Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Fiksimi i fundit quhet Miralem Pjaniç dhe drejtuesit janë gati t’i plotësojnë dëshirën trajnerit gjerman. Sipas mediave franceze, PSG ka gati 70 milionë euro për boshnjakun e Juventusit.

Kjo nuk është hera e parë që PSG interesohet për Pjaniç, por kësaj radhe ata shpresojnë që të bindin kampionët e Italisë me 70 milionë eurot e ofruara.

Qendërmesfushori pëlqehet shumë edhe nga Reali i Madridit. Zidan po tenton të bindë Pol Pogba që të transferohet në Madrid. Nëse nuk ia del do t’i rikthehet pistës Pjaniç.

Tashmë, në Torino kanë nisur të mendojnë për merkaton dhe zhvillime duket se ka në dalje. Miralem Pjaniç mund të jetë një ndër largimet “big” nga ekipi, me boshnjakun që duket se kërkon të ndërrojë ambient.

Sipas mediave në Itali, tre ekipe janë futur vrullshëm në garë për të siguruar shërbimet e mesfushorit. Bajerni i Mynihut, PSG dhe Real Madrid janë destinacionet e mundshme për 29-vjeçarin, por ka një problem të madh dhe ai është çmimi që i ka vendosur Juventusi.

Paris Saint-Germain, Bayern & Real Madrid are interested in signing Miralem Pjanic, Juventus want €130m to sell him in the summer. [Rai] pic.twitter.com/oe7UXvwF0v

— Forza Juventus (@ForzaJuve2017) April 20, 2019

Drejtuesit bardhezinj kërkojnë plot 130 milionë euro për të lënë të lirë “regjizorin” e tyre. Një çmim disi i kripur, duke ditur edhe moshën e Pjaniç. Gjithsesi, zhvillime të tjera prite, me merkaton e verës që duket se do të jetë e nxehtë në Torino.

Sipas lajmeve që vijnë nga Spanja, “Los Blancos” do të heqin dorë nga Toni Kros për të mbërritur te Pjaniç. Gjermani i pëlqen Juventusit, por rroga e tij e lartë është problem. Pjaniç përfiton 6.5 milionë euro në sezon, ndërsa Kros pothuajse dyfishin.

Drejtuesit e klubit italian po hezitojnë për momentin dhe po bëjnë vlerësimet e duhura, por nga ky shkëmbim mund të përfitojnë të gjitha palët. Kros ka dhe dy oferta të tjera. Sipas raportimeve të “Bild”, PSG dhe Mançester Junajtid janë shumë të interesuara për shërbimet e lojtarit të kombëtares gjermane.

Zinedin Zidan i ka parashtruar disa kërkesa presidentit Perez dhe një prej tyre është Miralem Pjaniç. Sipas raportimeve të spanjolles “Marca”, mesfushori i Juventusit është dëshira e madhe e trajnerit francez për mesin e fushës.

29-vjeçari boshnjak rinovoi me “Zonjën e Vjetër” në muajin gusht deri në vitin 2023. Bardhezinjtë e konsiderojnë mesfushorin lojtar të pashitshëm, por ata mund të dorëzohen përballë një oferte tunduese nga ana e Realit.

Florentino Perez do të bëjë maksimumin për të kënaqur trajnerin e tij, ndërsa presidenti mund të përfshijë një mes Marselos dhe Iskos në tratativat për kalimin e Pjaniç në kryeqytetin spanjoll

Loja e dobët e skuadrës në ndeshjen e djeshme, nuk e shqetëson aspak mesfushorin boshnjak, i cili me anë të një postimi në rrjetin social “Twitter” shpjegoi se në derbi ndryshon nga ndeshjet e tjera të kampionatit.

“Kampionatit e fiton më i forti. Derbin e fiton ai që ka më shumë zemër”, shkroi mesfushori i kampionëve të Italisë.

I campionati li vinci se sei il più forte. I derby li vinci se hai più cuore ???#ForzaJuve #FinoAllaFine #ToroJuve pic.twitter.com/cRWfWP87SF

— Miralem Pjanic (@Miralem_Pjanic) December 15, 2018

Ekipi i Alegrit po “fluturon” në kampionat dhe Champions. Të mërkurën zhvillohet ndeshja e fundit kundër Jang Bojs në fazën e grupeve të Champions-it dhe Pjaniç zbulon objektivat e klubit dhe ëndrrën e tij.

Ai flet për kundërshtarët zviceranë, garën në kampionat si dhe ekipin e tij. Në fund elozhe për Bufon dhe Kielinin, si dhe një mirëpritje e ngrohtë për… Pol Pogba, nëse ky i fundit vendos të rikthehet në Torino.

ËNDRRA – “Ëndrra ime është fitimi i Champions-it me Juventusin dhe do të bëjmë të pamundurën për ta dërguar në shtëpi atë trofe. Tripleta duhet të jetë objektivi dhe ëndrra jonë. Kur firmosa me Juven, presidenti më tregoi një foto të ekipit që kishte fituar 5 tituj kampionë rresht. ‘Duhet t’i superojmë këta’ më tha. Ia kemi dalë, kemi fituar shtatë rresht, por tani duhet të fitojmë trofe të tjerë.”

JANG BOJS – “Është një ndeshje shumë e rëndësishme. Objektivi i vendit të parë është përcaktuar që në fillim të sezonit. E duam medoemos vendin e parë dhe kjo skuadër ka treguar se e meriton.”

KAMPIONATI – “Kemi një avantazh të bukur për momentin. Do të tentojmë ta rrisim diferencën, por Napoli dhe Interi kanë treguar se janë skuadra shumë të mira dhe do të luftojmë me to deri në fund.”

JUVENTUSI – “Mendoj se kjo është skuadra më e fortë. Kemi një kontingjent shumë të madh dhe drejtuesit po punojnë çdo vit për të përmirësuar skuadrën. Alegri është një menaxher i shkëlqyer i grupit, është shumë i aftë taktikisht dhe na transmeton shumë cilësi. Ronaldo? Ai po na jep shumë nga eksperienca e tij, cilësi dhe mënyrën e tij të punës për t’u përmirësuar gjithmonë. Të gjithë këto aspekte më kanë befasuar shumë nga Kristiano.”

POGBA – “Sigurisht që të gjithë tifozët e ëndërrojnë rikthimin e tij. Ata që kanë ardhur janë lojtarë shumë të mirë, por Pogba do të ishte i mirëpritur, madje, më shumë se aq.”

BUFON-KIELINI – “Xhixhi është një legjendë, ndoshta portieri më i fortë i të gjithë historisë së futbollit. Ishte një person i rëndësishëm në dhomat e zhveshjes, një shembull që ka transmetuar gjithë lidhjen e tij me Juven. Pas lamtumirës së tij, pika e referimit është bërë Kielini. Ai dhe Xhixhi e dinë se çfarë personifikon Juventusi. Janë modele për t’u ndjekur për seriozitetin dhe profesionalizmin e tyre. Kampionë të mëdhenj, të cilët më mirë t’i kesh shokë skuadre, sesa kundërshtarë.”

Miralem Pjaniç është njëri prej tyre. Kualitet, inteligjencë dhe një këmbë e artë. Shpejtësia dhe fiziku nuk janë ndër armët e forta të mesfushorit boshnjak, por është totalisht e kundërta. Pavarësisht se nuk bie në sy, 28-vjeçari vrapon më shumë se të gjithë të tjerët te Juventusi!

“Netco Sports” ka mbledhur të dhënat e lojtarëve të Serisë A dhe Pjaniç bën pjesë të 30 lojtarët e kampionatit italian, i cili vrapon më shumë. Madje është ndër më të mirët. Ndryshon situata në ekipin e Alegrit. Askush nuk bën më shumë kilometra në fushë se Pjaniç. Mesfushori ka një mesatare prej 10.905 kilometrash për ndeshje, duke i lënë të gjithë pas: Matuidin, Bentakur, Kielinin dhe Aleks Sandron.

Ai është maratonomaku i vërtetë i Juventusit, ndërsa në Serinë A, vetëm 3 lojtarë përshkruajnë më shumë kilometra se ai: Françesko Manjaneli i Sasuolos, Marselo Brozoviç i Interit dhe Lukas Bilja i Milanit.

28-vjeçari është detyruar të largohet nga loja, pas një kontraktimi muskulor, duke humbur miqësoren kundër Spanjës. Lojtari boshnjak do të kthehet në Torino për t’iu nënshtruar kontrolleve më të detajuara, por vështirë që ai të jetë gati për sfidën ndaj Spalit në kampionat.

Drejtuesit e “Zonjës së Vjetër” po vazhdojnë punën dhe janë gati për të ndërhyrë në merkato. Një mesfushor është objektivi kryesor i bardhezinjve. Siç citon “Times”, Juventus interesohet për Kristian Eriksen. Mesfushori i Totenhemit nuk ka rinovuar kontratën, që i skadon në qershorin e vitit 2020 dhe as që ka ndërmend ta bëjë një gjë të tillë. Danezi kërkon një pagë të barabartë më Herri Kejn dhe Dele Ali, një gjë që drejtuesit e “Spurs” nuk mund ta bëjnë për momentin. Juventusi vazhdon të monitorojë situatën dhe është gati për të ndërhyrë në momentin e duhur.

Por, Eriksen nuk është i vetmi objektiv. Sipas lajmeve që vijnë nga “Calciomercato. it”, braziliani Fabinjo është një nga objektivat e Juventusit. Mesfushori i Liverpulit u ble nga Monako për 45 milionë euro, por “The Reds” janë gati për ta shitur, ose huazuar lojtarin.

25-vjeçari ishte një nga preferencat e Juves që nga koha kur luante me Monakon dhe duke parë aktivizimin e pakët me ekipin e Klopit, e ardhmja e tij mund të jetë Torino dhe Seria A.

Pol Pogba, i cili është një objektiv i italianëve në merkato, do të rikthehet në “Allianz Stadium” për herë të parë që nga transferimi drejt Anglisë në verën e vitit 2016.

Juventus nuk heq dorë nga 25-vjeçari dhe francezi shpreson të rikthehet në Torino. Fabio Paratiçi, drejtori sportiv i bardhezinjve vazhdon punën për të gjetur marrëveshjen me lojtarin dhe klubin e Mançester Junajtid për të transferuar Kampionin e Botës nën urdhrat e Maks Alegrit. Zyrtari i Juventusit vazhdon kontaktet me klubin anglez, por këta të fundit kanë bërë një kërkesë sa i përket kësaj çështje.

Siç citon “Sky Sport”, Zhoze Murinjo kërkon Miralem Pjaniç dhe kërkon përfshirjen e mesfushorit boshnjak në këtë tratativë. Një gjë e tillë kundërshtohet nga bardhezinjtë, të cilët sapo kanë rinovuar kontratën e 28-vjeçarit deri në vitin 2023. Megjithatë, tratativat vazhdojnë dhe palët po punojnë për të gjetur marrëveshjen, por Murinjo e ka bërë të qartë. Doni Pogba? Më jepni Pjaniç…

28-vjeçari ka postuar në rrjetet sociale, ku shkruan për këtë rekord me Juventusin: “Të kam veshur 100 herë dhe jam ndjerë i pamposhtur. Krenar për këto 100 ndeshje dhe gati për 100 ndeshjet e ardhshme.”

Pjaniç mbetet një nga pikat kyçe të formacionit të Alegrit, i saktë në pasime, vizion loje dhe i frikshëm në goditjet e dënimit, që janë një specialitet i mesfushorit boshnjak.

 

View this post on Instagram

 

Per ? volte ti ho indossata e mi sono sentito invincibile ?? Proud for having been part of this a hundred times.. and ready for the next one hundred #ForzaJuve @juventus

A post shared by Miralem Pjani? (@miralem_pjanic) on Oct 7, 2018 at 1:16am PDT

Por së fundmi ai ka pasur një dëmtim dhe është në dyshim për ndeshjen e së martës kundër Austrisë. Nuk dihet shkalla e dëmtimit, por vetëm të hënën do të mësohet. Pritet që Pjaniç të bëjë kontrolle të detajuara për të mësuar gjendjen e tij.

Shpresohet që mos të ketë ndodnjë gjë serioze. Mesfushori është pjesë e rëndësishme e formacioni të Juventusit dhe trajneri Alegri normalisht kërkon ta ketë në dispozicion sa më shpejt.

Me nënshkrimin e kontratës së re paga e Pjaniç pëson një rritje të konsiderueshme. Boshnjaku tani është lojtari i tretë më i paguar në sezon, pas përfiton 6 milionë euro në sezon, vetëm Duglas Kosta (8 milionë euro) dhe natyrisht, Kristiano Ronaldo (30 milionë euro në sezon).

OFFICIAL: @Miralem_Pjanic extends Juventus contract through 2023!

??? https://t.co/eU4wozSP1T#ForzaJuve ?? pic.twitter.com/ez8vcrUnma

— JuventusFC ???? (@juventusfcen) August 21, 2018

Gjithsesi merkato dhuron shpesh surpriza dhe ka një skenar mjaft interesant që mund të bënte Pjaniç të largohej, sigurisht në këmbim të një shifre të lartë. Por, normalisht por, gjërat mund të merrnin drejtim tjetër në rast të një rikthimi të Pol Pogba.

Për Pjaniç së fundmi Juventusi ka refuzuar 50 milionë euro nga Mançester Siti, ndërkohë që ka interesim edhe nga Barcelona. Gjithsesi në Torino i druhen një oferte tjetër të anglezëve: 80-90 milionë euro. Një shifër e tillë do i bënte të mendoheshin italianët dhe duke parë se kampionët në fuqi në Premier Ligë nuk e kanë problem aspektin financiar, së shpejti pritet të ketë një tjetër ofertë.

Guardiola e do me çdo kusht një mesfushor qendror në ekipin e tij dhe Pjaniç është një nga ata që do t’i bënte punë spanjollit. Si boshnjaku ka pak në qarkullim dhe sigurisht që edhe Juventusi nuk dëshiron ta humbasë një lojtar të tillë.