Arsyeja është Eden Hazard! Pikërisht belgu, i cili sipas gjasave do të veshë fanellën e “Los Blancos” sezonin e ardhshëm, duket se u ka kërkuar drejtuesve të Realit numrin 10-të, që aktualisht e ka mbi shpinë Luka Modriç.
Kjo është edhe arsyeja që mesfushori 33-vjeçar është tërbuar me Florentino Perez. Siç raportohet nga mediat në Spanjë, Modriç nuk do të ishte aspak dakord që të linte numrin e tij dhe kjo mund të kthehet në një shkak për largimin e tij, me Interin që qëndron pas dere dhe është gati për të ndërhyrë.

Sot, mediat spanjolle kanë lajmëruar se fituesi i Topit të Artë nuk preferon që të nënshkruajë një kontratë të re me kampionët e Europës. Modriç mund të kërkojë largimin nga Reali që në merkaton e janar dhe Interi është te dera duke pritur vetëm një fjalë nga nënkampioni i botës.

Në Itali janë të bindur se 33-vjeçarin e pret një kontratë prej 10 milionë eurosh në sezon. Interi është gati që të shpenzojë pa fund. Vetëm që të çojë në “San Siro” lojtarin e vitit.

Kroati kishte konkurrencë të fortë për sa i përket çmimit, pasi dhe lojtarë të tjerë si Rakitiç apo Manxhukiç e Lovren, kanë bërë mjaft mirë këtë vit, por gjithsesi në fund triumfues u shpall mesfushori i Realit, duke i shtuar koleksionit të tij një tjetër çmim.

Në një intervistë për revistën kroate “SN”, mesfushori i Real Madrid u shpreh se veprimi i Mesit dhe Ronaldos nuk ka qenë i aspak i hijshëm. Në të njëjtën intervistë 33-vjeçari shpjegon se përse e meriton ai çmimin.

Çfarë mund të thoni për mungesën e Mesit dhe Kristiano Ronaldos në ceremoninë e Topit të Artë dhe për kritikat e shumta që erdhën nga rrethi i tyre i ngushtë e fansat e tyre pasi ju u shpallët fitues?

Nuk mund ta di se përse dikush nuk erdhi, kjo është zgjedhja e tyre. Sidoqoftë si pas meje nuk ka shumë logjik të mos marrësh pjesë në ceremoninë e Topit të Artë. Mesa duket kanë pasur qejf të vijnë vetëm kur e dinin se do të fitonin çmimin. Nje sjellje e tillë është e padrejtë ndaj lojtarëve, fansave, futbollit dhe votuesve që ia kanë dhënë çmimin për 10 vite rresht. Por, në fund të fundit çcdokush mund të veprojë si të dojë.

Ndoshta atyre nuk u ka pëlqyer fakti që ti i dhe fund dominimit që ata i bënë këtij çmimi ?

Shiko, gjithçka është shumë e thjeshtë për mua. Mesi dhe Ronaldo janë dy fenomenë që kanë dominuar futbollin këto dhjetë vitet e fundit. Ata janë një nivel mbi të gjithë të tjerët përsa i përket aftësive. Por, ky është një çmim sezonal. Shumica e trajenerëvem lojtarëve aktivë dhe jo-aktivë, gazetarëve dhe fansave votuan për mua dhe jo vetëm në këtë çmim. A ka qenë të gjithë gabim? Nëse çmimet do të jepen vetëm sipas kriterit të aftësive, atëherë le t’i mbyllim votimet dhe t’ua japim çdo vit Ronaldos dhe Mesit.

Secili prej gazetarëve kishte të drejtën e përzgjedhjes së pesë emrave, ku emri i parë do të merrte pesë pikë, ndërsa emri i fundit vetëm një pikë. Medie spanjolle “MARCA”, ka zbuluar listën e plotë me votat e çdo gazetari dhe nuk mund të mungonin disa zgjedhje absurde.

Ai që ka çuditur më shumë ka qenë Albert Stanislas Kumbobako, gazetari që përfaqësonte Republikën Qëndrore Afrikane. Kumbobako ishte i vetmi gazetar që i dha pikë futbollistit francez Karim Benzema, madje e renditi atë të parin në listën e tij me pesë pikë.

Lista e plotë e Kumbobakos: 1. Benzema, 2. Nejmar, 3.  Salah,  4. Ronaldo, 5. Mandzukiç

Vota të tjera të interesante

Kirgiztan: 1. Kurtua, 2. Salah, 3. Modriç 4. Mbape, 5.Ronaldo
Sri Lanka: 1. Hazard, 2. Firmino, 3.Pogba, 4.Ronaldo, 5. Kane (Ky “gazetar” dallohet që ka një preferencë të theksuar për kampionati anglez)              

Gazetari që përfaqësoi Shqipërinë ishte shkodrani Besnik Dizdari, ndërsa Kosova u përfaqësua nga Bajram Shala. Votat e tyre si më poshtë.

Besnik Dizdari: 1. Grizman, 2. Mbape, 3. Modriç, 4. Mesi 5. Salah
Bajram Shala: 1. Modriç, 2. Mbape, 3. Ronaldo, 4. Varan, 5. Grizman

LISTA E PLOTË E VOTIME E NXJERRË NGA “MARCA”

Stoiçkov luante me Barcelonën dhe arriti të dërgojë Bullgarinë në gjysmëfinalet e Botërorit të zhvilluar në SHBA. Dështonte përballë Baxhos dhe Maldinit për të kaluar në finalen e madhe dhe dilte me kokën ulur përballë Maldinit në një tjetër finale të madhe, finalen e Ligës së Kampioneve (Milan-Barcelona 4-0). Megjithatë, ai ia doli të shpallej më i miri dhe t’i dhuronte emocione e krenari Bullgarisë së tij.

Sonte është nata e Luka Modriç. Në ndryshim nga Stoiçkov, ai është i “ftohtë”, i thjeshtë dhe modest, përveçse i super talentuar. 33-vjeçari kroat i Realit të Madridit ka arritur të thyejë “duopolin” Mesi-Kristiano Ronaldo. Dyshja e famshme kishte ndarë midis tyre 10 trofetë e fundit, ndërsa mesfushori arriti t’i jepte fund diçkaje të tillë.

Lajmi është zbuluar përpara zhvillimit të ceremonisë së ndarjes së çmimit. Një foto e renditjes përfundimtare ka filluar të qarkullojë në rrjetet sociale gjatë orëve të fundit, duke i dhënë fund përpara kohe dilemave të fituesit të “Topit të Artë” 2018.

Modriç është një nga futbollistët më të mirë në botë dhe e meriton pa dyshim këtë vlerësim. Unik në rolin e tij, cilësi dhe inteligjencë futbollistike të një niveli të lartë dhe shumë sakrifica për ekipin dhe shokët e skuadrës mes përulësisë dhe kilometrave pafund të përshkruara.

Talenti i tij është natyral, por puna për të mbërritur deri këtu nuk ka qenë e lehtë. Profesionalizëm dhe perfeksionim i stilit të lojës në mënyrën më të thjeshtë të mundshme, me pak fjalë një futbollist “bio”. Gjithmonë njësoj, çdo ndeshje e më mirë. Kroati vjen nga një sezon i pabesueshëm! Champions-i i tretë rresht i fituar me Realin e Madridit dhe nënkampion bote me Kroacinë.

Të paharrueshme ndeshjet epike të ekipit kroat në Rusi, udhëhequr nga Daliç në pankinë dhe Luka në fushë. Lideri i heshtur ka fituar të gjithë çmimet individuale këtë vit, duke u shpallur lojtari më i mirë i Botërorit 2018, fitues i çmimeve të FIFA-s dhe UEFA-s për lojtarin më të mirë të vitit dhe tashmë fitimi i “Topit të Artë”.

Një lojtar, të cilin thjesht e adhuron dhe askush nuk guxon të thotë të kundërtën, pavarësisht ekipit me të cilin luan. Sonte është 3 dhjetori 2018, është nata e Luka Modriç dhe ai e meriton absolutisht…

Idhulli juaj? –  Pyetje shumë e lehtë (qesh), babai im sigurisht.

Kur do ta shohim sërish si trajner – “Babai im e dashuron futbollin. Ai do të rikthehet së shpejti, por tani iu duhet të bëjë pak pushim. Drejtimi i Real Madrid ishte një eksperience shumë e bukur për të, por në të njëjtën kohë ishte një punë që i shkaktoi shumë stres dhe lodhje, prandaj i duhet të presim pak sa ai të marrë veten”

Formacioni i ëndrrave ? – Keilor Navas – Karvahal, Varan, Ramos, Marselo, Kros, Modriç, Kante –  Mesi, Benzema, Kristiano

Topi i Artë ?  – Unë mendoj se këtë vit e meriton Luka Modriç. Ai është një njeri fantastik, që prej vitesh luan në nivele shumë të larta. Këtë sezon u paraqit shumë mirë  dhe në kupën e botës. Është një shembull për këdo.

33-vjeçari foli pasi mori çmimin, duke u treguar besim plotë se Reali mund ta fitojë sërish Ligën e Kampionëve, ndonëse nuk ka bërë një nisje sezoni mbresëlënëse. Fillimisht 33-vjeçari foli për fitimin  këtij trofeu dhe më pas u ndal te ecuria me “galaktikët”.

“Jam i lumtur që nderohem me këtë çmim dhe dua që të falënderoj të gjithë ata që më kanë votuar. Jam i nderuar që edhe unë bëhem pjesë e listës së lojtarëve të mëdhenj që janë nderuar me këtë çmim”.

“Në futboll asgjë nuk është e pamundur, sidomos për Realin e Madridit, diçka që e kemi treguar. Pse të mos e fitojmë dhe Championsin e katërt radhazi? Duhet që të përmirësohemi me lojën tonë. Gjëja më e rëndësishme është se në çfarë pozicioni do të jemi në fund të edicionit. Do të punojmë shumë për t’u ngjitur sa më lart. Ne synojmë që të fitojmë titullin, por mbi të gjitha të bëjmë një lojë të bukur. Ardhja e Solarit? Jam i bindur se do të kemi një trajner të përkushtuar i cili do të bëjë mirë”.

“Ne duhet t’i respektojmë ata që vendosin, por njerëzit e futbollit e dinë se kush është më i mirë. Modriç është një lojtar i madh që ka bërë një sezon shumë të mirë, por për mua më i miri është Mesi. E uroj Modriç. Leo nuk mund të fitojë gjithnjë, pasi ne na duhej më pas që të krijonim një çmim për të dhe një për të tjerët”.

“Humbja e Barcelonës? Ju rinisi që të fitojë çdo javë dhe me një humbje nisin menjëherë kritikat. Ata duhet të luftojnë për çdo trofe, por normalisht nëse mendohet për Ligën e Kampionëve dhe Kupën Rey atëherë dihet që do të zgjedhim Championsin, por mbi të gjitha është La Liga”.

“Urime Luka Modriç dhe marta për çmimet e marra. Ka qenë një privilegj të ju shoh ju të dyve këtë sezon që të luani”.

Congratulations to Luka and Marta on winning the #TheBest awards tonight. It's been a privilege to see you both play this season. // Parabéns, @lukamodric10 e Marta, por vencerem o prêmio de Melhores Jogadores da FIFA. Foi um privilégio ver vocês dois jogarem nesta temporada. https://t.co/xJNS5AMh9b

— Pelé (@Pele) September 24, 2018

Po ashtu legjenda braziliane kishte rezervuar një surprizë dhe për Kilian Mbape, të cilit i kishte dërguar një fanellë të firmosur nga ai. Ka qenë vetë Braziliani që e ka bërë publike dhuratën e marrë.

Thanks for this amazing gift, King ? @Pele pic.twitter.com/W1sNkXRbym

— Kylian Mbappé (@KMbappe) September 23, 2018

“Çmimi? Për mua gjëja më e rëndësishme është që mbështetja nuk më ka munguar asnjëherë, pasi është diçka shumë e veçantë. Jam shumë krenar që munda ta fitoj këtë çmim, pasi ka shumë lojtarë të mëdhenj në botë, ndaj është një ëndërr e vërtetë. Ndihem shumë i lumtur, pasi kam punuar shumë vetëm e vetëm që të isha këtu ku jam sot. Ishte sezoni im më i mirë i karrierës dhe mund të them i paharrueshmi. Kam punuar gjithnjë që të marr sa më shumë trofe me realin e Madridit. Dua gjithnjë që të përmirësohem edhe pse tani jam 33 vjeç. Ndoshta është pak befasi që vit pas viti jam rritur akoma dhe më shumë. Dua që të fitoj për të katërtën herë radhazi Ligën e Kampionëve dhe kjo do të ishte madhështore”.

“Pikë maksimale nga Mesi? Jam shumë i kënaqur dhe mund të them se nuk e dija se sa pikë më kishte dhënë. Ai është një nga më të mirët e të gjitha kohërave dhe ndjej keqardhje që nuk ishte sot këtu. Doja shumë që të ishte dhe ai. Dua ta falënderoj për pikët e plota që më ka dhënë”.

“A e meritoja këtë çmim? Meqë të gjithë votuan për mua si më të mirin mund të them se e kam merituar. Kam kaluar një vit mjaft të mrekullueshëm. Nuk mund ta them unë a jam apo jo më i miri, por kolegët e mi, lojtarët dhe gazetarët dhe tifozët. Ata më kanë votuar mua dhe them se e kam merituar”.

“E ardhmja? Do odja ta përfundoj karrierën time tek Reali”.

Një sezon fantastik, si me Realin e Madridit ku fitoi sërish trofeun e Champions League, por edhe me Kroacinë, të cilën e udhëhoqi deri në finale e Kupës së Botës 2018, ku u shpall edhe fituesi i “Topit të Artë” si lojtari më i mirë i turneut, ndërsa pak kohë më parë u shpall edhe “Lojtari i Vitit” nga UEFA.

Si zakonisht Modriç u shfaq i ndrojtur, por me falenderime të sinqerta. Mes atyre që morën falenderime nga mesfushori, ishte edhe Zvonimir Boban, i cili ishte i pranishëm në sallë. “Në një moment si ky, dëshiroj të bëj një falenderim të veçantë për idhullin tim, kapitenin e Kroacisë në vitin 1998, që mori pjesë në Botëror dhe u rendit në vendin e tretë të evenimentit në Francë”, deklaroi Modriç.

“Ajo skuadër na dha shpresë dhe besim se mund të realizonim diçka të madhe në Rusi. Shpresoj që edhe Kroacia e këtij viti, të shërbejë si frymëzim për brezat e ardhshëm. Ky çmim që fitova, tregon se kushdo mund të bëhet “Lojtari më i mirë”, duke punuar fort, me besim dhe me shumë sakrificë. Ëndrrat mund të bëhen realitet”. Gjatë fjalimit të Modriç, kamerat u përqendruan te Boban, i cili nuk arriti të mbante lotët, duke iu dorëzuar këtij momenti krenarie jo vetëm për Luka Modriç, por edhe për të gjithë futbollin kroat, të së kaluarës dhe të tashmes.

Mbrëmjen e nesërme Real do të presë Espanjol në “Santiago Bernabeu” për javën e 5 të Ligës spanjolle. Një ditë përpara sfidës trajneri Lopetegui ka dhënë konferencën e tij të zakonshme përpara mediave. Tekniku i madrilenëve ndër të tjera ka dhënë një deklaratë, e cila nuk ka kaluar pa rënë në sy. Lopetegui mendon se më i miri në botë nuk është as Mesi dhe as Ronaldo dhe se topin e artë sipas mendimit të tij duhet ta fitojë dikush tjetër.

Për këtë çështje duket se tekniku është mjaft i lëkundur. Përpara se ai të merrte drejtimin e Real Lopetegui kishte thënë se për të Leo Mesi ishte lojtari më i mirë. Më pas, në momentin që ai mori drejtimin e kryeqytetasve duket se ndryshoi mendim dhe deklaroi se Ronaldo ishte më i miri në botë. Fill pas disa muajsh duket se trajneri ka ndryshuar përsëri mendje.

“Unë nuk e përkrah shumë lojën individuale sepse e shoh futbollin si një sport kolektiv. Unë do të doja që topi i artë të fitohet nga lojtari ynë, Modriç, i cili ka bërë një vit fantastik. Ai është më i miri në botë për momentin. Gjithsesi ajo që ka më shumë rëndësi për mua është ndeshja që do të zhvillojmë nesër”,deklaroi Lopetegui gjatë konferencës për shtyp.

Sjellja e Ronaldos ka bërë që trajneri i kombëtares  kroate, Zlatko Daliç, të reagojë me disa deklarata tepër të ashpra ndaj yllit portugez: “Ronaldo është një lojtar egoist, unë kurrë nuk do ta merrja atë në skuadrën time. “Ai është një ndër ata lojtarë që nëse shënon, nuk i intereson më pas nëse ekipi i tij humb”, tha Daliç në një intervistë për medien kroate “Sportske Novosti”.

I pyetur nga “Globo” për fituesin e Topit të Artë për vitin 2018, Kaka, ka dhënë një përgjigje mjaft befasuese. 36-vjeçari tha se për të janë vetëm dy kandidatë në garë, Mbape dhe Modriç, të dy lojtarë që shkëlqyen në Botërorin “Rusi 2018”.

Ronaldo dhe Mesi e kanë fituar Topin e Artë prej 10 vitesh radhazi, ndoshta ky është viti që “hegjemonia” e tyre në futbollin botëror do të thyhet.

Kristiano Ronaldo ishte për të disatën herë golashënuesi numër një i Champions-it me 15 finalizimet  e tij. Pesë më pak se portugezi ka kandidati tjetër Mohamed Salah, ndërsa mesfushori Luka Modriç ishte një ndër lojtarët që spikati më shumë në rrugëtimin e “Los Blancos” drejt fitimit të Champions-it të tretë radhazi.

UEFA Men's Player of the Year 2017/18: who gets your vote? ?

?? #UEFAawards presented at the #UCLdraw, 30 August ?

— UEFA Champions League (@ChampionsLeague) August 20, 2018

Megjithatë, FIFA ka vepruar me shpejtësi dhe po aq shpejt duket se kjo çështje ka marrë fund. Don Balon në Spanjë shkruan se qeveria botërore e futbollit ka kontaktuar mesfushorin kroat, i cili ka nxjerrë blof Florentino Perezin.

Sipas Modriç, Interi nuk e ka kontaktuar asnjëherë në mënyrë të drejtpërdrejtë, për shkak se nuk kishte asnjë mundësi që të paguante mbi 150 milionë euro, shifër që duhej për të prishur kontratën.

Në këtë mënyrë, Interi del i qetë nga kjo histori, sepse deri tani kontaktet i kishte pasur vetëm me palë të treta, pa dalë asnjëherë hapur dhe duke lënë gjithçka në dorë të Modriç.

“Nejmar meriton elozhe për sjelljen në fushë, disiplinën e treguar jashtë saj dhe për vullnetin e shfaqur për të kaluar dëmtimin, që e kushtëzoi. Për mua, ai është një nga tri lojtarët më të mirë në botë. Ai ka luajtur gjithmonë për ekipin dhe është sjellë në mënyrë inteligjente me trajnerin dhe shokët e tij. Mos të harrojmë që është 26 vjeç. Ai mund të përmirësohet akoma dhe është në rrugën e duhur për ta bërë diçka të tillë”, flet Tite për spanjollen “As”.

Trajneri zbulon dhe votën e tij për lojtarin më të mirë në botë. Ai ka votuar sipas radhës për: Modriç, Salah dhe Ronaldon.

“Zgjodha Modriç, sepse për mendimin tim, ai ka qenë lojtari më i mirë absolut i këtij viti. Për të dytin, isha në dyshim midis Hazard dhe Salah, por zgjodha egjiptianin. Ndoshta sepse isha akoma i zemëruar më Hazard për shkak të eliminimit. Pastaj vjen Kristiano Ronaldo. Megjithatë, sipas mendimit tim, duhej nominuar dhe Kurtua, sepse është një nga portierët më të mirë në qarkullim. Mjafton të shikoni se çfarë bëri kundër nesh.”

Dikush mund të habitet nga fakti se si ka mundësi që Tite e llogarit Nejmarin si një ndër tre lojtarët më të mirë në botë dhe nuk e ka votuar… E thjeshtë. Ylli i PSG nuk ishte pjesë e listës prej 10 lojtarëve më të mirë të “FIFA Awards”.

Në fakt, vetë ylli i Kroacisë nuk doli kurrë hapur dhe gjithçka mbeti në rangun e spekulimeve, por duket se bisedime mes Interit dhe përfaqësuesve të Modriç ka pasur.

Kjo ka bërë që te Reali ta humbasin durimin dhe sipas Cadena Ser në Spanjë, klubi madrilen ka bërë gati një padi në FIFA kundër Interit.

Kjo për faktin se sipas rregullores së FIFA-s, asnjë klub nuk duhet të kontaktojë me ndonjë futbollist, nëse ky i fundit nuk është në 6 muajt e fundit të kontratës.

Klubi madrilen humbi Ronaldon këtë verë dhe rrezikonte të humbiste edhe Modriç, i cili kishte marrë një propozim të çmendur nga Interi: kontratë 6-vjeçare, me dy vitet e fundit të saj në Kinë, te Xhiangsu Suning.

Në moshën e tij, thuajse 33 vjeç, Modriç nuk do marrë me oferta të tilla, por gjithsesi AS nga Spanja garanton se ylli i Kroacisë e ka marrë vendimin dhe ka njoftuar stafin e tij.

Prej vitit 2012 te Reali, tashmë Modriç ka arritur statusin e liderit dhe nuk ka dashur të largohet kështu nga Reali.

Back to work! ??? pic.twitter.com/c3mAvc93VO

— Luka Modri? (@lukamodric10) August 10, 2018

Presidenti Florentino Perez do të takohet me lojtarin, për të diskutuar këtë situatë, por kampionët e Europës kanë gjetur një shteg që mund të evitojnë largimin e kroatit. Siç raportohet nga mediat spanjolle, “galaktikët” janë gati që të paraqesin një denoncim në UEFA, ku të raportojnë zikaltrit për shkelje të rregullave të “fair-play”-t financiar.

Më herët është raportuar se Interi është gati që t’i ofrojë një pagë prej 10 milion eurosh në katër sezon kroatit, por kjo gjë duket se bën që bilanci financiar i skuadrës italiane të jetë i çrregullt dhe kompensimi.

Një lëvizje e papritur dhe shumë e mirëstudiuar, për të marrë çdo lloj mase që nënkampioni i Botës të mos vijojë eksodin nga madrilenët.

Gjithsesi, së fundmi ka reaguar shoku i tij i skuadrës Lukas Vaskez, i cili tregohet i bindur se 32-vjeçari do që të qëndrojë tek Reali. Vaskez ka deklaruar se si dhe Modriç do të vijojnë të luajnë së bashku në Bernabeu

“Ne jemi të qetë dhe të mbështetemi tek ai. Shpresojmë që ai të kthehet në Madrid,”

“Nuk kam dyshim se ai do të qëndrojë. Në futboll nuk i dihet asnjëherë, por unë besoj se ai do të jetë një lojtar i Realit edhe edicionin e ardhshëm.“Nuk e di si ndihet, pasi nuk jam në kokën e tij, por jam  i sigurt se dëshira e tij është që të qëndrojë. Ne duam të vazhdojmë të punojmë së bashku”.

Vetë presidenti Florentino Perez duket se është mjaft i bindur se nuk do të ketë asnjë largim tjetër, duke u ndalur specifikisht tek kroati: “Modriç nuk është Ronaldo”, duke theksuar dhe një herë se çdo skuadër që e do duhet të depozitojë shifrën e klauzolës së mesfushorit prej 750 milion eurosh. Ronaldo kishte një klauzolë të veçantë për largimin, ndërsa në rastin e 32-vjeçarit nuk është parashikuar diçka e tillë.

Gjithsesi, në Spanjë janë të sigurt se menaxheri i lojtarit do të takohet nesër me drejtuesit. Vetë Modriç do të rikthehet nga pushimet por nuk përjashtohet mundësia që të ndërlikohet situata.

Nëse vetë lojtari shpreh dëshirën për t’u larguar atëherë nuk do të ishte çudi që të kishim një ulje të klauzolës edhe pse duket shumë e vështirë që të ndodhë, pasi drejtuesit nuk do ja lejonin vetes që të larohet dhe një tjetër yll pas Ronaldos, pasi edhe koha për të gjetur një pasues do të ishte e pamjaftueshme.

Megjithatë, nga Spanja vijnë lajme krejt të ndryshme, sepse si drejtuesit e Realit, ashtu edhe përfaqësuesit e lojtarit, mohojnë çdo lëvizje të mundshme këtë verë.

Krahasimi me largimin e Ronaldos nuk qëndron, sepse rrethanat janë shumë të ndryshme. Portugezi e kërkoi largimin, por që në janar, ndërsa Reali e lejoi të largohej pas Kupës së Botës.

Tani në Bernabeu askush nuk konfirmon ndonjë kërkesë të Modriçit apo bisedime mes drejtuesve e agjentëve të tij, ndërkohë që kontrata e yllit kroat përfundon në qershor 2020. Pas Botërorit Modriç është kthyer në një kandidat për Topin e Artë, por Reali nuk ka ndërmend ta lëshojë dhe e konsideron pikë kyçe të projektit të vet.

Edhe vetë presidenti Florentino Perez ia ka shuar shpresat Interit: “Mundësia e vetme që Modriç të largohet është që dikush të paguajë 750 milionë euro”, raporton Marca.

Reali do të paraqitet në “Camp Nou” pas triumfit në Superkupën e Europës kundër Mançester Junajtid, por në Katalonjë do të jetë pa mesfushorin e rëndësishëm Luka Modriç.

Kroati është i pezulluar, prej… 3 vitesh. Ishte 22 gusht 2014, Reali luante kundër Atletikos për Superkupën e Spanjës. Në fundin e takimit Modriç merrte kartonin e dytë të verdhë, duke dalë me karton të kuq, ndaj pezullimi i tij është mbartur deri tani. Po të kishte marrë karton të kuq direkt, mesfushori do të kishte munguar që atë vit, ndeshjen e radhës së Realit.