Milner

FOTO | Kartoni i kuq i Milnerit ka një histori të bukur që fshihet nga pas

Sport Ekspres — Sun, 20 Jan 2019 19:36:11 +0000

Për çdo futbollist, të ndëshkohesh me karton të kuq është gjëja më negative që mund të ndodhë dhe përveçse lë skuadrën të vuajë në fushë me një lojtar më pak, do përplasesh me kritika të shumta. Të shumtë janë futbollistët në Premier Ligë që njihen për ndërhyrjet e tyre të ashpra dhe për ndëshkimin me kartonë, por veterani i Liverpulit Xhejms Milner, nuk është një nga ta.

Milner duke i dorëzuar shiritin e kapitenit mbrojtësit Van Dajk pas ndëshkimit

Një lojtar i qetë, kokulur dhe punëtor, Milner ka qëndruar gjithmonë larg vëmendjes së mediave, pavarësisht se ka më shumë se 15 vite që luan në kampionatin anglez të futbollit. Në takimin e djeshëm mes Liverpulit dhe Kristal Palas, 33-vjeçari la skuadrën e tij me një lojtar më pak, pasi u ndëshkua me karton të kuq në minutën e 89’.

Ndërhyrja e ashpër e Milner në dëm të Zaha

Gjyqtari kryesor i sfidës, Xhon Mos dhe Xhejms Milner, kanë një histori shumë të bukur në të kaluarën dhe ky karton i kuq, mund të themi se vjen nga një “mik”. Mos ka qenë trajneri i skuadrës së shkollës ku Milner është rritur, madje ka qenë pikërisht ky arbitër që e ka bërë kapiten mesfushorin anglez te skuadra e tij.

Milner kur ishte kapiten i skuadrës së shkollës, e cila drejtohej nga profesori Mos, tashmë gjyqtar i Premier League ( Milner me topin në duar )

Edhe pse kanë kaluar më shumë se 20 vite, dyshja ka ende raporte të mira, por ndërhyrja që Milner bëri ndaj Zaha ishte i pafalshme. Edhe nëse Mos mund ta kishte falur ish-studentin e tij, kartoni i verdhë ishte i paevitueshëm dhe si pasojë, erdhi kartoni i kuq për Milnerin, i dyti në karrierën e futbollistit, e cila ka startuar që në sezonin 2002-’03.

VERONIK ISTREFAJ

Klop në hall, dëmtohet edhe një titullar në mesfushë

Sport Ekspres — Tue, 09 Oct 2018 07:56:01 +0000

Liverpuli barazoi ndaj Mançester Sitit në ndeshjen e fundit të kampionatit dhe ishte me fat, sepse Mahrez çoi jashtë planetit penalltinë që mund të vlente fitoren e Sitit, pak minuta para fundit të sfidës.

Megjithatë jo gjithçka ka shkuar mbarë për Jyrgen Klop, sepse kundër Sitit pësoi një dëmtim në pulpë mesfushori Xhejms Milner.

Veterani i mesfushës do të mungojë për disa javë dhe duket e sigurt mungesa në 3 ndeshjet e radhës mes kampionatit e Champions League, por Klop shpreson që të mos bëhet fjalë për ndonjë mungesë më të gjatë.

Milner është lojtar kyç në mesfushën e The Reds dhe këtë sezon ka qenë i rëndësishëm edhe për faktin se Okslejd-Çembërlejn është i dëmtuar rëndë dhe nuk do të luajë më deri në fund të sezonit, ndërsa Adam Lalana sapo ka rinisur stërvitjen pas një dëmtimi që e ka lënë jashtë për disa javë.

Problem më vete për Klop ka qenë edhe përshtatja e ngadaltë e Fabinjos dhe Nabi Keitasë, blerje të rëndësishme verore, por ende larg pritshmërive ndaj dëmtimi i Milnerit është telash i madh.

Analisti i “Sky sport”: Pogba nuk krahasohet me Milner!

Sport Ekspres — Fri, 21 Sep 2018 11:52:57 +0000

Graem Sounes, i njohur për punën e tij me gjigantin e televizionit “Sky sport” ka folur në lidhje me mesfushorin francez, Pol Pogba. Skocezi ka deklaruar se Pogba duhet pikë së pari të shikojë nga vetja, për mënyrën se si ai luan dhe si sillet ne fushë.
Gjithashtu ai ka thënë se kurrë nuk do ta krahasonte francezin me Xhejms Milner, i cili sipas Sounes është ndër mesfushorët më të fortë në Botë. Ndër të tjera Sounes tha se francezi duhet të ulë kokën dhe të punojë për një lojtar i klasit botëror.

“Pogba duhet të punojë në mënyrë që të konsiderohet lojtar i elitës. Unë personalisht më duhet të pranoj se do të zgjidhja të kisha si kundërshtar Pogban se sa Milner, pasi lojtari i Liverpul është ndër më të mirët për mua. Pol Pogba duhet të ulet dhe të shikojë veten dhe gabimet që ai ka në qoftë se ai dëshiron të bëhet më i miri.”

Më pas Sounes u pyet dhe se në rast se do të kishte mundësi, kë do të zgjidhte të kishte në ekip midis Pogba dhe Milner dhe skocezi ishte i qartë në përgjigjen e tij.

“Nuk është një pyetje, Milner, çdo ditë të javës. Unë nuk dua të luaj kundër Milner, por me Pogba, është diçka ndryshe. Ai nuk do të më ndalojë, ai të lejon të luash, dhe kjo është diçka që Milner nuk e lejon asnjëherë”, përfundoi skocezi.