Mbrojtësi 19-vjeçari i del në mbrojtje agjentit të tij dhe e analizon në këtë formë idenë e tij për “De Telegraaf”. De Ligt nuk i interesojnë fjalët e njerëzve, rëndësi ka që Mino është më i miri në atë që bën, ndërsa e mbyll me një thumbim.

“Raiola më detyron të firmos me një klub? Më vjen për të qeshur kur i dëgjoj këto fjalë… Unë jam një person modest nga natyra. E njoh mirë Minon dhe kjo ka të bëjë me raportin tonë, jo më fjalët e të tjerëve. Negociatorët e klubeve të mëdha e dinë se si funksionon kjo botë. Si i ri që jam, e kam parë të arsyeshme që dikush afër meje të merret me interesat e mia.

E kam parë më sy e mi të ndodhë diçka e tillë. Mino është më i miri në botë për operacione agjentësh. Reagime do të ketë gjithmonë dhe në Holandë të mendojnë çfarë të duan. Gjithsesi, vetëm unë e di se çfarë bën Mino për mua. Ai ka opinionin e vet dhe unë timin. Në fund jam unë ai që vendos. Në Holandë befasohen kur një lojtar nuk zgjedh Barcelonën dhe të gjithë nisin e merren me fjalë”, përfundon gjiganti i mbrojtjes bardhezi.

“Transferimi i De Ligt nuk ishte një çështje se cili e klub e dëshironte më shumë. Juve është thjesht klubi më i mirë për të. Është shumë e rëndësishme që një mbrojtës të provojë të luajë në kampionatin italian. Këtu mund të mësojë nga më të mirët në botë”.

“Ky hap ishte i nevojshëm për karrierën e tij. Padyshim ndër mbrojtësit e rinj në moshë është më i mirë në botë. Tani i duhet pak kohë për të treguar se mund quhet edhe më i miri në rang botëror. Përsa i përket disiplinës dhe mentalitetit, do thosha që ia kalon edhe lojtarëve si Pavel Nedved. Më kujton Ibrahimoviçin kur ishte i ri, për shkak se të dy janë njerëz ambicioz”.

Në këmbim të marrëveshjes me De Ligt, Bartomeut do i duhej të shtonte 15 milionë euro si komision. Kjo është shifra, që kërkon menaxheri i lojtarit si shpërblim për punën e tij. Barcelona nuk e pa të arsyeshme të jepte këtë shumë për Raiolën. Ata mendojnë se nuk kanë pse paguajnë komision për një lojtar, që dëshiron të vijë vetë në “Camp Nou”.

Kjo lëvizje e katalanasve ka bërë që Raiola të hedhë sytë nga klubet e tjera të interesuara për 19-vjeçarin. Mançester Junajtid është gati të ofrojë komisionin për Raiolën dhe një pagë ndjeshëm më të madhe se ajo që i ofron Barça. Drejtori Ed Uduard ofron për De Ligt 12 milionë euro në sezon. Kjo ofertë faraonike e bën Junajtid më të favorizuar për të marrë talentin tulipan.

“Agjenti i Pogbasë është Mino Raiola. Kam bashkëpunuar me të për 10 vite. Ai e di se çfarë bën, më besoni. Raiola e di se është koha e duhur që Pogba të largohet. Mino po sheh për një klub të ri për të. Polin nuk e shoh te Junajtid në sezonin e ardhshëm. Zidan e pëlqen shumë atë. E njeh personalitetin e tij dhe do të kuptoheshin shumë mirë”, përfundoi Mido.

“Mundo Deportivo” raporton se arsyeja e vetme e stopimit të operacionit “De Ligt” nga Barcelona është agjenti i tij. Italiani kërkon nga klubi blaugran një shifër, që i afrohet 10 milionë eurove, si komision. Pra nëse Barça do e blinte De Ligt, veç parave që kërkon Ajaksi do duhej të shtonte 10 milion për agjentin. Një kërkesë kjo që kundërshtohet me ngulm nga klubi katalanas.

Ndërkohë klubet e tjera si Juventusi apo Parisi janë të gatshëm ta japin këtë shumë. Gjithsesi presidenti Bartomeu është koshient se mbrojtësi dëshiron të transferohet në “Camp Nou”. Kështu nuk mendon se ka arsye që t’i ofrojë atë shumë agjentit të tij, pasi nuk ka nevojë të negociojë me lojtarin.

Drejtuesti blaugranë besojnë te personaliteti i De Ligt dhe janë të sigurt se dëshira e tij do të dalë mbi atë tëRaiolës. I tillë ishte rasti i De Jong që dëshironte të transferohej në Barcelonë me patjetër dhe kështu ndodhi, pavarësisht ndërhyrjeve të agjentit të tij, Ali Dursun.

Dëshira e lojtarit thuhet të jetë pikërisht transferimi në “Camp Nou”, por agjenti i tij Mino Raiola, duket se nuk është dakord me klientin e tij. Sipas raportimeve në media, menaxheri i De Ligt prefeton më së shumti një kalim të holandezit te Bajerni i Mynihut, Mançester Junajtid apo Juventusi.

?? De Ligt no duda con el Barça; Mino Raiola, sí
? El agente del central del Ajax prefiere club mucho más rentables economícamente como Bayern, United o Juventushttps://t.co/BTJNzUf7eL por @MigRico pic.twitter.com/3t11sx35IV

— Mundo Deportivo (@mundodeportivo) April 30, 2019

Arsyeja është shumë e thjeshtë. Të tre këto ekipe janë të gatshëm të ofrojnë më shumë se Barcelona, fakt që rrit përfitimet e Raiolas dhe vetë De Ligt.

Sipas “tuttosport”, kjo ecuri e mirë do të shpërblehet nga drejtuesit e klubit torinez, të cilët po përgatisin një kontratë të re për lojtarin, i cili pritet të jetë e ardhmja e Juventusit dhe kombëtares së Italisë. Agjenti i lojtarit, Mino Raiola, do të luajë një rol kyç në arritjen e marrëveshjes së re.

Kampionët e Italisë duan të nënshkruajnë një marrëveshje të re që zgjat deri. në verën e 2024-ës. Falë kontratës së re paga vjetore e Ken do të katërfishohet, duke shkuar nga 500 mijë euro në 2 milionë euro në sezon (neto).

https://www.youtube.com/watch?v=RqqxyFGb3Kw

Rajola insiston se ka vetëm një mënyrë për të luftuar racizmin. Nuk duhet të ketë aspak tolerancë, madje edhe për ata që e justifikojnë këtë fenomen.

RACIZMI – “Dikush nuk mund të jetë italian dhe racist në të njëjtën kohë. Unë jam me Ken dhe Matuidin. Për mua racizmi është sinonimi i injorancës. Askush nuk mund ta justifikojë. Jam krenar për djemtë e mi dhe jam me to deri në fund.”

ZGJIDHJA – “Nevojitet kurajo dhe dënime shumë të ashpra për ata që shkaktojnë racizëm dhe e justifikojnë atë, në një mënyrë apo tjetër. Duhet të jemi të gjithë të bashkuar kundër racizmit.”

Kontrata e tij me kampionët e Italisë përfundon në verën e vitit 2020, ndërsa ofertat kanë vërshuar lumë nga gjysma e Europës. Juventusi as që ka ndërmend të heqë dorë nga shërbimet e tij dhe kërkon rinovimin.

Pavel Nedved, zv presidenti i klubit torinez, do të takohet këto ditë me Mino Rajolën, agjentin e sulmuesit. Siç raportojnë mediat italiane, Juvja pritet t’i ofrojë lojtarit një rinovim deri në vitin 2024, ndërsa do të shumëfishohet edhe rroga. Kin përfiton 500 mijë euro në sezon dhe me kontratën e re do të përfitojë rreth 1.5-2 milionë euro.

Matijs De Ligt është qendra e mbrojtjes dhe lideri i ekipit. 19-vjeçari është kapiteni i Ajaksit dhe kërkohet nga gjysma e Europës. Barcelona dhe Juventusi janë në avantazh në krahasim me klubet e tjera për të siguruar në verë shërbimet e talentit holandez, por ai mendon vetëm të tashmen, Ajaksin.

Në një prononcim për “Tuttosport”, De Ligt flet për përballjet e 10 dhe 16 prillit kundër bardhezinjve të Alegrit, tregon mënyrën se si u njoh me Mino Rajolën, agjentin e tij, të cilit ia lë në dorë të ardhmen e tij.

JUVENTUSI – “Jemi të rinj, kemi lojtarë me kualitet dhe Juventusi do të ketë më shumë presion se ne. Mbetet gjithmonë magjepsëse të përballesh me një klub të madh si Juventusi. Jam përballur me kombëtaren kundër Kristiano Ronaldos dhe ka qenë e vështirë, por kam kujtime të bukura nga ajo ndeshje.”

E ARDHMJA – “Nuk më kërkon vetëm Juventusi, ka dhe klube të tjera. Do të vendosim në momentin e duhur, tani jam i fokusuar vetëm tek Ajaksi. Rajola? U takuam në vitin 2017, ishte janar. Mino më tha që më dëshironte tek ekipi i tij, sepse më vlerësonte shumë dhe kishte shumë besim te potenciali im. E njihja reputacionin e tij të rëndësishëm, u mendova pak dhe pranova. Jam shumë i lumtur për zgjedhjen e bërë. Mendon Mino për të ardhmen time.”

Kin nuk zhgënjeu dhe shënoi golin e dytë, duke vulosur fitoren e të kaltërve. Agjenti i tij është Mino Rajola. Në një prononcim për “Corriere dello Sport”, ai insiston se lojtari me origjinë nga Bregu i Fildishtë duhet të luajë gjithmonë, ndërsa zbulon se Kin ishte një hap larg kalimit te Milani në merkaton e janarit. Kontrata me Juven i përfundon në vitin 2020, por akoma nuk ka lëvizje për rinovimin e talentit të repartit ofensiv.

“Ka vlerësime të ndryshme për t’u bërë. Djaloshi duhet të luajë gjithmonë. Duhej ta transferoja te Milani në janar. Kisha mbyllur gjithçka me Leonardon, por Juventusi ishte kundër kësaj lëvizje. Për momentin nuk ka asnjë lëvizje sa i përket rinovimit të tij. Kin ka detyrimin për të luajtur gjithmonë”, përfundoi agjenti i famshëm.

Sipas lajmeve që vijnë nga Anglia, Pogba mund të shkëmbehet me Toni Kros. Gjermanit i përfundon kontrata me Realin në vitin 2022 dhe klauzola e largimit të tij është 500 milionë euro!

Nga ana tjetër, kontrata e Pogba me “Djajtë e Kuq” përfundon në vitin 2021, ndërsa rroga e tij shkon rreth 16 milionë euro në sezon. Bardhezinjtë e Juves kërkojnë ta rikthejnë në Torino 26-vjeçarin, aty ku ai luajti katër sezone, në të cilat shënoi 34 gola në 178 ndeshje.

Drejtuesit e kampionëve të Italisë kanë marrëdhënie shumë të mira me Mino Rajolën, agjentin e lojtarit. Ky i fundit përfitoi një komision gjigant prej rreth 50 milionë eurosh nga transferimi i tij te Mançesteri në verën e vitit 2016 dhe ai mund të jetë personi që mund të ndikojë në rikthimin e kampionit të botës në Torino.

24-vjeçari po zhvillon sezone shumë të mira me zikaltrit dhe ofertat në drejtim të tij janë të shumta. Reali i Madridit dhe Barcelona po interesohen për të, por agjenti i tij ia kalon topin Interit.

Mithat Halis, i cili bashkëpunon me Karol Csonto dhe është anëtar i Star&Friends, sulmon Mino Rajolën, agjentin e famshëm, dhe përcakton çmimin që duhet paguar për kartonin e Shkriniar.

“Milan ka një sjellje shembullore. Ka shumë agjentë kanibalë, të cilët duan t’i transferojnë lojtarët në skuadrat që duan. Mino Rajola, agjenti i Ibrës dhe Pogbasë, po tenton të bëjë këtë gjë. Ai dëshiron ta ngatërrojë Shkriniarin, por Shkriniar është lojtar i agjencisë tonë dhe kemi kontratë me të. Çmimi i tij? Interi pagoi 28 milionë euro dhe pas gjashtë muajsh Mançester Siti ofroi 55 milionë. Çmimi i tij sot sillet rreth 100 milionë eurove. Transferimi i tij është i komplikuar, për shkak të përpjekjeve të këtyre ndërmjetësave kanibalë”, përfundon agjenti Halis.

27-vjeçarit i përfundon kontrata me Napolin në verën e vitit 2022, por ai mund të vendosë të bëjë hapin e madh në fund të sezonit. Kritikat e shumta e kanë lodhur dhe diçka e tillë u vu re në prononcimin pas barazimit 1-1 kundër Sasuolos në kampionat.

“Nuk dua të krijoj polemika, por unë jam i vetmi që kritikohem gjithmonë kur nuk shënoj apo kur nuk zhvilloj ndeshje të mira. Diçka e tillë më dhemb. Përpiqem gjithmonë që të jap maksimumin, nuk dua polemika dhe i pranoj kritikat. Kam kërkuar edhe falje kur kam gabuar. Më shumë se kaq nuk mund të bëj”, u shpreh shtatshkurtri i Napolit.

Insinje ka vendosur të ndërrojë agjent dhe në prill do të nisë punën me njëfarë Mino Rajola. Agjenti i famshëm njihet për lidhjet e forta dhe është unik në gjetjen e skuadrave të reja për një futbollist.

Napoli mund të heqë dorë nga shërbimet e Insinjes për të paktën 100 milionë euro, ndërsa Lozano i PSV pritet të jetë pasardhësi i tij. Rajola mund të lehtësojë këto tratativa, pasi është agjenti i meksikanit të ekipit holandez.

Sipas “Sportmediaset”, drejtuesi i lartë i Milanit, Leonardo, ka filluar bisedimet me agjentin e njohur Mino Raiola për të rinovuar kontratën e portierit Xhanluixhi Donaruma. Marrëveshja aktuale e italianit përfundon në vitin 2021, ndërsa Leonardo synon që të arrijë një marrëveshje për tri sezone të tjera.

Negociatat nuk do të jenë aspak të lehtë pasi Donaruma është një ndër portierët më të lakmuar në botë për shkak të aftësive që ka dhe moshës së re. Aktualisht 20-vjeçari është lojtari më i paguar i Milanit me një pagë sezonale prej 6 milionë eurosh në sezon.

Ky “shpërthim” i italianit, sigurisht që ka sjellë interesimin e agjentëve elitarë, të cilët duan ta kenë në menaxhim. Njëri prej tyre është dhe agjenti më i famshëm italian, Mino Raiola, i cili është një emër i njohur që nuk ka nevojë për prezantim.

Sipas “Gazzeta dello Sport”, oferta e Raiolës është refuzuar kategorish nga futbollisti. Në një prononcim për gazetën italiane, i ati i Zaniolos, ish-futbollisti i Xhenoas, Igor Zaniolo, ka thënë se i biri i tij do të vazhdojë bashkëpunimin me agjentin Klaudio Vigoreli.

Katalanasit kanë një lidhje të veçantë me holandezët e talentuar dhe do të bëjnë të pamundurën për ta ofruar në ekip, ndërsa kampionët e Francës nuk duan të humbasin një tjetër betejë, pas asaj me Frenki De Jong.

Për qendërmbrojtësin ka interes dhe nga Premier Liga, me dy klubet e Mançesterit dhe Arsenalin. Por siç raporton “The Mirror”, klubet angleze mund të quhen të “përjashtuara” nga gara për De Ligt. Paratë nuk janë problem, por kleçka qëndron diku tjetër. Ai është Mino Rajola, agjenti i lojtarit.

Përveç faktit që kërkon komisione të majme (flitet se kërkon 10 milionë euro për transferimin e kapitenit të Ajaksit), Rajola nuk preferohet shumë në ishull. Ai sulmoi përpara pak kohësh Pep Guardiolën me fjalët “frikacak dhe një qen”, kështu që Siti vështirë të futet në tratativa me këtë agjent.

Te Junajtid nuk ia kanë harruar faktin që i ofroi Pol Pogbanë disa klubeve, ndërsa e njëjta situatë është dhe tek Arsenali. Rajola zotëron të drejtat e Mikhtarian, me të cilin “topçinjtë” kanë patur probleme të mëdha.

Kështu që Juventusi dhe Barcelona kryesojnë garën për të siguruar në verë shërbimet e De Ligt, pa harruar PSG, ndërsa Rajola fërkon duart në pritje të nisjes së një ankandi milionash për lojtarin e tij.

Ai tundohet shumë nga ideja për të luajtur në një ekip me Leo Mesin dhe shokun e tij, Frenki De Jong, por ka një problem. Siç raporton “Mundo Deportivo”, Mino Rajola është pengesa kryesore e këtij transferimi.

Agjenti i famshëm zotëron të drejtat e De Ligt dhe ai kërkon 10 milionë euro komision për transferimin e qendërmbrojtësit në Katalunjë. Klubi spanjoll e quan paradoksale një kërkesë të tillë dhe jashtë çdo logjike.

Lojtarit i përfundon kontrata me Ajaksin në verën e vitit 2021, ndërsa Barça mund të arrijë akordin me klubin holandez për shumën e 70 milionë eurove. Megjithatë, Rajola nuk heq dorë nga kërkesat e tij dhe e ardhmja e De Ligt është akoma e paqartë.