Miranda

Dy “sakrifica” për tri pikë, SPAL furnizon infermierinë e Interit

Sport Ekspres — Sun, 10 Mar 2019 21:15:30 +0000

Fitorja 2 – 0 ndaj SPALI-it nuk ka kaluar pa dëme tek Interi. Mesfushori Marselo Brozoviç dhe mbrojtësi Zhoao Miranda nuk arritën ta përfundonin takimin e sotëm për shkak të dëmtimeve.

Kroati pësoi një tërheqje muskulore dhe me shumë gjasa nuk do të jetë në dispozicion për Luçiano Spaletin për përballjen e së enjtes ndaj Ajntrahtit të Frankfurtit dhe atë të së derbin e së dielës ndaj Milanit.

Braziliani Miranda pësoi një frakturë në hundë pas një goditje nga krahu i Andrea Petanjës. Qendërmbrojtësi do t’i nënshtrohet një ndërhyrje kirurgjikale dhe analizat e mëpasshme do të vendosin nëse të jetë gati për derbi e Milanos, sigurisht me ndihmën e një maske mbrojtëse.

Spaleti: Askush nuk ka para për Shkriniar, thashethemet po na dëmtojnë

Sport Ekspres — Sun, 13 Jan 2019 20:48:19 +0000

Lajmet e merkatos në lidhje me largimin e Shkriniar dhe qendërmbrojtësit tjetër Miranda kanë shqetësuar jo pak ambientin zikaltër. Në daljen për shtyp, mbas fitores ndaj Beneventos, trajneri i zikaltërve, Luçiano Spaleti, foli për të dyja rastet në fjalë.

SHKRINIAR – “Asnjë klub në planet nuk ka para për të blerë kartonin e Shkriniar. Ai është i pashitshëm, arsyeja se ai është akoma pjesë e Interit është shumë thjeshtë, asnjë skuadër nuk mund ta përballojë atë”.

MIRANDA – “Këto lloj thashethemesh na dëmtojnë shumë. Nëse Miranda i ka thënë dikujt se ka dëshirë të largohet, ai person nuk kam qenë unë. Çdo herë që i kam dhënë mundësi, Miranda ka luajtur shumë mirë”.

Miranda drejt largimit, Interi “pazar” në Londër

Sport Ekspres — Sat, 29 Dec 2018 13:17:34 +0000

Zhoao Miranda mund të lërë San Siron që në merkaton e janarit, të paktën kështu flitet në mediat italiane. Braziliani ka luajtur vetëm 7 ndeshje këtë edicion dhe në dritaren dimërore të transferimeve mund të marrë valixhet për të kërkuar një tjetër destinacion.

Kjo gjë i ka futur pak në presion drejtuesit ziklatër që kanë nisur menjëherë të kërkojnë një pasues tjetër për 34-vjeçarin. Edhe pse janari nuk është momenti që shumë futbollistë preferojnë të ndryshojnë ambient, e kanë spikatur lojtarin që mund të afrojnë,

Geri Kahill nuk është në listën e preferencave të teknikut Sarri te Çelsi, ndaj lojtari po shqyrton mundësinë për t’u larguar. Kjo duket se është në favor të të dy klubeve, ndaj duket një lëvizje mëse e arritshme.

Interi lë pas humbjen me Barçën, rinovon me gjashtë lojtarë

Sport Ekspres — Thu, 25 Oct 2018 17:54:44 +0000

Inter pësoi humbjen e parë pas shtatë fitoreve radhazi në të gjithë kompeticionet. Zikaltrit u mundën 2-0 nga Barcelona në “Camp Nou”, në një sfidë të vlefshme për grupin B të “UEFA Champions League”.

Gjithsesi kjo disfatë duket se është kaluar nga Inter, pasi ditën e sotme ekipi nga Milano ka zyrtarizuar rinovimin me plot gjashtë lojtarë. Marselo Brozoviç, Matia Vesino, Zhoao Miranda, Kandreva, Dalbert dhe Roberto Galiardini, janë lojtarët që kanë rinovuar kontratën me Interin.

Mesfushorët Brozoviç dhe Vesino do të jenë të lidhur me klubin zikaltër deri në vitin 2022, ndërsa Dalbert dhe Galiardini deri në vitin 2023. Antonio Kandreva do të jetë deri në vitin 2021 me Interin, ndërkohë Zhoao Miranda zgjati kontratën deri në vitin 2020.