Këto dy takime miqësore, do të zhvillohen në kompleksin “Zenice Training Center”. Grumbullimi i kuqezinjve tanë starton me datë 9 gusht, në Shkodër. Miqësorja e parë, ajo e datës 13, do të luhet në orën 17:00, ndërsa dy ditë më vonë, kuqezinjtë e drejtuar nga Beqiri zbresin në fushë në orën 10:00.

Miqësore, U17

Shqipëri – B. Hercegovinë (13 gusht, 17:00)

B. Hercegovinë – Shqipëri (15 gusht, 10:00)

Bregdetarët kanë konfirmuar edhe një takim tjetër, që do të zhvillohet ditën e mërkurë. Kundërshtari do të jetë Pogradeci dhe ndeshja do të nisë nga ora 17:30 në stadiumin “Gjorgji Kyccyku”.

Momentalisht Teuta po përgatitet në Korçë. Ka qenë trajneri Shkëmbi që u ka kërkuar drejtuesve të klubit t’ua plotësojnë këtë kusht dhe ditën e sotme durrsakët janë zhvendosur drejt qytetit juglindor.

Mesfushori me shumë eksperiencë ishte ai që bëri diferencën në këtë takim, duke i dhënë fitoren Vllaznisë. Lika shihet si një lojtar i rëndësishëm për sezonin e ekipit shkodran në Superiore, pasi dhe kontrata i është rinovuar. Si Besëlidhja, ashtu dhe Vllaznia, vazhdojnë kështu përgatitjet e tyre për sezonin e ri futbollistik.

Miqësore

Besëlidhja – Vllaznia  0-1
G. Lika 20’

Çyrbja, i ardhur këtë merkato nga skuadra e Kukësit, arriti të gjejë golin e parë me fanellën e Teutës. Mesfushorit anësor iu deshën vetëm 15 minuta për të gjetur rrjetën e parë. Në minutën e 64’, është Beqja ai që shënon golin e dytë për Teutën, ndërsa 3 minuta më vonë, shënon dhe sulmuesi Nikaç.

Goli i fundit për “Djemtë e Detit” do të mbante firmën e sulmuesit të talentuar, Lorenco Vila, i cili do të gjente rrjetën në minutën e 77-të të takimit.

Miqësore, “Niko Dovana”

Teuta – Tërbuni  4-2
Çyrbja 15’, Beqja 64’, Nikaç 67’, Vila 77’

Karepi dhe një dopietë e Mziut i kanë dhënë fitoren e pastër Burrelit. Tërbuni dhe Turbina janë ndarë në barazim 1-1, me Sushin që ka shënuar për Tërbunin. Ndërsa Laçi, i drejtuar nga Sulejman Starova, ka fituar 2-1 përballë Laçit B, në testin miqësor mes tyre.

Kastrioti – Burreli  0-3
Shënues: Karepi 37′, Mziu 68′, 79′

Laçi – Laçi B  2-1
Nuabueze x2 / Turkaj

Tërbuni – Turbina  1-1
Shënues: Sushi

Kontingjenti i lojtarëve është i madh, disa prej tyre sapo kanë firmosur me kurbinasit dhe stafi teknik ka vendosur të zhvillojë një ndeshje ndryshe nga të tjerat.

Laçi zhvilloi dy ndeshje tepër pozitive në Ligën e Europës kundër Hapoel Ber Sheva, pavarësisht se nuk ia doli të kualifikohej më tej. Ekipi qëndroi disa ditë pushim dhe tani i është rikthyer sërish përgatitjeve për sezonin e ri.

View this post on Instagram

Sot ndeshje miqsore në orën 18:00 Laci A?Laci B në stadium

A post shared by K.F.Laçi Official (@k.f.laci_official) on Aug 2, 2019 at 6:17am PDT

Merkato mbetet e hapur, por ndërkohë edhe përgatitjet vijojnë normalisht. Për trajnerin Bledi Shkëmbi dhe stafin e tij janë të rëndësishme ndeshjet miqësore dhe të shtunën është programuar një e tillë.

Klubi durrsak njofton se prej orës 18:00 zhvillohet një ndeshje testuese me Tërbunin. Kjo përballje është planifikuar të zhvillohet në stadiumin “Niko Dovana” të qytetit të Durrësit.

https://www.facebook.com/59064889461/posts/10157397570179462/

Kuqezinjtë do të grumbullohen me datë 9 gusht dhe stërvitjet e para do të zhvillohen në Elbasan. Më pas nisja drejt Rumanisë dhe akomodimi në qendrën stërvitore të kombëtares rumune, në kompleksin e së cilës do të luhet miqësorja e dyfishtë.

Ndeshja e parë do të zhvillohet me datë 13 gusht (ora 17:00), ndërsa e dyta me datë 15 gusht (ora 10:00). Qëllimi është grumbullimi i elementëve cilësorë të vitlindjes 2002, të cilët luajnë në Shqipëri ose jashtë.

Këto nuk janë data të lira nga FIFA dhe jo çdo futbollist mund të marrë leje nga klubet ku aktivizohet.

Real është treguar një skuadër e brishtë që nuk kishte në mend të reagonte pas golit të anglezëve. Aspak të rrjedhshëm sulmet e tyre dhe tepër të pasakatë para portës, duke dërguar vetëm dy goditje në kuadrat. Një shifër që nuk i shkon aspak për shtat një emri si 13 herë kampionët e Evropës.

Kjo është humbja e tretë në katër miqësoret e fundit. E vetmja fitore e tyre është ndaj Arsenalit, pas gjuajtjeve të penalltive. Zidan duhet të bëjë diçka pas këtyre disfatave. Sezoni nis shpejt dhe kundërshtarët janë gati për të përfituar. Një mesfushor i madh është nevojë reale.

Miqësore

Real Madrid-Totenhem 0-1

Herri Kejn ’22

Krutanët kanë treguar një formë shumë të mirë. Borges ka hapur sfidën në minutën e 34-t. Të kuqtë nuk janë mjaftuar me kaq, pasi në pjesën e dytë e kanë dërguar edhe dy herë të tjera topin në rrjetë me Rosajn dhe Berberin.

Një formë shumë e mirë e Kastriotit, që edhe pse kanë rënë në Kategorinë e Parë, kanë pretendimet e tyre për të qëndruar në Superiore. Kjo mund të ndodhë në rast të përjashtimit të klubeve që kanë vështirësi të thella financiare. Krutanët reklamuan pretendimet e tyre nëpërmjet një reagimi në rrjetet sociale para pak ditësh.

Miqësore

Kastrioti-Turbina 3-0

Borges 34′, Berberi 52′, Rosaj 77′

Atmosfera në kampin e “Los Blancos” është shumë e trishtë, ndërsa nesër në orën 18:00 zhvillohet miqësorja e radhës. Reali do të përballet kundër Totenhemit në Mynih për kuadër të Audi Cup.

Zinedin Zidan nuk do të dalë përpara mediave. Formati i Audi Cup nuk organizon konferenca për shtyp përpara përballjeve, duke e ndihmuar këtë rast trajnerin francez.

Fituesi do të përballet në finale të mërkurën me fituesin e duelit Bajern-Fenerbahçe, ndërsa humbësit do të luajnë për vendin e tretë. Një shans i mirë për Realin për të reaguar dhe lënë pas krahëve humbjen e turpshme në derbin që nuk mund të jetë kurrë një miqësore.

Në të njëjtën orë të ditës së martë zhvillohet edhe miqësorja e radhës. Kastrioti do të ketë përballë klubin e Vushtrrisë, që sapo është rikthyer në elitën e futbollit dardan. Të dy ndeshjet do të zhvillohen në kompleksin e ekipeve kombëtare në Kamzë.

Klubi krutan po monitoron edhe situatën e vështirë të Skënderbeut, Flamurtarit dhe Luftëtarit. E ardhmja e korçarëve është në dyshim, ndërsa dy klubet jugore duhet të shlyejnë brenda afatit borxhet e shumta për të siguruar pjesëmarrjen në Kategorinë Superiore për sezonin e ardhshëm.

Një situatë e tillë mban me shpresa Dinamon dhe Besën e Kavajës, por edhe klubin krutan që është i bindur se në rast të përjashtimit të ndonjë ekipi, e drejta për të luajtur në Superiore ju takon atyre si ekipi i renditur në vendin e nëntë sezonin e kaluar.

Një goditje këndi për Benfikën nuk largohet siç duhet nga lojtarët e Milanit dhe topi shkon në këmbët e Tarabt në hyrje të zonës, që nuk mendohet dy herë dhe godet. Sulmuesi i Benfikës është dhe me fat, pasi një devijim i topit mposht portierin Reina, që u fut në lojë në pjesë të dytë në vend të Donarumës.

Milan – Benfika  0-1
Tarabat 70’

Pjesa e parë u mbyll me rezultatin 2 – 1 në favor të skuadrës nga Xhepçishti, por në pjesën e dytë gjilanasit përmbysën rezultatin me golat e Dautajt dhe kroatit Tomislav Bushiç, ky i fundit iu bashkua skuadrës vetëm dy ditë më parë.

Renova 2 – 3 Gjilani
Shënues: Kadriu 20’ , Fetai 43’ / Aziz 40’, Dautaj 62’, Bushiç 90+1’

Golin e vetëm të Tiranës e shënoi i riu Dionis Çikani, i cili vitin e kaluar ka qenë pjesë e ekipit B të Tiranës në Kategorinë e Dytë.

Kjo është miqësorja e tretë e Tiranës në Maqedoninë e Veriut. Më parë bardheblutë barazuan 2 – 2 me Renovën dhe humbën 1 – 0 ndaj Dukagjinit të Klinës.

Flamurtari 3 – 1 Tirana
Shënues: Kabashi, Maliqi, Krasniqi / Çikani

Formacioni i Tiranës: Lika, Doka, Osmani, Goxha, Hoxhallari, Celhaka, Batha, Hasani, Cale, Torasa, Muci

Formacionet e sfidës

MILAN (4-3-1-2): Donnarumma; Calabria, Musaçhio, Romagnoli, Ricardo Rodriguez; Calhanoglu, Biglia, Borini; Suso; Piatek, Castillejo. All. Giampaolo

BENFIKA (4-3-3): Vlachodimos; Nuno Tavares, Ruben Dias, Ferro, Grimaldo; Pizzi, Feja, Gabriel; Taarabt, Seferovic, Rafa Silva.

12 minuta në vonë, do të shënonte dhe bomberi polak, Arkadiuz Milik. Me rezultatin 2-0, u mbyll pjesa e parë. E dyta startoi me shumë ndryshime në formacion nga të dyja skuadrat.

Gjatë fraksionit të dytë të lojës do të kishte dhe një gol, i shënuar nga Junes, që vendosi rezultatin final të sfids 3-0 në favor të Napolit. Hysaj u aktivizua në minutën e 61’.

Pak para nisjes së ndeshjes ka ndodhur një përplasje mes tifozerive. Ultrasit e Peruxhias kanë sulmuar homologët e Casaranos dhe mes palëve ka nisur një “luftë” e vërtetë. Shkaku? Tifozët janë zënë për vendin ku do të rrinin.

Stadiumi ku ishte vendosur të luhej ndeshja kishte vetëm një tribunë dhe sherri nuk është evituar dot. Casarone ka marrë një vendim, duke mos pranuar të zbresë në fushën e blertë.

Ekipi puljez ka shprehur solidaritetin me tifozët e dhunuar, të cilët u sulmuan dhe u dhunuan nga ata të Peruxhias.

Golat për skuadrën e Tërbunit janë shënuar nga sulmuesit Aldo Selenica dhe Redi Veriu, të dy këta futbollistë të dalë nga akademia e klubit të Tiranës, që kanë zgjedhur të hedhin hapat e parë në futbollin profesionist në ekipin e drejtuar nga Oltion Kërnaja.

Trajneri i pukjanëve ka vlerësuar paraqitjen e lojtarëve të ardhur në merkaton verore: “Po tregojnë se kanë cilësi dhe uri. Jam i kënaqur, sidomos nga Veriu, i cili edhe sot tregoi sa vlen, edhe pse doli para kohe për dëmtim. Jemi në rrugën e duhur, skuadra po sillet gjithnjë e më mirë dhe fizikisht do të arrijmë maksimumin në momentin e duhur, para fillimit të kampionatit”.

MIQËSORE
Tërbuni 2 – 0 Burreli
Shënues: Selenica, Veriu

Tërbuni: Roxher, Myrta, Hithi, Zagani, Metani, Saliaj, Mezini, Çangu, Tabaku, Veriu, Doda

U aktivizuan: Hasa, Kumanova, Zhivanaj, Selenica, Meshaj, Palushi, Merdini

Mbrojtësi gjerman kërceu bukur pas një krosimi të spanjollit Sarabia dhe mposhti me kokë kapitenin Handanoviç. Interi tentoi të reagonte, por goli i barazimit erdhi në sekondat e fundit.

Sulmuesi 27-vjeçar mori një pasim nga Galjardini dhe lëshoi një të djathtë të fortë që përfundoi pas shpinës së Areolës.

Për të shpallur ekipin fitues u deshën goditjet e penalltive. Në ndryshim nga ndeshja kundër Juventusit, kësaj radhe Interi u tregua më i saktë. Nga shtatë herë goditën ekipet dhe në fund pati festë zikaltër.

Djemtë e Gasperinit zhvilluan një futboll fantastik sezonin e kaluar dhe vetëm Juventusi me Napolin grumbulluan më shumë pikë. Atalanta ka fluturuar drejt Anglisë, aty ku do të zhvillojë tre miqësore (Suonsi, Noruiç dhe Leister Siti).

Sot do të jenë përballë uellsianët e Françesko Guidolin, trajnerit të njohur italian. Ky i fundit nuk i ka kursyer elozhet për Atalantën dhe sidomos trajnerin e saj.

“Vendi i tretë në sezonin e kaluar ishte një befasi e bukur e Atalantës. Gjithçka ishte shumë e bukur. Komplimente skuadrës, familjes Perkasi, gjithë stafi dhe sidomos Xhan Piero Gasperinit. Askush më shumë se ai nuk e meriton ‘Pankinën e Artë’. Besoj se Atalanta mund të kualifikohet në grupin e saj”, thekson Françesko Guidolin.

Qendërmbrojtësi gjerman kërceu bukur me kokë pas një krosimi të Sarabias nga goditja e dënimit dhe mposhti Samir Handanoviç.

Pjesa e parë ishte e balancuar me PSG-në që mbajti pak më shumë topin në qarkullim. Ndeshja e parë si titullar për Nikolo Barelën, i cili debutoi në miqësoren e para ca ditëve kundër Juventusit.

PSG 1-0 Inter Milan – Thilo Kehrer 41′ from r/soccer

Miqësoret nuk kanë vlerë, por një derbi nuk mund ta humbasësh kurrë me të tilla shifra. Sergio Ramos nuk e fsheh mërzinë, pranon fajin e ekipit dhe nuk rri dot pa “thumbuar” kundërshtarët e të njëjtin qytet.

“Humbje të tilla të dhembin, Ne e morëm ndeshjen si një miqësore dhe gabuam, ndërsa për ata dukej si një finale”, thekson kapiteni i Real Madrid.

Osmar zhbllokoi shifrat me një supergol në minutën e shtatë, ndërsa Juventusi barazoi pas katër minutash me anë të 21-vjeçarit Muratore. Gjithsesi, në fundin e pjesës së parë festa ishte përsëri për koreano-jugorët, të cilët shënuan me anë të brazilianit Cesinha.

Sulmuesi, i cili aktivizohet për ekipin e Daegut shënoi një gol mjaft të bukur, por ajo që vodhi vëmendjen e të gjithëve ishte festa. Cesinha së bashku me disa lojtarë të ekipit të tij festuan “alla-Ronaldo”, me portugezin që u fokusua nga kamerat i zhgënjyer në stol.

Kaq për pjesën e parë. E dyta nisi me gol dhe ishin vendasit që shënuan të tretin. Aksioni i bukur u konkretizua nga australiani Tagart. Kampionët e Italisë reaguan dhe arritën të barazonin ndeshjen.

Matuidi shënoi golin e dytë me kokë në minutën e 78-të, ndërsa pas tre minutash erdhi edhe goli i barazimit. Mateus Pereira kreu një driblim fantastik brenda zonës dhe mposhti portierin kundërshtar me një goditje të fortë. Gol fantastik i 21-vjeçarit brazilian.

Ndeshja u zhbllokua në minutën e 21-të. Pereira dhuroi një asist për Antoni Marsial, i cili goditi diagonalisht dhe përfitoi edhe nga një pasiguri e argjentinasit Gazaniga për të shënuar.

Pjesa e parë nuk dhuroi më gola. E dyta nisi më mirë për Spurs, të cilët barazuan në minutën e 65-të me anë të Lukas Moura. Braziliani veproi bukur në vijën e 16-të metrave, goditi drejt portës dhe u ndihmua nga një devijim për të gjetur barazimin.

“Djajtë e kuq” nuk e kishin thënë fjalën e fundit dhe e kishin ruajtur për në minutën e fundit. Angel Gomes kombinoi bukur me Huan Matën dhe shënoi një gol fantastik, duke i dhuruar fitoren ekipit të tij.

Trajneri i Tiranës, Ardian Mema, nuk ka kursyer asnjë futbollist në këtë sfidë, duke aktivizuar dy formcacione të ndryshme. Plot 22 lojtarë provoi tekniku kryeqytetas në ndeshjen miqësore kundër Dukagjinit, duke iu dhënë mundësinë të gjithëve që të kenë minuta në këmbët e tyre.

Miqësore

Dukagjini – Tirana  1-0
I. Mustafa 85’ (p)

Formacionet e Tiranes

Formacioni pjesa e pare: Abibi, Doka, Karriqi, Osmani, Ismajlgeci, Celhaka, Batha, Daja, Cale, Torasa, Muci

Formacioni pjesa e dyte: Qirko, Hoxhallari, Imami, Muca, Goxha, Cake, Celhaka, Batha, Cikani, Ismajlgeci, Dunga

Shifrat u zhbllokuan nga Matijs De Ligt, i cili shënoi gabimisht në portën e tij. Ishte minuta e dhjetë dhe mbrojtësi holandez nuk largoi saktë një top të ardhur nga goditja e këndit.

Pjesa e parë foli më shumë për Interin. Djemtë e Kontes treguan qartësi dhe dëshirë për të bërë mirë. Bardhezinjtë reaguan në pjesën e dytë. Topin vazhduan ta qarkullonin më shumë zikaltrit, por Juventusi gjeti golin.

Kristiano Ronaldo ishte me fat në një goditje dënimi në mesin e pjesës së dytë. Portugezi goditi fort, topi u devijua nga muri dhe përfundoi në rrjetë.

Ndeshja nuk dhuroi më gola dhe ekipet u përgatiten për goditjet e penalltive. Xhixhi Bufon tregoi mjeshtrin e tij, duke pritur 3 penallti (Ranokia, Longos dhe Borja Valero). Kanselo, Ronaldo, Emre Çan dhe Demiral u treguan të saktë (Rabiot goditi jashtë, ndërsa Bernardeski traversën) dhe Juventusi u shpall fitues i kësaj miqësoreje.

The greatest of all time BUFFON pic.twitter.com/2M8IMVnvQT

— Yousef’ (@BuffonYR) July 24, 2019

Trajnerët bënë shumë ndryshime në pjesën e dytë dhe bardhezinjtë reaguan. Kristiano Ronaldo ishte me fat në goditjen e dënimit të minutës së 68-të.

Ylli portugez goditi fort, përfitoi nga devijimi i murit dhe topi përfundoi në rrjetë, duke rikthyer baraspeshën në rezultat.

Mbrojtësi 19-vjeçar ka qenë i pafat në goditjen e këndit të ekzekutuar nga Sensi. Holandezi ka devijuar topin drejt portës së tij në përpjekje për ta larguar atë.

Trishtim për De Ligt dhe festë për djemtë e Antonio Kontes, të cilët udhëheqin me rezultatin 0-1 për momentin kundër “Zonjës së vjetër”.

Një lojë e mirë e kuqezinjve përballë një kundërshtari, i cili ndodhet më përpara me përgatitjet. Marko Xhampaolo analizon sfidën me bavarezët. Trajneri mori sinjale pozitive nga ekipi dhe ndihet i kënaqur për diçka të tillë, mbi të gjitha me Teo Hernandez dhe Mateo Gabia, mbrojtësin 19-vjeçar.

“Luajtëm mirë dhe reagimet ishin pozitive. Ata janë para nesh me përgatitjet dhe kanë luajtur disa ndeshje. Provuam të luajmë me atë mënyrë loje që kemi provuar këto 10 ditë në Milanelo.

Disa gjëra duhen rregulluar dhe nuk na mungojnë idetë për të përmirësuar gjërat që nuk shkojnë mirë. Skuadra ka cilësi të mëdha, lojtarët e kuptojnë menjëherë se çfarë mungon dhe punojnë për përmirësimin e situatës. Kemi nevojë për kohë për të asimiluar një stil të caktuar të luajturi.

Hernandez më pëlqeu shumë, ka shumë kualitet dhe forcë. Gjynah që u dëmtua. Gabia luajti me shumë kujdes. Roli i qendërmbrojtësit është i komplikuar dhe unë kam kërkesa specifike për atë pozicion. Me lojtarë kaq të gatshëm dhe inteligjentë bëhet më e thjeshtë. Gabia duhet të impenjohet shumë me synim krijimin e hapësirave të aktivizimit.”

Trajneri zikaltër ka folur rreth ndeshjes dhe merkatos së klubit. Konte ka besim te drejtuesit, ndihet i lumtur për Vesinon e Godin, si dhe konfirmon faktin që nuk ka qenë kurrë afër rikthimit në pankinën e bardhezinjve.

JUVENTUSI – “Këto ndeshje të ndihmojnë për të përthithur më mirë konceptet e lojës së duam të zhvillojmë, kur kemi topin dhe kur na duhet ta fitojmë. Kundër Juves do të jetë një miqësore e rëndësishme. Si ne edhe ata dëshirojmë që të luajmë një ndeshje të mirë. Shpresoj të shoh përmirësim nga skuadra pavarësisht rezultatit që do të prodhojë fusha.”

MERKATO – “Mendoj se drejtuesit do të marrin vendimet më të mira për Interin. Vesino ka patur një dëmtim dhe është afër rikuperimit. Godin ka nisur stërvitjen me ne dhe mund të them që jam i lumtur që kam dy lojtarë të tillë në dispozicion. Unë te Juventusi përpara se të merrja Interin? Nuk kam qenë kurrë afër rikthimit në stolin e Juves.”

Në fund Sevija fitoi ndeshjen me rezultatin 2 – 1 falë një  goli në minutat e fundit te talenti Pozo, por te Liverpuli rezultati ishte gjëja e fundit që u shkonte në mend.

Episodi më polemik i ndeshjes ishte kartoni i kuq i mbrojtësit të Sevijës Joris Gnangnon. Qendërmbrojtësi francez dëmtoi në mënyrë makabre mbrojtësin 18-vjeçar të Liverpul, Jaser Larusi. Ndërhyrja ishte aq e fortë sa që arbitri i ndeshjes nuk e diskutoi as për një minutë nxjerrjen e kartonit të kuq.

Larusi u detyrua të largohej nga fusha me ndihmën e barelës. Gjithsesi, në daljen për shtyp pak minuta pas përfundim të takimit, trajneri Jyrgen Klop qetësoi tifozët duke konfirmuar se dëmtimi i 18-vjeçarit nuk ishte i rëndë.

Liverpul 1 – 2 Sevija
Shënues: Nolito 37′, Pozo 90′ / Origi 43′

https://www.youtube.com/watch?v=Tl5ukWSxcyE

Atalanta luajti përballë ekipit të Renate dhe triumfoi bindshëm 6-0. Golat për të besuarit e Gasperinit u shënuan nga Barrou, që shënoi dopietë, Kollei, që po ashtu shënoi dy gola, si dhe Gomez e Muriel.

Miqësore

Atalanta – Renate 6-0
Barrou 1’ 14’, Gomez 9’, Kollei 56’ 77’, Muriel 62’

Ndërsa Lacio u vu përballë skuadrës së Triestinës, që bëri një paraqitje më të mirë se ajo e Renates përballë Atalantës. Lacio triumfoi 5-2, Strakosha dhe Berisha nuk ishin të grumbulluar dhe golat u shënuan nga Imobile (dopietë), Korrea, Kaisedo dhe Adekanje.

Miqësore

Lacio – Triestina  5-2
Imobile 8’ 29’, Korrea 13’, Kaisedo 50’, Adekanje 67’ / Kodromaz 46’, Marzola 86’

2-3 përfundoi ndeshje në favor të Totenhemit, që triumfoi falë një goli të shënuar në shtesa. Erik Lamela zhbllokoi shifrat pas një gjysmë ore lojë dhe skuadrat shkuan në pushim me këtë rezultat.

E dytë nisi plot ritëm, emocione dhe gola. Tre të tillë u shënuan brenda nëntë minutash. Juventusi përmbysi gjithçka shumë shpejt. Higuain barazoi shifrat, ndërsa Kristiano Ronaldo kaloi kampionët e Italisë në avantazh pasi një topi të marrë nga De Shiljo.

Festa bardhezi zgjati pak, pasi Lukas Moura barazoi ndeshjen pas një asisti të Ndombele. Sarri vendosi t;i dhuronte disa minuta edhe Matijs De Ligt, i cili debutoi me ekipin e ri. Kur u mendua se gjithçka po mbyllej në një barazim 2-2, Herri Kejn shënoi një gol kryevepër. Goditje nga mesi i fushës, duke turpëruar Sheznin.

Juventus-Totenhem 2-3
(Higuain 56’, Ronaldo 60’ / Lamela 30’, Lukas 65’, Kejn 90+3’)

17-vjeçari i talentuar zhvilloi një ndeshje fantastike, edhe pse u hodh në fushë nga Solskjaer vetëm në minutën e 63-të. Përveç golit të fitores, nuk munguan as numrat e bukur të dhuruar nga adoleshenti.

Në një moment, sulmuesi kryen një veprim teknik fantastik dhe lë në vend Milan Shkriniar, shtyllën e mbrojtjes së ekipit zikaltër.

Kontingjenti është i plotësuar me cilësi dhe sasi, ndërsa tifozët janë entuziastë dhe besojnë se ky do të jetë sezoni kur Juventusi do t’i rikthehet dominimit në Europë. Për pak minuta (13:30) nis ndeshja kundër Totenhemit dhe Sarri ka zgjedhur këtë formacion

4-3-3 është skema. Bufon do ta nisë si titullar, ndërsa qendra e mbrojtjes do të formohet nga dyshja Bonuçi-Rugani. Kanselo dhe De Shiljo do të operojnë nga krahët. Pjaniç-Emre Çan dhe Matuidi janë treshja e zgjedhur për mesin e fushës.

Ronaldo e nis si titullar në sulm, por do të pozicionohet në krahun e majtë. Në qendër do luajë Mario Manxhukiç, ndërsa Bernardeski do të pozicionohet në krahun e djathtë të sulmit.

4-2-3-1 ka vendosur ta rreshtojë ekipin e tij Mauricio Poçetino. Trajneri i Totenhemit ka zgjedhur një formacion me lojtarëve të rinj, ndërsa nuk mungojnë emra si Dele Ali, Lamela dhe Son. Surpriza mban emrin Troi Parrot. 17-vjeçari irlandez është zgjedhur sulmues i parë dhe do të tentojë t’i shënojë portierit kundërshtar, i cili është 24 vite më i madh.

Juventus (4-3-3): Bufon; Kanselo, Rugani, Bonuçi, De Shiljo; Emre Çan, Pjaniç, Matuidi; Bernardeski, Manxhukiç, Ronaldo.

Totenhem (4-2-3-1): Gazaniga; Georgiou, Tanganga, Alderueireld, Uolker Peters; Uinks, Skip; Lamela, Dele Ali, Son; Parott.

E sotmja ka qenë dita e blerjeve të reja. Mbrojtësi Felipe, i ardhur nga Porto dhe sulmuesi Saponjiç, që zbarkoi në Madrid nga Benfika kanë qenë autorë të dy golave. Një debutim që me shumë mundësi e kishin ëndërruar ditën pas prezantimit. Golin tjetër e shënoi Vitolo. Miqësorja e radhës për madrilenët është më datë 24 ndaj meksikanëve të Guadalajara.

Më në fund Monako ka treguar shenja jete pas tre humbjeve rresht. Skuadra nga pricipata ka arritur të dalë fitimtare ndaj spanjollëve, duke fituar minimalisht 1-0.

Ndeshja ka qenë e barabartë, me të dy ekipet që e kanë nisur ndeshjen me më të mirët. Megjithatë, ka qenë Monako që është treguar më racionale duke shënuar në minutën e 39-të me Foster dhe ruajtur këtë rezultat deri në fund.

Këtë takim, trajneri Mema e shfrytëzoi për të provuar disa lojtarë të rinj, por iu dha mundësinë dhe disa senatorëve që të angazhoheshin dhe të kapnin një formë të caktuar fizike. Problemet e Tiranës jashtë fushave të lojës nuk kanë ndikuar në kalendarin përgatitor të bardhebluve, që vazhdojnë të zbresin në fushat e lojës dhe të zhvillojnë miqësoret e planifikuara.

Miqësore, 19 korrik 2019

Tirana – Renova  2-2
Muça (p) 36’, Autogol 72’ / Ademi 22’, Zuka 75’

Dardani e nisi nga minuta e parë këtë takim miqësor dhe në sekondat e fundit të pjesës së parë, i dha avantazhin skuadrës së tij, duke shënuar me portën e boshatisur. Ndërsa në pjesën e dytë, sulmuesi shënon një supergol në hyrje të zonës, duke mposhtur për herë të dytë portierin kundërshtar dhe duke i dhënë fitoren skuadrës së tij.

Fenerbaçe – Bursaspor  2-0
Muriqi 45+2’, 51’