligt.

Për Ken është e interesuar edhe Ajaks, që i bën “presion” Juventusit ta përfshijë në marrëveshjen e transferimit të De Ligt në Torino. Gjithsesi duket gati e pamundur që Juventus të heqë dorë përfundimisht nga i riu.

Bardhezinjtë do të ofrojnë 75 milionë eurot e kërkuara, por ky nuk pritet të jetë biznesi i vetëm me Ajaksin. Sipas raportimeve të “Corriere dello Sport”, Juventusi është gati t’i ofrojë Moize Ken kampionëve të Holandës.

“Harkëtarët” e pëlqejnë shumë sulmuesin e ri, por të dy operacionet do të jënë të ndara nga njëri-tjetri. Sakrifica për të larguar sulmuesin e talentuar nuk do të shkojë dëm, pasi “Zonja e vjetër” do të fusë në marrëveshje pikën e riblerjes në të ardhmen.

Të dy lojtarët, si De Ligt dhe Ken, kanë agjent Mino Raiolën dhe ky i fundit po merret me detajet e operacionit të dyfishtë. Mundësi e mirë për të gjithë, klubet dhe vetë futbollistët.

Juventusi i jep goditjen finale në këtë mënyrë shpresave të Barcelonës dhe PSG-së për të siguruar shërbimet e një prej mbrojtësve më të mirë për momentin dhe për të ardhmen.

Mino Rajola po punon me të dy klubet për të siguruar sa më shpejt marrëveshjen përfundimtare. Agjentit te kapitenit holandez i ka lindur një ide. Rajola zotëron edhe të drejtat e Moize Ken.

Sulmuesi i bardhezinjve pëlqehet shumë nga Ajaksi dhe ai mund të përfshihet në tratativën që do të dërgojë De Ligt në Torino. Juventusi është në dyshim; kualiteti i 19-vjeçarit nuk diskutohet, por shqetëson karakteri i tij.

Kampionëve të Italisë ju pëlqen ideja e përfshirjes së lojtarit me origjinë nga Bregu i Fildishtë për të paguar sa më pak para tek Ajaksi, por ata nuk duan ta humbasin përfundimisht. Zgjidhja perfekte do të ishte futja e të drejtës së riblerjes së Ken nga Juventusi në të ardhmen.

Evertoni e kërkon dhe ia ka bërë të qartë bardhezinjve. Drejtuesit e “Zonjës së Vjetër” nuk i kanë kthyer akoma përgjigje klubit nga Liverpuli. Dëshira e tyre është që ta mbajnë 19-vjeçarin në ekip, i cili shihet si e ardhmja e repartit ofensiv.

Gjithsesi, në fund do të vendosë trajneri i ri për të dhe nuk përjashtohet mundësia që sulmuesi me origjinë nga Bregu i Fildishtë të huazohet tek Evertoni për të përfituar minuta dhe krijuar eksperiencë.

Ky vendim mendohet se vjen edhe për të ruajtur formën fizike të dy yjeve. Kampionati Evropian për grupmoshën U-21 fillon pas pak ditësh dhe kjo dyshe pritet ta udhëheqë drejt triumfit kombëtaren axurre.

Në një prononcim për “SoccerBible”, 19-vjeçari i talentuar zbulon objektivin e madh dhe idhujt e tij. Ken ëndërron fitimin e Champions Ligës me Juventusin, ndërsa flet për dy lojtarët që e kanë frymëzuar për t’u bërë ky që është.

“Ambicia ime më e madhe është fitimi i Champions Ligës. Te Juventusi të mësojnë të japësh gjithmonë maksimumin në çdo ndeshje, pavarësisht formës që ke. Modelet që ndjek? Jam frymëzuar shumë nga Didier Drogba. Më pëlqente shumë dhe ishte një nga idhujt e mi. Fiksohesha te lëvizjet e tij, ishte fantastik. Nga lojtarët italianë, kur ishte më i ri, më pëlqente Baloteli, sidomos gjatë periudhës që ishte tek Interi. Edhe Mario ka qenë burim frymëzimi për mua”, përfundon Moize Ken.

Sipas “tuttosport”, kjo ecuri e mirë do të shpërblehet nga drejtuesit e klubit torinez, të cilët po përgatisin një kontratë të re për lojtarin, i cili pritet të jetë e ardhmja e Juventusit dhe kombëtares së Italisë. Agjenti i lojtarit, Mino Raiola, do të luajë një rol kyç në arritjen e marrëveshjes së re.

Kampionët e Italisë duan të nënshkruajnë një marrëveshje të re që zgjat deri. në verën e 2024-ës. Falë kontratës së re paga vjetore e Ken do të katërfishohet, duke shkuar nga 500 mijë euro në 2 milionë euro në sezon (neto).

https://www.youtube.com/watch?v=RqqxyFGb3Kw

19-vjeçari po kthehet në një emër të zakonshëm në listën e golashënuesve të “Zonjës së vjetër” së fundmi, teksa ka shënuar në katër ndeshjet e fundit në Serie A. Një rendiment fantastik për sulmuesin, i cili po mahnit nga dita në ditë.

Për sa i përket golit, Ken shënoi në minutën e 30-të, ku duhet thënë se pati edhe pak fat. Ishte një inkursion i Zhoao Kanselos, i cili tentoi goditjen, por Moize Ken u tregua i vëmendshëm dhe e devijoi drejt rrjetës, duke nxjerrë jashtë loje edhe portierin Viviano.

Isabel kujton momentin kur djali i saj i vogël e mori një ditë herët në telefon dhe i tregoi surprizën e bukur. Ajo e quan mrekulli lindjen e Moizes. Doktorët i kishin bërë të ditur Isabelës që nuk mund të lindte më fëmijë, por e pabesueshmja ndodhi.

“It’s 2019 folks, it’s 2019”

???? Moise Kean celebrated with the perfect response after being subjected to racist abuse all game

?? An 85th minute goal
?? This young man has a bright future ahead of him #SerieA | @footballitalia pic.twitter.com/tHjJUhRYXn

— Premier Sports ? (@PremierSportsTV) April 3, 2019

i

“Ne kemi qenë të varfër. Një ditë, Moize më mori në telefon në orën 5:30 të mëngjesit dhe më tha: ‘Mama, kam një surprizë për ty’. Iu përgjigja: ‘Jooo, mos më thuaj se nuk ke firmosur me Juventusin’. Ai filloi të fliste: “Firmosa dhe që nga sot ti do e lësh punën dhe do të fillosh të jetosh me mua në Torino’.

Lindja e tij ishte një mrekulli. Doktorët më kishin thënë që nuk mund të lindja më. Qaja dhe i lutesha Zotit. Xhovani (vëllai më i madh i Moizes) më lutej për një vëlla të vogël. Një natë pashë një ëndërr me të. Moize erdhi të më ndihmonte dhe pas katër muajsh mbeta shtatzënë me të”, përfundon e ëma e sulmuesit për ”Tuttosport”.

Moise Kean’s mother: “We had little money. Then one day Moise calls me at 5:30AM and says: Mom I’ve a surprise. I told him: No, don’t tell me you didn’t sign with Juve. He replied: I did and starting today you will quit your job and live with me in Turin.” https://t.co/ci2jXsUTWH

— SPORTbible (@sportbible) April 4, 2019

Leonardo Bonuçi i trazoi më shumë gjakrat pas ndeshjes. “Faji është 50 me 50. Ken e kërkoi vetë”, u shpreh mbrojtësi i Juves. Kundrejt kësaj deklarate ka reaguar një tjetër mbrojtjes juventin, më saktë ish-futbollist.

Lilian Turam sot lufton fort kundër racizmit dhe është treguar i ashpër kundër italianit. Ai shpjegon gjithçka, ka një mesazh për Ken dhe të gjithë lojtarët me ngjyrë dhe tregon se si zgjidhet kjo çështje tepër delikate.

REPLIKA – “Bonuçi thotë diçka që mendohet në masë: të zinjtë meritojnë atë që u ndodh. Pyetja e duhur që i duhet bërë atij është kjo: çfarë ka bërë Ken për të merituar aq shumë përbuzje? Bonuçi nuk thotë kurrë që tifozët kanë gabuar, por që e kërkoi Ken. Është njësoj si të përdhunosh një grua dhe t’ia vësh fajin veshjes së saj. Për shkak të këtyre lloj njerëzve nuk rregullohen gjërat.”

THIRRJA – “Leonardo nuk është idiot, por ka një ide të caktuar të shoqërisë dhe qëllimet e tij janë të turpshme. Duhet të jemi të qartë sa i përket racizmit. Thirrjet ‘buuu’ përfaqësojnë përbuzje për të gjithë njerëzit, përfshirë fëmijët me të njëjtën ngjyrë lëkure si Ken. Moizes dhe të gjithë njerëzve me ngjyrë dua t’u them që të ndihen krenar dhe të kërkojnë respekt nga njerëzit si Bonuçi, që dëshirojnë t’i përulin.”

ZGJIDHJA – “Gjithmonë thonë që ndeshja e radhës do të ndërpritet, por nuk ndodh kurrë. Kjo çështje nuk u intereson aspak institucioneve të futbollit. Nëse do të ishte me të vërtetë një problem, ndeshja do të ishte ndalur. Futbollistët që nuk pësojnë thirrje raciste duhet të tregohen solidarë me shokët e tyre. Duhet kuptuar se kur ndodh një gjë e tillë, nuk preket vetëm një person, por miliona të tillë. Duhet sqaruar se nuk vazhdohet kështu përpara, por futbolli është biznes. Asgjë nuk do të ndryshojnë institucionet e tij që nuk kanë marrë kurrë parasysh mundësinë e ndërprerjes së ndeshjes.”

“Ken e di që kur dikush shënon një gol duhet të festojë me ekipin e tij, por nuk e bëri. Ky është gabimi i tij. Faji ishte 50-50 tek të dyja palët. Ai e di se ka gabuar. Kishte fërshëllima dhe kore raciste pas festës së Ken dhe Matuidi u zemërua. Ne duhet të japim një shembull. Duhet të rritemi mendërisht për të mos ndodhur më këto gjëra”, ishin fjalët e mbrojtësit të Juventusit pas takimit kundër Kaljarit.

Së fundmi Bonuçi kërkon të sqarojë gjithçka dhe për këtë ka bërë edhe një postim në rrjetet socalie. Deklarata e bërë pas ndeshjes solli reagime të ashpra kundër tij dhe mbrojtësi nuk dëshiron ta etiketojnë si një njeri që përkrah racizmin.

“Pas 24 orësh dua të sqaroj gjithçka. U intervistova direkt pas ndeshjes dhe fjalët e mia qartësisht janë keqkuptuar, ndoshta sepse isha shumë i nxituar në mënyrën se si i shpreha mendimet e mia. Orët dhe vitet nuk do mjaftonin për të folur për këtë temë. Unë dënoj me forcë çdo lloj forme të racizmit dhe diskriminimit. Abuzimet nuk janë aspak të pranueshme dhe kjo nuk duhet të keqkuptohet”, shkruan Bonuçi.

 

View this post on Instagram

 

Dopo 24 ore desidero chiarire il mio pensiero. Ieri sera ho parlato alla fine della partita e mi sono espresso in modo evidentemente troppo sbrigativo, che è stato male interpretato su un argomento per il quale non basterebbero ore e per il quale si lotta da anni. Condanno ogni forma di razzismo e discriminazione. Certi atteggiamenti sono sempre ingiustificabili e su questo non ci possono essere fraintendimenti. // After 24 hours I want to clarify my feelings. Yesterday I was interviewed right at the end of the game, and my words have been clearly misunderstood, probably because I was too hasty in the way I expressed my thoughts. Hours and years wouldn’t be enough to talk about this topic. I firmly condemn all forms of racism and discrimination. The abuses are not acceptable at all and this must not be misunderstood.

A post shared by Leonardo Bonucci (@bonuccileo19) on Apr 3, 2019 at 1:56pm PDT

Rajola insiston se ka vetëm një mënyrë për të luftuar racizmin. Nuk duhet të ketë aspak tolerancë, madje edhe për ata që e justifikojnë këtë fenomen.

RACIZMI – “Dikush nuk mund të jetë italian dhe racist në të njëjtën kohë. Unë jam me Ken dhe Matuidin. Për mua racizmi është sinonimi i injorancës. Askush nuk mund ta justifikojë. Jam krenar për djemtë e mi dhe jam me to deri në fund.”

ZGJIDHJA – “Nevojitet kurajo dhe dënime shumë të ashpra për ata që shkaktojnë racizëm dhe e justifikojnë atë, në një mënyrë apo tjetër. Duhet të jemi të gjithë të bashkuar kundër racizmit.”

Ishte ky i fundit, i cili pas golit të shënuar, festoi përpara tifozëve vendas, gjest që i çmendi akoma më shumë ultrasit e Kaljarit. Lidhur me këtë çështje, së fundmi ka folur dhe babai i Ken, i cili sqaron se djali i tij nuk provokoi askënd dhe se ata njerëz janë injorantë.

“Çdokush ka të drejtë të ketë mënyrën e tij të festimit. Këta njerëz janë injorantë. Futbolli është diçka që të jep kënaqësi. Djali im është shumë i qetë dhe e kam këshilluar shpesh që të mos merret me gjëra të tilla.

“Nuk pashë asnjë lloj provokimi nga ana e tim biri në fushë. Kur shënon, ai gjithmonë kërcen përpara tifozëve. Racizmi nuk duhet të ekzistojë më. Duhet të rritemi në mendje dhe në sjellje”, përfundoi babai i Ken.

Në intervistën pas ndeshjes Bonuçi tha: “Mendoj se faji për këtë është 50 me 50”. Qendërmbrojtësi kritikoi festimin e bërë nga  Ken që bëri pas shënimit të golit.

Reagimet për këtë deklaratë kanë qenë nga më të ndryshmet. Futbollistë si Rahem Stërling, Mario Baloteli  dhe Jaja Ture kanë kritikuar italianin, ndërsa një mënyrë origjinale për të “thumbuar” 31-vjeçarin ka ardhur nga klubi i Dortmundit.

Në llogarinë zyrtare të skuadrës gjermane është postuar një foto të Bonuçit, teksa driblohet nga Marko Rojs dhe në mbishkrim është vendosur një “emoji” e një majmuni.

? pic.twitter.com/eohgsySvnM

— Borussia Dortmund (@BlackYellow) April 3, 2019

Ndërkohë sulmuesi i Mançester Sitit e ka me deklaratën e Bonuçit pas ndeshjes. Mbrojtësi i bardhezinjve u shpreh se një pjesë të fajit e kishte edhe Kean duke e ndarë në 50-50. Nuk është aspak dakord Stërling dhe i drejtohet direkt Leos: “Faji është 50-50 Bonuçi? E vetmja gjë që mund të bësh është të qeshësh.”

Ndërsa Pol Pogba dhe Depaj e kanë me tifozët dhe bëjnë thirrje për ta luftuar këtë fenomen që vetëm e bën pis futbollin dhe jo vetëm.  “Unë mbështes çdo luftë kundër racizmit. Jemi të gjithë të barabartë.”, shprehet Pogba. I ngjashëm është edhe postimi i holandezit, i cili shkruan: “Duhet të flasim. Jemi të barabartë.”

Këto veprime të tij dhe ultrasve të Kaliarit kanë ngjallur reagime. Leonardo Bonuçi e komenton kështu atë që ndodhi:  “Ken e di që kur dikush shënon një gol duhet të festojë me ekipin e tij, por nuk e bëri. Ky është gabimi i tij. Faji ishte 50-50 tek të dyja palët. Ai e di se ka gabuar. Kishte fërshëllima dhe kore raciste pas festës së Ken dhe Matuidi u zemërua. Ne duhet të japim një shembull. Duhet të rritemi mendërisht për të mos ndodhur më këto gjëra”.

Një reagim më të ashpër ka bërë ish-futbollisti i kombëtares italiane, Daniele Adani. Aktualisht opinionist në televizionin “Sky”, ai u tregua i drejtpërdrejtë: “Bëmë një tjetër figurë m*ti. Është një humbje për të gjithë, është diçka e pështirë”.

Këto fjalë kanë ngjallur një debat me presidentin e Kaljarit, Tomaso Guilini. Ai e etiketon Adanin si një moralist dhe mundohet ta mbyllë më lehtë këtë ngjarje në lidhje direkte “Kam dëgjuar tepër moralizma në studio. Po e instrumentalizoni së tepërmi këtë situatë, nuk ndodhi asgjë. Ken gaboi mënyrën e festimit. Ma thanë edhe persona të afërt të Juves.

Është 19 vjeç, mbyllet me kaq kjo histori. Edhe nëse do festonin ashtu Bonuçi apo Bernardeschi, tifozët do silleshin njësoj. Do i fishkëllenin edhe ata, nuk ka lidhje racizmi”. E menjëhershme dhe e ashpër ka qenë përgjigja e Adanit: “Mos më quaj mua moralist. Nuk po sulmoj Kaljarin, por vetëm disa idiotë. Nëse fishkëllen një lojtar me ngjyrë, del nga stadiumi dhe nuk hyn më kurrë, si në Angli”.

Të besuarit e Alegrit shënuan nga një gol për çdo pjesë, ku fillimisht kaluan në avantazh me anë të Leonardo Bonuçit, i cili goditi saktë me kokë pas një goditje nga këndi.

“Zonja e vjetër” e administroi mjaft mirë avantazhin e arritur dhe rezistoi deri në fund, ku në minutën e 85-të gjeti edhe golin e qetësisë. Ishte Moize Ken, i cili nuk kishte si të mungonte, me 19-vjeçarin që shënon golin e katërt në katër ndeshjet e fundit me Juven dhe kombëtaren e Italisë.

Tashmë, bardhezinjtë e çojnë diferencën me Napolin në +18, me ekipin e Ançelotit që nesër udhëton në transfertën e Empolit.

Serie A

Kaljari – Juventus      0-2
Shënues: Bonuçi 22′, Ken 85′

Kontrata e tij me kampionët e Italisë përfundon në verën e vitit 2020, ndërsa ofertat kanë vërshuar lumë nga gjysma e Europës. Juventusi as që ka ndërmend të heqë dorë nga shërbimet e tij dhe kërkon rinovimin.

Pavel Nedved, zv presidenti i klubit torinez, do të takohet këto ditë me Mino Rajolën, agjentin e sulmuesit. Siç raportojnë mediat italiane, Juvja pritet t’i ofrojë lojtarit një rinovim deri në vitin 2024, ndërsa do të shumëfishohet edhe rroga. Kin përfiton 500 mijë euro në sezon dhe me kontratën e re do të përfitojë rreth 1.5-2 milionë euro.

“Nëse diçka të tillë e thotë trajneri atëherë është e vërtetë. Sigurisht që nuk jam Kristiano apo Mesi. Shpresoj që një ditë të arrij nivelin e tyre, nëse punoj fort.”

Ken gjithashtu është shndërruar në lojtarin e dytë më të ri që shënon tetë gola në Serie A. Vendin e parë e mban Baloteli, me moshën 18 vjeç e 242 ditë, teksa në lidhje me këtë arritje sulmuesi i Juventusit tha:

“Jam shumë i lumtur për këtë rekord. Siç e kam thënë, jam gati të thyej edhe disa rekorde të tjera. Të punoj fort është ajo që mund të më ndihmojë të tregoj atë që mundem të bëj”, përfundoi 19-vjeçari.

Elozhet nuk kanë munguar për 19-vjeçarin, por ai që e ul me këmbë në tokë është pikërisht trajneri Alegri. Pas ndeshjes, tekniku livornez u pyet për Ken dhe ai u përgjigj se i duhet akoma dhe shumë punë, pasi shumica e lojtarëve që kanë qenë si ai e kanë humbur rrugën.

“Është e drejtë që të ketë ambicie, pasi po stërvitet me Juventusin dhe është i rrethuar nga kampionë. Në këtë nivel ajo që bën diferencën është mentaliteti. Ai në radhë të parë duhet të tregohet profesionist gjatë të gjithë kohës. Duhet të kërkojë të përmirësohet çdo ditë”.

“Ka karakteristikat dhe cilësitë për t’u bërë një lojtar i madh, por kanë qenë të shumtë djemtë që humbën rrugën me kalimin e viteve”, përfundoi Alegri.

Në minutën e 72-të ishte momenti vendimtar i takimit, ku pas një sponde të Mario Manxhukiç, Moize Ken godet saktë, duke kaluar në avantazh ekipin e tij. Goli i tretë ky për italianin me fanellën bardhezi.

Tashmë, “Zonja e vjetër” thellon akoma më shumë diferencën me Napolin, ku qëndrojnë 18 pikë përpara, me të kaltrit që kanë një ndeshje më pak. Javën e ardhshme, ekipi i Alegrit do të udhëtojë në transfertë ndaj Kaljarit.

Serie A
Juventus – Empoli      1-0
Shënues: Ken 72′

Gjithsesi, përgjigja e djaloshit 19-vjeçar nuk ka munguar. Ken është krahasuar shpesh me Balotelin, pasi mënyra e tij e lojës ngjan shumë me Super Marion, por tashmë ngjashmëritë janë shtuar akoma më shumë, për shkak të kësaj polemike të fundit.

Pikërisht, sulmuesi i Juventusit ka reaguar mjaft ashpër ndaj babait të tij me një postim në story në llogarinë e tij në Instagram. Moise Ken është shprehur: “Traktor? Nuk e di se për çfarë po flet! Nëse jam ky që jam sot, kjo është falë nënës sime dhe me kaq i thashë të gjitha. Dhe mos harroni kurrë kush ju jep për të ngrënë kur e keni barkun plot”, ka përfunduar 19-vjeçari.

Kin nuk zhgënjeu dhe shënoi golin e dytë, duke vulosur fitoren e të kaltërve. Agjenti i tij është Mino Rajola. Në një prononcim për “Corriere dello Sport”, ai insiston se lojtari me origjinë nga Bregu i Fildishtë duhet të luajë gjithmonë, ndërsa zbulon se Kin ishte një hap larg kalimit te Milani në merkaton e janarit. Kontrata me Juven i përfundon në vitin 2020, por akoma nuk ka lëvizje për rinovimin e talentit të repartit ofensiv.

“Ka vlerësime të ndryshme për t’u bërë. Djaloshi duhet të luajë gjithmonë. Duhej ta transferoja te Milani në janar. Kisha mbyllur gjithçka me Leonardon, por Juventusi ishte kundër kësaj lëvizje. Për momentin nuk ka asnjë lëvizje sa i përket rinovimit të tij. Kin ka detyrimin për të luajtur gjithmonë”, përfundoi agjenti i famshëm.

“Mendoj që Kin është një yll në rritje. Ai është një lojtar me kualitete të shkëlqyera, një lojtar që gjithmonë kërkon të përmirësohet. Do të bëhet një lojtar shumë i rëndësishëm për klubin e tij dhe për kombëtaren e Italisë. Një gjë nuk duhet të harrojë: Është ende 19-vjeç dhe nuk duhet të marrë përsipër përgjegjësi që nuk i takojnë.

“Do të bëjë gabime, por kjo është rrugë më e mirë që mund të ndjekë. Unë si synim kam që të afroj sa më shumë të rinj në kombëtare, në mënyrë që pasardhësi im të ketë një punë të thjeshtë. Kin është një prej tyre dhe kam besim që do të luajë për shumë vite me Italinë”, përfundoi Mançini.

Sipas burimeve të medieve italiane, Mançini do ta vendosë skuadrën e tij me një formacion 4 – 3 – 3, ku nuk mungojnë surprizat. Në portë është i përhershmi Donaruma, ndërsa në qendër të mbrojtjes dyshja e Juventusit, Kielini – Bonuçi. Ndryshimet fillojnë në krahët e mbrojtjes, ku i është besuar në të djathë lojtarit të Valencias Kristiano Piçini, ndërsa në të majtë luan Kristiano Biragi i Fiorentinës.

Treshja e mesfushës përbëhet nga tra lojtarë shtatshkurtër, por atë që u mungon në gjatësi e plotësojnë me kreativitet. Barrela, Zhorzhinjo dhe Verrati janë një “trinom” që do ta kishte zili çdo kombëtare.

Surpriza më e madhe e sulmit është Muase Kean. Sulmuesi 19-vjeçari i Juventusit do ta fillojë nga minuta e parë përkrah Çiro Imobiles dhe Federiko Bernardeskit.

Në takimin e tij të parë si titullar në Serie A, 19-vjeçari shënoi dy gola, si dhe fitoi një penallti. E kur të gjithë prisnin që do të gjuante ai, Emre Xhan mori topin dhe shënoi. Gjithsesi, edhe dopieta ka mjaftuar që Moise Kin të shkruajë emrin e tij në historinë e Juventusit.

Sulmuesi italian bëhet lojtari i më i ri që nga viti 1982 që shënon dy gola në një ndeshje të Serie A (19 vjeç dhe 8 ditë). Xhuzepe Galderisi në sezonin 1981-’82 mban rekordin si lojtari më i ri që ka shënuar dy gola në Serie A (18 vjeç 329 ditë), një rekord që duket i pathyeshëm.

Gjithsesi, drejtuesit kuqezinj duket se e kanë të vështirë gjetjen e një “pyke”, teksa pas refuzimit të Zlatan Ibrahimoviç, apo Luis Muriel, marrin një tjetër “jo”. Këtë herë nga Juventusi, ku drejtuesit bardhezi kanë refuzuar për të hyrë në negociata për talentin, Moise Kin.

Milani thuhet të ketë bërë një ofertë për talentin, për një huazim gjashtë mujor me të drejtë blerje, por Paratiçi, drejtori teknik i Juventusit, ka refuzuar, siç raporton “calciomercato.com”. Tashmë, dyshja Leonardo-Maldini, duhet të hedhin sytë diku tjetër.