Mlada

Mlada nis kampionatin, humbje në debutim

Sport Ekspres — Sun, 30 Jul 2017 17:08:35 +0000

Mlada Boleslav ka nisur sot kampionatin çek dhe debutimi ka qenë i hidhur, me një humbje shtëpiake 2-1 ndaj Sigma Olomucit. Në teori mund të thuhet se Mlada e ka pasur mendjen te Skënderbeu, por duke qenë ditë e diel, është herët për ta thënë këtë, aq më shumë që sot Mlada e nisi me formacionin më të mirë të mundshëm, thuajse me gjithë titullarët që luajtën kundër Skënderbeut.

Falta shënoi 2 herë për miqtë në pjesën e parë dhe pas pushimit Mlada aktivizoi edhe sulmuesin Komliçenko në vend të mesfushorit Rada. Pikërisht Komliçenko shënoi në minutën e 86-të, por vetëm kaq për Mladën, që pati epërsi të lehtë, por nuk shkëlqeu dhe duket qartë që nuk është ndonjë ekip i frikshëm, ose të paktën nuk është në formën e vet optimale.

Ndeshjen e sotme me siguri e ka ndjekur me vëmendje edhe trajneri i Skënderbeut Ilir Daja.

Skënderbeu, humbje që nuk dëshpëron shumë

Sport Ekspres — Thu, 27 Jul 2017 17:57:05 +0000

Humbje minimale në Çeki për të besuarit e Ilir Dajës, të cilët për mënyrën se si shkoi loja mund të kishin bërë më mirë. Pasi u ndëshkuan në pjesën e parë nga Hramosta gjetën forcat që të barazonin me anë të Latifit vetëm 4 minuta para përfundimit të ndeshjes, që u ndihmua dhe nga një devijim. Në mënyrë të pabesueshme vendasit realizuan përsëri vetëm pas pak sekondash me anë të Janos, duke ngrirë në një farë mënyre buzëqeshjen e korçarëve, të cilët mund të vinin shumë më komod në ndeshjen e kthimit. Goli i shënuar në fushën kundërshtare i krijon luksin korçarëve që me një fitore minimale në Elbasan pas një jave t’i gëzohen një tjetër kualifikimi.

MLADA BOLESLAV – SKËNDERBEU 2-1

Shënues: Hramosta 42′, Janosh 88’/ Latifi 86′

86′ – Shkodra vertikalizon për Latifin, goditja e tij e forë devijohet dhe vendos ekuilibrin.

88′ – Janos kalon vendasit përsëri në avantazh menjëherë pasi nis loja, me një veprim spektakolar mposht portierin Shehi.

Mllada Boleslav: Divish, Fleishman, Dagllas, Çmovsh, Fabian, Prikril (Janos 78′), Matejovski, Rada, Maresh, Hramosta (Magera 67′), Mebrahtu. Të gatshëm: Vejmola, Komlishenko, Levin, Takacs Kerestes. Trajner: Dushan Uhrin.

Skënderbeu: Shehi, Vangjeli, Radas, Jashanica, Mici, Muzaka (Shkodra 78′), Osmani (Dita 90′), Nimaga, Taku (Gavazaj 67′), Latifi, Plaku. Të gatshëm: Teqja, Lulaj, Xhejms, Gripshi. Trajner: Ilir Daja.

Gjyqtar: Alan Mario Sant, Roberto Vela, Luke Porteli , Malkolm Spiteri (Maltë).

Kartonë të verdhë: / Nimaga 45+1′, Plaku 63′, Radas 71′

Mllada në rrugën e Skënderbeut, vjet e eliminoi Shkëndija

Sport Ekspres — Fri, 21 Jul 2017 09:53:33 +0000

Plot 13 herë e ka ndërruar emrin ekipi çek në historinë e tij, ku suksesin më të madh ka grupet e Europa League. Historia dhe yjet e skuadrës…

Mllada Boleslav do të jetë kundërshtari i Skënderbeut në turin e tretë të Europa League. Skuadra çeke është krijuar që në vitin 1902, por në elitën e futbollit çek ka nisur të luajë vetëm këtë shekull, prej sezonit 2004-2005. Me mbështetjen e Josef Dufek, pronari i një kompanie ndërtimi, “GEMA Construction”, Mllada garon mes ekipeve më të mira në Çeki.

Rezultati më i mirë për të në kampionat është vendi i dytë në vitin 2006, ndërkohë që sezonin e fundit u rendit në vend të katërt dhe fitoi Kupën e Çekisë. Në të shkuarën ka provuar të luajnë në grupet e Europa League, madje për herë të parë në sezonin 2006-2007 ia kanë arritur ta bëjnë diçka të tillë, duke eliminuar klube si Gallatasaraji dhe Olimpiku i Marsejës. Një vit më vonë eliminoi Palermon, ndërsa më pas nuk ka mundur të kalojnë më në grupe. Sezonin e kaluar u ndal nga Shkëndija e Tetovës, që e mundi në Maqedoni me rezultatin 2-0, duke zhvlerësuar fitoren 1-0 në Çeki. Ajo çka bie në sy te klubi çek, ka të bëjë me emrin, pasi prej vitit 1902 emri është shndërruar plot 13 herë. Kjo ka ndodhur deri në vitin 1995, kur iu vendos emri aktual, FK Mlada Boleslav.

YJET E SKUADRËS

Mllada Boleslav lojtarët më të shtrenjtë i ka në vijën e parë të sulmit, teksa aty luan 26-vjeçari Jan Hramosta, i cili sezonin e shkuar ka realizuar 9 gola. Vlera e tij në “Transfermarkt” shkon 900 mijë euro. Sulmuesi tjetër, Gol-Gol Mebrahtu, me një emër mjaft të çuditshëm, ka shënuar 8 gola, ndërkohë që shënoi edhe dje në fitoren ndaj Shamrokut, ashtu si kolegu i tij Kramosta. Më i shtrenjti është Tomas Prikril, mesfushori i Kombëtares çeke, që vjet ka realizuar 5 gola. 25-vjeçari kushton 1 milion euro.

Turi i tretë i Europa League

27.07.2017

Mllada Boleslav-Skënderbeu