Në këtë transfertë trajneri Unai Emeri nuk do të ketë në dispozicion mesfushorin, Henrik Mkhitarjan. Mungesa e armenit nuk vjen si pasojë e dëmtimeve ose  pezullimeve, por nga kombësia e lojtarit të “topçinjve”.

Azerbaixhani ia ndalon me ligjin shtetasve armen hyrjen në territorin e  shtetit të tyre, kjo për shkak të konflikteve që ekziston midis dy kombeve për shkaqe territoriale. Vlen të përmendet se kjo nuk është here e parë që Mkhitarjan është detyruar të mos udhëtojë me skuadrën e tij, pasi e njëjta gjë ka ndodhur në vitin 2014 kur Dortmundi u ndesh po me Karabagun.

Ndërkohë në horizont është një problem akoma dhe më i madh, pasi finalja e këtij edicioni të Europa League zhvillohet në kryeqytetin e Azerbaixhanit, Baku, çka do të thotë se nëse Arsenali arrin në finale Mkihtarjan s’do të mund të kontribuoj në takimin final të turneut.

Mkitarjan është armen dhe mes vendit të tij dhe azerëve ka një konflikt të hapur, ndaj edhe viza mund të mos i jepet. Sigurisht UEFA do të bëjë ndërhyrjet e saj në rast se Arsenali do kërkojë me çdo kusht për ta pasur mesfushorin për këtë takim.

Gjasat janë të mëdha që Mkitarjan të mos udhëtojë fare drejt Azerbajxhanit, pasi diçka e tillë do ta tensiononte situatën. Duke parë që londinezët nuk e shohin problem kalimin e grupit, mund të sakrifikojnë dhe në transfertë me Karabakun të shkojnë pa mesfushorin armen.