KALIMI NGA “MMA” NË BOKS –“Vendosa të mos merresha me “MMA” për shkak të një operacioni që bëra në krah. Pas ndërhyrjes e kisha shumë të vështirë pjesën e kapjeve dhe të mundjes, nuk isha më si më parë. E dashuroj akoma atë sport, por s’mund kapja kundërshtarët si më parë”.

https://youtu.be/5AJCrRTljkw?t=951

TRANZICIONI – “E kam pasur të lehtë tranzicioni. Kam filluar të stërvitem që 12-vjeç si kikboksier dhe stili im ka qenë gjithmonë i fokusuar te pjesa e boksit. Do vazhdoj të luftoj në divizionin “welterweight” (66.7 kg). Jam pak i shkurtër për këtë divizion, por kjo më pëlqen pasi jam ndër ata boksierë që kërkoj të luftoj dhe jo të vrapoj nëpër ring”.

DUELI I FUNDIT – “Nuk ishte një duel i vështirë. Kundërshtari im vetëm po vraponte gjatë të gjithë raundeve. Gjithsesi jam i kënaqur me fitoren. Jam i ri në boksin profesionist, kam vetëm 9 muaj që kam filluar stërvitjen si boks. Kundërshtari po më nevrikoste me ngacmimet që po bënte, por e mbajta veten të qetë sepse e dija që do vinte momenti im”.

MBËSHTETJA NGA KOMUNITETI SHQIPTAR NË ANGLI  – “I jam shumë falënderues bashkëkombësve të mi. Pa ata kjo s’do ishte e mundur. Në debutimin tim në “York Hall” kishim rreth 1500 shqiptarë. Dueli im i radhës do të jetë në shtator. Mezi po e pres, pasi do të jetë sërish një duel në një platformë shumë të madhe”.

MENAXHERI STEVE GOODWIN – “Ai është menaxheri më i mirë në Angli për mendimin tim. Gjithçka po shkon mirë, s’mund të kërkoj më shumë. Ai po kujdeset për karrierën time, ndërsa po bëj timen duke dhënë maksimumin. Ai  e di që ne të dy do jemi shumë të suksesshëm së shpejti”.

Dy vite më parë Konor Mekgregor nuk ia doli të dilte fitimtar përballë legjendës amerikane Flloid Mejuedhër, Nganu beson se në ndryshim nga irlandezi ka aftësitë e duhura për të befasuar edhe boksierët më elitarë.

BOKSI – “Bota e boksit ka tani disa atletë shumë të zotë si Fjuri, Xhoshua, Uajlldër si dhe Ruiz. Jam njeri që besoj shumë. Askush nuk besonte se do ia dilja të isha pjesë e UFC, nuk më mungon azgjë për të provuar veten në boks”.

“Para se të bëhesha pjesë e UFC-së bëja stërvitje me një boksier shumë të njohur si Karlos Takam.  Kontrata me UFC-në nuk ma lejon, por e njëjta situatë ishte dhe me MekGregor dy vite më parë dhe për të u bë një përjashtim”.

https://www.instagram.com/p/BzJCfrgAjNB/?utm_source=ig_web_copy_link

Eventi do të zhvillohet në qytetin e Newmark, New Yersey, SHBA. Dueli i fundit i Latifit ishte më datë 29 dhjetor, ku u mund nga amerikani Korei Anderson me vendim unanim. Rekordi i tanishëm i Latifit në eventet e UFC-së është 7 fitore dhe katër humbje.

Në një intervistë për medien angleze “BT Sports”, 30-vjeçari flet pezullimin disa mujor që mori nga komisioni atletik i Nevadës, duelin e ardhshëm me Dustin Poirier dhe trashëgiminë që ai synon të lërë në këtë sport.

“Ajo që ndodhi në Las Vegas i përket së kaluarës. U mërzita shumë për dënimin që më dhanë. Mua më gjobitën 10-fishin e gjobës së McGregor. Nuk do të ndeshem më kurrë në Las Vegas, do të shkoj të shikoj, por kurrë s’do ndeshem më ty”.

PËRSËRITJE E DUELIT ME MCGREGOR ? – “Po, por ai duhet ta meritojë këtë. Për momentin nuk e shoh si opsion. Nuk është çështje parash”.

UFC 242 NË ABU DABI – “Po më pëlqen që do të ndeshem në Abu Dabi, pasi shumë miqtë e mi nga Rusia dhe ish-shtete të Bashkimit Sovjetik, Europa dhe vendet arabe mund të më vijnë të më shikojnë. Emiratet e Bashkuara Arabe janë një vend shumë i sigurt, shkoj aty shpesh me pushime me familjen time”.

KUNDËRSHTARIN DUSTIN POIRER – “Është një kundërshtar i mirë, por e di si do ta mund. Ai ka qejf të luftojë sipër ka një stil boksieri, por nuk kam ndërmend të bëj boks me të. Do e rrëzoj dhe dueli do kthehet në mundje, ku është pika ime më  e fortë. Do lodhet si shumë të tjerë e më pas do dorëzohet”.

It’s signed! (C) @TeamKhabib vs (IC) @DustinPoirier is official for #UFC242!

Get your tickets & join us #InAbuDhabi ?? https://t.co/d7ivYbEf6S ?? pic.twitter.com/zEhhFtnaUP

— UFC (@ufc) June 4, 2019

TRASHËGIMIA NË SPORT – “Nuk dua të mbahem mend thjesht si një kampion i peshave të lehta, por si kampioni më i madh në histori në këtë divizion. Titulli kampion i peshave të lehta është mbrojtur deri në tri herë, unë dua ta mbroj të paktën tri herë. Dua të mund Poirer, Ferguson ose Georges St-Pierre nëse ai do t’i rikthehet sportit”.

Eventi që do të rikthejë rusin në arenën më prestigjioze të arteve marciale të kombinuara është “UFC Abu Dhabi”, një eveniment ky që do të zhvillohet më datë 6 shtator.

Për momentin përflitet se kundërshtari i tij i ardhshëm do të jetë amerikani Dustin Poirer, i cili ka fituar gjashtë duelet e fundit në “UFC”.

McGregor është sportisti më i famshëm i arteve marciale të kombinuara dhe dorëheqja e tij është një goditje e fortë për të gjithë industrinë e këtij sporti, që vitet e fundit ka fituar një popullaritet në çdo cep të globit.

Hey guys quick announcement, I’ve decided to retire from the sport formally known as “Mixed Martial Art” today.
I wish all my old colleagues well going forward in competition.
I now join my former partners on this venture, already in retirement.
Proper Pina Coladas on me fellas!

— Conor McGregor (@TheNotoriousMMA) March 26, 2019

Gjithsesi ka ende nga ata që besojnë se 30-vjeçari do të rikthehet në kafaz, pasi në tri vitet e shkuara ai ka dhënë dorëheqjen dy, vetëm për ta thyer premtimin disa muaj më pas. Rekordi i McGregor në “UFC” është 9 fitore dhe 2 humbje. Ka disa që e cilësojnë këtë si një lëvizje taktike, që irlandezi po e bën për të ushtruar presion në këmbim të një kontrate më të mirë.

Kampioni në fuqi i peshave të lehta Khabib Nurmagomedov, e ka pësuar më keq, pasi prej veprimeve të tij filloi sherri masiv. Rusi është dënuar me nëntë muaj pezullim dhe 500 mijë dollarë gjobë.

Irlandezi Mekgregor është dënuar me gjashtë muaj pezullim nga aktiviteti dhe më një gjobë prej 50 mijë dollarësh. Dënimi i Nurmagomedov u kalua me votë unanime nga të pestë anëtarët e komisionit, ndërsa dënimi i Mekgregor kaloi me vendim të shumicës, 4 – 1.

Fama e 27-vjeçares më së shumti vjen nga eleganca e saj që e bën të diferencojë nga luftëtaret e tjera. Rakela shpeshherë ngatërrohet me modelet që shoqërojnë sportistët në rrugën drejt kafazit.

Për momentin, Khabib dhe Mekgregor, po presin vendimin përfundimtar që do të nxjerrë hetimi i komisionit të Nevadës, ndërsa më pas kreu i “UFC”-së, Dana White do të vendosë nëse palët do të takohen sërish në kafaz. Megjithatë Khabib nuk është i këtij mendimi.

“Ai nuk e meriton një duel të dytë. Para përballjes së kaluar ai tha lloj lloj gjërash, por kur u futëm në ring ai nuk bëri asgjë”, tha Khabib para gazetarëve në Australi.

Pavarësisht fjalëve të Khabib, një përsëritje e duelit do të xhironte me qindra miliona dollarë për kompaninë e “UFC”, por natyrisht edhe për të dy luftuesit e arteve marciale.

Latifi cilësohet si favorit në këtë takim, por 35-vjeçari i rritur në Suedi, qëndron me këmbë në tokë, duke vlerësuar kundërshtarin e tij amerikan në konferencën para zhvillimit të takimit

“Mes 10 më të mirëve të botës, nuk ka favoritë. Çdokush mund të mundë çdokënd. Anderson ka bërë shumë mirë gjatë 2018-ës. Por, në disa duele ku qenë duke fituar, ka bërë gabime që i kanë kushtuar shtrenjtë.  Gjithsesi ai mbetet një kundërshtar shumë i fortë”, u shpreh Latifi.

Eventi “UFC 232” do të fillojë të dielën në 4 të mëngjesit me orën shqiptare.

Përfaqësuesit e të dy palëve po bisedojnë mbi duelin midis të dyve, por mediet ruse bëjnë të ditur se Khabib kërkon të luftojë në ring si boksier dhe në një datë më të vonshme në kafazin e UFC-së ndaj amerikanit, i cili përgjatë më shumë se dy dekadave ka shkruar historinë në sportin e boksit me 50 fitore dhe asnjë humbje ose barazim.

https://www.instagram.com/p/BprkX1KhsCR/?utm_source=ig_web_copy_link

Ndërkohë, kanë qënë të shumtë zërat kundër duelit midis të Mejuedhër dhe Khabib duke e konsideruar si një “show” të pakuptimtë që hedh balt mbi vlerat e boksit dhe arteve marciale të kombinuara.

Gjithçka nisi si një shaka në një video në “Instagram” nga rusi. Mejuedhër i ka bërë thirrje kompanive televizive të bëjnë ofertat e tyre për këtë duel dhe e vetmja gjë që pengon zyrtarizimin është “po”-ja nga Nurmagomedov.

Në një intervistë për “TMZ”, Mejuedhër u shpreh i bindur se nga ky duel ai dhe Khabib mund të arkëtojnë një shumë rekord, që do të kalojë fitimet e duelit të tij ndaj MekGregor: “Nëse do të ndeshem me Khabibin është e sigurt që do të marr të paktën 100 milionë dollarë. Mendoj se ky duel mund të kapë deri 200 milionë dollarë”, tha Mejuedhër i cili fitoi përafërsisht 90 milionë dollarë në duelin ndaj irlandezit Konor MekGregor.

Ndërkohë, shumë ikona të sportit të boksit kanë ngritur zërin kundër këtij dueli, duke e konsideruar atë si një teatër, që cenon vlerat e një sporti me traditë dhe me ndjekës në çdo kontinent.

Për ta bërë sa më shpejt realitet përsëritjen e duelit, që mbërtheu para televizorëve me miliona njerëz, Uajt ka menduar t’i bëjë Nurmagomedovit një çek prej 15 milionë dollarësh, shifër kjo që do të ishte një rekord më vete për një sportist të UFC.

Ndërkohë, në Rusi janë të bindur se Khabib nuk do të pranojë përsëritjen e menjëhershme të duelit. Në një prononcim për mediet ruse xhaxhai i Nurmagomedov tha se nipi i tij ka dëshirë të ndeshet fillimisht me amerikan Toni Ferguson, pra MekGregorit i duhet të presë.

Një ditë mbas përfundimit të takimit MekGregor u shpreh se do të ndeshej sërish me sportistin nga provinca ruse e Dagestanit, por organizimi i ndeshjes tani ka një “kleçkë”. Gjithçka ka të bëjë me shpërndarjen e të ardhurave të duelit.

Për luftimin e një jave më parë, MekGregor përfitoi tre milionë euro, ndërsa Khabib 2 milionë, pra një shpërndaje 60% me 40% në favor të irlandezit. Sipas mikut të ngushtë të Khabib, në duelin tjetër rusi nuk ka ndërmend të hyjë në kafaz pa pasur të garantuar të paktën 70% të të ardhurave.

Gjatë luftimit me Nurmagomedov, Mekgregor pësoi disa goditje shumë të forta gjatë raundit të dytë dhe të katërt, çka kanë sjellë këtë vendim nga ana e mjekëve.

Gjithsesi problemi më i madh për MekGregor është vendimi nga komisioni i disiplinës së shtetit të Nevadës për skenat e shëmtuara që ndodhën pas përfundimit të duelit. Irlandezi u përfshi në një sherr me njërin prej kushërinjve të Khabib Nurmagomedov, ndërkohë që kundërshtari rus po zihej jashtë kafazit me trajnerin e MekGregor.

NDJESA – “Si fillim dua t’i kërkoj falje “Komisionit Atletik të Nevadës” dhe qytetit të Las Vegasit. E di se nuk tregova anën time më të mirë”, tha fillimisht fituesi i duelit të mbrëmshëm, i cili më pas deklaroi se situata ishte e ekzagjeruar, duke i kujtuar gazetarëve se Mekgregor ka bërë gjëra më të rënda në të shkuarën dhe nuk është dënuar.

JUSTIFIKIMI“Nuk e kuptoj pse njerëzit flasin se përse unë u hodha nga kafazi. Ai ka fyer fenë time, vendin dhe babain tim. Ai ka sulmuar në të shkuarën një autobus dhe gati vrau disa persona, për këtë duhet të shqetësoheni. Se kuptoj pse merren me mua”

“Media i ka ndryshuar pak sportin e arteve marciale të kombinuara (MMA). Është një sport ku respekti vihet në radhë të parë dhe jo ngacmimet e kota midis kundërshtarëve. Dua ta ndryshoj këtë sport. Nuk dua që të ketë ofendime midis kundërshtarëve mbi baza fetare, kombëtare ose familjare”.

“Ju thashë. Ai dhe gjithë skuadra e tij dinë vetëm të dorëzohen . Ju a thashë, nëse do të bënte një gabim do e kapja dhe do të dorëzohej. E quajnë kampion bote në dy pesha të ndryshme. Por, sot ai u dorëzua dhe prandaj ky brez është këtu me mua”, përfundoi Khabib Nurmagomedov.

Pasi zhvilloi me datë 8 qershor ndeshjen e parë në Shqipëri në pallatin e sportit “Asllan Rusi” në Tiranë, ku fitoi përballë serbit Dragishiç, Florian Marku do të përballet për herë të parë dhe para fansave kosovarë.

“Luftëtari” shqiptar garon në kategorinë MMA (Artet Marciale të Kombinuara), ku numëron tre fitore në po kaq duele. Kundërshtari i tij numëron 19 ndeshje në kategorinë MMA, ku ka 8 fitore dhe 11 humbje.

Biletat do të dalin në shitje së shpejti, ndërsa pjesë e evenimentit do të jetë dhe këngëtari i njohur, Noizy, i cili do të përformojë para sfidës. Florian Marku ka dhënë lajmin në faqen e tij zyrtare në rrjetet sociale, ku shkruan për përballjen e radhës.

“5 Tetor, Ferizaj Kosovë!!! Pas tërheqjes së rusit, kundërshtari im do të jetë rumuni Vranceanu Ion. Ju pres të gjithëve të më përkrahni në një mbrëmje të madhe. Le ta kthejmë në festë. Biletat dalin së shpejti në shitje! Si gjithmonë prezent Noizy, i cili vazhdon të më përkrahë në hyrjet e mia në Kafaz!!! Po stërvitem fort e më fort çdo ditë të jap më të mirën time për të arritur aty ku dua!!!”, komenton boksieri 25-vjeçar.

Ndeshja do të transmetohet “live” në Digitalb, ndërsa çmimet e biletave do të jenë: 25 euro tribuna dhe 100 euro në sektorin VIP. Floriani po zhvillon fazën përgatitore në Suedi me “luftëtarë” të UFC si Ilir Latifi, Hektor Lombard, Aleks Themauler.