Mina

Milionat gati, Junajtid zbarkon në Spanjë për merkato

Sport Ekspres — Thu, 02 Aug 2018 08:28:06 +0000

Herri Meguire nuk është më një objektiv i Mançester Junajtid, pasi Lester është i vendosur për të mos hequr dorë nga mbrojtësi i tyre. Ndërkohë “Djajtë e Kuq” duhet të përforcohen në prapavijë dhe të gjitha energjitë i kanë përqendruar te Jerri Mina.

Kolumbiani u paraqit mjaft mirë në Botërorin e Rusisë, ndërkohë që nga ana tjetër Barcelona është e gatshme ta shesë mbrojtësin. Për këtë Mançesteri ka bërë lëvzijen e parë dhe Met Xhaxh, nogociatori i klubit, ka flutuar drejt Spanjës.

Synohet të arrihet një marrëveshje për shumën e 35 milionë sterlinave dhe për këtë pritet që të zhvillohet një takim takim me Felipe Ruso, menaxherin e lojtarit. Zhoze Murinjo e do Minën në ekipin e tij dhe po punohet që të mbyllet ky transferim sa më shumë.

Barcelona ndërkohë është e gatshëm të pranojë më pak se 44 milionë sterlina, sa ishte kërkesa e tyre e parë për 23-vjeçarin kolumbian. Ndërkohë vetë lojtari kërkon që të përfitojë rreth 7 milion sterlina në kontratën e re, që pritet të jetë afatgjatë.

Botërori nderon Xherri Minën, te Barça “fërkojnë duart”

Sport Ekspres — Sat, 14 Jul 2018 17:53:21 +0000

Xherri Mina nuk e filloi siç duhet aventurën e tij te klubi katalanas, pasi qendërmbrojtësi kolumbian nuk arriti të bindte teknikun Valverde dhe pa humbur kohë, kampionët e Spanjës i thanë të bënte gati valixhet. Fillimisht drejtuesit e katalanasve synonin që të rikuperonin vetëm 15 milionë eurot që shpenzuan disa muaj më parë për kartonin e 23-vjeçarit nga Palmeirasi, por Botëori “Rusi 2018” rezultoi një surprizë e këndshme për të dyja palët.

Mina u bë heroi i Kolumbisë, duke shënuar 3 gola, nga një për secilën ndeshje ku u aktivizua. Rrezikshmëria gjatë goditjet standarde dhe cilësitë e rralla në aspektin mbrojtës, nuk kanë arritur të ndryshojnë mendjen e Barcelonës, që para pak ditësh transferoi francezin Longle për 35 milionë euro, por jashtë Spanjës, sidomos në Angli, ofertat nuk kanë munguar.

Sipas medies spanjolle “Sport”, për Minën tani ofertat janë dyfishuar në harkun e një muaji. Tri klube të Premier Ligës kanë ofruar të paktën 30 milionë euro për qendërmbrojtësin kolumbian. Mesa duket, “divorci” midis palëve është i pashmangshëm, por është e sigurt që lotët do të mungojnë.

Barcelona zyrtarizon kolumbianin e parë në historinë e vet

Sport Ekspres — Thu, 11 Jan 2018 10:56:10 +0000

Barcelona nuk ndalet këtë janar, sepse pas Filipe Kutinjos, ka blerë edhe qendërmbrojtësin Jerri Mina. Klubi katalanas ka zyrtarizuar gjithçka sot, me 23-vjeçarin e Palmeirasit që transferohet që tani në Spanjë dhe ka firmosur një kontratë deri në verën e vitit 2023. Kostoja e transferimit është 11.8 milionë euro dhe klauzola e prishjes së kontratës është 100 milionë.

[OFFICIAL] All the details about the new @FCBarcelona player Yerry Mina
? https://t.co/36jrnGTo1E
?? #BeBarça

— FC Barcelona (@FCBarcelona) January 11, 2018

I lindur më 23 shtator 1994 (në Guaçené, Kaukas, Kolumbi), Jerri Mina përforcon qendrën e mbrojtjes. Bëhet fjalë për një futbollist 1.95 metra, por që është goxha i zhdërvjellët dhe i aftë me topin, përveçse mbret i ajrit, duke shënuar disa gola çdo sezon.

Në 49 ndeshje me Palmeirasin, ku u transferua në vitin 2016, Mina ka shënuar 9 gola, përveçse ka shënuar 3 gola me Kolumbinë, në 9 ndeshje.
?

Jerri Mina e ka nisur karrierën si portier, më pas si mesfushor dhe në moshën 19-vjeçare firmosi për Deportivo Paston, ku kaloi në qendër të mbrojtjes. Në vitin 2014 kaloi te Independiente de Santa Fe, ku u bë një ndër yjet e futbollit kolumbian dhe u transferua te Palmeiras. Edhe aty Mina u bë një superstar, duke u zgjedhur qendërmbrojtësi më i mirë i Kampionatit Paulista në vitin 2017.

Në karrierën e vet Mina ka fituar një kampionat Kolumbie dhe një Kupë Sudamerikana me Santa Fe, si dhe është shpallur kampion i Brazilit në vitin 2016 me Palmeiras.

Tani Mina bëhet kolumbiani i parë në histori që vesh fanellën e Barcelonës dhe shihet si e ardhmja e klubit blaugrana në mbrojtje, aty ku Pike e Umtiti janë titullarët për momentin, ndërkohë që alternativë ka qenë Masçerano, por ky i fundit pret të largohet. Kurioz është fakti se Mina, lojtari i dhjetë kolumbian në La Liga këtë sezon, është lojtari më i gjatë te Barcelona, 1 centimetër më i lartë se Pike.