Junajtid ka vite që e ndjek 24-vjeçarin. PSG është rivali i klubit ishullor për lojtarin e Lacios. Megjithatë, kërkesa prej 80 milionë eurosh e Igli tares e ka bërë të tërhiqet klubin nga Franca. Junajtid do e paguante pa problem këtë shifër pas largimit të Pogba.

Francezi është me një këmbë jashtë, duke parë edhe deklaratat e Mino Raiolës, që u shpreh po punohet për transferimin e Pogba. Juventus ose Real Madrid janë në garë për yllin francez, me Junajtid që nuk e lëshon pa 150 milionë euro.

55 milionë euro përmban tentativa e parë e klubit nga Franca. Lacio nuk është e kënaqur me këtë shifër dhe synon të përfitojë më shumë. Parisi nuk do të heqë dorë dhe pritet ta ngrejë dorën në mundësinë e dytë që do i jepet. Ndërkohë vetë lojtari është dakordësuar me kalimin te kampionët e Francës.

Tare nuk dëshiron të kapet i papërgatitur dhe ka nisur kërkimet për zëvendësuesin e Milinkoviç. Vlonjati është ndalur në Argjentinë tek emri i Natan Nandez. Mesfushori uruguajan aktivizohet me Boka Zhuniors. Është 23-vjeç dhe luan një rol tepër të madh në sukseset e klubit latin.

Me siguri tani po mallkon ditën dhe telefonatën ku tha “jo”, nëse vërtet ka marrë ofertë aq të çmendur për serbin, i cili këtë sezon ka qenë hije e vetvetes dhe sot bëri gafën e rëndë, tradhtoi ekipin në një moment vendimtar.

Milinkovic-Savic red card ? pic.twitter.com/u2Mee9nWMS

— MJ (@utd_mark) April 20, 2019

Kundër Kievos së rënë nga Seria A, mesfushori mori një karton të kuq absurd duke goditur me shkelm një kundërshtar, ndërsa më pas Kievo përfitoi dhe mori 3 pikët që i shkatërrojnë gjithë shpresat e Lacios për vendin e katërt.

Në mbrëmje Milinkoviç-Saviç është munduar të bëjë paqe me tifozët, duke kërkuar falje me një postim në Instagram.

“Dua t’u kërkoj falje shokëve, tifozëve dhe gjithë popullit lacial. Nuk do ndodhë më, më vjen keq që ndodhi në një moment aq të vështirë, dua ta harroj sa më shpejt. Nuk dorëzohemi, do të luftojmë deri në fund“.

Serbja është e famshme për trajtimin dhe kurimin e dëmtimeve muskulore të futbollistëve, duke përdorur placentën e kalit. Kjo metodë shërimi mund të aplikohet qoftë duke ofruar një masazh në zonën e dëmtuar me placentën e transformuar në një lloj xheli që përmban shumë proteina, ose në formë injeksioni në zonën muskulore, që favorizon ushqyerjen e muskulaturës dhe kockës, duke lënë organikë më të fortë se ato që prodhon trupi i njeriut.

Marijana ka kryer mrekulli më parë, duke shëruar në kohë rekord emra si: Nejmar, Runi, Torres, Maskerano, Van Persi, Stankoviç, Sërna, Akuilani, ndërsa ndihmë tek ajo kanë kërkuar dhe Hamdi Salihi, Liridon Latifi dhe Ilir Berisha. Lacialët Luis Alberto, Milinkoviç-Saviç, Berisha, Durmishi dhe Bastosh kanë udhëtuar drejt Beogradit për të nisur seancat me mjekën e famshme. Lacio luan nesër ndeshjen e kthimit kundër Seviljes në Ligën e Europës.

Ndeshja e parë e zhvilluar në Itali u mbyll me fitoren 0-1 të ekipit andaluzian, ndërsa ekipi i Inzagit do të bëjë maksimumin për të kthyer rezultatin. Një objektiv i vështirë për momentin e ekipit dhe duke marrë parasysh se përballë është ekipi ekspert i këtij kompeticioni.

Igli Tare i është rikthyer për “Sky Sport”, edhe njëherë momentit kur në garë për 23-vjeçarin ishte dhe ekipi viola. Serbi i kishte dhënë fjalën Tares se do të zgjidhtë Lacion, por takoi dhe Fiorentinën, duke dëgjuar ofertën e tyre.

Në fund ai e mbajti fjalën e dhënë dhe kaloi në kryeqytet, ndërsa drejtori sportiv shqiptar do i jetë gjithmonë mirënjohës për një gjë të tillë.

“Në ato minuta isha i sigurt se Milinkoviç-Saviç nuk do të shkonte te Fiorentina, por do të vinte te Lacio. Një natë përpara më mori në telefon dhe më tregoi se do të zgjidhte Lacion, duke më thënë që të qëndroja i qetë. Do t’i jem gjithmonë mirënjohës, sepse ka pak futbollistë që bëjnë diçka të tillë“, thekson Igli Tare.

Megjithatë, tashmë dashuria ka marrë fund dhe po kthehet në urrejtje. Situata te Lacio është kaotike dhe ambienti shumë negativ.

Curva Nord, tribuna e tifozerisë ultras të Lacios, është e zhgënjyer nga paraqitjet e ekipit dhe mbi të gjitha në qendër të kritikave është mesfushori serb, i cili këtë sezon ka luajtur shumë dobët dhe duket se qëndrimi te Lacio është marrë kundër dëshirës së tij.

Në fakt, Milinkoviç Saviç nuk ka thënë kurrë asgjë për ndonjë dëshirë largimi dhe përkundrazi, po bisedon edhe për rinovim kontrate, sipas mediave në Itali.

Gjithsesi, kjo nuk e ka frenuar nervozizmin e tifozëve dhe dje u kalua masa, sepse në tribunë u shfaq një parullë skandaloze dhe injorante: “Milinkoviç cigan”.

Racizëm i pastër ndaj yllit të ekipit, një sjellje absurde dhe e pafalshme, që shkatërron moralisht lojtarin dhe e bën të kërkojë largimin, ndërkohë që Lacio humbet miliona euro, sepse qartësisht klubet që duan mesfushorin nuk ofrojnë më 100 milionë e lart, duke parë momentin delikat të Lacios, që do të detyrohet ta shesë që në janar, para se çmimi të zbresë në shifra qesharake.

Fillimisht ishte Petanja që nuk gaboi nga pika e bardhë e penalltisë në të 38-ën, ndërsa në fraksionin e dytë ishte Bonifazi që me kokë devijoi një top që erdhi nga këndi, për të vulosur rezultatin.

Spali mbeti me 10 lojtarë, kjo pasi portieri Milinkoviç-Saviç u ndëshkua me dy kartonë të verdhë në pak sekonda për protestë dhe vonesë loje ,megjithatë deri në fund nuk do të kishte dyshim rezultati. Pas kësaj humbje, Roma pozicionohet në vendin e gjashtë me 14 pikë, ndërsa Spal vijon ngjitjen dhe tani shkon në kuotën e 12 pikëve.

Siç shkruan “Dailymail”, 55-vjeçari e ka bërë gati listën për lojtarët që do u kërkojë drejtuesve për t’i afruar në merkaton dimërore. Ajo që bie në sy është fakti se në listën janë katër lojtarë ballkanas, më saktë sy serb dhe dy kroat.

Siç u mor vesh dhe më parë njëri prej tyre është lojtari i Lacios, Sërgej Milinkoviç-Saviç, por dhe bashkëkombësi i tij Nikola Milenkoviç është po ashtu nj prej dëshirave të Murinjos. Portugezi do u kërkojë drejtuesve që të afrojnë në skuadër dhe Ante Rebiç si dhe Ivan Perisiç.

Duket mjaft e vështirë që Junajtit të plotësojë kërkesat e trajnerit të tyre, kjo pasi bëhet fjalë për lojtarë që kushtojnë shumë dhe do të jetë mjaft e vështirë për t’i bindur. Mbete për t’u parë nëse kjo situatë mund t’i kthehet në një bumerang, pasi kërkesat duken pak të tepruara.

Luis Nani u aktivizua sezonin e kaluar me Lacion, ndërsa në verë vendosi të rikthehej në Portugali, duke firmosur me Sportingun e Lisbonës, ku është shpallur dhe kapiteni i ekipit. 31-vjeçari nuk e ka harruar eksperiencën me Lacion dhe ka vetëm fjalë të mira për bardhekaltërit.

“Nuk jam penduar që zgjodha ofertën e Lacios dhe iu bëj thirrje kampionëve të zgjedhin Lacion për të luajtur. Sportingu është shtëpia ime. Jam rritur këtu dhe ndjej dashuri për këtë klub. Të gjithë më kanë pritur krahëhapur dhe e kemi nisur sezonin shumë mirë. Lisbona është një qytet fantastik dhe më pëlqen të jetoj këtu. Kam shënuar tre gola decizivë, jemi në krye të tabelës dhe jam shumë i lumtur. Të jesh kapiten i Sportingut është një nder dhe ndjej që mund të jem një shembull për të rinjtë.”

“Lacio? Eksperienca ime me Lacion kishte uljet dhe ngritjet e veta. Do të më kishte pëlqyer të luaja më rregullisht, por nuk pendohem që kalova një sezon në Romë, sepse e adhuroja qytetin dhe kam patur kënaqësinë të shijoja eksperiencën në Seria A. Përfitoj të falënderoj të gjithë lacialët. Faleminderit për dashurinë që më transmetuan. I uroj skuadrës më të mirën në Itali dhe Europa League, për sa kohë që nuk luajnë përballë Sportingut”, përfundon Kampioni i Europës në fuqi me Portugalinë, Luis Nani.

Deklaratat e “dashurisë” së Ronaldos për të kanë shtuar kureshtjen e Marselos për të provuar një aventurë të re dhe për të luajtur përsëri me mikun e tij.

Nga ana tjetër Juventus nuk “dorëzohet” për Milinkoviç-Saviç. Serbi do të qëndrojë te Lacio këtë sezon, madje do të rinovojë dhe kontratën me klubin roman. Një rritje rroge e pret, por nëse ai zhvillon një tjetër sezon pozitiv, bardhezinjtë do të nisnin sulmin për të siguruar shërbimet e mesfushorit në përfundim të sezonit.

I vetmi rrezik është një ofertë e fundit nga Spanja, aty ku merkato mbyllet me datë 31 gusht, por Inzagi po bën planet me të në ekip dhe konfirmon qëndrimin e 23-vjeçarit.

“Milinkoviç-Saviç është një lojtar që e kërkojnë shumë klube të Europës, por ai do të jetë pjesë e jona për këtë sezon. Merkato është e gjatë dhe ekzistonte mundësia e largimit të tij, por kam biseduar me Sergein dhe kam kuptuar që dëshira e tij është e njëjta më atë të klubit. Gjithmonë është stërvitur mirë dhe ka qenë në dispozicion.

Do të jetë një vit i vështirë për të, sepse do i duhet të përsërisë sezonin e kaluar, ashtu si dhe i gjithë ekipi. Kemi një kontigjent të mirë lojtarësh dhe klubi është treguar i aftë në rezistencën për të mbajtur në ekip, jo vetëm Sergein, por edhe Imobilen dhe Luis Alberton”, përfundon timonieri i Lacios.

Në pamundësi për të arritur tek francezi, Juventus po tenton sulmin për Milinkoviç-Saviç. Konkurrenca për mesfushorin serb është e madhe, sepse pas tij janë vënë klube si Mançester Junajtid, Reali i Madridit, por edhe Milani, pavarësisht mohimeve të Leonardos, kërkon shërbimet e tij. Lotito nuk lëkundet nga pretendimet e tij, por bardhezinjtë do të kërkojnë deri në fund akordin me klubin roman për të transferuar serbin në Torino.

Juventus po vështron nga Fiorentina. Kalimi i Pjacës në Firence ka përmirësuar raportet midis klubeve dhe bardhezinjve u pëlqejnë Federiko Kieza dhe Nikola Milenkoviç. Italiani luan si anësor ofensiv, ndërsa serbi si mbrojtës. Të dy lojtarët janë të rinj dhe të talentuar. Akoma nuk i kanë mbushur 21 vjeç dhe shihen si përforcime për të ardhmen e bardhezinjve.

Për “Mediaset”, presidenti Klaudio Lotito ka komentuar situatën me serbin, duke zbuluar se ai nuk ka marrë asnjë ofertë konkrete për 23-vjeçarin, por në të njëjtën kohë ka vendosur dhe një kufi për çmimin e “yllit” të tij.

“Sa është çmimi i Milinkoviç-Saviç? Ju kujtoj që vitin e shkuar refuzova një ofertë prej 110 milion eurosh. Për sa u shit Pogba tek Mançester Junajtid? Për 105 milion euro plus 5 milion të tjera bonos. Pra Milikoviç-Saviç vlen më shumë, pasi ai është shumë më i fortë”.

Pretendimet e Lotitos janë për një shifër afro 150 milion eurosh, por duket e vështirë që kjo dëshirë e tij të realizohet, pasi asnjëra nga skuadrat që kanë shfaqur interes nuk janë të gatshëm që paguajnë kaq shumë.

“Djajtë e kuq” mund të shesin Pol Pogban dhe në të tilla kushte do të kishin ën dorë një shifër prej 100 milion eurosh të gatshme për ta shpenzuar për afrimin e Milinkoviç-Saviç. Pas tyre menjëherë është Real Madrid që po mendon të marrë masa për një largim të mundshëm të Modriç, pasi edhe Kovaçic ka marrë udhën drejt Anglisë.

Në prapaskenë është Juventus që do një tjetër lëvizje të madhe, por dhe “Zonja e Vjetër” është e kushtëzuar, pasi së pari duhet të shesë Pjaniç, për të mos tejkaluar bilancet financiare. Duket shumë e vështirë që Lacio të mbajë lojtarin, por kaq shumë oferta i bëjnë drejtuesit të fërkojnë duart se mund të arkëtojnë një shifër shumë të majme. Kujtojmë që skuadra nga kryeqyteti do minimalisht 120 milion euro për Milinkoviç-Saviç.

Siç citon “As”, Pjaniç i Juventusit, Milinkoviç-Saviç i Lacios, Verrati i PSG dhe De Jong i Ajaksit janë alternativat e Modriç. Mesfushori rikthehet të merkurin në Madrid dhe personi i parë që do të takojë është presidenti i tij, duke sqaruar gjithçka për të ardhmen e tij.

Nëse rrugët e tyre ndahen, Reali do të hidhet në sulm për zëvëndësuesin dhe njëri nga të katër emrat e mësipërm do të zbarkojë në kryeqytetin spanjoll.

Leonardo e pëlqen lojtarin dhe ka gati edhe propozimin për të arritur tek ai. Sikurse raporton gazeta italiane, kuqezinjtë ofrojnë në total plot 120 milionë euro, por jo të gjitha këtë verë.

Momentalisht 40 milionë euro menjëherë, ose 20 milionë plus kartonin e Bonaventurës. Pjesa tjetër, 80 milionë euro, do të jepen verën e ardhshme, në mënyrën që të shmanget dënimi prej UEFA-s për shkelje të rregullave të “Fair Play”-it financiar.

Ndërkohë huazimi do të jetë me të drejtë blerje dhe jo me detyrim blerje, sikurse ndodhi edhe me Gonzalo Higuainin, që u mor nga Juventusi për 18 milionë euro. Nëse Milani e do argjentinasin, pas 1 korrikut të vitit 2019 duhet të paguajë edhe 36 milionë euro.

Gjithashtu ekipin e kanë të fortë, ndaj edhe tani po shohin mundësinë për të bërë ndonjë lëvizje në dalje dhe janë disa lojtarët që mund të shiten. Bentakur, Markizio dhe Sturaro janë lojtarët që mund të largohen nga mesfushorët dhe prej tyre mund të vijnë të ardhura të rëndësishme.

Objektivi mbetet Rabiot i PSG-së, i cili nuk ka rinovuar me francezët dhe rikthehet të jetë një nga dëshirat e merkatos së bardhezinjve. Me të në mesfushë, por edhe me prurjen Emre Çan, si dhe me Pjaniç, Kedira dhe Matuidi, skuadra torineze do të kishte një mesfushë mjaft të fortë. Gjithsesi te Juventusi është koha për të bërë para, sikurse shkruan “Corriere Dello Sport”.