Blick zgjedh më të dobëtit, dy shqiptarë mes tyre

Sport Ekspres — Mon, 10 Dec 2018 19:00:17 +0000

Grasshopers është mposhtur këtë fundjavë dhe në fushë nga minuta e parë për ekipin zviceran ishin edhe mbrojtësit Bujar Lika dhe Arlind Ajeti. I pari luajti 82 minuta, kurse tjetri deri në fund. Për qendërmbrojtësin gjërat nuk kanë shkuar mirë.

Prestigjiozja “Blick” e ka përfshirë mbrojtësin e kombëtares në formacionin më të dobët dhe në “Flop Team” ai nuk është i vetmi shqiptar. Grasshoper u mund në shtëpi nga Lucerna me rezultatin 2-3, ndërkohë që edhe Zyrihu është thyer nga Bazeli 2-0.

Lojtari i shënjestruar ka qenë Mirlind Kryeziu. Në mbrojtjen me tre lojtarë i riu ka vuajtur dhe është përfshirë në formacionin më të dobët të javës. Ai ka luajtur vetëm 45 minuta, ndërkohë që skuadra e tij kishte pësuar një gol nga Albian Ajeti.

Zvicra “oazi” i Kosovës, Shaland i merr mbrojtësin

Sport Ekspres — Thu, 27 Sep 2018 13:53:06 +0000

Zvicra do të jetë epiqendra për Kosovën. Sikurse edhe dihet, janë të shumtë lojtarët shqiptarë në këtë vend dhe jo më kot ish-presidenti i FFK, Fadil Vokrri, vendosi të emërojë Bernard Shaland si trajner të përfaqësues.

Tekniku zviceran po kërkon për lojtarë në Zvicër dhe është pikasur i radhës që do të ftohet. Mirlind Kryeziu është i përzgjedhur dhe do të ftohet nga Kosova raporton “Supersport Kosova”.

Futbollisti 21-vjeçar prej katër vitesh luan në futbollin profesionist. Fillimisht ishte pjesë e Biel-Beine në Challenge League. Më pas u kthye te Zyrihu, klub që e kishte nën kontratë dhe e pat dhënë huazim.

Kryeziu luan në të dy krahët e qendrës së mbrojtjes. I gjatë 193 centimetra dhe luan me këmbën e majtë. Vjet ka nënshkruar për katër vite dhe te Zyrihu këtë sezon ka luajtur 7 ndeshje, duke qenë një lojtar i rëndësishëm i kësaj skuadre. tashmë ai do të luajë për Kosovën, ndërkohë që më parë ka luajtur me Zvicrën U17 (9 ndeshje të plota).